The Latest
وحدت نیوز(اسلام آباد) تحریک جعفریہ پاکستان کی بحالی کے فیصلے نے ثابت کر دیا کہ ملت تشیع کا دہشت گردی اور انتہا پسندی سے کوئی تعلق نہیں، ملت جعفریہ کو ایک سازش کے تحت دیوار سے لگانے کی کوشش کی گئی، تاریخ گواہ ہے کہ اس ملت کے غیور بیٹے وطن عزیز کے لئے قیام پاکستان سے لے کر اب تک اپنے جان و مال کی قربانی دیتے رہے لیکن پاکستان کیخلاف کسی بھی سازش کا حصہ نہیں بنے۔ ان خیالات کا اظہار مجلس وحدت مسلمین پاکستان کے مرکزی سیکرٹری اطلاعات سید مہدی شاہ نے کارکنوں سے خطاب کرتے ہوئے کیا۔ انہوں نے کہا کہ پاکستان میں ریاستی اداروں نے شدت پسندوں کو پنپنے کا موقعہ دیا اور آج یہی گروہ پاکستان کی سلامتی کے لئے سب سے بڑا خطرہ بنا ہوا ہے جن کے روابط براہ راست را، موساد اور سی آئی اے جیسی پاکستان دشمن ایجنسیوں سے ہیں۔ انہوں نے کہا کہ آج انہی تکفیریوں کے ہاتھوں افواج پاکستان سمیت سول سوسائٹی اور بے گناہ مسلمان کا قتل عام جاری ہے۔
سید مہدی شاہ نے کہا کہ پاکستان کے خارجی دشمن انہی دہشت گرد گروہوں کے ذریعے ہمارے سلامتی کے درپے ہیں، آج بین الاقوامی دہشت گرد اور مسلمانوں کے قاتل گروہ ’’داعش‘‘ کی تشہیری مہم چلا کر یہی دہشت گرد اُن کو پاکستان میں خوش آمدید کہہ رہے ہیں، ہمارے ملک کا المیہ یہ رہا ہے کہ یہاں امریکیوں اور عربوں کے مفادات کی تحفظ کے لئے ہر حکمران ملکی سلامتی کو داو پر لگا دیتا ہے لیکن کبھی بھی پاکستان کے مفاد کے لئے نہیں سوچتا۔ انہوں نے کہا کہ وقت کا تقاضا ہے کہ پاکستان کی سلامتی اور بقا کے لئے ان دہشت گردوں کے سرپرستوں سے ناطہ توڑیں اور خارجہ پالیسی کو ازسر نو ترتیب دیں، تاکہ پاکستان کے ماتھے سے دہشت گردی کے یہ بدنما داغ مٹ سکیں۔
وحدت نیوز (مانٹرنگ ڈیسک) اہل بیت (ع) نیوز ایجنسی، ابنا کی رپورٹ کے مطابق آیت اللہ العظمیٰ بشیر نجفی جو چند روز قبل طبی معائنے کے لیے نجف اشرف سے لبنان کے دار الحکومت بیروت پہنچے ہیں، بیروت کے ایک ہسپتال میں داخل ہو گئے ہیں۔ انہوں نے اپنے اس سفر میں لبنان کی مختلف دینی اور سیاسی شخصیتوں سے ملاقاتیں بھی کیں۔ رپورٹ کے مطابق انہوں نے گزشتہ روز جنوبی لبنان کے شہر جباع میں شیعہ مسلمانوں کی اسلامی اعلی کونسل کے نائب صدر شیخ عبد الامیر قبلان، حزب اللہ کے کمانڈر شیخ محمد جمعہ اور دیگر علماء و فضلا سے ملاقاتیں کیں۔ رپورٹ کے مطابق حزب اللہ کے قائد سید حسن نصراللہ نے مرجع دینی آیۃ اللہ شیخ حافظ بشیر حسین النجفی کے لبنان میں موجود دفتر میں ان کی عیادت کی ہے۔ ذرائع کا کہنا ہے اس دوران سید حسن نصر اللہ نے آیۃ اللہ بشیر نجفی کے ساتھ بالعموم پورے خطے کے اور خاص طور سے عراق اور لبنان میں مسلمانوں کے مختلف امور کے بارے میں تبادلہ خیال کیا۔
وحدت نیوز (حیدرآباد) سندھ بهر میں انتظامیہ کی طرف سے دشتگردوں کو آزادی اور امن پسند محب وطن مومنین کے اوپر جهوٹی ایف آئی آر کاٹی جاری ہیں ،جس کی مثال سکهر میں ضلعی سیکرٹری چوہدری اظہر حسن اور 200 عزاداروں کے خلاف ، شکارپور میں ضلعی سیکرٹری اور 300 عزاداروں کے خلاف اور بدین میں مرکزی سیکرٹری تنظیم سازی یعقوب حسینی اور 52 عزاداروں کے خلاف جهوٹی ایف آئی آرکاٹی گئی ہے. اس ظلم کے خلاف جمعہ کے روز احتجاج کیا جائے گا اورگو آئی.جی. سندھ پولیس گو کی مہم چلائی جائے گی ، ان خیالات کا اظہارمجلس وحدت مسلمین صوبہ سندھ کے ڈپٹی سیکریٹری جنرل عالم کربلائی نے صوبائی سیکرٹریٹ سے جاری اپنے ایک بیان میں کیا، ان کا کہنا تھا کہ پیپلز پارٹی مسلسل کالعدم جماعتوں کو سندھ کی سرزمین پر تحفظ فراہم کر رہی ہے، جس کی تازہ مثال علامہ شفقت عباس مطہری کے قاتلوں کی نامزدگی کے باوجود عدم گرفتاری ہے، جبکہ دوسری جانب قاتلوں کی گرفتاری کا مطالبہ کرنے والے پر امن ایم ڈبلیوایم کے عہدیداران اور کارکنان سمیت عزاداروں کے خلاف جھوٹے کیس بنا کر ایف آر کاٹی جارہی ہے جس کی ہم پر زور مذمت کرتے ہیں ، انہوں نے اعلان کیا کہ اگر جھوٹی ایف آرواپس نہیں لیں گئیں تو سندھ بھر میں گو آئی جی پولیس گو مہم کا آغاز کر دیا جائے گا۔
وحدت نیوز (مظفرآباد) سید الساجدین ؑ کا یوم شہادت، ظالم کے مقابلے میں مظلوم کی مکمل سیرت ہمیں آئین زندگی دیتی ہے ، امام علی زین العابدین ؑ کا کردار ہمارے لیئے مشعل راہ ہے، خدا کی اتنی عبادت کہ آپ کو عابدوں کی زینت، سجدے کرنے والوں کا سردا کہا جاتا ہے، بعد از سید الشہداء ؑ کا آپ کی حیات طیبہ میں بہت مصائب و آلام آئے مگر جسطرح آپ ؑ نے مقابلہ کیا، آئینہ تاریخ میں اس طرح کی مثال نہیں ملتی ۔ان خیالات کا اظہار مجلس وحدت مسلمین آزاد جموں و کشمیر کے سیکرٹری روابط و آفس مولانا سید حمید حسین نقوی نے امام علی ؑ زین العابدین کے یوم شہادت کے موقع پر وحدت سیکرٹریٹ سے جاری اپنے ایک پیغام میں کیا ، انہوں نے کہا کہ آج مشکلات کا دور ہے، آج امت مسلمہ مصائب و آلام سے گھری ہوئی ہے، آج معصوم جانوں کو بے دردی سے قتل کر دیا جاتا ہے، آج اسلام کے نام پر اسلام کے نام نہاد نام لیوا مسلمانوں کی زندگیوں سے کھلواڑ کر رہے ہیں ، بالکل اپنے پیشرو یزید کی طرح ، اس دور میں ضروری ہے کہ سید سجادؑ کی سیرت طیبہ پر عمل کرتے ہوئے ظالم کے مقابلے میں نکلنا ہو گا، امت مسلمہ کو سینہ سپر ہونا ہوگا، اتحاد و اتفاق سے دشمن کی سازشوں کو سمجھنا ہو گا، سید سجاد ؑ کی سیرت پر عمل کر کے ہم مشکلات و مصائب کا مقابلہ کر سکتے ہیں ۔ اس وقت کہ جب سید سجاد ؑ پر ظلم کے پہاڑ توڑے گئے، آپ قیدیوں کے قافلے کے سالار تھے، مگر جس صبر و استقامت سے آپ ؑ نے ظالم کا مقابلہ کیا اس کی مثال ہمیں نہیں ملتی، آپ ؑ کے خطبات ، دعا و مناجات کا مطالعہ سے معلوم ہوتا ہے کہ کس طرح سے آپ نے دین محمدیؐ کا دفاع کیا۔ سیرت سید سجادؑ پر عمل ہماری بقاء و ہماری حیات ہے۔
وحدت نیوز(میرپورآزاد کشمیر) یونین آف جرنلسٹ آزاد جموں وکشمیر کے سابق صدر ، مجلس وحدت مسلمین آزاد جموں و کشمیر کے ایڈیشنل سیکرٹری جنرل سید سرفراز حسین کاظمی کی ہمشیرہ ، سپریڈینٹ جیل سید یاسر کاظمی کی پھوپھی محترمہ انتقال کر گئیں ، ان کے انتقال پرملال پرپسماندگان سے اظہار تعزیت کرتے ہیں۔ان خیالات کا اظہار مجلس وحدت مسلمین آزاد جموں وکشمیر کے سیکرٹری جنرل علامہ سید تصور حسین نقوی الجوادی، سیکرٹری جنرل ضلع مظفرآباد مولانا سید طالب حسین ہمدانی، سیکرٹری جنرل ضلع ہٹیاں بالا ڈاکٹر سید عارف کاظمی، سیکرٹری جنرل ضلع باغ سید عبادت کاظمی، سیکرٹری جنرل ضلع کوٹلی سید طاہر بخاری، سیکرٹری جنرل ضلع میرپور سید ناظر عباس، سیکرٹری جنرل ضلع نیلم سید ظاہر حسین نقوی نے مشترکہ تعزیتی بیان میں کیا ، انہوں نے کہا کہ ہم سرفراز کاظمی صاحب و پسماندگان سے اظہار تعزیت کرتے ہیں اور بلندی درجات و پسماندگان کے صبر جمیل کے لیئے دعا گو ہیں ۔
مجلس وحدت کی جانب سےآغا علی رضوی نے بلتستان کی تحصیل روندو میں واٹر سپلائی پروجیکٹ کا افتتاح کر دیا
وحدت نیوز (روندو) مجلس وحدت مسلمین پاکستان بلتستان ڈویژن کی جانب سے تحصیل روندو علاقہ طورمک میں واٹر سپلائی پروجیکٹ کی منصوبہ بندی کے بعد باقاعدہ کام کا آغاز ہوا۔ ایم ڈبلیوایم پاکستان کے فلاحی ادارہ خیرالعمل فاونڈیشن کے زیراہتمام شروع ہونے والے منصوبہ پر لاکھوں کی لاگت آئے گی اور اس منصوبہ سے طورمک کے پانچ سو سے زائد گھرانے کے لیے پینے کا صاف پانی مہیا ہوگا۔ واٹر سپلائی پروجیکٹ کی افتتاحی تقریب کے موقع پر روندو کے علماء کرام جن میں شیخ رضا بہشتی، علامہ سید احمد شاہ اور علامہ آغا اکبر شاہ کے علاوہ روندو کے عمائدین اور عوام کی کثیر تعداد موجود تھی۔ اس موقع پر مقامی علماء اور عوام نے سیکرٹری جنرل ایم ڈبلیو ایم پاکستان کے رہنما اور تمام مسئولین کا شکریہ کیا کہ انہوں نے روندو کی عوام کے اس دیرینہ مطالبے کو حل کیا اور عوام کی ایک بڑی تعداد کو پینے کے صاف پانی کی فراہمی کے لیے لاکھوں روپے کی لاگت پر مشتمل پروجیکٹ کا آغاز کیا۔ اس موقع علامہ آغا علی رضوی نے کہا کہ بلتستان کی محروم اور پسماندہ عوام کے مسائل کو حل کرنے کے لیے مجلس وحدت مسلسل جدوجہد کرتی رہے گی۔
وحدت نیوز(ملتان) مجلس وحدت مسلمین پاکستان پنجاب کے ڈپٹی سیکرٹری جنرل علامہ سید اقتدار حسین نقوی نے پاکستان تحریک انصاف کے سابق صدر مخدوم جاوید ہاشمی سے اُن کی بہن کی وفات پر تعزیت کی۔ ایم ڈبلیو ایم کے وفد میں ملتان کے ڈپٹی سیکرٹری جنرل سلیم عباس صدیقی، جنوبی پنجاب کے میڈیاکوارڈینیٹر ثقلین نقوی، سیکرٹری سیاسیات مہرسخاوت، سید شبررضا زیدی اور وسیم زیدی شامل تھے۔ رہنمائوں نے جاوید ہاشمی سے اظہارتعزیت کرتے مرحومہ کے بلندی درجات کے لیے دعا کی۔ اس موقع پر مخدوم جاوید ہاشمی نے ایم ڈبلیو ایم کے وفد کا شکریہ ادا کیا۔
وحدت نیوز (پشاور) مجلس وحدت مسلمین صوبہ خیبر پختون خوا کے ڈپٹی سیکرٹری جنرل علامہ سید وحید کاظمی نے پولیس کانسٹیبل راشد علی کی ظالمانہ قتل کی مذمت کرتے ہوئے کہا کہ تحریک انصاف حکومت اور پولیس افسران ہمیں صرف تسلیاں نہ دیں دہشت گردوں کے خلاف عملی کاروائی کرے آئی جی ناصیر دورانی صاحب بتائے پشاور میں آپریشن کس کے خلاف ہو رہا ہے پشاور میں تو کوئی ٹارگٹ کلنگ نہیں روکی انہوں نے کہاکہ پشاور کے معصوم اور بیگناہ عوام کو دہشت گردوں کے رحم و کرم پر چھوڑا گیا ہے جو کسی المیہ سے کم نہیں۔ دہشت گرد آزاد پھر رہے ہیں اور معصوم، بیگناہ ملک و ملت سے وفادار شہریوں کو اپنے سفاکیت کا نشانہ بنا رہے ہیں جبکہ حکومت خاموش تماشائی کا کردار ادا کررہی ہے۔ جس کی ہم پرزور مذمت کرتے ہیں۔ انہوں نے کہا کہ حکومت نے اپنے بیرونی آقاوں کے ایما پر ان دہشتگرد تکفیری گروہوں کو کھلی چھوٹ دے رکھی ہے تاکہ یہ شیطانی عناصر اتحاد بین المسلمین کو پارا پارا کرنے کی مذموم سازشوں پر عمل پیرا ہو کر اسلام اور پاکستان کے خلاف کاروائیاں کریں۔ جس کا نقصان گذشتہ ساڑھے تین دہائیوں سے پاکستان کے عوام مشاہدہ کررہے ہیں، کہ کس درد و کرب میں سے گزرتے ہوئے پاکستانی عوام کی اکثریت غربت کی لکیر سے نیچے زندگی گزارنے پر مجبور ہے۔ پاکستان کی نام نہاد جمہوری حکومت عوام کو بیرونی سازشوں کا شکار کرکے دست و گریباں کیے ہوئے ہے۔اس موقع پر محرم کمیٹی کے سیکرٹری جنرل مظفر علی خونزادہ نے راشید علی کی شہادت کی مذمت کرتے ہوئے کہا کہ ہم نے حکومت کے سامنے مطالبات رکھے ہیں ان پر کوئی عمل درآمد نہ ہوا تو ہم احتجاج کا حق محفوظ رکھتے ہیں۔ علامہ سید وحید کاظمی نے مطالبہ کیا کہ پشاور میں محرم کے دوران شہید ہونے والے قاتلوں کو گرفتار کرے اور دہشت گردوں کے خلاف فوجی آپریشن کا دائرہ پشاور تک پھیلایا جائے۔
وحدت نیوز(کراچی ) مجلس وحدت مسلمین پاکستان صوبہ سندھ کے سیکرٹری جنرل علامہ مختاراحمدامامی نے کہا ہے کہ شکارپور میں مولانا شفقت عباس سولنگی کے قاتلوں کی عدم گرفتاری سندھ حکومت کی جانب سے دہشت گردوں کی سرپرستی کا منہ بولتا ثبوت ہے، پیپلز پارٹی کے وزراء سندھ بھر میں کالعدم تکفیری جماعتوں سمیت داعش کی سرپرستی کررہے ہیں، مولانا شفقت عباس سولنگی کی شہادت کیخلاف احتجاج کرنے والے پر امن مظاہرین پربلاجواز بدترین شیلنگ کی مذمت کرتے ہیں، بے گناہ گرفتار کئے جانے والے 8افراد کو فی الفور رہا کیا جائے، پر امن احتجاج کو جرم بنا کر درج کی جانے والی ایم ڈبلیوایم ضلع سکھر کے سیکریٹری جنرل چوہدری اظہر حسن سمیت ۳۰نامزد اور ۲۰۰ نامعلوم کارکنان کے خلاف درج آیف آئی آر فوری طور پر خارج کی جائے۔ ان خیالات کا اظہار انہوں نے وحدت ہاؤس سے میڈیا کو جاری ایک بیان میں کیا۔ علامہ مختار امامی کا کہنا تھا کہ شکار پور میں مولانا شفقت عباس سولنگی کے قاتلوں کی عدم گرفتاری کیخلاف احتجاج کرنے والے پر امن مظاہرین پر طاقت کااستعمال ریاستی دہشتگردی ہے،پیپلز پارٹی کے ریاستی جبر کی مذمت کرتے ہیں۔ انہوں نے مزیدکہا کہ ایسا لگتا ہے کہ قائم علی شاہ نے اپنی جماعت کے خلاف اعلان بغاوت کردیا ہے جبھی وہ اپنے پارٹی قائد کے بیانات کیخلاف عمل کررہے ہیں، ایک طرف تو بلاول زرداری سندھ میں داعش کی موجودگی ککا اعتراف کررہے ہیں تو دوسری طرف پیپلز پارٹی کے حکومتی وزراء کالعدم جماعتوں سمیت داعش کی سرپرستی کررہے ہیں۔ علامہ مختار امامی نے آرمی چیف جنرل راحیل شریف اور چیف جسٹس آف پاکستان ناصر الملک سے مطالبہ کیا کہ سندھ بھر میں جاری شیعہ نسل کشی کا فوری نوٹس لیں اور قلندر کی سرزمین کو کالعدم جماعتوں سمیت داعش کے دہشت گردوں سے نجات دینے کیلئے اپنی توانائیاں بروئے کار لائیں۔
وحدت نیوز (ہنزہ نگر) مجلس وحدت مسلمین گلگت بلتستان ضلع ہنزہ نگر کی کابینہ نے اپنے عہدوں کا حلف اٹھا لیا ہے، تقریب حلف برداری میں مہمان خصوصی سربراہ مجلس وحدت مسلمین علامہ ناصرعباس جعفری تھے،علامہ ناصرعباس جعفری نے اراکین کابینہ کے ناموں کے اعلان اور تعارف کے بعد کہا کہ ایم ڈبلیوایم ہنزہ نگر کے نومنتخب کابینہ ملک بھر میں امتیازی حیثیت کی حامل ہے، چونکہ اس کابینہ کے ۱۰میں سے ۹ کارکن ماسٹرز ڈگری ہولڈر جبکہ ایک رکن پی ایچ ڈی فائنل ایئر کا اسٹوڈنٹ ہے، خطہ گلگت بلتستان کو اس کے حقوق کا حصول اپ جیسے پڑھے لکھے جوانوں کی قیادت میں ہی ممکن ہے، جبکہ نومنتخب اراکین کابینہ سے ڈویژنل سیکریٹری جنرل علامہ شیخ محمد بلال ثمائری نے حلف لیا، اس موقع پر ایم ڈبلیوایم کے صوبائی سیکریٹری جنرل علامہ شیخ نیئر عباس مصطفوی، علامہ شیخ شہادت حسین ، علامہ جعفر موسوی ، علامہ عابد بہشتی ، علامہ شیخ موسی کریمی ،غلام عباس، سعید الحسنین، عارف قنبری اور الیاس صدیقی بھی موجود تھے، ضلعی سیکریٹری جنرل علامہ شیخ موسی کریمی نے مرکزی و صوبائی قائدین کو علاقائی مسائل سے بھی آگاہ کیا، انہوں نے ایک پرائمری اسکول، مرکزی مسجد کی توسیع و تعمیر اور ایک پارٹی آفس کے قیام کی درخواست کی، جس پر علامہ ناصر عباس جعفری نے فوری طور پر اسکول اور آفس کے قیام کی ہدایات جاری کیں ، جبکہ جلد مسجد کی توسیع اور تعمیر کی بھی یقین دہانی کروائی۔
