وحدت نیوز(ڈی آئی خان) قرنطینہ سینٹر ڈیرہ اسماعیل خان میں مقیم 121 زائرین کوروناٹیسٹ منفی آنے پر اپنے اپنے گھروں کو روانہ کردیئے گئے ہیں ۔ قرنطینہ سینٹر ڈیرہ اسماعیل خان سے فارغ ہوکر جانے والے زائرین کا تعلق اسلام آباد، راولپنڈی، ڈیرہ اسماعیل خان، پاڑاچنار، ہنگو، کوہاٹ، بنوں، مردان، چارسدہ، پشاور، مانسہرہ، صوابی، ہری پور، ایبٹ آباد، اپردیر، مالاکنڈ، سوات، کراچی، گجرانوالہ، گجرات، جھنگ ، منڈی بہاؤالدین سے ہے ۔ قرنطینہ میں موجود باقی زائرین کے رزلٹ منفی آنے کے بعد وہ بھی اپنے گھروں کو روانہ ہو ں گے ۔

مجلس وحدت مسلمین ڈیرہ اسماعیل خان کے سیکریٹری جنرل علامہ سید غضنفرعباس نقوی نےزائرین کو الوداع کرتے ہوئے کہاکہ ہم ڈیرہ کی ضلعی انتظامیہ، سٹیشن کمانڈر ڈیرہ ،کمشنر ڈیرہ ،ڈپٹی کمشنر ڈیرہ،آر پی او ڈیرہ ،ڈی پی او ڈیرہ،ڈاکٹرماجد خان اورمیڈکل سٹاف کا شُکریہ ادا کرتے ہیں ،قرنطینہ سینٹر ڈیرہ اسماعیل خان میں زائرین کو کسی قسم کی کوئی تکلیف نہیں ہوئی ۔

انہوں نے کہاکہ زائرین کو بہترین کھانا،بہترین رہائش، بہترین صفائی ، میڈسن وقت پر دی گئی ۔ میں اپنی پوری ٹیم کا بھی شکر گُزار ہوں کہ مومنین کے تعاون سے زائرین تک کپڑے، دودھ،فروٹ ،صابن شیمپو،بچوں کے کھلونے وغیرہ قرنطینہ سینٹر پہنچانے میں مدد کرتےرہے۔


انہوں نے مزید کہاکہ قرنطینہ سینٹر میں موجود باقی زائرین کی خدمت المجلس ڈیزاسٹرمینجمنٹ سیل جاری رکھے گا۔ انہوں نے اس امید کا اظہار کیاکہ زائرین ڈیرہ انتظامیہ اور ڈیرہ کے مومنین کی محبت کو ہمیشہ یاد رکھیں گے ۔

وحدت نیوز (پاراچنار) مجلس وحدت مسلمین خیبرپختونخوا کے صوبائی رہنما علامہ مزمل حسین نے کہا ہے کہ صوبے کے مختلف اضلاع میں میڈیکل کی سہولیات ناکافی ہیں جس کے باعث طبی عملے اور متاثرین کو شدید مشکلات کا سامنا کرنا پڑ رہا ہے۔پارہ چنارجیسے گنجان آباد علاقے میں صرف ایک وینٹی لیٹر دستیاب ہے جو مطلوبہ ضرورت کے مطابق نہ ہونے کے برابر ہے ۔کورونا کی وبا کوشکست دینے کے لیے صف اول میں اپنے کردار ادا کرنے والے میڈیکل سٹاف کوحفاظتی کٹس بھی فراہم نہیں کی گئیں جس کے باعث مریضوں سے میڈیکل سٹاف بھی متاثرہوا ہے۔ہسپتالوں میں آلات کی فراہمی ،ڈاکٹرز اور تربیت یافتہ سٹاف کی کمی کو پورا کرنے کے لیے صوبائی حکومت کو بروقت اقدامات کرنے چاہیں۔

انہوں نے کہا علاقائی مذہبی جماعتوں اور رفاعی اداروں کی جانب سے مشترکہ آگہی مہم کے ساتھ ساتھ راشن کی تقسیم بھی جاری ہے تاہم حکومتی سطح پر عوام کو ابھی تک سرد مہری کا سامنا ہے۔اگر حکومت کی طرف سے فوری طرح پر کوئی مثبت حکمت عملی طے نہ کی گئی تو علاقے کے عوام کے مسائل میں سنگین حد تک اضافہ ہو نے کا خدشہ ہے۔

