وحدت نیوز(اسلام آباد)مرکزی جلوس عاشورہ راولپنڈی میں نماز ظہرین کے اجتماع سے خطا ب کرتے ہوئےمجلس وحدت مسلمین پاکستان کے مرکزی ڈپٹی سیکریٹری جنرل اور رکن اسلامی نظریاتی کونسل علامہ محمد امین شہیدی نے کہا ہے کہ  جلوس عزا میں لاکھوں عزاداران کی شرکت نے خوف کے خیبر کو شکست فاش دے دی، پاکستان میں شیعہ سنی محب اہل بیت علیہ السلام ہیں ، ایک مخصوص دہشت گرد گروہ فرقہ واریت کی ترویج میں مصروف ہے، امام حسین  ع اور کربلا  کسی خاص مسلک کی میراث نہیں ، عالم بشریت کےحریت پسندوں کے رہبرو رہنما امام حسین ع ہیں ، دہشت گردوں وکو مجاہد بنا کر ریا ست نے خود اپنے پیروں پر کلھاڑا مارا ہے،انہوں نے مذید کہا کہ ریاست نے وہ ماحول خود پیدا کیاکہ فساد معاشرے کی جڑوں تک پہنچ گیا، ریاست پہلے نہیں اب کمزور ہوئی، ملک میں انتشار اور دہشت گردی پروان چڑھنے کی بنیادی وجہ سزاو جزا کے قانون پر عمل درآمد کا نہ ہونا ہے، اقبال جرم کرنے والے خطرناک دہشت گرد بھی با عزت بری ہوجاتے ہیں اور بے گناہ پالب علم بھی بلاجواز پابند سلاسل ہوتے ہیں ، انہوں نے کہا کہ ملک بھر میں پر امن جلوس ہائے عزا نے ثابت کر دیا کہ دہشت گرد مکتب تشیع نہیں بلکہ وہ تکفیری گروہ ہے جو اسلام ، تشیع اور پاکستان کا مشترکہ دشمن ہے۔

وحدت نیوز (راولپنڈی) مجلس وحدت مسلمین پاکستان کے سربراہ علامہ ناصرعباس جعفری نے راولپنڈی میں برآمد ہونے والے مرکزی جلوس عاشورہ میں خصوصی شرکت کی اور اختتام تک جلوس کی قیادت فرمائی،جلوس عزاکے اختتام پر اما م بارگاہ قدیمی میں الوداعی خطاب کے ساتھ خصوصی دعا بھی کی، سربراہ ایم ڈبلیوایم عام عزاداروں کی طرح جلوس عزامیں شریک رہے، جلوس عزا میں داخلے کے لیئے عمومی راستہ اختیار کیا اور قطار میں شامل ہوکر جلوس عزا میں داخل ہوئے، انہوں نے ماتمی سنگت کےہمراہ سینہ زنی بھی کی، مرکزی جلوس عاشورہ میں نماز ظہرین با جماعت مجلس وحدت مسلمین پاکستان کے مرکزی ڈپٹی سیکریٹری جنرل علامہ محمد امین شہیدی کی زیر اقتداء ادا کی گئی، جبکہ علامہ ناصر عباس جعفری سمیت ہزاروں عزاداروں نے نماز با جماعت میں شرکت کی، جبکہ علامہ امین شہیدی نے شرکائے نماز سے خطاب بھی کیا، اس موقع پر ایم ڈبلیوایم کے مرکزی رہنماعلامہ حسنین گردیزی، علامہ ضیغم عباس، علامہ محمد علی فاضل ، نثار فیضی، اقرار ملک، اختر عمران اور دیگر بھی علامہ ناصر عباس جعفری کے ہمراہ جلوس عزا میں شریک رہے، جبکہ وحدت اسکاوٹس کے ہزاروں خواتین اور مرد رضا کار جلوس عزااور عزاداروں کی سکیورٹی پر معمور تھے۔

وحدت نیوز (کراچی) معروف شیعہ ذاکرعلامہ فرقان حیدرعابدی نے کہا ہے کہ آج تکفیری دہشتگرد عناصر حکومتی سرپرستی میں کراچی سمیت پاکستان بھر میں عاشقان ولایت کا خون بہا رہے ہیں تاکہ انہیں ذکر اہلبیت سے روکا جائے لیکن لبیک یاحسین کے نعرے کے ساتھ کل بھی عاشقان حیدر کرار نے یزیدیت کو ناکام بنایا تھا آج بھی ان کی تمام سازشوں کو ناکام بنائیں گے، پاکستان بھر میں شیعہ سنی اتحاد تکفیریوں کے منہ پر طمانچہ ہے۔ امروہہ گراونڈ انچولی سوسائٹی میں ایم ڈبلیوایم کراچی ڈویژن کے زیر انتظام شہدائے راہ ولایت کانفرنس سے خطاب کرتے ہوئے علامہ فرقان حیدر عابدی نے کہا کہ ہم خانوادگان شہداءکو خراج تحسین پیش کرتے ہیں کہ انہوں نے اپنے عزیزوں کی قربانی پیش کرکے غدیر و کربلا کے علم کو بلند رکھا اور یزیدیت کی تمام سازشوں کو ناکام بنایا۔ انہوں نے ایم ڈبلیو ایم کو شہدائے راہ ولایت کانفرنس میں شیعہ سنی علما و شخصیات کو جمع کرنے پر خراج عقیدت پیش کیا اور کہا کہ آمد محرم کے موقع پر شیعہ سنی اتحاد کا مظہر یہ عوامی اجتماع پاکستان میں فرقہ واریت پھیلانے کی تمام سازشوں کی موت ثابت ہوگا۔ انہوں نے کہا کہ دہشتگردوں کی گولیاں ختم ہو جائیں گی لیکن عاشقان مولا علی کے سینے کم نہیں ہونگے، ہم غدیر کا علم عصر حاضر کی کربلا میں بھی بلند کرتے ہوئے یزیدیت و تکفیریت کو ناکام بناتے رہیں گے۔ انہوں نے مزید کہا کہ شیعہ سنی اتحاد و وحدت نے تکفیریوں کے تنہا کر دیا ہے۔

وحدت نیوز(کراچی) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے کہا ہے کہ حکمران چاہتے ہیں کہ عوام کو اپنے جبر سے ڈرا دیں تاکہ ان کے ناپاک عزائم کامیاب ہو جائیں پاکستان کی سر زمین پر پاکستان کی قوم کو مختلف طریقوں سے دہشتگردی ،مذہبی منافرت ،انتہا پسندی ،لسانیت کے ذریعہ خوف پھیلاکردہشتگردوں پالا جا رہا ہے ملک میں گرہوں اورلشکر بنائے گئے تاکہ ہمارے اس معاشرے کو کمزور کیا جائے ، 20کڑور عوام کا ملک کمزور کر دیا جائے، مظلوموں کی حمایت اور شیعہ سنی وحدت کا اسکرپٹ ہمارا ہے،جس کے رائٹر قائد شہید عارف حسینی ہیں، ملک کو دہشت گردی سے نجات دینے کیلئے شیعہ و سنی مل کر سیاسی جدوجہد جاری رکھیں گے،ملک کی سیاست بدل رہی ہے،عوام نے استحصال کرنے والی جماعتوں کو یکسر مسترد کردیا ہے، ان خیالات کا اظہار انہوں نے امروہہ گراونڈ انچولی سوسائٹی میں ایم ڈبلیوایم کراچی ڈویژن کے زیر انتظام شہدائے راہ ولایت کانفرنس سے خطاب کرتے ہوئے کیا۔جبکہ ڈیگر مقررین میں علامہ امین شہیدی ،ایم ڈبلیوایم کی شوریٰ عالی کے چیئرمین مولانا شیخ حسن صلاح الدین، سنی اتحاد کونسل کے مرکزی رہنماءصاحبزادہ اظہر رضا قادری، آل پاکستان سنی تحریک کے مرکزی رہنما مطلوب اعوان، علامہ باقر عباس زیدی، علامہ مختار امامی ،علامہ نثار قلندری،علامہ فرقان حیدر عابدی، علامہ علی انور جعفری، علی حسین نقوی سمیت دیگر شیعہ و سنی رہنمابھی شامل تھے۔کانفرنس میں خانوادہ شہداءاور خواتین کی بہت بڑی تعداد سمیت ہزاروں شرکاءموجودتھے۔ کانفرنس کے آخر میں جشن عید غدیر و عید مباہلہ کی مناسبت سے شاندار آتش بازی کا مظاہرہ کیا گیا جبکہ کانفرنس کا اختتام علامہ مرزا یوسف حسین نے دعائے وحدت کی تلاوت سے کیا۔

 

علامہ راجہ ناصرعباس جعفری نے کہا کہ پاکستان میں مکتب تشیع کو یہ اعزاز حاصل ہےے کہ سب سے پہلے فرعونی صہیونی دہشتگردی کے اس نظام کو قائد وحدت علامہ شہید عارف الحسینی نے توڑ ا اور عالمی استعماری قوتوں کو پاکستان میں شکست دی، آج ملک میں دہشتگردی کی اس فضا کو ناکام بنانے کیلئے افکار شہید عارف حسین الحسینی کی ضرورت ہے۔ انہوں نے کہا کہ آج بھی اس ملک میں تکفیری قوتیں اس ملک کی جڑوں کو کمزور کر رہی ہیں، ملک کے بیش تر صوبے ان دہشتگرد تکفیریوں قوتوں کے اثر میں ہیں۔ علامہ راجہ ناصر عباس جعفری کا مزید کہنا تھا کہ بلوچستان،خیبر پختوخواہ، پنجاب، سندھ اور گلگت و بلستان میں کئی علاقے ان دہشتگردوں کے زیر اثر ہیں اور مسلسل شیعہ و سنی مسلمانوں کو نقصان پہچا رہے ہیں اور کفر کے فتوی ٰدیئے جا رہے ہیں اور ان کا ساتھ وہ لوگ دے رہے ہیں جوقیام پاکستان کے خلاف تھے اور اب اس ملک کی جڑوں کو کھو کھلا کر رہے ہیں۔ سیکریٹری جنرل ایم ڈبلیو ایم نے اپے خطاب میں کہا کہ ضیاءاسٹبلشمنٹ کی باقیات ہی ہیں جو اس ملک میں میلاد ،جلوس عزائ، مساجد و امام بارگاہوں کو نشانہ بنا رہی ہیں، جو وطن دشمن ،اسلام دشمن ہیں اور آج بھی ریاستی طاقتیں ان دہشتگردوں کی سر پرستی کر رہی ہیں جن کو امریکا اور سعودی عرب کی سرپرستی میں فنڈنگ کی جارہی ہے۔

 

شہدائے راہ ولایت کانفرنس میں اپنے خصوصی خطاب میں علامہ راجہ ناصر عباس جعفری نے کہا کہ سانحہ ماڈل ٹاون میں معصوم لوگوں کو نشانہ بنایا گیا اور شیعہ و سنی مسلمانوں نے مل کر نواز حکومت اس اقدامات کی مذمت کی اور اپنی و حدت سے ریاستی دہشتگردی کو ناکام بنا دیا ۔ انہوں نے کہا کہ ہم نے طالبان دہشتگردوں سے مذاکرات کو بھی ناکام بنا دیا تھا جبکہ ملک میں موجود آمر جنرل ضیاءکی با قیات نے اس کی مخالفت کی جو در اصل اس ملک سے غداری ہے۔ علامہ راجہ ناصر عباس جعفری کا کہنا تھا کہ نواز حکومت نہیں چاہتی کے اس ملک میں شیعہ و سنی ایک ہوں مگر یہ ان کی خام خیالی ہے، کیونکہ پاکستانی شیعہ و سنی عوام باشعور ہیں اور اپنے خلاف کسی سازشوں کوکامیاب نہیں ہونے دیں گے۔ انہوں نے مزید کہا کہ نواز شریف اور شہباز شریف نے امریکی، اسرائیلی اور سعودی ایماءپر پاکستان اس ملک کو دہشتگردوں کی آماج گاہ بنا دیا ہے ،پورے ملک میں شیعہ و سنی کا قتل عام اسی شیطانی سیاست کی کارستانی ہے اور اس سیاست کو انہیں ظالم و جابر حکمرانوں نے آگے بڑھا یا ہے۔ علامہ راجہ ناصر عباس جعفری کا کہنا تھا کہ ہم اس وطن کے با و فا بیٹے ہیں اور اس ملک کی بقاءکیلئے خون کے آخری قطرے تک ان تکفیری دہشتگردوں کے خلاف اپنے برادران اہلسنت کے ساتھ ملکر اپنی مشترکہ جدو جہد جاری رکھیں گے او ر اپنی اس شیعہ و سنی وحدت سے ایسے تمام ملک و اسلام دشمن حکمرانوں کے ایجنڈے کو ناکام بنا دیں گے اور ملک میں اپنی سیاسی جدو جہد جاری رکھیں گے،اپنی جمہوری جدو جہدکے ذریعہ اس ملک میں امن و خوشحالی لائیں گے۔ انہوں نے کہا کہ ہم اپنے شہداءکے پاکیزہ خون کو رائیگاں نہیں جانے دیں گے اور شیعہ و سنی اتحاد سے اسلام و پاکستان دشمن تکفیریوں کو انشاءاللہ شکست دیں گے۔

وحدت نیوز (لاہور) آج لاہور میں شاہ جہاں ہوٹل میں 40 سے زائد شیعہ جماعتوں کا اجلاس ہوا۔ اجلاس میں پاکستان بھر میں شیعہ نسل کشی کے واقعات اور پنجاب میں شیعیان حیدر کرار کے ساتھ ناروا سلوک پر شدید تحفظات کا اظہار کیا گیا۔ ان تمام جماعتوں پر مشتمل ایک غیر سیاسی اور پاکستان میں اہل تشیع کے حقوق کے تحفظ کے لئے فورم ’’متحدہ شیعہ محاذ‘‘ بنانے کا فیصلہ کیا گیا ہے۔ سید شاکر حسین نقوی کو تمام جماعتوں کے اتفاق سے کنویئنر منتخب کر لیا گیا۔ اجلاس میں علامہ مشتاق جعفری، علامہ وقارالحسنین نقوی، سید شاکر حسین، سید خرم عباس نقوی، سید پیر نوبہار شاہ، الحاج حیدر علی مرزا، آغا زاہد حسین سمیت دیگر رہنماوُں نے شرکت کی۔ اجلاس میں محکمہ اوقاف پنجاب کی جانب سے اتحاد بین المسلمین کمیٹی پنجاب اور ضلعی مساجد کمیٹی میں اہل تشیع کی تعداد کو بریلوی اور دیوبندی مسالک کے مقابلے میں نصف کرنے پر شدید تشویش کا اظہار کیا گیا اور محکمہ اوقاف کے اس عمل کو اہل تشیع کو دوسرے درجے کا شہری قرار دینے کی سازش سے تعبیر کیا گیا۔

 

متحدہ شیعہ محاذ نے مطالبہ کیا کہ محکمہ اوقاف اپنے اس غیر منصفانہ اقدام کو فوراً واپس لے بصورت دیگر عدالتی، عوامی احتجاج کا راستہ اپنایا جائے گا۔ اجلاس میں فیصلہ کیا گیا کہ آنیوالے محرم الحرام میں کسی قسم کی قدغن کو برداشت نہیں کیا جائے گا اور علما ء و ذاکرین پر بے جا پابندیوں کو بھی موجودہ حکمرانوں کی شیعہ دشمنی سمجھتے ہوئے مسترد کر دینگے۔ عزاداری امام حسین ہماری شہ رگ حیات ہے اس کے خلاف کسی بھی سازش کو برداشت نہیں کرینگے۔ اجلاس میں صوبائی و وفاقی حکومت سمیت ریاستی اداروں، افواج پاکستان سے مطالبہ کیا گیا کہ وہ کالعدم جماعتوں کو نئے ناموں سے کام کرنے سے روکے۔ پنجاب، کراچی، کوئٹہ، گلگت بلتستان سمیت ملک بھر میں شیعہ نسل کشی میں ملوث جماعت لشکر جھنگوی، سپاہ صحابہ جواب نئے نام اہل سنت والجماعت یہ ایک ہی سکے کے دو رخ ہیں جو مذہب کے نام پر داعش عالمی دہشت گردوں کے ایجنڈے پر نفرت اور فرقہ واریت پھیلا کر فسادات اور قتال کرانے میں مصروف ہیں ان کی پشت پناہی حکومت کے کچھ سابق اور موجودہ وزراء کر رہے ہیں ان کیخلاف فوری کارروائی کی جائے تاکہ معاشرے کو ان شدت پسندوں سے پاک کیا جائے۔

 

اجلاس میں اعلیٰ عدلیہ سے مطالبہ کیا گیا کہ معروف شیعہ عالم دین علامہ غلام رضا نقوی کے مقدمات کی سماعت فوری شروع کرے اور اُن کیخلاف بے بنیاد مقدمات کو فوری طور پر ختم کر کے اُنہیں فوری رہا کیا جائے۔ اجلاس میں ریاستی اداروں، افواج پاکستان، وفاقی و صوبائی حکومتوں سے مطالبہ کیا گیا کہ ان دہشت گردوں کی سرپرست جماعتوں اور ان کے سربراہان، مولانا فضل الرحمان، مولانا سمیع الحق اور وفاق المدارس کے رہنما حنیف جالندھری جو کہ قیام پاکستان کے وقت علمائے ہند کیساتھ مل کر قیام پاکستان کی مخالفت کرتے رہے کو انڈر آبزرویشن رکھا جائے یہی شخصیات ان دہشت گردوں کی سیاسی، مالی پشت پناہی کرتے ہیں جو امت مسلمہ میں نفاق کا باعث بن رہا ہے، ہم آج متنبہ کرتے ہیں کہ انہی شخصیات کے ایما پر انہی دہشت گرد جماعتوں کے دہشت گرد ایک گروہ جو جلد ہی خوارج کی جماعت ’’داعش‘‘ کے قیام کا اعلان پاکستان میں بھی کرنے والے ہیں۔

وحدت نیوز(اسلام آباد) سنی اتحاد کونسل پاکستان کے چیئرمین صاحبزادہ حامد رضا نے کہا ہے کہ دھرنے نے اقتدار کے قلعوں میں دراڑیں ڈال دی ہیں۔ جعلی جمہوریت عوام کے لیے بےفیض ثابت ہوئی۔ گردشی قرضوں کا بوجھ اوور بلنگ کی صورت میں عوام پر ڈالا جا رہا ہے۔ پارلیمنٹ کے بےمقصد مشترکہ اجلاس پر 24 کروڑ خرچ کر دیئے گئے ہیں۔ پارلیمنٹ کے اجلاس میں فوج پر تنقید کے سوا کچھ نہیں ہوا۔ سیلاب متاثرین کے گو نواز گو کے نعروں سے حکمرانوں کی آنکھیں کھل جانی چاہیئیں۔ حقیقی جمہوریت میں عوام کسی کو من مانی کا حق نہیں امور مملکت چلانے کی ذمہ داری دیتے ہیں۔ پاکستانی حکومت ڈیموکریسی نہیں ڈاکو کریسی ہے۔ شریف برادران کمزور ہوں تو پاؤں اور طاقت میں ہوں تو گریبان پکڑتے ہیں۔ ممبران پارلیمنٹ اپنے روزانہ کے الاؤنس سیلاب زدگان کے لیے وقف کریں۔ دھرنوں نے عوام دشمن سیاست کاروں کو بے نقاب کر دیا ہے، دھرنوں کے شرکاء غلامی کی زنجیریں توڑنے کے لیے 36 روز سے شاہراہ دستور پر بیٹھے ہیں، نیا سویرا طلوع ہونے والا ہے۔ ان خیالات کا اظہار انہوں نے پاکستان فلاح پارٹی کے وفد سے گفتگو کرتے ہوئے کیا۔ وفد کی قیادت فلاح پارٹی کے مرکزی صدر قاضی عتیق الرحمن کر رہے تھے۔

 

صاحبزادہ حامد رضا نے مزید کہا کہ اقتدار پرست حکمران ایمان کی حرارت والوں کا مقابلہ نہیں کر سکتے۔ گرفتاریوں اور چھاپوں کے باوجود کارکنان کے حوصلے پست نہیں ہوئے۔ دھرنے والے پاکستان کی تقدیر بدلیں گے۔ جنرل مشرف کے پاؤں پکڑ کر جدہ بھاگنے والے حقیقی لیڈر نہیں بن سکتے۔ چیئرمین سنی اتحاد کونسل نے مزید کہا کہ انقلابی جذبوں کے سیلاب کا راستہ روکنا حکمرانوں کے بس میں نہیں۔ کراچی میں بےگناہ انسانوں کا مسلسل خون بہہ رہا ہے اور حکمران چین کی بانسری بجا رہے ہیں۔ عوام کو تحفظ فراہم نہ کرنے والے حکمرانوں کو اقتدار میں رہنے کا کوئی حق نہیں۔ صاحبزادہ حامد رضا نے کہا کہ قرضوں میں جکڑے پاکستان میں گورنر ہاؤسز، ایوان صدر اور وزیراعظم ہاؤس بادشاہت کی علامت ہیں۔ آصف علی زرداری نے کروڑوں روپے سے گھوڑوں کا اصطبل تعمیر کروایا تھا اور نواز شریف نے ذاتی سکیورٹی کے لیے 24 لاکھ روپے سے 6 کتے اور ایک سو بیس ملین روپے کی دو بلٹ پروف گاڑیاں خرید لیں۔ قوم ظلم، ناانصافی، لاقانونیت اور وی آئی پی کلچر کے خلاف اٹھ کھڑی ہوئی ہے۔

Page 10 of 26

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree