وحدت نیوز(کراچی) مجلس ڈیزاسٹرمینجمنٹ سیل ذیلی ادارہ مجلس وحدت مسلمین پاکستان کراچی ڈویژن کی جانب سے سید زین رضوی کی زیر نگرانی کورونا وائرس کے لاک ڈاؤن کے سبب شہرقائد کے متاثرہ ڈیلی ویجز ملازمین کیلئے راشن بیگز کی فراہمی کا دوسرا مرحلہ بھی مکمل کرلیا گیا۔

المجلس ڈیزاسٹرمینجمنٹ سیل کراچی ڈویژن کے چیئرمین سید زین رضوی نےوحدت نیوز سے گفتگو کرتے ہوئے کہاکہ اب تک ضلع وسطی، غربی،جنوبی، شرقی، ملیر، لانڈھی کورنگی کے 1500سے زائد متاثرہ خاندانوں میں بلاتفریق رنگ ونسل مذہب ومسلک تقسیم یہ راشن بیگز تقسیم کیئے گئے ہیں ۔ الحمد اللہ راشن بیگز کی تقسیم کے تیسرے مرحلے کی تیاریوں آغاز بھی کردیا گیا ہے ، مخیرحضرات زیادہ سے زیادہ مالی تعاون فرماکر اس کارخیرمیں بھرپورحصہ لیں۔

وحدت نیوز(ملتان)مجلس وحدت مسلمین جنوبی پنجاب کے وفد نے صوبائی سیکرٹری جنرل علامہ اقتدار حسین نقوی کی قیادت میں قرنطینہ سنٹر ملتان میں ڈپٹی کمشنر ملتان عامر خٹک سمیت چیف وہپ قومی اسمبلی ایم این اے ملک عامر ڈوگر، صوبائی وزیر توانائی ڈاکٹر اختر ملک، ایڈیشنل ڈپٹی کمشنر طیب خان سے ملاقات کی۔ اس موقع پر ایم ڈبلیو ایم جنوبی پنجاب کے ڈپٹی سیکرٹری جنرل سلیم عباس صدیقی، صوبائی رہنما مہر سخاوت علی سیال اور ثقلین نقوی موجود تھے۔ علامہ اقتدار نقوی نے اعلیٰ حکام سے ملاقات کے دوران زائرین کو درپیش مشکلات کو حل کرنے کا مطالبہ کیا۔ اُنہوں نے کہا کہ زائرین کی خوراک کے حوالے سے کافی شکایات ہیں، ضلعی انتظامیہ اس حوالے سے فوری اقدامات کرے۔

علامہ اقتدار نقوی کا کہنا تھا کہ دیگر قرنطینہ سنٹرز کی طرح ملتان کے زائرین کو ٹیسٹ رپورٹ نیگٹیو آنے پر جلد اپنے علاقوں کے لیے روانہ کیا جائے۔ اُنہوں نے کہا کہ ملتان میں زائرین نے حکومت کے ساتھ بھرپور تعاون کیا ہے، اب حکومت کی ذمہ داری ہے کہ انہیں فی الفور اپنے گھروں کو روانہ کیا جائے، اس موقع پر ڈپٹی کمشنر نے یقین دہانی کرائی کہ جن مسائل کی نشاندہی کی گئی ان کو فی الفور حل کیا جائے گا۔ الحمداللہ ملتان کے زائرین میں بہت کم افراد کے رزلٹ پازیٹو آئے ہیں اور جن کے رزلٹ پازیٹو آئے، وہ بھی جلد روبصحت ہو جائیں گے۔

وحدت نیوز(کراچی)مجلس وحدت مسلمین پاکستان صوبہ سندھ کے سیکرٹری جنرل علامہ باقر عباس زیدی نے سندھ میں اشیائے خوردونوش کی بڑھتی ہوئی قیمتوں پر تشویش کا اظہار کرتے ہوئے اسے حکومتی نااہلی قرار دیا ہے۔ انہوں نے کہا کہ روزمرہ کے استعمال کی اشیاء کی قیمتوں میں دن بدن اضافہ کیا جا رہا ہے جو عوام کی مشکلات میں اضافے کا باعث ہے، حکومت کے انتظامی معاملات پر گرفت ڈھیلی پڑ رہی ہے جس نے دکانداروں کے حوصلوں میں اضافہ کر رکھا ہے، حکومت کو چاہیئے کہ وہ کورونا سے نمٹنے کے ساتھ ساتھ انتظامی معاملات پر بھی کڑی نظر رکھیں تاکہ کسی کو قانونی شکنی کا موقعہ نہ مل سکے۔ انہوں نے کہا کہ سندھ حکومت کی طرف مستحقین کی مدد کے لئے راشن کی تقسیم کے حوالے ضلعی سطح پر جو کمیٹیاں تشکیل دی گئی ہیں ان میں پارٹی کارکنوں کو فوقیت دی گئی ہے، ایسی صورتحال میں راشن کی تقسیم میں شفافیت برقرار نہ رہنے کا خدشہ ہے۔

علامہ باقر زیدی نے مزید کہا کہ اگر نادار افراد کے لئے تقسیم کیا جانے والا راشن صرف اپنی پارٹی کے لوگوں تک محدود رہا تو یہ انتہائی ناانصافی ہوگی، اس عمل کو شفاف بنانے کے لئے ضروری ہے کہ ان کمیٹیوں میں سیاسی وابستگیوں سے بالاتر ہوکر علاقے کے دیانت دار افراد کو شامل کیا جائے۔ انہوں نے کہا کہ بعض علاقوں میں لاک ڈاؤن کے دوران پولیس گردی کی رپورٹس بھی منظر عام پر آرہی ہیں، ڈی سی آفس کورنگی میں پولیس کی جانب سے عوام پر تشدد قابل مذمت عمل ہے، ذمہ دار اداروں کا اختیارات سے تجاوز کسی صورت قابل قبول نہیں، عام آدمی پہلے ہی مشکلات کا شکار ہیں انہیں مزید پریشان نہ کیا جائے۔

وحدت نیوز(اسلام آباد) مجلس وحدت مسلمین نے عراق اور ایران میں پھنسے زائرین کی واپسی میں رکاوٹیں دور کرنے کے لیے اسلام ہائی کورٹ میں درخواست دائر کر دی ہے۔درخواست میں وطن واپس پہنچنے والے زائرین کے علاج معالجے اوردیگر سہولیات کی فراہمی کی بھی استدعا کی گئی۔درخواست کو سماعت کے لیے منظور کر لیا گیاہے۔

درخواست گزار نے وفاق،وزارت دفاع، سیکرٹری داخلہ، سیکرٹری خارجہ اور چیئرمین پیمرا کو فریق بناتے ہوئے موقف اختیارکیا کہ زیارات کی غرض سے جانے والے مسافروںکو پاکستان واپس نہیں آنے دیا جا رہا ہے جس کے باعث زائرین اور ان کے اہل خانہ شدید تشویش میں مبتلا ہیں۔ حکومت کی یہ ذمہ داری بنتی ہے کہ وہ اپنے شہریوں کی بحفاظت واپسی کے لیے فوری انتظامات کرے۔

درخواست میں کہا گیا کہ عدالت زائرین کی وطن واپسی کے لیے خصوصی پروازیں چلانے یا انہیں زمینی راستے سے واپس لانے کے احکامات صادر کرے درخواست میں یہ بھی کہا گیا کہ وطن واپس پہنچنے والے زائرین کے علاج معالجے پر توجہ نہیں دی جا رہی ۔کرونا وائرس جیسی وبا کے معاملے میں بے احتیاطی سنگین غلطی ثابت ہو سکتی ہے۔حکومت زائرین کی صحت سے متعلق معاملات پر خصوصی توجہ دیتے ہوئے اقدامات کا اعلان کرے۔درخواست پر باقاعدہ سماعت (آج) بروز بدھ اسلام آباد ہائی کورٹ کے چیف جسٹس اطہر من اللہ کے روبرو ہو گی۔

وحدت نیوز(اسلام آباد) جنگ گروپ کے چیئرمین،پبلشر اور نامور صحافی میر جاوید الرحمن کے انتقال پر مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے افسوس کا اظہار کرتے ہوئے اس شعبہ صحافت کا عظیم نقصان قرار دیا ہے۔

 انہوں نے کہا کہ مرحوم کی طویل صحافتی خدمات کو ہمیشہ یاد رکھا جائے گا۔جنگ گروپ نے میر جاوید الرحمن کی سربراہی میں جس جرات،جذبے اور لگن سے صحافتی سفر جاری رکھا وہ مثالی ہے۔انہوں نے مرحوم کی بلندی درجات اور اہل خانہ کے لیے صبر جمیل کی دعا بھی کی۔

وحدت نیوز(ملتان) مجلس وحدت مسلمین ملتان کے ذیلی ادارہ المجس ڈیزاسٹر مینجمنٹ سیل(ADMC) کی جانب سے ملتان قرنطینہ سینٹر کے باہر قرنطینہ میں موجود زائرین اور اُن کے خانوادگان کی راہنمائی کے لئے مسلسل 12 روز سے کیمپ جاری۔ جہاں پر مجلس وحدت مسلمین ضلع ملتان کے سیکرٹری جنرل برادر وجاہت علی مرزا کے زیرِ نگرانی وحدت یوتھ کے جوان شدید بارش موسم کےاور حالات کی پرواہ کئے بغیر مسلسل خدمت میں پیش پیش ہیں اور زائرین کے لواحقین کی راہنمائی کے ساتھ ساتھ زائرین کے لئے ضرورتِ زندگی کے سامان بھی مہیا کیا جا رہا ہے جس کو اس دوران وزیر خوراک پنجاب ملک اختر اور ڈی سی او ملتان عامر خٹک نے بھی کئی بارکیمپ کا دورہ کیا اور المجلس ڈیزاسٹر مینجمنٹ سیل(ADMC)ضلع ملتان کی کاوشوں کو سراہا۔

اس کے علاوہ دیگر ملی و قومی تنظیموں اور شخصیات نے بھی المجلس ڈیزاسٹرمینجمنٹ سیل(ADMC) کا دورہ کر رہے ہیں اور کیمپ سے استعفادہ کرتے ہوئے زائرین کی خدمت میں اپنا حصہ ملا رہے ہیں۔ یاد رہے کے المجلس ڈیزاستر مینجمنٹ سیل کی جانب سے قرنطینہ سنٹر میں موجود سینکڑوں زائرین کےلئے امددی کیمپ لگایا گیا ہے جس میں زائرین کے ضروریات اور کرونا سے بچاو ٔکے لئے آگاہی مہم چلائی جاتی ہیں۔ اس موقع پر المجلس ڈیزاستر مینجمنٹ سیل نے قرنطینہ سنٹر کے گردونواح اور شہر کے دیگر حصوں میں اینٹی وائرس اسپرے بھی کیا۔

Page 12 of 1132

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree