The Latest
وحدت نیوز (اسلام آباد) خیرالعمل ویلفیئر اینڈ ڈویلپمنٹ ٹرسٹ پاکستان کی ایگزیکٹو باڈی کا اجلاس چیئرمین علامہ سید باقر عباس زیدی کی صدارت میں مرکزی آفس اسلام آباد میں منعقد ہوا، اجلاس میں علامہ سید باقر زیدی ص (چیئرمین ) وڈیو لنک پر،سید مسرت کاظمی ایڈمن انچارج، سید حسن کاظمی سیکرٹری فلاح و بہبود سینٹرل پنجاب، تہور عباس سیکرٹری فلاح و بہبود کے۔پی۔کے، الفت عالم سیکرٹری فلاح و بہبود سندھ، نور حسن سیکرٹری فلاح و بہبود بلوچستان، علی حیدر سیکرٹری فلاح و بہبود گلگت بلتستان، سید عاطف ہمدانی سیکرٹری فلاح و بہبود آزاد کشمیر نے شرکت کی۔
اجلاس کا آغاز چیئرمین خیرالعمل ٹرسٹ علامہ سیدباقر عباس زیدی نے تلاوت قرآن پاک سے کی،علامہ باقر زیدی نے تمام شرکاء کو خوش آمدید کہتے ہوئے تمام سیکرٹری فلاح و بہبود کو اپنی زمہ داریاں سنبھالنے اور خیرالعمل ایگزیکٹو ٹیم کا حصہ بننے پر مبارکباد پیش کی۔انہوں نے شرکاء کو خیرالعمل ٹرسٹ کے اغراض و مقاصد، شعبہ جات اور ان کی فعالیت سے آگاہ کیا، انہوں نے کہا کہ خیرالعمل نے تین سال کی قلیل مدت میں گراں قدر خدمات سرانجام دی ہیں۔
انہوں نے کہا کہ خیرالعمل انشاءاللہ مسقبل میں بھی خدمت انسانی کو اپنا فرض اولین سمجھتے ہوئے فلاحی کاموں کو زور و شور سے جاری رکھیں گے. اب ہمارا زیادہ فوکس یتیموں کی کفالت، تعلیم اور صحت پر ہو گااور اس کے ساتھ ساتھ گورنمنٹ اور پرائیویٹ سماجی بہبود کے اداروں کے ساتھ اپنے روابط کو مزید بہتر بنایا جائے گا،اس مقصد کے لیے بہت جلد سمینار بھی منعقد کیے جائیں گے۔
اجلاس میںفیصلہ کیا گیا کہ خیرالعمل کی طرف سے تعمیر شدہ فلاحی مراکز کو اور زیادہ منظم اور فعال بنایا جائے گا،ڈونرز سے رابطہ اور زیادہ مستحکم بنایا جائے گا اور نئے ڈونرز بھی بنانے جائیں گے، موثر اور فوری رابطے کے لیے ایگزیکٹو باڈی کے ممبران کے لیے Whatsup Group بنا دیا گیا ہے، ایگزیکٹو باڈی کا اجلاس ماہانہ کی بنیاد پر Video link کے ذریعے اور ہر تین ماہ بعد مرکزی آفس میں منعقد ہوگا، تمام صوبائی سیکرٹری فلاح و بہبود اپنے اپنے صوبے کے فلاحی پروگرامات و سفارشات 25 فروری تک مرکز کو ارسال کر دیں گے، خیرالعمل کا مرکزی آفس تمام صوبوں کو تعمیر شدہ اور زیر تعمیر پراجیکٹس کی تفصیلات وغیرہ صوبائی سیکرٹری فلاح و بہبود کو ای میل کرے گا، عوام الناس تک خیرالعمل کی کارکردگی کو پہنچانے کے لیے خیرالعمل ٹرسٹ کی ویب سائٹ کو جلد از جلد لانچ کیا جائے گا اور فیس بک پیج کو باقاعدگی سے اپ ڈیٹ کیا جائے گا، صوبائی سیکرٹری فلاح و بہبود جلد از جلد اپنے صوبوں میں ریجنل باڈی کا قیام عمل میں لائیں گے. ( ریجنل باڈی اس صوبے کے تمام ضلعی سیکرٹری فلاح و بہبود پر مشتمل ہوتی ہے)،میٹنگ کا اختتام دعاء امام زمانہ علیہ السلام سے ہوا۔
شہید وفا تقی حیدر کی 22ویں برسی4مارچ کو لاہور میں ہوگی،وفا نقوی مرکزی ڈپٹی سیکرٹری وحدت یوتھ پاکستان
وحدت نیوز(اسلام آباد) مجلس وحدت مسلمین پاکستان کے شعبہ یوتھ کے مرکزی ڈپٹی سیکرٹری وفا عباس نقوی نے اسلام آباد میں میڈیا کے نمائندوں سے گفتگو کرتے ہوئے کہ شہید وفا تقی حیدر کی 22ویں برسی 4مارچ کو امامیہ کالونی لاہور میں ان کے مرقد پر منعقد ہوگی جس سے مجلس وحد ت مسلمین کے مرکزی ڈپٹی جنرل سیکرٹری علامہ احمد اقبال رضوی خصوصی خطاب کریں گے۔
انہوں نے مزید کہا 7مارچ 1995کو لاہور کے مقام یتیم خانہ چوک پر شہید ڈاکٹر محمد علی نقوی کے ساتھی تقی حیدرٹارگٹ کلنگ واقعہ میں جاں بحق ہوگئے تھے شہید کی اس بے مثال قربانی کو خراج تحسین پیش کرنے کے لئے ایم ڈبلیو ایم کے شعبہ جوانان کے زیر اہتمام شہید کی یادآوری میں تقریب منعقد ہوگی جس میں معروف نوحہ خواں بھی شریک ہونگے ۔ وفا عباس نقوی کا کہنا تھا کہ ایم ڈبلیوایم کا وفد شہید ڈاکٹر محمد علی نقوی کے مرقد پر فاتحہ خوانی بھی کرے گا۔
وحدت نیوز(کوہاٹ) وحدت یوتھ پاکستان شعبہ تربیت کے تعاون سے ضلع کوھاٹ میں جوانوں کے لئے معارف اسلامی دروس کا سلسلہ شروع کرے گی. اس سلسلے کا پہلا پروگرام 9 فروری بروز جمعرات 2017 کو منعقد ہو گا. ساتھ ساتھ جوانوں میں صحت مند سرگرمیوں کے فروغ کے لئے رواں مہینے میں کرکٹ ٹورنامنٹ کے انعقاد کا بھی فیصلہ کیا گیا. یہ پروگرام مرکزی وحدت یوتھ سیکریٹری ڈاکٹر یونس حیدری کے دو روزہ دورہ کوھاٹ کے دوران ضلعی سیکریٹری جنرل مولانا سید مرتضی عابدی سے ملاقات میں طے پایا گیا. اس موقع پر صوبائی سیکریٹری تربیت مولانا ذولفقار علی حیدری بھی موجود تھے۔
وحدت نیوز (کراچی) مجلس وحدت مسلمین کراچی ڈویژن کے ذیلی ادارے خیر العمل فاونڈیشن کے تحت پیپٹائٹسس سے بچاو مہم کے عنوان سے امام بارگاہ صاحب العصر(عج) گلشن حدید اسٹیل ٹاون میں فری ویکسینشن کیمپ کا اہتمام کیا گیا ،جہاں پربلا تفریق 600 افرادکو ہیپاٹائٹس بی و سی سےتحفظ کے لئے فری ٹیکے لگائے گئے اور پیپاٹائٹس کی تشخیص کیلئے فری ٹیسٹ بھی کیئے گئے،اس موقع یوسی ناظم گلشن حدیدغلام رضا جتوئی، مجلس وحدت مسلمین کراچی ڈویژن کے رہنما مولانا نشان ساجدی سمیت علاقہ کے معززین و علماء کرام نے بھی میڈیکل کیمپ کا دورہ کیا اور مجلس وحدت مسلمین کی جانب سے عوام الناس کی رنگ و نسل و فرقہ کی تفریق کیئے بغیر خدمت کو سراہا، جبکہ یوسی ناظم گلشن حدید غلام رضاجتوئی نے آئندہ ۱۷ فروری کو لگائے جانے والی فری ویکسینیشن کیمپ میں اپنی جانب سے بھرپور تعاون کی یقین دہانی بھی کروائی۔
وحدت نیوز (کراچی) مجلسِ وحدت مسلمین شعبہ خواتین پاکستان کی مرکزی جنرل سیکرٹری خواہر زہرہ نقوی کا معاون سیکرٹری کیساتھ صوبہ سندھ کی مسؤل خواہران کیساتھ ایک تنظیمی اجلاس منعقد ہوا جسمیں تفصیلی طور پر صوبہ سندھ کے حوالے سے مختلف امور اور پروجیکٹز زیرِ غور آئے۔اسکے علاوہ مجلسِ وحدت مسلمین شعبہ خواتین پاکستان صوبہ سندہ کیلئے 3 ماہ کی ایک ورکنگ کمیٹی تشکیل دی گئ ہے۔جسمیں خواہر شبانہ میرانی کورآڈینیٹر، خواہر رقیہ ڈمکی ڈپٹی کورآڈینیٹر، خواہر کنیز جوادی شعبہ تنظیم سازی،خواہر سیمی نقوی رابطہ سیکرٹری/انچارج شعبہ گرلز گائیڈ،خواہر امبرین رضوی شعبہ شماریات/شعبہ تعلیم و تربیت اور خواہر ثمرین شعبہ تبلیغات کے بطور منتخب ہوئیں ۔
وحدت نیوز (کراچی) مجلسِ وحدت مسلمین شعبہ خواتین پاکستان کی جانب سے صوبہ سندھ کی سطح پر دو روزہ تنظیمی، تعلیمی، تربیتی، سوشل میڈیا اور گرلز گائیڈ ٹریننگ ورکشاپ کا اہتمام کراچی نیو رضویہ سوسائٹی میں کیا گیا، جسمیں کراچی سے ضلع وسطی، ضلع ملیر، ضلع شرقی، جبکہ صوبہ سندھ سے حیدرآباد، جیکب آباد، ہالا، سکھر کے مختلف اضلاع سے مسؤلین خواہران نے اپنی کابینہ اور یونٹز کی خواہران کے ساتھ شرکت کی،اس دو روزہ ورکشاپ میں ملک و ملت میں خواتین کے کردار اور انکی اہمیت اور فعالیت جیسے اہم امور کے پیش نظر مختلف اور انتہائی اہم موضوعات پر لیکچرز اور ڈیسکشنز کا خصوصیت کے ساتھ اہتمام کیا گیا تھاجن سے مرکزی اور صوبائی مسؤلین نے خطاب کیا۔
اسکے علاوہ مختلف تنظیمی اور تربیتی حوالے سے تفصیلی گروپ ڈیسکشنز کا سلسلہ بھی رات میں جاری رہا۔اگلے دن نمازِ فجر کی ادائیگی اور دعاؤں کے بعد دوبارہ لیکچرز کے سلسلہ کا آغاز ہوا جو نمازِ ظہرین کی ادائیگی تک جاری رہا۔اس ورکشاپ کا مقصد خواہران کی تنظیمی تعلیم و تربیت اور فعالیت کو مزید بہتر بناناتھا۔اس دو روزہ ورکشاپ میں ملک و ملت میں خواتین کے کردار اور انکی اہمیت اور فعا لیت جیسے اہم موضوعات پر لیکچرز رکھے گئے۔تلاوتِ قرآن پاک سے ورکشاپ کا باقائدہ آغاز ہو جسکے بعد نعتِ رسول مقبول (ص) پیش کی گئ۔ پہلا لیکچرر مرکزی ڈپٹی سیکرٹری جنرل برادر ناصر شیرازی نے(پاکستان کی عالمی جغرافیائی اہمیت اور اس قطعہ میں ملت تشیع کی اہمیت) کے عنوان پر مفصل لیکچرر دیا جسکے بعد علامہ باقر زیدی مرکزی سیکرٹری خیرالعمل فانڈویشن نے فلسفہ ولایت فقیہ اور عالمی سطح پر اسکے اثرات کے موضوع پر نہاتی اہم نکات بیان کیے اور خواہران کے سوالات کے جوابات دیئے جسکے بعد نماز باجماعت ادا کی گئ اور خواہران کے لیے چائے اور کھانے کا وقفہ دیا گیا کھانے کے بعد خانم فرح ناز نے اسلامی تحریکوں میں خواتین کے کردارکےعنوان پر لیکچرر دیا۔جسکے بعد سوشل میڈیا اوراسکی اہمیت کے عنوان پر برادر مدثر نے کیچرر دیا اور نہایت اہم معلومات فراہم کی۔برادر کے بعد خواہر عظمی تقوی نے( تنطیمی و اجتماعی فعالیت کیوں اور کیسے) کے عنوان پر لیکچرر دیا۔
جسکے بعد مرکزی جنرل سیکرٹری خانم زہرانقوی کے ساتھ صوبہ سندھ کی خواہران کے ساتھ میٹنگ ہوئی جسمیں ساتھ رکنی کمیٹی تشکیل دی گئ اور دیگر اہم معاملات پر تبادلہ خیال کیا گیا ۔اگلی روز 15جنوری کو نماز فجر کے بعد دعائے عہد خواہر نورین نے پڑھی جسکے بعد خواہران کے لیے ناشتے کا اہتمام کیا گیا ۔15جنوری کو ورکشاپ کے دوسرے سیشن کا آغاز تلاوتِ کلامِ پاک سے اور پھر خواہر زرین نے ہدیہ نعت پیش کرکے باقائدہ آغاز ہوا۔سب سے پہلا لیکچرر خانم رقیہ ڈومکی صاحبہ نے (تزکیہ نفس)کے عنوان پر دیا جس کے بعد اگلا لیکچرر خواہر سیمی نے گرلزگائیڈ کی بنیادی ٹرینگ کے حوالے سے چند اہم نکات بیان کیے جس کے بعد خواہر بنین نے رپورٹ کیسے بنائی جاتی ہے اور کن نکات کا خیال کیا جاتا ہے اس حوالے سے خواہران کو نہایت اہم نکات بیان کیے جسکے بعد نماز ظہر باجماعت ادا کی گئ بعد نماز مجلس وحدت مسلمین شعبۂ خواتین کی جانب سے (حریم ولایت) میگرین کے نام سے شایع ہونے والے رسالہ کا تعارف اور (پرنٹ میڈیا اور اسکی مطالعہ کے انسانی زندگی پر اثرات) کے حوالے سے خواہر سیدہ ثنا جمیل عابدی نے لیکچرر دیا ۔ آخری لیکچرر مرکزی سیکریٹری امور تنظیم سازی سید مہدی عابدی نے(اسلامی تحریک اور مجلس وحدت مسلمین پاکستان کے کردار) کے حوالے سے نہایت اہم معلومات فراہم کی۔آخر میں خانم زہراء نقوی(مرکزی سیکرٹری جنرل شعبۂ خواتین پاکستان ) نے تنظیمی اغراض ومقاصد بیان کیے اور تمام خواہران کا شکریہ ادا کیا۔ورکشاپ کا باقاعدہ اختتام ملک و ملت کے لئے دعا اور دعائے سلامتی امام زماں(ع) کیساتھ ہوا۔
اسکے علاوہ امام بارگاہ معصومہ قم نیو رضویہ سوسائٹی میں 14جنوری بعد از نماز مغربین خصوصیت کے ساتھ "شب بیادِ شھداء" کا اہتمام کیا گیا اور شھداء کے حوالے سے نہایت خوبصورت منظر کشی کی گئ۔جس کو تمام حاضرین محفل نے نہایت پسند کیا۔صوبہ سندھ اور پاکستان کے دیگر علاقوں کے خانوادۂ شھداء کو بطور مہمانِ خصوصی دعوت دی گئ تھی۔ اور انکی خدمت میں اس عظیم قربانی پر تعزیت پیش کی گئ۔شھداء کی مقدس زندگانی کے حوالے سے اور بلخصوص انکی شھادت طلبی کے حوالے سے خانوادۂ شھداء سے تفصیلی گفتگو ہوئی۔ شدید سردی اور بارش کے باوجود خانواده شہداء اور مومنات نے کثیر تعداد میں شرکت کرنے پر مجلس وحدت مسلمین شعبہ خواتین پاکستان کی سیکرٹری جنرل نے آخر میں شکریہ ادا کیا جسکے بعد مجلس وحدت مسلمین پاکستان شعبہ خواتین کی جانب سے خونواده شہداء کی خدمتِ اقدس میں ہدیہ تحفہ پیش کئے گئے۔
وحدت نیوز (کراچی) مجلس وحدت مسلمین ضلع ملیر کے ذیلی فلاحی ادارے خیر العمل فاونڈیشن کے تحت عمار یاسر سوسائٹی فیز ون کے رہائشیوں کی سہولت کے لئے واٹر سپلائی پروجیکٹ کا افتتاح کردیا گیا ہے، تفصیلات کے مطابق مجلس وحدت مسلمین ضلع ملیر کے رہنماوں مولانا غلام محمد فاضلی، ثمر عباس ،عارف رضا، اسد زیدی اور نیاز کاچو نے گذشتہ اتوار اس واٹر پروجیکٹ کا باقاعدہ افتتاح کیا ، اس موقع پر علاقہ مکینوں نے مجلس وحدت مسلمین کا شکریہ ادا کرتے ہوئے کہا کہ اس علاقہ کا دیرانہ مسئلہ پانی کا تھا اس مسئلہ کو اپنا مسئلہ سمجھ کر ایم ڈبلیو ایم نے حل کروایاہم انکے شکر گذار ہیں۔
واضح رہے کہ عمار یاسر سوسائٹی شیعہ و سنی مسلمانوں کی سیکڑوں گھر وں پر مشتمل آباد ی ہے ، جہاں پر فراہی آب کا مسئلہ کئی عرصہ سے درکار تھا، علاقہ مکین دور دراز سے استعمال کا پانی اپنے گھر میں لاتے تھے، عوامی خدمت کو مدِ نظر رکھتے ہوئے علاقہ مکینوں کی درخواست پر ایم ڈبلیو ایم ضلع ملیر کے فلاحی شعبہ خیر العمل فاونڈیشن نے لوگوں کی ضرورت پورا کرنے کے لئے وائٹر پروجیکٹ کا افتتاح کیا ہے۔
وحدت نیوز (لاڑکانہ) شاہ لطیف اسکاؤٹس اوپن گروپ لاڑکانہ کی جانب سے سالانہ پروگرام جشنِ لطیف کے عنوان سے سر شاہنواز بھٹو میموریل لائبریری لاڑکانہ میں سیمینار منعقد کیا گیا. جس میں وحدت اسکاؤٹس سمیت لاڑکانہ کی دیگر اسکاؤٹس تنظیموں کے عہدیداران کو مدعو کیا گیا. بہترین کارکردگی اور بے لوث خدمت پر سیکریٹری وحدت اسکاؤٹس اوپن گروپ لاڑکانہ برادر محبوب علی سومرو کو شیلڈ پیش کی گئی۔
وحدت نیوز (گلگت) وحدت یوتھ پاکستان ضلع گلگت کا اہم اجلاس صوبائی سیکریٹری وحدت یوتھ عمران حسین کی زیر صدارت صوبائی سیکریٹریٹ وحدت ہائوس گلگت بلتستان میں منعقد ہواجس میں ضلع بھر سے یوتھ نے شرکت کی، اس موقع پر عمران حسین نے اعلان کیا کہ آئندہ چند روز میں وحدت یوتھ گلگت کی تنظیم سازی مکمل کردی جائے گی اور باقائدہ یوتھ ممبر شپ کا آغاز کیا جائے گا، ضلع ہنزہ اور نگر میں علیحدہ علیحدہ یوتھ سیٹ اپ مکمل کیا جائے گا، انہوں نے کہا کہ گلگت اور ہنزہ نگر سے دس ہزار یوتھ کی رجسٹریشن کا ٹارگٹ طے کیا گیا ہے جسے انشا ءاللہ ہر صورت حاصل کریں گے، اجلاس کے آخر میں اگلے جمعہ کو آغا راحت حُسین الُحسینی کے اعلان پر جو احتجاج کی کال دی گئی ہے اس میں بھر پور شرکت اور عوامی مہم چلانے کا فیصلہ ہوا۔
وحدت نیوز (اسلام آباد) مجلس وحدت مسلمین شعبہ خواتین کے زیر اہتمام ایک روزہ تربیتی و سوشل میڈیا ورکشاپ کا انعقاد مرکزی سیکریٹریٹ میں کیا گیا جس میں ملک بھرسے تنظیمی خواہران نے شرکت کی،ورکشاپ سے مرکزی سیکریٹری جنرل ایم ڈبلیوایم شعبہ خواتین خانم سیدہ زہرا نقوی نے تاریخی حوالے سے خواتین کے مثبت کردار پر بھی روشنی ڈالی،ڈاکٹر محمد یونس سیکرٹری وحدت یوتھ پاکستان نےحالات حاضرہ،خواہر ام البنین زہراء نے میڈیا رپورٹس اور اس کی افادیت کے موضوع پر لیکچر دیا، برادر شجاعت نے ورکشاپ میں سوشل میڈیا کے استعمالات،گرافکس ڈیزائنگ اور فوٹوگرافی کے موضوع پربذریعہ ملٹی میڈیا لکچر دیا۔تربیتی و سوشل میڈیا ورکشاپ کے آخری مقرر علامہ اعجاز حسین بہشتی تھے جنہوں نے غیبت کبریٰ میں شیعوں کی ذمہ داریاور امام حسن عسکری ؑ کا ابن بابویہ اور شیعوں کے نام پیغام پر روشنی ڈالی۔
خواہر سیدہ زہرا نقوی کا اپنے خطاب میں کہنا تھا کہ ہر دور میں خو اتین نے معاشرے کی ترقی میں اہم کردار ادا کیا اور تاریخ گواہ ہے کہ خواتین اس مثبت کردارکے بغیر کسی قوم نے ترقی نہیں کی لہذا ہمیں اپنی ذمہ داری کو سمجھنا اورنبھانا ہو گا۔ہماری خواتین میں بہت زیادہ توانائیاں موجود ہیں جنہیں بروکارلا کر معاشریہ سازی میں اپنا کردار ادا کر سکتی ہیں۔
خواہر ام البنین زہراء نے میڈیا ایورنس پر لکچر دیتے ہوئے کہا کہ آج کا دور میڈیا پروپگنڈے کا دور ہے ہم نے فتنے کے خلاف اپنا کردا کرنا ہے اور سوشل میڈیا کا استعمال کیسے کرنا ہے تاکہ ہم اس کے منفی اثرات سے نا صرف خود کو محفوظ رکھ سکیں بلکہ اپنی آنے والی نسل کو اس کے برے اثرات سے بچا سکیں۔وہ قومیں ترقی کرتی ہیں جس میں مثبت تبلغات کا رواج پایا جاتا ہو۔ہمیں سوشل میڈیا کے مثبت استعمال اور افادیت سے بھرپورفائدہ اٹھانا چاہیے۔ورکشاپ کے آخر میں محترمہ نرگس سجاد نقوی سیکرٹری تربیت شعبہ خواتین ایم ڈبلیو ایم نے شرکائے ورکشاپ کا شکریہ ادا کیا۔