انہوں نے حکومت سے مطالبہ کرتے ہوئے کہا کہ لاک ڈاؤن کے باعث دیہاڑی دار طبقہ شدید مشکلات کا شکار ہے ۔ان مشکلات کو دور کرنا ریاست کی اولین ذمہ داری بنتی ہے۔ حکومت ایسے تمام مسائل کے حل کے لیے ترجیحی بنیادوں پر اقدامات کا آغاز کرے۔   

وحدت نیوز (لاہور) ملک میں مذہبی منافرت کو ہوا دینے کی کوششیں قابل مذمت ہیں، پاکستان کے تمام شہری برابر ہیں، کسی کو فوقیت دینا اور کسی کو لاوارث سمجھنا تشویشناک اور ملکی امن کیلئے نقصان دہ ہے۔ ان خیالات کا اظہار مجلس وحدت مسلمین پنجاب کے سیکرٹری جنرل علامہ عبدالخالق اسدی نے لاہور میں کارکنوں سے گفتگو کرتے ہوئے کیا۔ انہوں نے کہا کہ کورونا ایک وباء ہے، جس کا مقابلہ ہم بحیثیت قوم متحد ہو کر سکتے ہیں مگر افسوس کہ چند متعصب عناصر نے کورونا کو بھی شیعہ سنی میں تقسیم کرنے کی سازش کی۔

انہوں نے کہا کہ زائرین بھی پاکستانی ہیں اور تبلیغی جماعت والے بھی، لیکن وباء کو بنیاد بنا کر کسی مکتب فکر کو ہدف تنقید نہیں بنایا جا سکتا۔ انہوں نے کہا کہ ملک میں ایک "آپریشن ردالتعصب" کی بھی ضرورت ہے، جس میں چند تکفیری عناصر کے ذہنوں سے مخالف مکاتب فکر کیلئے موجود تعصب کو ختم کیا جائے تاکہ یہ مٹھی بھر عناصر وحدت کی فضا کو خراب نہ کر سکیں۔ علامہ اسدی کا کہنا تھا کہ ملک میں قیام امن اور وحدت کے فروغ میں علماء نے نمایاں کردار ادا کیا ہے، اور اب بھی حالیہ تکفیری سوچ کی بھی علماء نے  مذمت کی ہے، اس حوالے سے حکومت اور علماء کو مل کر کام کرنا چاہیئے تاکہ یہ تعصب بھی ختم ہو سکے۔

انہوں نے کہا کہ زائرین جان بوجھ کر وائرس اپنے ساتھ نہیں لائے اور نہ ہی زائرین میں زیادہ کیسز سامنے آئے ہیں مگر مخصوص ذہنیت کے حامل میڈیا اور چند سیاسی رہنماوں نے الزام تراشی شروع کر دی مگر فرقہ واریت کو پھیلانے کی یہ سازش ناکام ہو گئی ہے۔ انہوں نے کہا کہ قرنطینہ سنٹرز میں اب بھی زائرین کیساتھ امتیازی سلوک روا رکھا جا رہا ہے، کلیئر ہونے کے باوجود زائرین کو محصور رکھا گیا ہے جبکہ انہیں سہولیات بھی فراہم نہیں کی جا رہیں۔ انہوں نے کہا کہ ہم بحیثیت امت متحد ہیں، ایک دوسرے کے عقائد اور نظریات کا احترام کرتے ہیں اس لئے حکومت کو تکفیری سوچ کے حامل ان شرپسندوں کا محاسبہ کرنا چاہیئے۔

وحدت نیوز (جیکب آباد) مجلس وحدت مسلمین پاکستان کے مرکزی ترجمان علامہ مقصود علی ڈومکی نے 10 شعبان المعظم یوم ولادت با سعادت حضرت علی اکبر ع اور یوم جوان کی مناسبت سے مبارکباد دیتے ہوئے کہا ہے کہ حضرت علی اکبر ع اپنی پاکیزہ سیرت اور حسن کردار کے باعث نوجوانوں کے لئے آئیڈیل شخصیت ہیں آپ اخلاق و کردار اور صورت و سیرت میں سیدالانبیاء ص سے شباھت رکھتے تھے اس لئے آپ کو شبیہ پیغمبر کہا گیا۔  آج ہمارے جوانوں کو حضرت علی اکبر ع کی سیرت اپنا کر حق کی سربلندی کے لئے میدان عمل میں رہنا چاہیے۔ حضرت علی اکبر ع کا صبر و حوصلہ شجاعت و معرفت  اور راہ خدا میں ھجرت و جہاد اور امام زمانہ ع کی اطاعت و نصرت ہمارے لئے رہنما اصول ہیں۔

انہوں نےکہا کہ مشکل ترین حالات میں المجلس ڈزاسٹر مینجمنٹ سیل کے دوستوں کی گرانقدر خدمات لائق صد تحسین ہیں۔ مجلس وحدت مسلمین پاکستان کے پلیٹ فارم سے ہمارے نوجوانوں نے قومی امور میں ہر اول دستے کا کردار ادا کیا۔ ہمارے جوانوں کو تعلیمات محمد ص و آل محمد ع کے سائے میں اپنے کردار کو مثالی بنا کر وطن عزیز پاکستان کے سبھی جوانوں کے لئے رہنما بننا چاہئے۔

وحدت نیوز(لاہور) سینئر ممبر پولیٹکل کونسل پنجاب مجلس وحدت مسلمین ,انچارچ المجلس ڈیزاسٹر مینجمنٹ سیل لاہور و ساہیوال ڈویژن سید حسین زیدی نے صوبائی وزیر صحت ڈاکٹر یاسمین راشد اور ڈاکٹر حسین مودود سے ہنگامی بنیادوں پر میٹنگ کی اورکارونا وائرس کے لاک ڈاؤن کے سبب حلقہ NA. 120کے 175 ضرورت مندخاندانوں کے لیے راشن (مکمل کریانہ + سبزیاں ایک ماہ کا ) موصول کر کے متعلقہ حلقہ کے یونٹ سیکرٹری جنرل خرم نقوی کے سپرد کر دیا ہے جو کہ جلد از جلد میرٹ کی بنیاد پر ضرورت مند افراد کے حوالے کر دیا جائے گا. اس کے علاوہ اور مزید راشن کی دستیابی کے لئے کوششیں جاری ہیں ہم سینئر ممبر پولیٹکل کونسل پنجاب سید حسین زیدی صاحب کی کاوشوں کو سہراتے ہیں ۔

وحدت نیوز(پشاور)المجلس ڈیزاسٹر مینجمنٹ سیل ذیلی ادارہ مجلس وحدت مسلمین خیبر پختون خوا کی جانب سے مختلف اضلاع کرونا وائرس سے بچاؤ کی آگاہی مہم اور امدادی سرگرمیاں جاری ہے۔ اس موقع کوہاٹ میں سینی ٹائزر کی 600 بوتلیں بنائی گئی جو گھر گھر تقسیم کی گئی جبکہ ضرورت مند خاندانوں کے لئے راشن کا بھی انتظام کیاگیا۔

ضلع ڈی آئی خان کے سیکریٹری جنرل علامہ سید غضنفرعباس نقوی نے المجلس ڈیزاسٹر مینجمنٹ سیل کی طرف سے کئی خاندانوں کے لئے راشن کا انتظام کیا اوراس موقع پر 500 ماسک اور 100 سینی ٹائزربوتلیں بھی تقسیم کی گئیں۔ مجلس وحدت مسلمین ڈی ایی خان نے زائرین کو اپنے علاقوں میں روانہ ہوتے وقت الوداع بھی کیا۔

المجلس ڈیزاسٹر مینجمنٹ سیل ضلع بنوں کی جانب سے کرونا وائرس آگاہی مہم کئی دن سے جاری ہے اس موقع پر مجلس وحدت مسلمین کے صوبائی رہنما برادر نوروز اور ضلعی کابینہ نے عوام میں سینکڑوں ماسک اور سینی ٹائزر کی بوتلیں تقیسم کیں۔ پاراچنار میں مجلس وحدت مسلمین نے قومی مرکزی کمیٹی کے ساتھ تمام گاؤ ں میں اگاہی مہم چلائی جوکہ جاری ہے۔

Page 9 of 1132

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree