وحدت نیوز (کراچی) مجلس وحدت مسلمین کراچی ڈویژن کےڈپٹی سیکرٹری جنرل شہید علامہ آغا آفتاب حیدرجعفری کی دوسری برسی منائی گئی۔ برسی کے سلسلے میں مجلس وحدت مسلمین کے تمام ضلعی اورعلاقائی یونٹ میں مجلس عزااور فاتحہ خوانی کا اہتمام کیا گیا ۔مجالس عزا میں شہید آغا آفتاب حیدر جعفری کی زندگی پر روشی ڈالی گئی اور ان کی ملی و دینی خدمات پرخراج عقیدت پیش کیا گیا۔مختلف یونٹس میں خطاب کرتے ہوئے علامہ عبداللہ مطہری ،علامہ مختار امامی علامہ مبشر حسن ،مولانا نشان حیدر ساجدی ،عالم کربلائی سمیت دیگر رہنماوں نے کہا کہ آغا آفتاب حیدر جعفری کے روشن افکار آج بھی زندہ ہیں۔وہ مظلوموں کے طرفدار تھے۔ ایک طرف وہ شیعہ نوجوانوں کی تعلیم و تربیت پر زور دیا کرتے تھے تو دوسری جانب فلسطینیوں کی حمایت میں پیش پیش تھے۔فلسطینیوں کے حقوق کی حمایت میں اور پاکستان میں شیعہ مسلمانوں کی نسل کشی کے خلاف احتجاج برپا کرنے والے ذاکرین اہل بیت ؑ کی نمائندگی کیا کرتے تھے۔نوجوان طبقہ ان سے خاص انسیت رکھتا تھا۔ان کی انقلابی شخصیت اور سامراج ستیز کردار کی وجہ سے دشمنان دین و ملت کی نظروں میں کھٹکتے تھے۔ان کی حق گوئی اور میدان عمل میں حسینی کردار ادا کرنے پر دشمن بوکھلاگیا تھااور دشمنان دین و ملت کے پاس ان کے دلائل اور منطقی موقف کا کوئی جواب نہیں تھا اسی لئے حق بولنے والی آواز خاموش کرنے کے لئے انہیں بے دردی سے قتل کیا گیا تھا۔دشمنوں کے بغض و کینے کا ثبوت گولیوں کی وہ بوچھاڑ تھی جو قاتلوں کے ہتھیاروں سے درجنوں کی تعداد میں نکلیں۔اور ذاکر اہل بیت آغا آفتاب حیدر جعفری نے سنت حسینی ؑ ادا کرتے ہوئے زخموں سے چور چور ہوکر جام شہادت نوش کیا۔مقررین نے کہا کہ شہید کی یاد منانا بھی کسی اعزاز سے کم نہیں اور فکر شہید علامہ آفتاب حیدر جعفری آج بھی ملت کے درمیان موجود ہے ۔ان کے افکار دیگر ذاکرین و زعمائے ملت کے لئے بھی مشعل راہ ہے۔

وحدت نیوز (کراچی) عشرہ محرم الحرام ایام عزا مجلس و جلوسوں میں تعینات سیکورٹی اہلکار وں کو خراج تحسین پیش کرتے ہیں۔ واہگہ باڈر دہشتگردی اور مساجد و امام بارگاہوں پر دہشتگردی کرنے والی کالعدم جماعت کی حمایت کرنے والی دینی جماعتوں اور مدارس کے خلاف فوری آپریشن کیا جائے ۔، حکومت اورریاستی ادارے شہر کراچی کے مختلف علاقوں میں قائم کالعدم جماعتوں اور ان کی بغل بچہ تنظیموں کے خلاف کاروائی کرئے ۔ عشرہ محرم الحرام کے دوران ٹارگٹ کلنگ کے زریعہ شہید و زخمی ہونے والے عزاداران اور سکیورٹی اہلکاروں کے ورثہ سے اظہارہمدردی ہے ۔ ان خیالات کا اظہار مجلس و حدت مسلمین کے صوبائی سیکر ٹری جنرل علامہ مختار امامی اور ایم ڈبلیو ایم مرکزی عزاداری سیل کے رہنماء علی حسین نقوی نے ایم ڈبلیوایم مرکزی عزاداری سیل کے اجلاس میں خطاب کے دوران کیا ۔اجلاس میں علامہ حسن ہاشمی ،علامہ مبشر حسن ،علامہ علی انور،اصغر عباس زیدی،ڈاکٹر مڈثر حسین،انجینئر رضا نقوی،آصف صفوی اور ایم ڈبلیو ایم عزاداری سیل کرا چی کے ڈسٹرکٹ ذمہ داران نے شر کت کی اجلاس میں ایم ڈبلیو ایم عزاداری سیل کی کارکردگی بلخصوص شہر کے مختلف علاقوں میں عشرہ محرم الحرام کے دوران مجا لس و جلوس عزاء کی سکیورٹی و دیگر امور کامجموعی جا ئزہ لیا گیا۔

 علامہ مختار امامی کا کہنا تھا کہ محرم الحرام میں مجلس و جلوس پر تعینات سیکورٹی اہلکار کو خراج تحسین پیش کرتے ہیں اور کراچی کے مختلف علاقوں بشمول عائشہ منزل آئی آر سی مسجدو امام بارگاہ ،گلستان جوہر مسجد وامام بارگاہ وحدت مسلمین، مسجد وامام بارگاہ مدینتہ العلم نیپا چورنگی پر دہشتگردوں کی جانب سے کیئے جانے والے حملوں کی مذمت کرتے ہیں واقعات میں شہید ہونے والی کم سن بچی بتول زہراء ،سمیت ٹارگٹ کلنگ کا نشانہ بنے والے ایم ڈبلیو ایم کے ہمدرد واجد حسین شاہ اورزخمی ہو نے والے عزاداران اور سکیورٹی اہلکاروں کے اہل خانہ کے غم میں برابر کے شریک ہیں ۔

علامہ مختار امامی نے حکومت سے مطالبہ کیا کہ ان تمام واقعات میں ملو ث دہشت گردوں کی گرفتاری عمل میں لائی جائے اور ان تمام واقعات کی رپورٹ پیش کی جائے اور اس کی تشہیر میڈیا کے زریع عوام تک کی جائے اور ان دہشتگردوں کو سر عام پھانسی دی جائے،آخر میں علامہ مختار امامی نے ایام عزاء کے پہلے عشرہ کے دوران سکیورٹی کے غیر معمولی انتظامات پر حکومت سندھ سمیت تمام سیکورٹی ایجنسی کو خراج تحسین پیش کیا،اور کہاکہ ہم امید کرتے ہیں کہ دوران محرم و صفر مجالس و جلوس عزاء حکومت اور سکیورٹی اداروں کا اسی طرح تعاون جاری ہے گا ۔

وحدت نیوز (ملتان) مجلس وحدت مسلمین ملتان کے رہنمائوں علامہ قاضی نادرحسین علوی، مولانا عمران ظفر، محمد عباس صدیقی نے کہا ہے کہ ملک میں فرقہ وارانہ کوئی مسئلہ نہیں ہے اور اگر کہیں یہ مسئلہ پیدا کیا جاتا ہے تو یہ سارا حکمرانوں، بیوروکریٹس اور بیوروکریسی کا کیا دھرا ہوتا ہے۔ راولپنڈی سمیت ملک کے دیگر حصوں میں مجلس وحدت مسلمین اور آئی ایس او کے کارکنوں کی گرفتاری کی بھرپور مذمت کرتے ہیں، حکومت ان کارکنوں کو فی الفور رہا کرے ورنہ ملک بھر میں احتجاجی تحریک چلائی جائے گی۔ ان خیالات کا اظہار اُنہوں نے ملتان پریس کلب میں مولانا مظہر عباس، فخرنسیم اور حسین بخش بھٹی کے ہمراہ پریس کانفرنس سے خطاب کرتے ہوئے کیا۔ رہنمائوں کا مزید کہنا تھا کہ محرم الحرام اور صفر المظفر میں انتظامیہ عزاداری کو محدود کرنے، مجالس میں رکاوٹیں اور جلوس ہائے کو روکنے کی کوشش کررہی ہے جس کی بھرپورمذمت کرتے ہیں اور حکومت کو متنبہ کرتے ہیں کہ وہ ان ہتھکنڈوں سے باز آجائے کیونکہ عزادری سید الشہداء علیہ السلام ہماری بقاء ہے۔

وحدت نیوز (مانیٹرنگ ڈیسک) حزب اللہ لبنان کے سیکرٹری جنرل سید حسن نصراللہ نے کہا ہے کہ دہشت گردی، قتل و غارت اور خود کش بم دھماکے عزاداری سید الشہداء کو نہیں روک سکتی۔ان کاکہنا تھا کہ حزب اللہ کو یہ اعزاز حاصل ہے کہ حزب اللہ نے بزدل تکفیریوں کا قلع قمع کیا ہے او ر ان بزدل اور ڈرپوک تکفیریوں کو بد ترین شکست سے دوچار کیا ہے، حزب اللہ کے سربراہ سید حسن نصراللہ دسویں محرم الحرام کو یوم عاشورائے حسینی کی مناسبت سے بیروت کے جنوبی علاقے ضاحیہ میں جمع ہونے والے لاکھوں عزاداران امام حسین علیہ السلام سے خطاب فرما رہے تھے۔

حزب اللہ کے سربراہ سید حسن نصر اللہ نے کہا کہ خدا کی قسم !اگر مجھے قتل کر دیا جائے اور آگ میں جلا دیا جائے اور میری راکھ کو اڑا دیا جائے اور یہ عمل میرے ساتھ ایک مرتبہ نہیں ہزار مرتبہ کیا جائے ، میں امام حسین علیہ السلام کو نہیں چھوڑوں گا۔

یوم عاشورا کے موقع پر خطاب کرتے ہوئے حزب اللہ کے سربراہ سید حسن نصر اللہ نے سب سے پہلے عاشورائے حسینی کے موقع پرجمع ہونیوالے لاکھوں عزادارن امام حسین علیہ السلام کا بھرپور تعداد میں جمع ہونے اور شہدائے کربلا کی یا دمیں عزداری بپا کرنے پر شکریہ ادا کیا،واضح رہے کہ محرم الحرام کی دس تاریخ یعنی یوم عاشورائے حسینی کے موقع پر لبنا ن کے جنوبی علاقے ضاحیہ کے الرایہ گراؤنڈ اور اطراف میں لاکھوں کی تعداد میں عزاداران امام حسین علیہ السلام جمع ہوئے ، انہوں نے سروں پر سرخ اور زرد رنگ کی پٹیاں باندھ رکھی تھیں جن پر لبیک یا حسین علیہ السلام کے نعرے آویزاں تھے جبکہ عزاداران امام حسین علیہ السلام نے ہاتھوں میں علم حضرت عباس بلند کر رکھے تھے جن پر یا عباس(ع)، یا زینب(س)، یا حسین(ع) سمیت العجل یا مہدی (عج) کے نعرے بھی آویزاں تھے، لاکھوں کے اس اجتماع میں معصوم بچے، شیر خوار بچوں سمیت، خواتین اور نوجوانوں اور برزگوں کی تعداد شامل تھی جو پیغمبر اکرم حضرت محمد مصطفی (ص) کے نواسے اور جگر گوشہ بتول (سلام اللہ علیہا) جناب حضرت امام حسین علیہ السلام کی عظیم قربانی کہ جسے سنہ61ہجری میں کربلائے معلی کی زمین پر ادا کیا گیا تھا ، اس عظیم قربانی کی یاد منانے کے لئے جمع ہوئے تھے۔

یوم عاشورائے حسینی کی مناسبت سے جمع ہونے والے اس عظیم الشان اجتماع سے خطاب کرتے ہوئے حزب اللہ کے سربراہ سید حسن نصر اللہ نے یوم عاشورا پر لبنان کے کچھ علاقوں میں تکفیری دہشت گردوں کی جانب سے عزاداران امام حسین علیہ السلام پر کئے جانے والے حملوں کی شدید الفاظ میں مذمت کرتے ہوئے کہا کہ تکفیری دہشت گرد بزدل اور ڈر پوک ہیں، حزب اللہ کو یہ اعزاز اورفخر حاصل ہے کہ حزب اللہ نے ان تکفیری دہشت گردوں کو بد ترین اور ذلت آمیز شکست سے دوچار کیا ہے، عزاداروں رپر ہونے والے حملوں کی مناسبت سے سید حسن نصر اللہ نے کہا ہے کہ کوئی بھی چیز یا دہشت گردوں کو ہونے والے حملے اور اس کے نتیجے میں  ہونے والی قتل و غارت ہمیں ابا عبد اللہ الحسین علیہ السلام کی عزاداری اور آپ (ع) سے دور نہیں کر سکتی، اس موقع پر موجود لاکھوں عزاداران امام حسین علیہ السلام حضرت ابا عبد اللہ کا وہ شعار کہ جسے آپ (ع) نے کربلائے معلی میں بلند کیا تھا ، لگا رہے تھے،۔ ’’ھیھات منا الذلۃ‘‘۔

سید حسن نصر اللہ نے شام کے حوالے سے بات چیت کرتے ہوئے اور ان خبروں کی تردید کرتے ہوئے کہ جس میں یہ کہا جا رہاہے کہ حزب اللہ شام سے پسپا ہوئی ہے، سید حسن نصراللہ نے فرمایا ، یہ نوٹ کرنے کی بات ہے کہ شام میں حزب اللہ نے جو مزاحمت کاری انجام دی ہے وہ ایک عظیم فتح ہے، پوری دنیا ایک طرف ہو کر یہ کہتی تھی کہ شام کو شند مہینوں میں تہہ و تیغ کر لیا جائے گا لیکن آج چار برس بیت جانے کے بعد شام پہلے سے زیادہ مضبوط ہے اور تکفیریوں اور ان کے سرپرستوں کی کمر توڑ دی ہے۔
سید حسن نصر اللہ نے کہا ہے کہ تکفیری پورے شام پر اپنا مکمل تسلط اور کنٹرول چاہتے تھے لیکن وہ اس میں ناکام رہے، یہ حزب اللہ کی عظیم کامیابی ہے، اور ہم آخری اور فیصلہ کن کامیابی و فتح کے قریب ہیں۔

سید حسن نصر اللہ نے زور دیتے ہوئے کہا کہ تکفیریوں کا مستبقل نہیں ہے، تکفیری ہر صورت ذلت آمیز شکست سے دوچار ہوں گے، ہمیں فخر ہے کہ ہم تکفیریوں کو مستقبل میں مزید بد ترین شکست سے دوچار کریں گے۔

حزب اللہ کے سربراہ سید حسن نصر اللہ نے مسئلہ فلسطین او ر قبلہ اول کے بارے میں گفتگو کرتے ہوئے کہا کہ القدس (قبلہ اول) خطرے میں ہے اور غاصب اسرائیل مسجد اقصیٰ کو منہدم کرنے کی سازشیں کر رہاہے اور قبلہ اول بیت المقدس کو یہودیانے کی منصوبہ بندی کی جا رہی ہے ،آج وقت کی اہم ترین ضرورت یہ ہے کہ ہر قوم اپنے اختلافات کو بالئے طاق رکھتے ہوئے قبلہ اول کے دفاع کے لئے جد وجہد کرے اور غاصب اسرائیل کے شکنجہ سے آزاد کروایا جائے، انہوں نے کہا کہ یہ کتنی شرمناک بات ہے کہ غاصب ریاست اسرائیل مسلمانوں کے قبلہ اول کی توہین کر رہی ہے اور آئے روز قبلہ اول کے خلاف سنگین جرائم کی مرتکب ہوتی ہے۔انہوں نے مسلم امہ کے مقدس مقامات کی حفاظت کے لئے بھی زور دیا اور پوری مسلم امہ سے اپیل کی کہ اپنے اختلافات کو ترک کرتے ہوئے قبلہ اول کی بازیابی کے لئے اقدامات کریں۔

سید حسن نصر اللہ نے حزب اللہ کی طاقت اور مزاحمت و شجاع کاری کے بارے میں گفتگو کرتے ہوئے کہا کہ حزب اللہ پہلے سے زیادہ طاقتور ہے ، اسرائیل یہ سمجھتا ہے کہ وہ حزب اللہ کو کمزور کر سکتا ہے تو یہ ایک خواب ہے ، انہوں نے کہا کہ اسلامی مزاحمت حزب اللہ تیار ہے اور اگر اسرائیل نے لبنان پر حملہ کرنے کی کوشش کی تو حزب اللہ اس حملے کا بھرپور انداز میں جواب دینے کی پوری صلاحیت رکھتی ہے۔

حزب اللہ کے سربراہ کاکہنا تھا کہ مقبوضہ فلسطین پر غاصب اسرائیل کی تمام تر تنصیبات حزب اللہ کے راکٹوں اور میزائلوں کے نشانے پر ہیں اور اب غاصب اسرائیل کو اپنے تمام ائیر پورٹس ، اور اہم مقامات کو بند کرنا پڑے گا ۔

سید حسن نصر اللہ نے کہا کہ اسرائیل اب لبنان پر حملہ نہیں کر سکتا کیونکہ وہ جانتا ہے کہ حزب اللہ پہلے سے زیادہ باصلاحیت اور طاقتور ہونے کے ساتھ ساتھ اسرائیل کے کسی بھی حملے اور جنگ کا جواب دینے کے لئے ہر وقت تیار ہے۔

اس موقع پر عزاداران امام حسین علیہ السلام نے لبیک یا حسین علیہ السلام ، لبیک یا نصر اللہ، مردہ باد امریکہ، اسرائیل مردہ باد سمیت ھیھیات مناالذلۃ کے فلک شگاف نعرے بلند کئے۔