The Latest
برطانیہ کا معروف اخبار فنانشل ٹائمز کا کہنا ہے کہ شام ترکی کے لئے اب ایک ڈراونے خواب کی شکل اختیار کر رہا ہے خاص طور پر ایک ایسے صورت حال میں جب ترک مخالف کردوں(پی کے کے) نے ترکی کے بعض حصے پر قبضہ جمالیا ہے
اخبار کا کہنا ہے کہ ترکی کو جلد ہی شام اور عراق کے کردوں کی جانب سے بھی اس مطالبے کی آوازیں سنائی دینگی جو کرد ملک کی تشکیل کے لئے اٹھ ینگی اس کا مطلب تو یہ ہوگا کہ ترکی میں موجود تیرہ ملین کردوں کی تقویت کرنا
اخبار کا کہنا ہے کہ ایک ایسی صورت حال میں ترکی کو ایران کی زیادہ مخالفت مول نہیں لینا چاہیے
اخبار خطے میں شدت پسند وں کی حمایت کے حوالے سے کہتا ہے کہ ترکی خطے میں شدت پسند سنی محاذ کی حمایت کر رہا ہے ،شام میں شدت پسندوں کی حمایت کی وجہ سے ترکی میں موجود علویوں میں سخت اضطراب پایا جاتا ہے اور اگر ترکی کی یہی صورت حال جاری رہی تو مذہبی اور قومی اختلافات سے ترکی کے معاشرے کو کوئی نہیں بچا سکتا
العالم ٹی وی کے مطابق ہیلری کلنٹن آج ترکی کے شہر استنبول پہنچ گئی اس دورے کا مقصد شام مخالف قوتوں کو بشار الاسد کے بعد کے مراحل سمیت شدت پسندوں کی بہتر امداد ہے
امریکی خارجہ امور کا کہنا ہے کہ ترکی میں ہیلری صدر اور وزیر اعظم دونوں سے ملاقات کرینگی اس ملاقات میں شام میں بشار الاسد کے بعد کی صورت حال پر کنٹرول جیسے موضوعات پر گفتگو ہوگی
ایم ڈبلیوایم میڈیا سیل کے ماہر امور مشرق وسطی ع صلاح کا کہنا ہے کہ یہ دورہ ایک ایسے وقت میں ہورہا ہے کہ حلب میں شدت پسندوں کی بری طرح شکست کے بعدوہ تمام اہم حملے جسے چند ممالک کی انٹیلی جنس نے ترتیب دیا تھا بری طرح فیل ہوچکے ہیں دمشق پر قبضہ جیسے منصوبے سے لیکر عوام کو حکومت مخالف بنانے کی غرض سے قتل عام تک ایسے منصوبے تھے جنکے کے بارے میں پانچ ممالک کی انٹیلی جنس سرجوڑ کر بیٹھ چکی تھی اور ان منصوبوں کو تر تیب دیا تھا جسے شام کی عوام اور فوج نے ناکام بنادیا
جبکہ ادھر سیکوریٹی کونسل شام کے بارے میں مکمل طور پر دوحصوں میں تقسیم نظر آتی ہے جہاں روس اور چین ہر اس قرارداد کو ویٹو کر چکے ہیں جو شام میں بیرونی افواج کی مداخلت کا راستہ ہموار کرتیں تھیں
ع صلاح کا کہنا ہے کہ ہیلیری کلنٹن کا یہ دورہ درحقیقت ڈبلومیسی اورزمینی طورپر ناکامی کے بعد ایسے آپشن کی تلاش ہے جس سے شام کی حکومت کو گرایا جاسکے لیکن جب تک شام کی عوام اور افواج حکومت کے ساتھ ہیں ،چین اور روس کی بین الاقوامی تعاون شامل ہے شام حکومت کو گرانا انتہائی مشکل کام نظر آتا ہے البتہ شام میں بد امنی کو بڑھایا جاسکتا ہے
واپڈاٹاؤن گوجرانوالہ میں شہدائے کربلا ؑ کی یاد میں بوقت افطار شربت کی سبیل کا اہتمام
مجلس وحدت مسلمین کے زیر اہتمام معروف سماجی شخصیت سید ایثار حسین رضوی نے ماہ رمضان میں سبیل امام حسین ؑ کا انتظام کیا جو یکم رمضان سے جاری ہے اورچاند رات تک جاری رہے گی، سبیل امام حسین ؑ سے واپڈاٹاؤن میں کام کرنے والے تمام مزدور اور کاریگر بوقت افطار اس ٹھنڈے شربت سے اپنی پیاس بجاتے ہیں ، سید ایثار حسین رضوی نے مجلس وحدت مسلمین کے ضلعی نشرو اشاعت سیکرٹری سید اصغر علی زیدی سے ملاقات میں ایسے فلاحی کاموں کو مجلس وحدت کے پلیٹ فارم سے جاری رکھنے کا اعادہ کیا ہے
قبلہ اول کی آزادی کی غرض سے منایا جانے والا عالمی یوم القدس کے انتظامات کو حتمی شکل دینے کے لئے اسلام آباد اور راواپنڈی کی مذہبی سماجی شخصیات اور تنظیموں کا اہم اجلاس تیئس رمضان المبارک کو مجلس وحدت مسلمین پاکستان اسلام آباد کے زیر سرپرستی اسلام آباد میں ہونے جارہا ہے
اس اجلاس میں عالمی یوم القدس کی ریلی کے حوالے سے انتظامات کو آخری شکل دی جائے گی ہمارے نمائندے کے مطابق اس اجلاس کی صدارت ایم ڈبلیو ایم کے مرکزی سیکرٹری جنرل علامہ امین شہیدی کرینگے جبکہ ایم ڈبلیو ایم اسلام آباد اور آئی ایس او اسلام آباد سمیت مقامی ماتمی انجمنیں سماجی و مذہبی اہم شخصیات شریک ہونگی
کوئٹہ پولیس نے یوم امام علی ؑ سے صرف ایک دن قبل ہی ممکنہ دہشت گردی کا ایک بڑا منصوبہ ناکام بناتے ہوئے دھماکہ خیزمواد اور دہشت گرد کو گرفتار کیاہے ٹی وی فوٹیج اورپولیس کے بیانات کے مطابق یہ منصوبہ انتہائی خطرناک تھا کہ جس میں میریٹ ہوٹل بم دھماکے کے برابر دھماکہ خیزمواد سے ایک گاڑی کو تیار کیا گیا تھا
پولیس کاکہنا ہے کہ انٹیلی جنس اداروں کو اس منصوبہ کا علم اس وقت ہوا جب چنددن قبل ہی ایک گھر میں دھماکہ خیزمواد کی تیاری کے دوران دھماکہ ہوا تھا اور اس دھماکے سلسلے میں تحقیقات اور خفیہ زرائع کی تگ ودو کے بعد اس منصوبے کا انکشاف ہوا
یہاں اہم ترین سوال یہ ہے کہ کیا اب گرفتار شدہ دہشت گرد کے توسط سے پورے دہشت گردی کے نیٹ ورک کو پکڑا جاسکتا ہے لیکن کیا ایسا ہوگا؟
اگر ہم پاکستان میں ہونے والی دہشت گردانہ کاروائیوں اور پکڑے جانے والے دہشت گردوں کی تاریخ پر نظر ڈالیں تو ہمیں کہیں پر کسی دہشت گرد کو سزاملتی نظر نہیں آتی اور نہ ہی کسی ایک دہشت گرد کی گرفتاری سے دہشت گردوں کے نیٹ ورک کوگرفتار ہوتا دیکھتے ہیں بلکہ اس کے برعکس کچھ عرصہ بعد جب معاملات ٹھنڈے پڑ جاتے ہیں تو ہمیں کسی اخبار کے کونے میں چھوٹی سے خبر نظر آتی ہے دہشت گرد جیل یا عدالت کے سامنے سے فرارہوگئے یا پھر دہشت گرد عدم ثبوت کی بنا پر رہا ہوگئے
یہی وہ چھوٹی سے خبر ہے جو مختلف شکوک و شبہات پیدا کرتی ہے اور سیکوریٹی اداروں کے بارے میں بھی سوالیہ نشان کھڑاکرتی ہے
کیونکہ آج تک کسی دہشت گرد کی گرفتاری کے بعد اس کے بارے میں تفصیلات نہیں دیں گئی کہ وہ کون تھا کہاں سے آیا تھا؟کہاں سے تربیت لی تھی؟اور اس کے ساتھی کون ہیں؟
کیاکوئٹہ کا یہ دہشت گرد بھی کچھ عرصہ بعد جیل سے فرار یا عدالت سے چھوٹ جائے گا کہ پھر کہیں بیٹھ کر تمام تر اطمنان کے ساتھ اپنے ساتھیوں کو اپنی کہانی سنائے اور اگلے کسی ناپاک منصوبے کی منصوبہ بندی کرے
" یوم قدس " کی اہمیت بیان کرتے ہوئےامام خمینی فرمایاتھا : " یوم قدس ایک عالمی دن ہے یہ دن صرف قدس سے مخصوص نہیں بلکہ عالمی سطح پر مستکبرین عالم سے مستضعفین عالم کے مقابلے اور استقامت کا دن ہے یہ تمام سامراجی طاقتوں کے خلاف کمزوروں اور محروموں کی دائمی جنگ و پیکار کا دن ہے ، ان تمام قوموں کی جدو جہد اور کارزار کا دن ہے جو امریکہ اور اس کے ہم قبیل و ہم فکر دوسرے سامراجی ملکوں کی زیادتیوں کا شکار ہیں اس دن بڑی طاقتوں سے مقابلے کے لئے مستضعفین کو لیس ہوکر دشمنوں کی ناک خاک میں مل دینا چاہئے ۔"یوم قدس اسلامی دنیا کے منافق چہروں اور قدس و فلسطین کے وفادار مسلمانوں کی شناخت و پہچان کا دن ہے جو مسلمان ہیں قدس کی آزادی کے لئے عالم اسلام کے دوش بدوش مظاہروں میں شریک ہوکر فلسطینی جانبازوں کی حمایت کا یقین دلاتے ہیں اور منافقین صیہونی قوتوں کے ساتھ مل کر سازشیں رچتے اور اپنے زير اقتدار مسلمان ملتوں کو یوم قدس کے مظاہروں میں شرکت کی اجازت نہیں دیتے ۔" بیت المقدس " کئی ہزار سالہ قدیم شہر ہے جو مشرق و مغرب کو ملاتا ہے یہ مسلمانوں کا قبلۂ اول ہے اور اسی میں " مسجد الصخرا " واقع ہے جو ایک مقدس مقام ہے " قبۃ الصخراء" میں حضرت ابراہیم (ع) اپنے فرزند حضرت اسمعیل (ع) کے ساتھ آئے تھے اور حضرت محمد مصطفی صلی اللہ علیہ و آلہ وسلّم کو اسی مقام سے معراج کی عظمت عطا کی گئی تھی ۔عالم اسلام فلسطین اور بیت المقدس پر صیہونیوں کے غاصبانہ تسلط کو مظلوم فلسطینیوں کے خلاف سامراجی جارحیت سمجھتا ہے اور قدس کی بازیابی کے لئے ملت فلسطین کا طرفدار ہے گزشتہ ساٹھ سال کے دوران صیہونیوں نے یہاں برطانیہ اور امریکہ کی سامراجی سازشوں کے تحت اپنے قدم جمائے اور ساحلی شہر " یافا " اور " حیفا " کے قریب تل ابیب کو آباد کیا اور بیت المقدس پر اپنے خونی پنجے گاڑنے شروع کردے اور اس وقت تقریبا" اسی فی صدی علاقوں پر قبضہ کررکھا ہے ۔فلسطینیوں کے منصوبہ بند قتل عام ، گھروں اور کاشانوں پر فوجی یلغار ، قید وبند ، جلاوطنی اور مہاجرت کی مانند خوف و وحشت کی فضائیں ایجاد کرکے ایک ملت کو اس کے ابتدائی ترین انسانی حقوق سے محروم کردینا اسرائيل کا سب سے بڑا کارنامہ ہے !!یہودیوں کے اس شیطانی ظلم کا نشانہ صرف مسلمان ہی نہیں عیسائیوں کو بھی بننا پڑا ہے سنہ 47 کے پہلے حملے میں ہی ساٹھ ہزار عیسائیوں کو مہاجرت پر مجبور کیا گیا ۔یہی نہیں سنہ 1950 میں تمام بین الاقوامی قوانین کو پامال کرکے صیہونیوں نے مغربی بیت المقدس کو اسرائیل کا دارالحکومت اعلان کرکے اقوام متحدہ کی قرارداد کا بھی کھلم کھلا مذاق اڑایا ہے ۔یہاں کی آبادی کے تناسب کو بدلا گیا ، فلسطینیوں کو جلاوطن کرکے یہاں کی سڑکوں اور گلیوں تک کے نام بدل دئے گئے حتی مشرقی بیت المقدس کو بھی یورش کا نشانہ بنایاگیا اگرچہ یہاں کے مسلمان مجاہدین ، تمام ظلم و بربریت کے باوجود دشمنوں کے مقابل سیسہ پلائی ہوئی دیوار بنے ہوئے ہیں اور انتفاضہ تحریک بیت المقدس میں فلسطینی پہچان بنی ہوئی ہے ۔حزب اللہ سے 33 روزہ جنگ میں صیہونیوں کی شکست اور اسلامی مجاہدوں کی فتح و کامرانی نے فلسطینیوں کے بھی حوصلے بلند کردئے ہیں ولی امر مسلمین حضرت آیت اللہ العظمیٰ خامنہ ای کے بقول قدس کی غاصب حکومت نے فلسطینیوں کے خلاف اپنی شدت عمل میں اضافہ کردیا ہے اور ان کا یہ ردعمل ان کی اپنی درونی کمزوریوں اور پے در پے ناکامیوں کا نتیجہ ہے اپنا خودساختہ ہوّا جو انہوں نے جمارکھا تھا وہ اس کو برقرار نہیں رکھ سکے، عرب قوموں کے دلوں میں ان جو رعب تھا اب ختم ہوچکا ہے ۔"
مجلس وحدت مسلمین پاکستان نوشہرو فیروز کے سیکریٹری جنرل اعجاز علی ممنائی اور مولانا تاج علی انقلابی نے کہا ہے کہ حضرت علی الیہ السلام نے سخت اور کٹھن جدوجہد کے ذریعے دین کی ترویج کے فرائض انجام دیئے ، امام بارگاہ العباس کھاہی ممن اور دیگر مقامات پر منقعدہ مجالس شہادت امیرالمومنین علی ابن ابی طالب علیہ السلام کے اجتماعات سے خطاب کے دوران انہوں نے کہا کہ آپ کو شہید کرنے والے اسلام دشمن اپنے منصوبوں میں ناکام ہوئےاور اسلام کو مٹانے والے خود مٹ گئے مگر آج بھی دین اسلام اپنی اصلی حالت میں زندہ ہے یہ کارنامہ مولا علی و اولاد علی (ع) کا ہے جنہوں نے اپنا سب کچھ لٹا کر بھی اسلام کو بچایا اور اسلام کو سرنگوں نہیں ہونے دیا . انہوں نے مزید کہا کہ آج مسلم امہ جن مصائب و مشکلات میں گھری ہوئی ہے اس کے لئے ضروری ہے کہ تعلیمات محمد و آل محمد (ع)کو اپنایا جائے کیونکہ علی اور اولاد علی (ع) نے ہر محاذ پر اسلام کی سربلندی اور استحکام کے لئے کٹھن جدوجہد کی آج بھی ہمیں آپ کے بتائے ہوئے اصولوں پر عمل پیرا ہوکر دنوی اور اخروی فائدہ حاصل کیا جائے
مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی نے یوم شہادت امیر المومنین حضرت علی ابن ابی طالب علیہ السلام کے موقع پر عزاداروں کے جلوس پر رینجرز اور پولیس کی ہوائی فائرنگ کے ذریعے خوف و ہراس کی فضاء پیدا کرنے کی کوشش کی شدید مذمت کرتے ہوئے کہا ہے کہ پرامن عزاداروں پر رینجرز اور پولیس گردی ملت جعفریہ کو اپنی مذہبی رسومات سے روکنے کی سازش کا حصہ ہے۔سکیورٹی اور قانون نافذ کرنے والے اداروں کا فریضہ عزاداروں کی حفاظت ہے نہ کہ ان کوہراساں کرنا۔ مجلس وحدت مسلمین پاکستان کے مرکزی سیکرٹریٹ اسلام آباد سے جاری ہونے والے بیان میں کہا گیا ہے کہ اس طرح کے واقعات قانون نافذ کرنے والے اداروں کی بدنامی کا باعث ہیں اور ان کا منطقی نتیجہ شہر قائد کو مزید بدامنی کی طرف دھکیلنے کی صورت میں سامنے آئے گا۔ بیان میں علامہ امین شہیدی نے صوبائی اور مرکزی وزارت داخلہ سے اس واقعے کا فوری نوٹس لینے کا مطالبہ کرتے ہوئے کہا ہے کہ اس واقعے کے ذمہ داروں کو انصاف کے کٹہرے میں لاکر کیفر کردار تک پہنچایاجائ
مجلس وحدت مسلمین بلتستان کے ترجمان فداحسین کا کہنا ہے کہ گلگت بس پر بم دھماکہ اورجیلوں سے خطرنامجرموں کا فرار ہونا اس بات کی عکاسی ہے کہ حکومت امن و امان برقرار کرنے میں ناکام ہوچکی ہےجبکہ بجٹ کا بڑا حصہ سیکوریٹی کے نام پر خرچ ہوتا ہے
انہوں نے مزید کہا کہ حکومت صرف پر امن احتجاج کرنے والوں کے خلاف ہی کاروائی کرنے میں شیر ہے جبکہ جرائم پیشہ افراد اور دہشت گردوں کو کھلی چھوٹ دے رکھی ہوئی ہے سانحہ چلاس کے وقت بھی پولیس صرف تماشائی تھی اور دہشت گردوں کو روک نہیں رہی تھی
انہوں نے مزید کہا کہ دہشت گردوں کو بھگانے کے بجائے سزادی جائے اور دہشت گردوں کے فرار میں غفلت برتنے والے اہلکار کے خلاف سخت کاروائی کی جائے
تہران میں ستائیس ممالک کے مشترکہ مشاورتی اجلاس میں اس بات پر زور دیا گیا کہ شام کا موجودمسئلہ بین الاقوامی قوانین کے مطابق حل ہونا چاہیے اور اس مسئلے کاسیاسی حل تلاش کیا جانا چاہیے اس اجلاس میں شام میں مسلح کاروائیوں پر شدید تشویش کا اظہار کیاگیا ہے اور اسے شام کی عوام کے لئے سخت پریشانی کا باعث قرار دیتے ہوئے دہشت گردانہ کاروائیوں میں مرنے والوں کے خاندانوں کے ساتھ اظہار ہمدردی کی گئی ہے
شام میں اصلاحات پر زوردیاگیا ہے اور بیرونی شدت پسندگروہوں کی شام میں شدت پسندی کی سخت مذمت کرتے ہوئے اسے خطے کے امن و امان کے لئے خطرناک عمل سے تعبیر کیا گیا ہے جو دہشت گردی کے پھیلنے کاباعث بن سکتا ہے
اس مشاورتی کانفرنس میں ایران پاکستان روس ،چین ،الجزائر ،عمان،سوڈان،تیونس ،اردن فلسطین سمیت متعدد دیگر ملکوں کے وزراخارجہ یا نمائندوں نےشرکت کی۔
صحافیوں سے گفتگو کرتے ہوئے ایرانی وزیر خارجہ کا کہنا تھا کہ شام کے بحران کے حل لئے ثالثی کا کردار ادا کرنے کے لئے تیار ہے انہوں نے مزید کہا کہ بین الاقوامی ادارے شام کے بحران کو بیرونی مداخلت اور شدت پسندوں کی ترسیل کو بند کرتے ہوئے انجام دیں
