The Latest
وحدت نیوز (بلتستان ) گلگت بلتستان کے ہر دلعزیز عالم دین امام جمعہ و جماعت مرکزی جامع مسجد امامیہ گلگت علامہ آغا راحت حسین الحسینی نے اپنے دورہ بلتستان کے موقع پر سیکرٹری جنرل مجلس وحدت مسلمین پاکستان بلتستان ڈویژن علامہ آغا علی رضوی سے ان کے گھر پر ملاقات کی۔ علامہ آغا علی رضوی نے اپنے احباب سمیت ان کا پرتپاک استقبال کیا، اس موقع پر صوبائی ڈپٹی سیکرٹری جنرل ایم ڈبلیو ایم علامہ آغا مظاہر حسین موسوی سمیت دیگر علمائے کرام بھی موجود تھے۔ اس موقع پر بڑی تعداد میں علاقہ کے جوانوں نے بھی علامہ راحت حسین الحسینی سے ملاقات کی اور ان کو بلتستان کی سرزمین خوش آمدید کہا۔ اس موقع پر علامہ آغا راحت حسین الحسینی نے اپنے خاص رفیق کار سابق سیکرٹری جنرل مجلس وحدت مسلمین بلتستان علامہ شیخ حافظ حسین نوری مرحوم کی قبر پر حاضری دی اور ان کے گھر جا کر اہل خانہ کوتعزیت بھی پیش کی۔
وحدت نیوز (ملتان)مجلس وحدت مسلمین پاکستان ملتان کی ضلعی کابینہ کی تقریب حلف برداری 26اگست بروز اتوار جامع مسجد الحسین نیوملتان میں ہوگی۔ ضلعی ڈپٹی سیکرٹری جنرل سلیم عباس صدیقی نے اسلام ٹائمز سے گفتگو کرتے ہوئے کہا کہ سوموار کو جامع مسجد الحسین (ع)نیو ملتان میں ہونیوالی تقریب میں مجلس وحدت مسلمین کے ڈپٹی سیکرٹری جنرل وترجمان علامہ سید حسن ظفر نقوی خصوصی شرکت کریں گے۔ اُنہوں نے بتایا کہ ابتدائی طور دو ڈپٹی سیکرٹری جنرل نامزد کیے گئے ہیں۔ کابینہ میں سیلم عباس صدیقی، غلام اصغر سومرو، سید شبر رضا زیدی، وسیم عباس زیدی، سید علی رضا، محمد رضا نقوی، سخاوت علی، غلام قاسم خان، سید دلاور عباس سمیت دیگر اراکین شامل ہیں۔
وحدت نیو ز( اسلام آباد) مجلس وحدت مسلمین پنجاب کے ایک نمائندہ وفد نے قومی اسمبلی حلقہ این اے 48اسلام آباد سے کامیاب ہو نے والے تحریک انصاف کے امیدوار اسد عمر کو پھولوں کا گلدستہ پیش کیا ،اور انکی کامیابی پر دلی مبارک باد پیش کی، میں ایم ڈبلیو ایم کے وفد کی قیادت مجلس وحدت مسلمین پنجاب کے ڈپٹی سیکریٹری جنرل علامہ اصغرعسکری نے کی جب کے وفد کے دیگر ارکان میں خیرالعمل فاؤنڈیشن پاکستان کے مرکزی سیکریٹری نثار علی فیضی اور میڈیا کورڈینیٹرحسنین زیدی،ایم ڈبلیو ایم اسلام آباد کے سیکریٹری جنرل ظہیر عباس نقوی، ڈپٹی سیکریٹری جنرل نوید نقوی اور ضلعی ایڈوائزرڈاکٹر اجتبیٰ شامل تھے۔
تفصیلات کے مطابق ضمنی انتخابات میں قومی اسمبلی حلقہ این اے 48اسلام آباد سے کامیاب ہو نے والے ایم ڈبلیو ایم کے حمایت یافتہ پی ٹی آئی کے امیدوار اسد عمر کو مبارک باد دینے کے لیئے مجلس وحدت مسلمین پنجاب کے ایک نمائندہ وفد نے پاکستان تحریک انصاف کے مرکزی سیکریٹریٹ اسلام آباد میں نو منتخب رکن قومی اسمبلی اسد عمرسے ملاقات کی ۔ اس موقع پر مجلس وحدت مسلمین کے وفد نے انہیں کامیابی پر مبارک باد پیش کی اور پھولوں کا گلدستہ پیش کیا۔
علامہ اصغرعسکری نے کہا کہ الحمد اللہ اسلام آباد کے عوام نے آپ پر اعتماد کا اظہار کیا ہے ، آپ کی کوشش ہو نی چاہیئے کہ اپنے حلقے کی عوام کی خدمت کے لئے اپنی تمام تر صلاحیتیں بروئے کار لائیں ،اسلام میں سیاست خدمت خلق خدا کا دوسرا نام ہے ، اور ہماری سیاست کو محور و مقصد عوام الناس کی خدمت ہو نا چاہیئے ، مجلس وحدت مسلمین پاکستان کے استحکام اور بقاء کے لئے پاکستان تحریک انصاف سمیت تمام محب وطن قوتوں کو سپورٹ کر نے کے لئے تیار ہے ۔
تحریک انصاف کے نومنتخب رکن قومی اسمبلی اسد عمر نے مجلس وحدت مسلمین کے وفد کی آمد پر شکریہ ادا کیا ، ان کے لئے نیک خواہشات کا اظہار کیا، اسد عمر کا کہنا تھا کہ تحریک انصاف عدالت اور انصاف کے نعرے سے اٹھی ہے جوکہ ایک مقدس نعرہ ہونے کے ساتھ ساتھ معاشرے کی اہم ضرورت بھی ہے انصاف اور عدالت کے سبب ہی امام علی( ع) کو شہید کیا گیا لہذا تحریک انصاف کے راستے میں بھی بہت سی روکاوٹیں کھڑی کی جاسکتیں ہیں لیکن امیدہے کہ تحریک انصاف ملک میں انصاف کی جدودجہد جاری رکھے گی ۔ ان کا مذید کہنا تھا کہ میری کامیابی میں مجلس وحدت مسلمین کا کردار بھی قابل تعریف ہے ، میں اپنی کامیابی پر ایم ڈبلیو ایم کے قائدین اور کارکنان کا بھی شکریہ ادا کرتا ہوں ۔ انشاء اللہ میری کوشش ہو گی کے تحریک انصاف اور مجلس وحدت کے درمیان رابطے برقرار رہیں ، اور ہم جمہوریت کی بقاء اور عوام کی خدمت کے لئے مشترکہ کو ششیں جاری رکھ سکیں ۔
اس موقع پر پاکستان تحریک انصاف کے میڈیا سیل انچارج چوہدری رضوان ، پرنسپل سیکریٹری عون علی اور اسلام آباد کے صدر عامر مغل بھی موجود تھے ۔
وحدت نیوز ( اسلام آباد ) پاکستان کی تاریخ کے سب سے بڑے ضمنی انتخابات میں قومی اسمبلی کے حلقہ این اے 48اسلام آباد میں مجلس وحدت مسلمین کے حمایت یافتہ پاکستان تحریک انصاف کے امیدوار اسد عمر بھاری اکثریت سے کامیاب قرار پا گئے ہیں ، جب کے قومی اسمبلی حلقہ این اے 1پشاور میں مجلس وحدت مسلمین کے حمایت یافتہ عوامی نیشنل پارٹی کے امیدوار حاجی غلام احمد بلو ر فاتح قرار پا گئے ہیں ۔
تفصیلات کے مطابق گذشتہ روز ملکی تاریخ کے سب سے بڑے ضمنی انتخابات کا انعقاد ہوا جس میں اسلام آباد کے قومی اسمبلی کے حلقہ این اے 48پر کانٹے دار مقابلہ پاکستان تحریک انصاف کے امیدوار اسد عمر اور پاکستان مسلم لیگ (ن) کے امیدوار اشرف گجر کے درمیان دیکھنے میں آیا ،عام انتخابات میں پی ٹی آئی کے مخدو م جاوید ہاشمی این اے 48اسلام آباد کینشست پربھی کامیاب ہو ئے تھے بعدازاں وہ اس نشست سے دستبردار ہو گئے تھے ، انتخابی نتائج کے اختتام پر پی ٹی آئی کے امیدوار اسد عمر فاتح قرار پا ئے اور پی ٹی آئی اپنی نشست دوبارہ حاصل کر نے میں کامیاب ہو گئی۔
دوسری جانب عام انتخابات میں پاکستان تحریک انصاف کے چیئر مین عمران خان کی جانب سے قومی اسمبلی کے حلقہ این اے 1پشاور کی حاصل کردہ نشست سے دستبردار ہو نے کے بعد ضمنی الیکشن میں اس نشست پر عوامی نیشنل پارٹی کے نامزد امیدوار حاجی غلام احمد بلور اور پاکستان تحریک انصاف کے نامزاد امیدوارگل بادشاہ کے درمیان کانٹے دار مقابلہ دیکھنے میں آیااور انتخابی نتائج کے غیر سرکاری غیر حتمی نتائج کے مطابق عوامی نیشنل پارٹی کے نامزد امیدوار حاجی غلام احمد بلور کامیاب قرار پائے ، اوراس طرح پی ٹی آئی اپنی نشست کا دفاع نہ کر سکی۔
واضح رہے کہ اسلام آباد کے حلقہ این اے 48پر کامیاب پاکستان تحریک انصاف کے امیدوار اسد عمر نے گذشتہ دنوں وفد کے ہمراہ مجلس وحدت مسلمین پاکستان کے مرکزی سیکریٹریٹ آکر علامہ اعجاز بہشتی اور علامہ اصغر عسکری سے ملاقات کی تھی اور ضمنی انتخابات میں حمایت کی درخواست کی تھی جسے مجلس وحدت مسلمین کے قائدین نے قبول کر لیا تھا انہیں مکمل سپورٹ کا یقین دلایا تھا ۔
دوسری جانب پشاور میں قومی اسمبلی کے حلقہ این اے 1پر عوامی نیشنل پارٹی کے نامزد امیدوار سابق وفاقی وزیر حاجی غلام احمد بلور نے مجلس وحدت مسلمین کے صوبائی آفس پشاور میں ڈپٹی سیکریٹری جنرل علامہ عبد الحسین الحسینی سے ملاقات میں ضمنی الیکشن میں حمایت کی درخواست کی تھی جس پر علامہ علامہ عبد الحسین الحسینی نے حاجی غلام احمد بلور کی مکمل حمایت کی یقین دہانی کروائی تھی ، اور مجلس وحدت کے کارکنان نے ضمنی الیکشن کے رو ز حاجی غلام احمد بلور کی کامیابی کے لئے بھر پو ر فعالت بھی کی۔
وحدت نیوز (اسلام آباد) مجلس وحدت مسلمین پاکستان کے مرکزی سیکرٹری فلاح بہبود اور مسؤل خیر العمل فاؤنڈیشن پاکستان نثار علی فیضی نے کہا ہے کہ اگر ہم ماضی سے سبق سیکھتے تو سیلاب کے نقصانات کو کم کرنے کے قابل ہوتے، بدقسمتی سے ہمارے حکمران بیانات دینے، تصویریں بنوانے اور ڈونرز کانفرنس منعقد کرنے کے سوا کچھ نہیں کرتے۔ ان خیالات کا اظہار انہوں نے کونسل کے ایگزیکٹو اراکین کے ایک ہنگامی اجلاس سے خطاب کرتے ہوئے کیا۔ انھو ں نے مزید کہا کہ اگر 2010ء کے سیلاب کے بعد ہم نے ڈزاسٹر مینجمنٹ کے حوالے سے کوئی ٹھوس پالیسی بنائی ہوتی تو اس بار سیلاب کے نقصانات کو کم کرنے کے لیے بہتر اقدامات کر پاتے۔ حالیہ سیلاب نے پورے ملک میں ابتک تقریبا 3 لاکھ 96 ہزارا فراد کو متاثر کیا ہے جبکہ 1096 دیہات زیر آب آئے ہیں۔ پورے ملک کو پہلے کی طرح امدادی سرگرمیوں کے لیے آگے آنا ہوگا۔ انہوں نے کہا کہ خیر العمل فاؤنڈیشن کے رضاکار پہلے بھی مشکل گھڑی میں قوم کے ساتھ تھے اور اب انہیں تنہا نہیں چھوڑیں گے۔ انہوں نے کونسل کے دیگر عہداروں سے کہا کہ وہ فی الفور ریلیف کے کاموں کو آگے بڑھایں۔ ان کا کہنا تھا کہ متاثرہ علاقوں میں امداد کی حکمت عملی مرتب کر لی گئی ہے۔
مشہد مقدس کی معروف علمی شخصیت علامہ شیخ حسین نجفی کی وفات پر ایم ڈبلیو ایم کا لواحقین سے اظہار تعزیت
وحدت نیوز (مشہد مقدس ) مجلس وحدت مسلمین (شعبہ مشہد مقدس) کے سیکرٹری جنرل حجتہ الاسلام والمسلمین عقیل حسین خان نے مشہد مقدس کی معروف علمی شخصیت اور بزرگ عالم دین علامہ شیخ حسین نجفی تشکری کی ناگہانی وفات پر کہا ہے کہ ہم مجلس وحدت مسلمین (شعبہ مشہد مقدس) کی جانب سے مرحوم عالم دین کے اہلخانہ اور لواحقین کی خدمت میں تعزیت وتسلیت پیش کرتے ہیں۔ عقیل حسین خان نے مزید کہا کہ بزرگ عالم دین کی وفات پرملال سے پیدا ہونے والا خلاء کبھی پُرنہیں ہوسکتا۔ مرحوم عالم دین انتہائی شفیق اور ملنسار تھے اور طلبائے کرام کی فلاح کے لیے ہمیشہ کوشاں رہتے تھے۔ اُنہوں نے کہا کہ ہماری دعا ہے کہ خدا اُن کے درجات کو بلند کرے۔
وحدت نیوز (لاہور)پاکستان تحریک انصاف کی جانب سے بلدیاتی الیکشن کے غیر جماعتی بنیادوں کرانے کیخلاف لاہور میں آل پارٹیز کانفرنس کا انعقاد کیا گیا، جس میں مختلف سیاسی اور مذہبی جماعتوں کے رہنماؤں نے شرکت کی۔ کانفرنس میں مسلم لیگ نون کی جانب سے پنجاب میں غیر جماعتی بنیادوں پر بلدیاتی انتخابات کرانے کے اعلان کی سخت مخالفت کی گئی۔ کانفرنس میں مجلس وحدت مسلمین پاکستان کی نمائندگی ایم ڈبلیو ایم پنجاب کے ڈپٹی سیکریٹری جنرل علامہ محمد اصغر عسکری نے کی۔ آل پارٹیز کانفرنس میں نون لیگ کے علاوہ تقریباً تمام سیاسی جماعتیں شریک تھیں۔ کانفرنس سے خطاب کرتے ہوئے مجلس وحدت مسلمین پنجاب کے رہنماء علامہ محمد اصغر عسکری نے پارٹی موقف دیتے ہوئے کہا کہ جماعتی بنیادوں پر الیکشن جمہوریت کی روح ہیں، غیر جماعتی بنیادوں پر منتخب ہونے والے لوگ مقتدر حلقوں کے حامی بن جاتے ہیں، اختیارات کی نچلی سطح پر منتقلی اور اختیارات کی تقسیم میں جمہوریت کی مضبوطی ہے۔
انہوں نے کہا جمہوریت کا یہ حسن ہے کہ قانون کی تشکیل میں تمام جماعتوں کی مشاورت شامل ہو اور یہی اصل جمہوری راستہ ہے۔ انہوں نے کہا کہ غیر جماعتی الیکشن عوامی امنگوں کی درست ترجمانی نہیں، ایم ڈبلیو ایم نے اتحاد و وحدت کے حوالے سے بھرپور جدوجہد کی ہے، اگر اپوزیشن جماعتیں اس سلسلے میں کوئی متفقہ احتجاج کا راستہ اپناتی ہیں تو مجلس وحدت مسلمین بھی اس کا حصہ بنے گی۔
وحدت نیوز (اسلام آباد) مجلس وحدت مسلمین کے سیکرٹری سیاسیات ناصر عباس شیرازی نے جماعت اسلامی کے سیکرٹری جنرل لیاقت بلوچ سے ٹیلی فون پر رابطہ کیا ہے اور ان سے مصر کی صورتحال پر تبادلہ خیال کیا ہے۔ ناصر شیرازی کا کہنا تھا کہ ہم ہر ظالم کے مخالف اور ہر مظلوم کے حامی ہیں، مصری عوام پر فوج کشی میں عالمی طاقتوں کا کردار ہے۔ انہوں نے کہا کہ جموریت کو ڈی ریل کرنے، عوام کے قتل عام، مساجد اور مقدس مقامات کی بیحرمتی کی ہر سطح پر مذمت ہونی چاہیے۔ انہوں نے کہا کہ مصر میں ہونے والے جرائم میں وہ تمام ممالک برابر کے شریک ہیں جنہوں نے امریکہ کے ساتھ ملکر فوجی بغاوت کو سپورٹ کیا ہے۔ اس پر لیاقت بلوچ نے کہا کہ ان تمام ایشوز پر ایک ملاقات کی ضرورت ہے، کیونکہ یہ وحدت امت کا مسئلہ ہے، جس پر ہمیں مل بیٹھ کر متفقہ مؤقف اپنا سکتے ہیں۔ دونوں رہنماؤں نے اسلام آباد میں ایک ملاقات کرنے پر اتفاق کیا۔
وحد ت نیوز(کوئٹہ ) فرنٹیئر کور بلوچستان کے عملے نے ملکی تاریخ کی سب سے بڑی اور کامیاب کارروائی کرتے ہوئے صوبائی دارالحکومت سمیت بلوچستان کو بہت بڑی تباہی سے بچا کر 1 لاکھ 4 ہزار 480 کلو گرام دھماکہ خیز مواد، کیمیکل، ریموٹ کنٹرول، خودکش حملے میں استعمال ہونے والی وائر اور دیگر سامان برآمد کرکے قبضے میں لے کر 8 ملزمان کو گرفتار کرلیا۔ فرنٹیئر کور غزہ بند کے کمانڈنٹ کرنل مقبول احمد نے میڈیا سے بات چیت کرتے ہوئے بتایا کہ فرنٹیئر کور کے عملے نے گذشتہ شب 80 ٹن پوٹاشیم کلورائیڈ، امونیم کلورائیڈ قبضے میں لینے کے بعد دوسرے روز بھی کارروائی جاری رکھتے ہوئے سیٹلائٹ ٹاؤن کے علاقے فاروق اعظم چوک کے قریب پلازے میں واقع گودام سے پوٹاشیم کلورائیڈ 35ٹن، امونیم کلورائیڈ 25 ٹن، خودکش حملے میں استعمال ہونے والی بنڈل وائر، سرکٹ وائر 78 بنڈل، ریموٹ کنٹرول آر سی ڈی 36 عدد، امونیم نائٹریٹ 250 کلو، وڈ مل 80 کلو، امونیم پاؤڈر 1535 کلو، مکسچر 1،20ہزار کلو گرام مواد سے تیار کئے گئے 80 ڈرم دیسی ساختہ بم قبضے میں لے لئے۔
انہوں نے بتایا کہ کارروائی میں 1 لاکھ چار ہزار 480 کلو گرام دھماکہ خیز مواد، کیمیکل اور دیگر سامان قبضے میں لے کر 8 ملزمان کو گرفتار کرکے ان سے تفتیش شروع کر دی گئی ہے۔ انہوں نے مزید بتایا کہ قبضے میں لئے گئے مواد سے ہزارہ ٹاؤن جیسے 110 بڑے دھماکے کئے جاسکتے تھے۔ انہوں نے بتایا کہ ہزارہ ٹاؤن میں ہونے والے دھماکے میں 800 کلو وزنی مواد استعمال کیا گیا تھا۔ انہوں نے کہا کہ فرنٹیئر کور کے عملے اور نوجوانوں نے اپنی جانوں پر کھیل کر صوبائی دارالحکومت کوئٹہ سمیت بلوچستان کو بہت بڑی تباہی سے بچایا ہے۔ گذشتہ شب بھی فرنٹیئر کور کے عملے نے کارروائی کرکے مواد قبضے میں لیا تھا۔ گذشتہ دو دنوں کی کارروائیوں کے دوران فرنٹیئر کور کے عملے نے ایک لاکھ 84 ہزار 480 کلو گرام مواد اور کیمیکل، پوٹاشیم کلورائیڈ، امونیم کلورائیڈ قبضے میں لیا ہے اور دو دنوں کے دوران گرفتاریوں کی تعداد 10ہوگئی ہے۔
وحدت نیوز (قم المقدسہ )مجلس وحدت مسلمین کے کراچی سے اُمیدوار صوبائی اسمبلی سید حسن عباس رضوی نے ایک وفد کے ہمراہ قم المقدسہ میں مجلس وحدت مسلمین قم کے دفتر میں مجلس وحدت مسلمین قم کے مسئولین علامہ غلام محمد فخر الدین، مولانا اسد عباس اور دیگر عہدیداران سے ملاقات کی۔ ملاقات میں آقائی فخر الدین نے قم میں مجلس وحدت مسلمین کی فعالیت سے ان کو آگاہ کیا۔ اس موقع پر حسن عباس رضوی نے کہا کہ گزشتہ انتخابات میں قوم نے مجلس وحدت مسلمین کا بھرپور ساتھ دیا ہے اور مجلس وحدت کی وجہ سے قوم کا سر بلند ہوا ہے، ہماری کوشش ہے کہ قوم کی خدمت جاری رکھیں ،آقائی فخرالدین نے ملکی حالات پر تبصرہ کرتے ہوئے موجودہ حکومت کی غلط اور دوہری پالیسی پر تنقید کی اور موجودہ حکومت کی غلط خارجہ پالیسی کو ملکی سلامتی کے لیے انتہائی نقصان دہ قرار دیا اور کہا کہ شام سے آئی ہوئی دہشتگردوں کی لاشیں حکومتی اداروں کے منہ پر طمانچہ ہیں اور بین الاقوامی دہشتگردی میں ملوث ہونے کا عملی ثبوت ہیں، پاکستان دہشت گردوں کا برآمد کندہ ملک بن چکا ہے۔
