The Latest
وحدت نیوز(چنیوٹ)مرکزی صدرمجلس وحدت مسلمین وومن ونگ سیدہ معصومہ نقوی کی جامعہ بعثت میں منعقدہ بیس جمادی الثانی کے سالانہ جشن میں شرکت اور خطاب،ایم ڈبلیو ایم شعبہ خواتین کی مرکزی صدر محترمہ سیدہ معصومہ نقوی نے جامعہ بعثت رجوعہ سادات میں منعقدہ بیس جمادی الثانی یوم ولادت حضرت فاطمۃ الزہرا سلام اللہ علیھا کے سالانہ عظیم الشان خواتین کے اجتماع سے خطاب کرتے ہوئے کہا کہ جناب سیدہ فاطمۃ الزہرا سلام اللہ علیھا کی سیرت میں ہمیں اپنے حق کے دفاع کے لیے ہر طرح کے ظلم و ستم کا مقابلہ کرنے کا درس ملتا ہے کہ جس طرح بی بی دو عالم اپنے حق سے ذرہ برابر پیچھے نہ ہٹیں اور آواز بلند کی ، آج ملت فلسطین بھی اپنی جاگیر پر غیروں کے تسلط کو ذرہ برابر برداشت نہیں کر رہی
انہوں نے کہا کہ فلسطینی قوم اپنے حق کے دفاع کے لئے استقامت کے ساتھ کھڑی ھے اور اس حریت و سر بلندی کے راستے میں ہر قسم کی قربانی کے لئے تیار ہے، یہاں تک کہ ایک دن حق کا غلبہ ہوگا اور باطل قوتیں پاش پاش ہوجائیں گی ۔ خطاب کے آخر میں نو سال کی بچیوں میں شعبہ خواتین کی جانب سے عبا ھدیہ کی گئی ۔
وحدت نیوز(اسلام آباد)وحدت یوتھ ونگ پاکستان راولپنڈی ڈویژن کے زیرِ اہتمام جامعہ امام الصادق جی نائن ٹو اسلام آباد میں فاطمی جوانوں کے لئے شب بیداری بعنوان "انتظار فرج" کا انعقاد کیا گیا جس میں راولپنڈی اسلام آباد کے جوان شریک تھے پہلی نشست کا آغاز بعد از نماز مغربین تعارفی نشست سے کیا گیا نشست سے مرکزی ڈپٹی جنرل سیکرٹری وحدت یوتھ برادر یاور علی کاظمی نے خطاب کیا ۔
دوسری نشست سے مرکزی سیکرٹری تعلیم مجلس وحدت مسلمین پاکستان برادر عارف علی جانی نے حالات حاضرہ کے موضوع پر جوانوں سے خطاب کیا تیسری نشست سے مولانا شریف نفیس نے جوانوں کی معاشرے میں اہم زمہ داریوں کے موضوع پر گفتگو کی اور چوتھی نشست سے ڈاکٹر علامہ محمد اشفاق نے تفسیر قرآن کے موضوع پر جوانوں سے گفتگو کی۔
بعد از نشست جوانوں کے لئے خصوصی ریفریشمنٹ کا اہتمام کیا گیا تھا پانچویں نشست سے ڈاکٹر علامہ محمد اشفاق نے گفتگو کی نشست کے بعد دعا و عزاداری کی سعادت مولانا شریف نفیس نے حاصل کی اس کے بعد شب بیداری میں شریک جوانوں نے نماز شب ادا کی اور نماز فجر باجماعت ادا کرنے کے بعد ناشتہ کروایا گیا۔
وحدت نیوز(ملتان) وحدت یوتھ پاکستان ملتان ڈویژن کے زیراہتمام بانی پاکستان قائداعظم محمد علی کے یوم پیدائش کے موقع پر پُروقار تقریب کا اہتمام کیا گیا، قائد ڈے کے موقع پر بانی پاکستان کی سالگرہ کی مناسبت سے کیک کاٹا گیا اور قائداعظم کے ایصال ثواب کے لیے فاتحہ خوانی کی گئی۔ اس موقع پر نائب صدر حسن عباس گھلو، ڈویژنل جنرل سیکرٹری تیمور حسن، ڈپٹی جنرل سیکرٹری جمشید عباس، سیکرٹری میڈیا احسن مہدی و دیگر شریک تھے۔
اس موقع پر خطاب کرتے ہوئے ڈویژنل نائب صدر کا کہنا تھا کہ بدقسمتی کے ساتھ آج بانی پاکستان کے فرمودات سے روگردانی کی جارہی ہے، ہم اس ملک کے باوفا بیٹے ہیں اور ہم بانی پاکستان کے فرمودات کی نفی کرنے والوں کا محاسبہ کریں گے، یہ ملک کسی معمولی قربانی سے وجود میں نہیں آیا بانی پاکستان اور شاعر مشرق ہمارے محسن ہیں لیکن موجودہ حکمرانوں کے حالیہ بیانات افسوسناک ہیں۔
