The Latest
وحدت نیوز(لاہور) تحریک اتحاد اتحاد امت مصطفیٰ ﷺکے تحت لاہورکے مقامی ہوٹل میں منعقدہ لبیک یا رسول ﷺاللہ کانفرنس سےخطاب کرتے ہوئے مجلس وحدت مسلمین کے مرکزی سیکریٹری تربیت علامہ اعجاز حسین بہشتی نے کہا کہ موجودہ ملکی حالات کو مد نظر رکھتے ہوئے لبیک یا رسول اللہ کانفرنس کا انعقاد انتہائی اہم ہے جس کا مقصد دنیا کو یہ بتانا ہے کہ شیعہ سنی میں کوئی اختلاف نہیں ہے اور ہم سب ملکی استحکام اور وحدت بین المسلمین کے لئے ایک پیج پر متحد ہیں،پاکستان کے اندر جو دہشت گردی ہو رہی ہے اس میں نہ کوئی شیعہ ملوث ہے اور نہ ہی سنی بلکہ کچھ تکفیری ٹولے موجود ہے جو ملک کے اندر انتشار اور تفرقہ بازی پھیلاتے ہیں، اپنی صفوں میں اتحاد کو قائم کرنے کے لئے ضروری ہے کہ ہم قرآن و اہلیبت کے دامن کو تھام لیں۔
قرآن نے دشمنوں کی نشاندہی کی ہے کہ یہود و نصاری کبھی ہمارے دوست نہیں ہو سکتے اسی طرح جو یہود و نصاری سے میل جول رکھتے ہیں وہ ان کے ایجنٹ ہیں اور یہی لوگ مسلمانوں کے درمیان تفرقہ بازی کو فروغ دیتے ہیں،اس موقع پر مجلس وحدت مسلمین کے مرکزی سیکریٹری سیاست برادر اسد عباس نقوی، علامہ حسن ہمدانی اور دیگر صوبائی رہنما شریک تھے۔اس کانفرنس میں مجلس وحدت مسلمین پاکستان سمیت جمعیت علماء پاکستان نیازی ، مجلس تحفظ ناموس رسالت اور دیگر مذہبی تنظیموں کے رہنماوں نے شرکت کی۔
وحدت نیوز(مظفرآباد) مسلم لیگ ن برطانیہ کے نائب صدر راجہ شبیراحمد نے وفدکے ہمراہ وحدت ھاوس مظفرآباد کا دورہ کیا، مسلم لیگ ن کے وفدنے مجلس وحدت مسلمین آزادجموں کشمیرکے ریاستی سیکرٹری جنرل علامہ سید تصورحسین نقوی الجوادی ،سیکرٹری سیاسیات محسن سبزواری ایڈووکیٹ اور دیگررہنمائوں سے ملاقات کی، دونوں جماعتوں کے رہنمائوں کے درمیان قومی وبین الاقوامی سیاسی صورت حال سمیت آمدہ ریاستی انتخابات پر تفصیلی بات چیت ہوئی۔
وحدت نیوز(لاہور)مرکزی رہنما جمیعت علمائے پاکستان نیازی گروپ کے مرکزی سیکریٹری جنرل ڈاکٹر امجد حسین چشتی نے اعلیٰ سطحی وفدکے ہمراہ وحدت ہائوس لاہور میں مجلس وحدت مسلمین پاکستان کے مرکزی سیکریٹری امور سیاسیات سید اسد عباس نقوی سے ملاقات کی،دونوں رہنمائوں کے درمیان اتحاد امت اور قومی سیاسی صورت حال پر تبادلہ خیال ہوا۔
وحدت نیوز(ہٹیاں بالا) مجلس وحدت مسلمین پاکستان آزاد کشمیر کے اعلیٰ سطحی وفد کا دورہ حلقہ پانچ مکمل ،عوام کی جانب سے مکمل تعاون کی یقین دہانی ، جگہ جگہ استقبال ، لوگ کی بڑی تعداد نے ملاقاتیں کی، ریاستی سیکرٹری جنرل علامہ سید تصور حسین نقوی الجوادی وفد کی قیادت کر رہے تھے ، وفد میں ریاستی سیکرٹری سیاسیات سید محسن رضا سبزواری ایڈووکیٹ ، سید مشتاق شاہ کاظمی ، سید افتخار شاہ و دیگر شامل تھے ، وفد نے حلقہ پانچ کا تفصیلی دورہ کیا، دورے کے دوران سفیدہ، بالا سیٹھو، پاہل، کھوڑیاں ، ریوند، جبہ بن، جبڑا سیداں ، بن چک، چکوٹھی ، چناری اور ہٹیاں بالا کی مختلف سیاسی و سماجی شخصیات اور عمائدین سے ملاقاتیں کیں ، علامہ سید تصور حسین نقوی الجوادی نے کہا کہ مجلس وحدت مسلمین پاکستان آزاد کشمیر غریب و محروم طبقے کی نمائندہ جماعت ہے ،حلقہ کے تمام مسائل کے حل کے لیے عملی جدوجہد کریں گے ، عوام ساتھ دیں ، صاف شفاف کردار کے مالک امیدوار آپ ہی میں سے ہو گا ، حلقہ پانچ کو کسی صورت تنہا یا یہاں کا میدان خالی نہیں چھوڑ سکتے ، ہم نے تفصیلی دورہ کیا مگر دیکھا کہ عوامی نمائندگی کا دعویٰ کرنے والوں کا دعویٰ کھوکھلا ہے، امیدہے عوام بھی آزمائے ہوؤں کے نہیں آزمائے گے، بغیر چھت کے سکول دیکھے، تباہ شدہ سڑکات دیکھیں ، صحت جیسے اہم مسئلے کو گھمبیر صورت میں پایا، راستوں کی مخدوش صورتحال دیکھی، جوانوں کو بے روزگار دیکھا، تعلیم دینے والے سکول دیکھے ، بچوں سے ملاقاتیں کیں ، ہم بھی سوچنے پر مجبور ہو گئے کہ کیا یہ حلقہ بھی اپنا نمائندہ منتخب کرتا ہے، جاگیردارانہ و وڈیرہ شاہی نے اس حلقے کی صورتحال کو ناقابل بیان حد تک پیچھے رکھا، مگر اب ٹھیکیداری نظام نہیں چلے گا، عوام شعور رکھتے ہیں ، نمائندگی کا دعویٰ کرنے والے سن لیں اب عوام ان کے جھانسے میں نہیں آئیں گے ، ایک مخصوص طبقے کو نوازنا کہاں کی نمائندگی ہے ، یہ حلقہ جو کہ اپنی نوعیت کے اعتبار سے اہم ترین حلقہ ہے کیا قصور ہے ان لوگوں کا ، کیوں ان کے حقوق انہیں نہیں دیئے جارہے ، مجلس وحدت مسلمین آواز اٹھائے گی ، حلقہ پانچ کی عوام کو حقوق حاصل کرنے کی جدوجہد میں اکیلا نہیں چھوڑیں گی، ہم سوال کریں گے ، ہم بات کریں گے ، ہم احتجاج کریں گے ، لیکن حق لے کر رہیں گے ، یہاں کے عوام کی بڑی قربانیاں ہیں ، اپنی جانوں تک کے نذرانے پیش کیے خطے کے دفاع کے لیے ، افواج کے شانہ بشانہ یہ لوگ بھی شب و روز جغرافیائی سرحد کے محافظ ہیں ، حقوق کی بازیابی کے لیے میدان میں آئیں گے ،سید محسن رضا سبزواری ایڈووکیٹ نے کہا کہ جو بھی مزید ظلم برداشت نہیں کریں گے ، اگر دھاندلی نہ ہوئی تو آپ کی آواز کو اسمبلی میں پہنچائیں گے ، آپ کے حقوق چھین کر لائیں گے ، نڈر ، تعلیم یافتہ ، بے باک و بے خوف امیدوار آپ کے درمیان ہو گا ، آپ اپنے ووٹ کی طاقت سے حقوق پامال کرنے والوں کو سبق سکھا دیں ۔ہم آپ کے اعتمار اور دیئے گئے پیار و محبت کو ٹھیس نہیں پہنچنے دیں گے۔
