وحدت نیوز(اسلام آباد) شیعہ ٹارگٹ کلنگ اور حکومتی بے حسی کے خلاف مجلس وحدت مسلمین پاکستان کے سربراہ علامہ راجہ نا صر عباس جعفری کی بھوک ہرتال کے گیارویں روز بھی ایم ڈبلیو ایم کے احتجاجی کیمپ میں مختلف سیاسی و مذہبی جماعتوں کے وفود اور عمائدین کی ملاقاتوں کا سلسلہ جاری رہا۔ملی یکجہتی کونسل پاکستان و جمیعت علمائے پاکستان کے سربراہ ڈاکٹر ابو الخیر زبیر نے اپنے اعلی سطح وفد کے ہمراہ ایم ڈبلیو ایم کے مرکزی سیکرٹری جنرل علامہ راجہ ناصر جعفری سے ملاقات کی۔ انہوں نے کہا کہ ملک میں مکتب تشیع کے خلاف ہونے والے ظلم و بربریت کی ہم بھرپور مذمت کرتے ہیں۔سانحہ پارہ چنار کے ذمہ داران کے خلاف فوری کاروائی ہونی چاہیے۔پاکستان کے مظلومین کی حمایت میں قائد وحدت علامہ راجہ ناصر عباس نے جو جدوجہد شروع کی اس میں ہم ان کے ساتھ کھڑے ہیں۔انہوں نے کہا کہ حکومت مجلس وحدت مسلمین کے تحفظات کو دور کرے۔علامہ ناصر عباس ملک کی ایک باوقار اور محب وطن شخصیت ہیں۔ان کی بھوک ہرتال کے معاملے میں حکومت کا غیر سنجیدہ رویہ حکومتی مشکلات میں اضافے کا باعث بن سکتا ہے۔آل پاکستان مسلم لیگ کے مرکزی رہنما ڈاکٹر امجد نے علامہ ناصر عباس کو مکمل حمایت کا یقین دلاتے ہوئے کہا ہے کہ عوام کی جان و مال کا تحفظ ریاست کی اولین ذمہ داری ہے۔ ملت تشیع کو درپیش مشکلات اور ان کے تحفظات دور کرنے کے لیے حکومت کو فورا مذاکرات کرنے چاہیے۔ڈاکٹر امجد نے کہا کہ ایم ڈبلیو ایم کے تمام مطالبات شیعہ کمیونٹی اور ملک و قوم کے تحفظ کے لیے انتہائی اہم ہیں۔ہم ان کی بھرپور تائید کرتے ہیں۔علامہ ناصر عباس نے علامہ ابو الخیر زبیر اور ڈاکٹر امجد کی آمد پر ان کا شکریہ ادا کرتے ہوئے کہا کہ حکومت ہمارے پرامن احتجاج کوکمزوری نہ سمجھے۔ہم قوم کو کسی آزمائش میں نہیں ڈالنا چاہتے ۔ہم اپنے اصولی مطالبات کو آئینی جدوجہد کے ذریعے منوانے کے لیے کوشاں ہیں۔مگرموجودہ حکومت شرافت کی زبان کو بزدلی سمجھ رہی ہے۔ وطن عزیز کے مفادات اور عساکر پاکستان کے خلاف برسرپیکار دہشت گرد گروہوں کو حکومتی آشیرباد حاصل ہے جبکہ ملک کی محب وطن جماعتوں سے بات کرنے کا بھی حکومت کے پاس وقت نہیں۔ حکومت کو اپنی ترجیحات میں تبدیلی لانا ہو گی۔ حکومت اگر ہمارے مطالبات تسلیم کرنے سے گریزاں رہی تو ہم اپنے احتجاج کو ملک گیر تحریک میں بھی بدل سکتے ہیں۔ اس سلسلے میں متعدد مذہبی و سیاسی جماعتیں ہمارے ساتھ کھڑی ہیں۔علامہ ناصر عباس نے کہا کہ مطالبات کی منظوری تک یہاں سے واپسی کا سوال ہی پیدا نہیں ہوتا۔

وحدت نیوز (قم) مجلس وحدت مسلمین قم کابینہ کے اجلاس میں علامہ راجہ ناصر عباس جعفری کے جاری احتجاج کی حمایت میں اب تک کئے جانے والے اقدامات کا جائزہ لیا گیا، اجلاس میں سیکرٹری جنرل حجۃ الاسلام گلزار احمد جعفری، سیکرٹری سیاسیات و ارتباطات عاشق حسین آئی آر، سیکرٹری فرہنگ و ثقافت مختار مطہری، انچارج رائٹرز ونگ قم ساجد گوندل، سیکرٹری ارتباطات شاہد حسین عرفانی اور میڈیا کوآرڈنیٹر ابراہیم صابری نے کابینہ کو موجودہ فعالیت کی تفصیلات سے آگاہ کیا، جنرل سیکرٹری حجۃ الاسلام گلزار احمد جعفری نے عمومی کارکردگی کا خلاصہ پیش کرتے ہوئے کہا کہ پاکستان میں احتجاج شروع ہوتے ہی ایم ڈبلیو ایم شعبہ قم کی جانب سے ہمکاری اور تعاون کے لئے صوتی پیغام چلایا گیا، اس کے بعد شعبہ سیاسیات قم نے دعا اور احتجاجی نشست کا اہتمام کیا، اس کے بعد دوبارہ دعائیہ نشست کا اہتمام کیا گیا، جس سے سیکرٹری امور خارجہ نے خود گفتگو کرکے صورتحال پر روشنی ڈالی، جس کے بعد فوری طور پر مراجع عظام سے ملاقاتوں کے سلسلہ پر کام شروع کر دیا گیا۔ انہوں نے اس حوالہ سے کہا کہ میڈیا سیل نے اول روز سے ہی مختلف سائٹوں اور اداروں کو کتبی مواد فراہم کیا، اس کے علاوہ گذشتہ نماز جمعہ کے اجتماع میں بھی تحریری مواد تقسیم کیا گیا۔ شعبہ فرہنگ و ثقافت کی جانب سے تصویری نمائش لگائی گئی اور دستخطی مہم کے لئے بینر بھی آویزاں کیا گیا۔ انہوں نے کہا کہ اس سلسلے میں مختلف بین الاقوامی سیاسی و مذہبی شخصیات سے ملاقاتوں کا سلسلہ جاری ہے، اراکین کابینہ نے اس امر پر اتفاق کیا کہ علامہ ناصر عباس جعفری کی اجازت کے ساتھ تہران میں قائم پاکستانی ایمبیسی کے سامنے احتجاجی مظاہرے کا انتظام کیا جائے۔

وحدت نیوز(لاہور) مجلس وحدت مسلمین کا بھوک ہڑتالی کیمپ جاری، پریس کلب لاہور کے باہر جاری بھوک ہڑتالی کیمپ میں جشن ولادت امام مہدی علیہ السلام کا اہتمام کیا گیا جس میں شہریوں کی بڑی تعداد نے شرکت کی۔ مشہور منقبت خواں سید پیر مقدس کاظمی، منصور جعفری سمیت علمائے کرام اور خواتین نے شرکت کی۔ جشن سے خطاب کرتے ہوئے مجلس وحدت مسلمین کے مرکزی رہنما علامہ سید مبارک موسوی کا کہنا تھا کہ انشااللہ امام مہدی علیہ السلام کے پیروکاروں کو کوئی بھی ظالم یا آمر جھکا نہیں سکتے ہم ظلم کیخلاف اور مظلوموں کی حمایت میں گھروں سے نکلے ہیں، جب پاکستان کے تمام مظلوم متحد ہونگے تو ظالم و جابر قوتوں کی شکست یقینی ہے، ہمیں ظالموں کیخلاف قیام کا درس علی علیہ السلام کی شیر دل بیٹی زینب کبریٰ سلام اللہ علیہا نے دیا، پاکستان میں مسلسل شیعہ مکتب فکر اور محب وطن پرامن پاکستانیوں کے قتل عام کیخلاف آواز اُٹھانے کا یہی پُرامن راستہ ہے ہم سڑکوں کو بلاک کر سکتے تھے، لیکن ہم نااہل حکمرانوں کی بے حسی کی سزا عوام الناس کو نہیں دینا چاہتے، ہم تشدد کے راستے کو جائز نہیں سمجھتے، ملکی آئین و قانون کی پاسداری ہمارا شرعی فریضہ ہے۔

انہوں نے کہا کہ علامہ راجہ ناصر عباس کا یہ اعلان ہے کہ ان کا یہ احتجاج ہر اس مظلوم پاکستانی کیلئے ہے جو ان درندہ صف دہشتگردوں کا نشانہ بنے اور ان کے لواحقین اب تک حکمرانوں کی بے حسی اور مجرمانہ غفلت کا شکار ہیں اور انصاف کیلئے آج بھی منصفوں کی طرف دیکھ رہے ہیں۔ انہوں نے کہا کہ قائد کے پاکستان میں بسنے والے مظلومین اب بیدار ہو چکے ہیں اور ہم اپنا حق لے کر ہی دم لیں گے، خون کے آخری قطرے تک اس مقدس جدو جہد سے پیچھے نہیں ہٹیں گے۔ مجلس وحدت مسلمین شعبہ خواتین کی رہنما خانم لبنیٰ زیدی نے اپنے خطاب میں کہا کہ یاد رکھیں ظالموں کے دن گنے جا چکے ہیں پاکستان کے مظلوم و محروم طبقے اب بیدار ہو چکے ہیں، ہم نے ملکی سلامتی و بقا کیلئے اپنے 24 ہزار سے زائد پیاروں کی قربانی دی لیکن حکمران اور ریاستی ادارے ہمارے خون سے کھیلی جانے والی ہولی پر خاموشی تماشائی بنے رہے، ہم ارباب اقتدار سے سوال کرتے ہیں کہ یہ ظلم آخر کب تک چلے گا؟ کیا ہمارے آباو اجداد کے بنائے پاکستان میں ہماری نسل کشی کرکے ہمیں حب الوطنی کا صلہ دیا جا رہا ہے، ہم مزید ظلم سہنے کو تیار نہیں، انشاللہ آج ہم اپنے وارث امام زمانہ حضرت مہدی آخر علیہ السلام سے یہ عہد کرتے ہیں کہ ہم اپنے مظلوموں کو انصاف دلانے تک جدوجہد جاری رکھیں گے

وحدت نیوز(اسلام آباد) مجلس وحدت مسلمین شعبہ خواتین کے زیراہتمام راولپنڈی سے ایک ریلی برآمد کی گئی، جو نیشنل پریس کلب اسلام آباد تک نکالی گئی۔ ریلی کا مقصد مجلس وحدت مسلمین کے سربراہ علامہ ناصر عباس جعفری کی حمایت کرنا تھا۔ اس موقع پر چھوٹی بچیوں نے پلے کارڈ اور بینرز بھی اٹھا رکھے تھے، جن پر دہشتگردی کے خلاف نعرے درج تھے۔ خواتین رہنماوں کا کہنا تھا کہ وہ علماء کے ساتھ شانہ بشانہ کھڑی ہیں، اگر قیادت کی طرف سے حکم ہوا تو راولپنڈی شہر سے ایک بڑی تعداد میں خواتین کو جمع کرکے اسلام آباد لاسکتی ہیں۔ اس ریلی کا مقصد اپنے قائدین سے اظہار یکجہتی کرنا ہے اور حکومت پر واضح کرنا ہے کہ ہمیں کمزور نہ سمجھا جائے۔ خواتین رہنماوں نے حکمرانوں کو کڑی تنقید کا نشانہ بناتے ہوئے مطالبہ کیا کہ علامہ ناصر عباس کے تحفظات کو دور کیا جائے اور مطالبات تسلیم کئے جائیں۔ خواتین کی ریلی سے علامہ ناصر عباس جعفری نے بھی خطاب کیا اور ریلی کی شرکاء کا شکریہ ادا کیا۔

وحدت نیوز (جیکب آباد) ایم ڈبلیو ایم ،اصغریہ اور آئی ایس او کے زیر اہتمام جیکب آباد میں احتجاجی جلوس اور ریلی نکالی گئی۔اس موقع پر احتجاجی جلوس کے شرکاء سے خطاب کرتے ہوئے مجلس وحدت مسلمین پاکستان ،صوبہ سندہ کے سیکریٹری جنرل علامہ مقصود علی ڈومکی نے کہا کہ ارض فلسطین پر اسرائیل کا ناجائز قبضہ نا قابل قبول ہے ۔شیطان بزرگ امریکہ کی انسان دشمن سامراجی پالیسیاں امن عالم کیلئے حقیقی خطرہ ہیں۔پاکستان کی مشکلات کا بنیادی سبب وطن عزیز میں جاری امریکی مداخلت ہے۔

انہوں نے کہا کہ پاکستان میں بسنے والے شیعہ اور سنی مسلمان متحد ہو کر امریکی غلامی سے نجات حاصل کریں۔وہ دن پاکستانی قو م کے لئے عید کا دن ہوگا،جس دن وہ سامراجی غلامی سے نجات حاصل کر لیں۔پاکستان سمیت دنیا بھر میں جاری دہشت گردی کے پیچھے اسرائیل اور امریکہ کا ہاتھ ہے اور دہشت گرد سامراجی ایجنڈا کی تکمیل کے لئے فساد میں مصروف ہیں ۔

انہوں نے کہا کہ ملک کے کروڑوں عوام قائد وحدت علامہ راجہ ناصر عباس جعفری کی پر خلوص انقلابی جدوجہد کو قدر کی نگاہ سے دیکھتے ہیں،ناصر ملت کے حکم پر ملک بھر میں احتجاجی تحریک دہشت گردوں اور ان کے سر پرستوں کے نا پاک عزائم خاک میں ملا دیں گے۔

اس موقع پر تقریب سے آئی ایس اوکے ڈویژنل صدر برادر سلمان حسینی، MWM ضلع جیکب آباد کے سیکریٹری جنرل حسن رضا غدیری،اصغریہ کے رہنما غلام شبیر اور اویس احمد جکھرانی نے خطاب کیا۔

وحدت نیوز (اسلام آباد) ملک بھر میں جاری دہشت گردی اور ریاستی وعسکری اداروں کی مجرمانہ خاموشی کے خلاف ایک ہفتے سے جاری مجلس وحدت مسلمین کے سربراہ علامہ راجہ ناصرعباس کی بھوک ہڑتال سے اظہار یکجہتی کیلئے  سکھ کمیونٹی کے رہنما سردار جانم سنگھ نے بھی اپنے وفد کے ہمراہ احتجاجی کیمپ کا دورہ کیا۔انہوں نے کہا دہشت گرد کا کوئی مذہب نہیں۔ہم مظلوم کی حمایتی ہیں ۔ مجلس وحدت مسلمین کی مظلومیت کی حمایت اور ظلم کے خلاف اس جدوجہد میں ہماری مکمل حمایت جاری رہے گی۔احتجاجی کیمپ میں سارادن وفود کی شکل میں سیاسی وسماجی شخصیات کی آمد کا سلسلہ جاری رہا۔