وحدت نیوز(کوئٹہ)چیئرمین مجلس وحدت مسلمین پاکستان علامہ راجہ ناصر عباس جعفری حفظہ اللہ سےایم ڈبلیوایم وومن ونگ ہزارہ ٹاون کی اراکین نےوحدت ہاؤس ہزارہ ٹاؤن میں ملاقات کی اور اہم تنظیمی امور پر گفتگو کی۔
چیئرمین ایم ڈبلیوایم پاکستان علامہ راجہ ناصر عبا س جعفری نے وومن ونگ ہزارہ ٹاون کی اراکین کی کارکردگی کو سراہا اور تمام خواہران کی کامیابی کےلیے نیک خواہشات کا بھی اظہار کیا۔
اس نشست میں وائس چیئرمین ایم ڈبلیو ایم علامہ سید احمد اقبال رضوی ، مرکزی جنرل سیکرٹری سید ناصر عباس شیرازی، صوبائی صدر علامہ سید ظفر عباس شمسی، جعفر علی جعفری اور سید ابراہیم آغا صدر ضلع ہزارہ ٹاون بھی موجودتھے۔
وحدت نیوز(کراچی)ایم ڈبلیو ایم شعبہ خواتین کے کاروان کریمہ اہلبیت نے اپنے تربیتی سفر کا آغاز کراچی سے کیا گزشتہ برس کی طرح اس سال بھی مرکزی صدر مجلس وحدت مسلمین شعبہ خواتین کی قیادت میں ایم ڈبلیو ایم شعبہ خواتین کے اضلاع و تحصیل کی عہدیداران سمیت دیگر خواتین کا قافلہ ایران کے سفر پر گامزن ہے یہ کاروان اس وقت کراچی میں موکب امام حسین علیہ السلام میں مقیم ہے ایم ڈبلیو ایم شعبہ خواتین کی جانب سے اس کاروان کے لیے ہر قیام پر تربیتی و علمی دروس کا اہتمام کیا گیا ہے ۔
موکب امام حسین علیہ سلام میں تربیتی لیکچرز کا آغاز مولانا سید نقی ہاشمی کے درس سے ہوا جنھوں نے حالات حاضرہ فلسطین اور اہل تشیع پر بہترین تبصرہ کیا ۔انہوں نے کہا کہ مسئلہ فلسطین پر انسانی دل رکھنے والی اقوام ہی سامنے آئیں ہیں ایسا میں پہلی بار ہوا کہ دنیا مقاومت کے موضوع سے آگاہ ہوئی ہے۔ایم ڈبلیو ایم صوبہ سندھ کےصدر علامہ سید باقر عباس زیدی نے زیارت کے موضوع پر خطاب کیاجس میں انہوں نے زیارت کی فضیلت اور اہمیت پر روشنی ڈالی ۔
پرنسپل جامعہ بعثت آقا مہدی کاظمی صاحب نے درس عقائد میں عقیدہ توحید کے موضوع پر گفتگو کی جس میں انہوں نے خدا کے وجود پہ روشنی ڈالی نیز مولائے کائنات کے فرمان من عرف نفسہ فقد عرف ربہ کی مثالوں کے ساتھ وضاحت کی آخر میں محترمہ معصومہ نقوی مرکزی صدر مجلسِ وحدت مسلمین شعبہ خواتین نے شناخت احکام اور احکام کی شرائط پر مفصل درس دیا۔
وحدت نیوز(ملتان) مجلس وحدت مسلمین شعبہ یوتھ کے مرکزی صدر علامہ تصور مہدی نے ملتان میں کامیاب آزادی فلسطین مارچ کے اختتام پر مرزا وجاہت علی کو وحدت یوتھ پاکستان کا مرکزی ڈپٹی جنرل سیکرٹری نامزد کردیا ہے، مرزا وجاہت علی اس سے قبل مجلس وحدت مسلمین ملتان کے ضلعی صدر، عزاداری ونگ جنوبی پنجاب کے صوبائی نائب صدر رہ چکے ہیں، ملتان میں اربعین واک کے بانیان میں سے ہیں، علاوہ ازیں ملتان اور جنوبی پنجاب میں یوتھ میں ایک خاص مقام رکھتے ہیں، مرزا وجاہت علی کی نامزدگی پر مرکزی اور صوبائی کارکنان نے اسے خوش آئند قراردیا ہے۔
وحدت نیوز(ملتان)وحدت یوتھ پاکستان کے مرکزی جنرل سیکرٹری سجاد نقوی نے وفد کے ہمراہ مجلس وحدت مسلمین جنوبی پنجاب کے صدر علامہ اقتدار نقوی سے ملاقات کی، اس موقع پر وحدت یوتھ ملتان کے سینیئر نائب صدر حسن عباس گھلو، جنرل سیکرٹری تیمور حیدر جبکہ مجلس وحدت مسلمین کے مرکزی ڈپٹی جنرل سیکرٹری سلیم صدیقی، صوبائی کابینہ کے رہنما حسنین انصاری، ضلعی صدر فخر نسیم صدیقی اور دیگر موجود تھے۔
وحدت یوتھ کے وفد نے مجلس وحدت مسلمین پاکستان کے زیراہتمام منعقدہ 10دسمبر کو آزادی فلسطین مارچ کے انتظامات میں مکمل تعاون کی یقین دہانی کرائی، واضح رہے کہ اسلام آباد، کراچی، لاہور، کوہاٹ کے بعد ملتان میں آزادی فلسطین مار چ منعقد ہورہا ہے، جس کی تیاریوں کا سلسلہ جاری ہے۔
مرکزی جنرل سیکرٹری وحدت یوتھ سجاد نقوی نے کہا کہ عالمی استعمار امریکہ و اسرائیل مسلسل فلسطینی مسلمانوں پر بمباری کررہا ہے، عالم اسلام اور بالخصوص او آئی سی کا کردار مجرمانہ ہے، پاکستانی قوم کل بھی مظلوم فلسطینیوں کے ساتھ تھی اور آج بھی اُن کے ساتھ ہیں، حکومت سے مطالبہ کرتے ہیں امریکی جہازوں کی سیکیورٹی کی بجائے مظلوم فلسطینیوں کی حمایت کا اعلان کریں۔
وحدت نیوز(ملتان)مجلس وحدت مسلمین شعبہ یوتھ ملتان کی ڈویژنل یوتھ کونسل کا اجلاس ڈویژنل نائب صدر حسن عباس گھلو کی زیرصدارت جامعہ شہید مطہری ملتان میں منعقد ہوا، اجلاس میں یوتھ ونگ کے مرکزی جنرل سیکرٹری سید سجاد نقوی نے خصوصی شرکت کی۔ جبکہ ممبر متحدہ علماء بورڈ پنجاب، صوبائی صدر مجلس علمائے مکتب اہلیبیت علامہ قاضی نادر حسین علوی، مجلس وحدت مسلمین شعبہ عزاداری ونگ جنوبی پنجاب کے صوبائی نائب صدر مرزا وجاہت علی نے بطور مہمان شرکت کی۔
اجلاس میں ڈویژنل جنرل سیکرٹری تیمورحسن سمیت ڈویژنل کابینہ، تحصیل ملتان سٹی، ملتان صدر، کبیروالا، جلالپور، شجاع آباد، خانیوال تحصیل صدور اور نمائندے شریک تھے۔ اجلاس میں 10 دسمبر آزادی فلسطین مارچ، تنظیمی صورت حال اور سہ ماہی ایجنڈا پر بات ہوئی۔
اس موقع پر مرکزی جنرل سیکرٹری سجاد نقوی کا کہنا تھا کہ اسلام آباد اور لاہور کی طرح ملتان میں بھی 10 دسمبر کو آزادی فلسطین مارچ میں وحدت یوتھ بھرپور شرکت کرے گی اور سیکورٹی اور مینجمنٹ کے فرائض انجام دے گی۔ یوتھ ونگ جماعت کا بازو ہے اور ہمیشہ مظلومین کی حمایت میں یوتھ میدان میں رہے گی۔
وحدت نیوز(مری) مجلس وحدت مسلمین شعبہ خواتین اسلام آباد اور النباء فاؤنڈیشن کی جانب سے بھمروٹ سیداں مری میں تیسرے سلائی سینٹر کا افتتاح کیاگیا۔
سلائی سینٹر کا افتتاح حجت الاسلام مولانا سید ثمر علی نقوی نے کیا افتتاح سے پہلے اپنے خطاب میں جناب مولانا ثمر نقوی صاحب نے بی بی سیدہ فاطمہ سلام اللہ علیہ کی زندگی کے خاص پہلوں پر روشنی ڈالی۔
اس موقع پر مجلس وحدت مسلمین وومن ونگ کی مرکزی آفس سیکرٹری محترمہ بینا شاہ ، ضلعی صدر اسلام آباد محترمہ صدیقہ کائنات اور نائب صدر محترمہ نادیہ ظفر بھی موجود تھیں۔
وحدت نیوز(اٹک )مجلسِ وحدت مسلمین شعبہ خواتین ضلع اٹک کی جانب سے مرکزی امام بارگاہ حسینیہ کامل پور سیداں میں ایام فاطمیہ سلام اللہ علیہا کے سلسلے میں مجالس خمسہ کا اہتمام کیا گیا جس میں محترمہ فائزہ نقوی نے خطاب کیا۔
انہوں نے کہا کہ مالک کائنات نے تخلیق کائنات کے لیے جن ہستیوں کو منتخب کیا ان میں مرکزی حیثیت بی بی کونین کی ہے۔انہوں نے اپنی اٹھارہ سالہ زندگی میں خواتین کے لیے ایسا نمونہ چھوڑا کہ خاتون چاہے بیٹی ہو بیوی ہو یا ماں کس طرح اسے اپنی زندگی بسر کرنی چاہیے اور اپنے حجت وقت کے دفاع کے لیے کردار ادا کرنا چاہیے۔
ان مجالس سے محترمہ پھول نسیم صاحبہ اور محترمہ کنیز فاطمہ نے بھی خصوصی خطاب کیا جس میں انہوں نے ایام فاطمیہ سلام اللہ علیہا کو اہل سنت کی تاریخ کی روشنی میں ثابت کیا۔
