وحدت نیوز (کوئٹہ) مجلس وحدت مسلمین کوئٹہ ڈویژن کے زیراہتمام حالات حاضرہ اورمجلس وحدت کے کردار کے حوالے سے ایک سیمینار کا انعقاد میجر نادرعلی انسٹیٹوٹ آڈیٹوریم میں منعقد ہوا،پروگرام کا باقاعدہ آغازعباس علی نے قرآن پاک سے کیا،میثم عباس اور صادق علی نے  منقبت پیش کی، سیمینار کا اختتام  مجلس وحدت مسلمین پاکستان کے مرکزی رہنما علامہ سید ہاشم موسوی نے دعا امام زمانہ (عج) سے کیا۔سیمینار سے  مر کزی سیکریٹری سیاسیات نا صرعبا س شیر ازی نے سیمینارسے خطا ب کر تے ہوئے کہاکہ  مجلس وحدت وحدت مسلمین کی سیا ست اس اصول پر قائم ہے کہ ہر ظالم کے خلاف اور مظلوم کی حمایت ہمار ا اولین فر ض ہے گزشتہ ایک ڈیڑھ سا لوں کے اندر جس طر ح پاکستان میں شیعہ ، سُنی کے نام پر ملک میں دہشت گر دی پھیلانے کی کو شش کی گئی اور محرم کے مہینے میں بڑے پیمانے پر وطن عزیر میں فسا دات کر وانے کی جو سا زش تیا ر کی گئی تھی جس کا یہ عملی مظا ہرہ راولپنڈی میں جلوس عا شورہ کے وقت دیکھنے کو ملا اُن تمام سا زشو ں کو مجلس وحد ت مسلمین نے اپنے سُنی بھا ئیوں کی نمائندہ جماعتوں کے سا تھ ملکر نا کام بنایااور ثا بت کر دیا کہ پاکستان میں شیعہ ، سُنی کا کوئی مسئلہ نہیں بلکہ ایک مخصوص تکفیری ٹولہ مملکت عزیز میں فر قہ واریت کے نام پر دہشت گر دی کی کا روائیوں میں مصر وف ہیں۔انہوں نے کہا کہ سب سے پہلے ایم ڈبلیو ایم نے دہشت گردوں کے ساتھ مذا کرات کر رد کرتے ہوئے کہا تھا کہ ان دہشت گر دوں سے مذا کر ات نہیں بلکہ ان کے سا تھ آہنی ہا تھوں سے نمٹا جا ئے اور آج دو سا ل کے بعد تمام سیاسی جما عتوں نے ہمارے مو قف کی تعید کرتے ہوئے دہشت گردوں کے خلا ف بھر پور کا روائی کرنے کیلئے قا نوں میں آئینی ترا میم کے ذریعے فو جی عدا لتوں کے قیا م کی حما یت کی ۔

وحدت نیوز (ملتان) مجلس وحدت مسلمین پاکستان کے شعبہ وحدت یوتھ پاکستان کے مرکزی چیئرمین برادرسید فضل عباس نقوی ایڈووکیٹ 30 جنوری سے 3 فروری تک صوبہ سندھ کا پانچ روزہ دورہ کریں گے،مرکزی یوتھ سیکریٹریٹ ملتان سے جاری پریس کےمطابق فضل عباس ایڈووکیٹ وحدت اسکاوٹس کے زیر اہتمام ہونے والے کراچی ڈویژن کے تین روزہ اسکاؤٹ کیمپ میں شرکت کے علاوہ کراچی ڈویژن ، حیدرآباد ڈویژن اور سکهر ڈویژن کے دورہ جات بھی کریں گے،  ان ڈویژنز کی یوتھ کونسلزکے اجلاسوں میں شرکت کریں گے،ان اجلاسوں میں آئندہ تین ماہ کا پروگرام پیش کیا جائے گا۔