وحدت نیوز (کوئٹہ) دی ہوپ اسکول کے ڈائریکٹرسلیم رضا نے مجلس وحدت مسلمین کوئٹہ ڈویژن سیکریٹریٹ میں ایک لاکھ روپے کی امداری رقم کا چیک ایم ڈبلیوایم کوئٹہ ڈویژن کے سیکریٹری جنرل سید عباس علی موسوی سے وصول کرلیا، سلیم رضا صاحب نے امدادی رقم کے حصول کے بعد ایم ڈبلیوایم کی قیادت خصوصاًرکن بلوچستان اسمبلی سید محمد رضا کا خصوصی شکریہ اداکیا، واضح رہے کہ مجلس وحدت مسلمین کے رکن شوری عالی و ممبر بلوچستان اسمبلی آغا رضا نے '' دی ہوپ اسکول " کے چند ماہ قبل سالانہ تقریب تقسیم انعامات میں سکول ہذا کے لیے مبلغ ایک لاکھ روپے کا اعلان کیا تھا۔
وحدت نیوز(کوئٹہ) مجلس وحدت مسلمین کوئٹہ ڈویژن کے میڈیا سیل سے جاری شدہ بیان میں ڈویژنل سیکریٹری امورسیاسیات کامران حسین ہزارہ نے کہا ہے کہ جمہوریت عوامی حکومت کا نام ہے ۔ عوام اس طرز حکومت میں عوام کے مفادات کو ہمیشہ ترجیح دی جاتی ہے اور عوام کے فائدے کیلئے کام کیا جہاں تھا۔ افسوس کی بات ہے کہ جس حکومت میں پارلیمانی لیڈرز عوام کے منتخب کردہ نمائندے ہوتے ہیں وہی وہ نمائندے اسمبلی کے پلیٹ فارم پر پہنچ کر عوام کو ہی بھول جاتے ہیں ۔ بیان میں مزید کہا گیا کہ ملک کے بعض حکمران اپنے بچوں کی تعلیم ملک کے اعلیٰ تعلیمی اداروں یا پھر ملک سے باہر کراتے ہیں اور اس مقصد کیلئے لاکھوں روپے خرچ کرتے ہیں۔ اسی طرح بعض حکمران اپنا علاج باہر ممالک میں کرواتے ہیں مگر اس ملک کی اسپتالوں کی بہتری کیلئے اقدامات نہیں اٹھاتے۔ ایسے حضرات کو اپنے ذات کی تو فکر ہوتی ہے مگر ان لوگوں کی فکر نہیں ہوتی جنہیں نے ان پر اعتماد کرکے انہیں اسمبلی تک پہنچایا، عوامی نمائندے بلندی پر پہنچ کر عوام کو ہی فراموش کر دیتے ہیں۔ بیان میں مزید کہا گیا کہ عوام کا پیسہ عوام پر خرچ ہونا چاہئے، عوام اس لئے ٹیکس نہیں دیتے کہ پارلیمانی حکمرانوں کا علاج ملک سے باہر ہو بلکہ ملک کے تمام اداروں کی بہتری کیلئے دیتے ہیں۔ اصل سرمایہ کاری ملک کے عوام پر ہونی چاہئے۔ حکومت کو چاہئے کہ سب سے زیادہ پیسہ اسپتالوں اور تعلیمی اداروں کی بہتری کیلئے لگائے۔ اچھی تعلیم کے ذریعے ہی مستقبل کے معماروں کے شعور میں اضافہ ہوگا اورہماری مستقبل روشن ہوگی۔ بیان کے آخر میں کہا گیا کہ حکمرانوں کی بڑی تعداد دوسرے ممالک کے اسپتالوں اور تعلیمی اداروں پر پیسہ خرچ کرتی ہے اگر وہی پیسہ اپنے ملک میں خرچ کرواکر ہمارے اسپتالوں اور سکولوں کا نظام بہتر کیا جائے تو جہاں ان حکمرانوں کت بچے انہیں اسکولوں سے پڑھیں گے وہی ملک کے دیگر طلباء بھی فائدہ اٹھائیں گے اور جہاں ان حکمرانوں کا بہتر علاج ہوگا وہی دیگر شہریوں کی بھی زندگیاں بچ جائیں گی۔
وحدت نیوز (کوئٹہ) مجلس وحدت مسلمین کوئٹہ کے میڈیا سیل سے جاری شدہ بیان میں توانائی بحران کا تذکرہ کرتے ہوئے کونسلر کربلائی رجب علی نے ہے کہاہے کہ بجلی کی لوڈشیڈنگ کے خاتمے کیلئے حکومت کی جانب سے عملی اقدامات نظر نہیں آرہے ہیں۔ ملک توانائی بحران کا شکار ہے اور عوام کو لوڈشیڈنگ کی عادت سی پڑ گئی ہے ، مظلوم عوام کب تک اس ملک میں لوڈشیڈنگ کا سامنا کرے،ن لیگ کی جانب سے لوڈشیڈنگ خاتمے کے الیکشن سے قبل کیئے گئے تمام دعوے ہوا ہوگئے، حکومت کو چاہئے کہ وہ توانائی بحران پر قابو پانے کیلئے صنعتوں کا استعمال کرے۔ بیان میں مزید کہا گیا کہ پچھلے ایک دہائی سے ملک میں بجلی کا بحران ہے اور اس مسئلے کے حل کیلئے کوئی خاص اقدام نہیں اٹھایا گیا ہے، روزانہ کی بنیاد پر عوام کو کئی بار لوڈ شیڈنگ کا سامنا ہوتا ہے، حکومت کو بجلی کی فراہمی یقینی بنانا چاہئے۔ توانائی بحران کی وجہ سے روزانہ نہ صرف معیشت کو نقصان پہنچتا ہے بلکہ عوام کو دیگر سینکڑوں مشکلات کا بھی سامنا ہوتا ہے۔ بیان میں مزید کہا گیا کہ توانائی کے بحران سے نجات کیلئے حکومت ملک کے صنعتوں کو بروئے کار لا سکتی ہے ، صوبے کے بعض علاقوں سے کوئلہ ایک بڑی تعداد میں برآمد ہوتا ہے۔بعض دانشوروں کے مطابق اگر تھر کول پروجیکٹ کی ابتداء کی جائے تو ملک میں بجلی کے بحران سے چھٹکارا مل سکتا ہے اگر کوئلہ کے استعمال سے بجلی تیار کی جائے تو نہ صرف بلوچستان بلکہ ملک بھر کے بجلی کی ضرورت پوری کی جاسکتی ہے اور ایک سیکنڈ بھی ہمیں لوڈشیڈنگ کا سامنا نہیں کرنا پڑے گا۔ توانائی بحران کی وجہ سے ملک کو ہر روز کروڑوں کا نقصان ہوتا ہے اور عوام کی پریشانی و مشکلات دوسری طرف۔ بیان کے آخر میں کہا گیا کہ حکومت کو چاہئے کہ عوام کی فلاح و بہبود کو مد نظر رکھتے ہوئے انکی بہتری کیلئے منصوبہ بندیاں کرے، عوام کے مسائل کو زیر بحث لائے اور اقدامات کے ذریعے عوامی مسائل کو ھل کرے۔ اس طرز حکمرانی کے ذریعے ہی پارلیمانی رہنما ملک و قوم کی ترقی کا سبب بن سکتے ہیں۔
وحدت نیوز (گلگت) وزیر جنگلات جنا ب حاجی محمد وکیل کی ناگہانی موت پر غمزہ خاندان کے غم میں شریک ہیں،خدا پسماندگان کو صبر جمیل عطا فرمائے اور مرحوم کو اپنی رحمت کے سائے میں جگہ عنایت فرمائے۔
مجلس وحدت مسلمین گلگت بلتستان شعبہ خواتین کی رہنما و رکن اسمبلی بی بی سلیمہ نے حاجی محمد وکیل کی اچانک فوتگی پر غمزہ خاندان کو تعزیت پیش کرتے ہوئے کہا ہے کہ دکھ کی اس گھڑی میں غمزدہ خاندان کے ساتھ شریک ہیں،خدا پسماندگان کو مصیبت کے اس عالم میں صبر جمیل عطا کرے اور مرحوم کی مغفرت فرمائے۔موت ایک حقیقت ہے جس سے انکار ناممکن ہے ہر ذی حیات کو موت کا ذائقہ چکھنا ہے اور انسان کی ترقی کا سفر اصل میں موت کے بعد ہی شروع ہوتا ہے لیکن افسوس کہ اس راز سے ہمیں واقفیت نہیں اور موت سے خوف اور ڈر محسوس ہوتا ہے۔حاجی محمد وکیل کے اچانک رخصت ہونے سے ایک خلا ضرور پیدا ہوااور اس کی جگہ کوئی دوسرا نہیں لے سکتا۔ہماری دعا ہے کہ خدا وند تعالی مرحوم کی جملہ کوتاہیوں کی مغفرت فرمائے اور پسماندگان کو صبر جمیل عطا کرے۔
وحدت نیوز(کراچی) مجلس وحدت مسلمین سندھ اور کراچی کے تین سالہ پارٹی سیشن مکمل ہونے پر انٹرا پارٹی الیکشن 7،8مئی بنام’’پیام وحدت کنونشن ‘‘مسجد و امام بارگاہ سامرہ نیو رضویہ سو سائٹی میں منعقد ہو گا،کنونشن کی صدارت سیکرٹری جنرل پاکستان علامہ ناصر عباس جعفری سمیت ایم ڈبلیو ایم پاکستان کی نو منتخب کابینہ کے اراکین شرکت کر یں گے ۔ان خیالات کا اظہار ایم ڈبلیو ایم سندھ کے صوبائی سیکرٹری اطلاعات آصف صفوی نے صوبائی آفس وحدت ہاؤس کراچی سے جاری بیان میں کیاانہوں نے کہاکہ انٹرا پارٹی الیکشن میں صوبائی سیکرٹری جنرل علامہ مختار امامی اپنی کابینہ سمیت عہدے سے سبکدوش ہونگے اورنئے صوبائی سیکرٹری جنرل کیلئے صوبائی شوریٰ کا اجلاس 2بجے دن اور پولنگ کا آغاز3 بجے ہوگا،4 بجے نئے صوبائی سیکرٹری جنرل کا باقائدہ اعلان کیا جائے گا جبکہ ایم ڈبلیو ایم کراچی کی مجلس شوریٰ کا اجلاس نئے صوبائی سیکرٹری جنرل کے نام کے اعلان کے فوراََ بعد شروع ہوگا اور 6بجے شام ایم ڈبلیو ایم کراچی کے نئے سیکرٹری جنرل کے نام کا اعلان کیا جائے گا۔واضح رہے سربراہ ایم ڈبلیو ایم پاکستان علامہ راجہ ناصر عباس جعفری نو منتخب سیکرٹریزسے انکے عہدے کا حلف لیں گے،بعد ازآں علامہ راجہ ناصر عباس جعفری نو منتخب صوبائی و کراچی کے سیکرٹری جنرل اور دیگر رہنماوں کے ہمراہ اہم پریس کانفرنس کریں گے۔
وحدت نیوز(کراچی) مجلس وحدت مسلمین کراچی ڈویژن کے اعلیٰ سطحی وفدنے پاکستان عوامی تحریک کے صوبائی سیکریٹریٹ میں علی اوسط ، ظفر اقبال اور خان محمد بلوچ سے ملاقات کی،ایم ڈبلیوایم کے وفدمیں ڈویژنل سیکریٹری امور سیاسیات علی حسین نقوی اور علامہ صادق جعفری شامل تھے، ایم ڈبلیوایم رہنمائوں نے پی ایس۱۱۷اور پی ایس۱۲۷کے ضمنی انتخاب میں ایم ڈبلیوایم کی حمایت اور پانامہ لیکس پر اپوزیشن جماعتوں حکمت عملی پر گفتگو کی، پاکستان عوامی تحریک کے رہنمائوں نے کراچی میں ہونے والے ضمنی انتخابات میں مجلس وحدت مسلمین کے امیدواروں کی مکمل حمایت اور تعاون کی یقین دہانی کروائی ہے ۔