وحدت نیوز(اسلام آباد) چیئرمین خیرالعمل فاؤنڈیشن نثارعلی فیضی کی زیر صدارت سنٹرل کور کمیٹی کا اجلا س ہوا جس میں گلگت میں ہاؤسنگ سکیم کے تحت مکانات کی تعمیر کو جلد مکمل کرنے کا فیصلہ کیا گیا اور اسکے علاوہ ڈی آئی خان میں بھی تعمیرات کے آخری مرحلے میں موجود ہاؤسنگ کالونی کے فوری تکمیل کے بعد افتتاح کرنیکا فیصلہ بھی ہوا جس میں مرکزی قائدین شرکت کرینگے ۔اجلاس میں خیرالعمل فاؤنڈیشن کے رفاہی منصوبوں کے لیے 2015-16 کے مجوزہ بجٹ کی تیاری جس میں قدرتی آفات وسانحات،تعلیم،صحت، یتیموں کی کفالت ، عمومی رفاہ، تعمیر مساجد و قرآن سنٹرز ،ووکیشنل سنٹرز اور فراہمی آب کے منصوبوں کے لیے فنڈز کی جمع آوری کی حکمت عملی مرتب کی گئی تاکہ تمام شعبہ جات کے لیے علیحدہ علیحدہ بجٹ مختص کر کے منصوبوں کو بر وقت تکمیل تک پہنچایا جا سکے مجوزہ بجٹ کو آئندہ بورڈ آف گورنرز کے اجلاس میں منظوری کے لیے پیش کیا جائیگا بجٹ میں پاکستان کے تمام صوبوں بشمول ریاست کشمیر کے لیے سینکڑوں منصو بوں پر کام کرنے پر غور کیا ۔چیئر مین خیرالعمل فاؤنڈیشن نے تمام شعبہ جات کو اس سلسلے میں اپنی منصوبہ بندی مکمل کرنیکی ہدایات کرتے ہوئے جلد رپورٹس پیش کرنے کا کہا ۔

اجلاس سے خطاب کرتے ہوئے چیئرمین خیرالعمل فاؤنڈیشن نثارعلی فیضی نے کہا کہ خیرالعمل فاؤنڈیشن کی پاکستان میں فعالیت ایم ڈبلیو ایم کے اجتماعی امور میں بے پناہ اہمیت رکھتی ہے ادارے کے اب تک کے کاموں سے کئی علاقوں بلخصوص پسماندہ اور دور افتادہ علاقوں میں جماعت کی تشکیل اور زمینہ سازی میں بھر پور مدد ملی ہے قومی جماعت کی تشکیل کے نتیجے میں عوام کا بنیادی مسائل ومشکلات کے لیے مراجعہ بہت زیادہ ہے اور ان توقعات پر پورا اترنے میں آج اگر ہم کچھ کردار ادا کر رہے ہیں تو اس میں ہمارے مخیر حضرات،اداروں اور ٹیم کی انتھک کاوشوں کا بہت بڑا عمل دخل ہے ایک الہی جماعت کے لیے اندرونی و بیرونی چیلنجز کا مقابلہ کرنے کے لیے ان امور پر خاطر خواہ کام کا ہونا حکمت عملی سے عین مطابقت رکھتا ہے ۔انشاء اللہ خیرالعمل فاؤنڈیشن انسانی خدمت کے جذبے کے تحت رفاہی کاموں کے جال کو مزید وسیع کریگی ۔

وحدت نیوز (کوئٹہ) مجلس وحدت مسلمین پاکستان کے مرکزی سیکریٹری امور سیاسیات سید ناصرعباس شیرازی ایڈووکیٹ نے کوئٹہ کا تین روزہ دورہ کیا، جس کے دوران مختلف سیاسی جما عتوں کے رہنماوں اور اہم سیا سی شخصیا ت سے ملاقا تیں کی، ممبر صوبا ئی اسمبلی سید محمد رضا کی رہا ئش گا ہ پر پا کستان تحریک انصاف کے مر کزی رہنما ء قا سم سو ری ، صوبا ئی صدر عبدالبا ری بڑیچ نے وفد کے سا تھ ان سے ملا قات کی جسمیں بلو چستان اور ملکی سیا سی صو رت حال پر تفصیلی بات چیت کی گئی، نا صرعبا س شیرازی نے وفد کو خوش آمدید کر تے ہوئے کہا کہ مر کزی سطح پرمجلس وحدت مسلمین اور پاکستان تحریک انصا ف کے درمیان اچھے تعلقات ہیں اور اب بلوچستان میں بھی دونوں جما عتوں کے رہنماوں کے درمیان روابط بڑھا نے کی ضر ورت ہے ۔ تحریک انصاف کے وفدنے مضبو ط تعلقات کے حواے سے کہا کہ گزشتہ انتخا بات میں بلوچستان میں دونوں جما عتوں میں رابطے نہ ہونے کی وجہ سے سیا سی اتحا د نہیں ہو سکا مستقبل میں روابط بڑھانے پر اتفا ق کیا گیا ۔

وحدت نیوز (اسکردو) مجلس وحدت مسلمین پاکستان بلتستان ڈویژن کے رہنما علامہ شیخ علی محمد کریمی کے خلاف اسکردو انتظامیہ کی جانب سے جاری بلاجواز ہتک آمیز دھمکیوں اور اکابرین اسلام کے خلاف ہونے والے اشتعال انگیز اور تفرقہ آمیز وال چاکنگ کے خلاف مالک اشتر چوک گمبہ سکردو پر احتجاجی مظاہرہ کیا گیا۔ احتجاجی مظاہرہ میں مجلس وحدت مسلمین اور شیعہ کونسل کے رہنماوں نے خطاب کیا۔ ان میں آغا علی رضوی رضوی ، سید احمد موسوی ، شیخ زاہد حسین زاہدی شامل تھے۔ مقررین نے اپنے خطاب میں کہا کہ اسسٹنٹ کمشنر اسکردو کی جانب سے مجلس وحدت مسلمین کے رہنما شیخ علی محمد کریمی کو جاری ہتک آمیز نوٹس کو افسوسناک قرار دیا ۔ انہوں نے کہا کہ گمبہ اسکردو میں رات کے وقت اکابرین اسلام کے خلاف ہونے والی وال چاکنگ کی تمام تر ذمہ داری انتظامیہ پر عائد ہوتی ہے اور یہ حرکت عوام اور پاکستان آرمی کے درمیاں خلیج پیدا کرنے کی کوشش ہے۔ ہم افواج پاکستان کو یہ پیغام دینا چاہیں گے کہ دہشتگردوں کے خلاف آپریشن اور ریاست کو بچانے کے لیے پاکستان آرمی کے شانہ بشانہ کھڑی ہے۔ عوام اور فوج کے درمیان نفرت پیدا کرنے والے ادارے اور شخصیات کے خلاف کاروائی ہونی چاہیے۔اس موقع پر سیکرٹری جنرل ایم ڈبلیو ایم بلتستان علامہ آغا علی رضوی نے کہا ہے کہ اگر بلتستان میں امن قائم ہے تو بلتستان کی امن پسند عوام اور بابصیرت علماء کی وجہ سے ہے نہ کہ انتظامیہ کے سبب۔گمبہ اسکردو کے شجاع عالم دین شیخ علی محمد کریمی کے خلاف جاری نوٹس دراصل یہاں کے امن کے نقیبوں اور اتحاد و محبت کے داعیوں اور دہشتگرد مخالفوں پر حملہ کے مترادف ہے۔بلتستان میں موجود دہشتگرد عناصر کا گھیرا تنگ کرنے کی بجائے دہشتگرد مخالفوں کو بدترین دھمکیاں دینا لمحہ فکریہ ہے۔اگر حکام بالا نے ہمارے علماء کی توہین کے خلاف کاروائی نہیں کی گئی تو ہم خاموش نہیں رہیں گے۔ انہوں نے کہا کہ احتجاج ، دھرنا اور مظاہرہ عوام کا بنیادی حق ہے جسے روکنے کی کوشش غیر قانونی عمل ہے۔

وحدت نیوز (گمبہ اسکردو) اسسٹنٹ کمشنر اسکردو کیجانب سے جاری نوٹس میں انہیں قانونی شکنی کرنے اور عوام کو ریاست کے خلاف ورغلانے کے الزمات عائد کرتے ہوئے آئندہ ایسے اقدامات سے باز رہنے کی دھمکی دی ہے۔ تفصیلات کے مطابق گمبہ اسکردو کی عوام نے گمبہ میں جاری بدترین بجلی کی لوڈشیڈنگ کے خلاف گمبہ اسکردو مالک اشتر چوک پر احتجاجی مظاہرہ کیا تھا، احتجاجی مظاہرے سے مجلس وحدت مسلمین بلتستان کے رہنما شیخ علی محمد کریمی، شیعہ علماء کونسل کے رہنما سید احمد موسوی اور دیگر نے خطاب کیا تھا۔ انہوں نے اپنے خطاب میں محکمہ برقیات کی بدترین نااہلی کو ظلم سے تعبیر کرتے ہوئے محکمہ برقیات اور اسکردو انتظامیہ کی مذمت کی تھی۔ احتجاج کے دوران محکمہ برقیات کے افسران سے مذاکرات کے بعد احتجاج ختم کر دیا گیا تھا۔ احتجاج ختم ہونے کے بعد اسسٹنٹ کمشنر اسکردو عمر چٹھہ نے ایک دھمکی آمیز نوٹس جاری کر دیا ہے اور واضح کیا ہے قومی ایکشن پلان پر عملدرآمد گلگت بلتستان میں شروع ہوگیا ہے اور اکیسویں ترمیم کے بعد کسی بھی شہری کو یہ حق حاصل نہیں کہ وہ احتجاج کرے، لاوڈسپیکر کا استعمال کرے اور سرکاری سڑکیں بلاک کرے۔ یہ سب قانون شکنی کے زمرے میں آتا ہے۔ اگر دوبارہ اس قسم کی سرگرمی کی گئی تو سختی سے نمٹا جائے گا اور قانونی کارروائی کی جائے گی۔ دوسری طرف مجلس وحدت مسلمین گمبہ اسکردو کی جانب سے ضلعی انتظامیہ کے اس غیر قانونی عمل کو علماء کی توہین قرار دیتے ہوئ اس کے خلاف کل ساڑے نو بجے مالک اشتر چوک اسکردو پر احتجاج کا اعلان کیا گیا ہے۔