وحدت نیوز (ڈی جی خان) مجلس وحدت مسلمین ضلع ڈیرہ غازیخان کے زیراہتمام ملک گیر یوم احتجاج کے موقع پر ضلع کے دو مقامات پر نماز جمعہ کے بعد احتجاجی مظاہرہ اور ریلی نکالی گئی۔ نماز جمعہ کے بعد مرکزی امام بارگاہ حیدریہ دربار سخی سرور سے احتجاجی ریلی نکالی گئی، ریلی کی قیادت مولانا ظفر عباس اور ایم ڈبلیو ایم کے صوبائی ٹکٹ ہولڈر خادم حسین، ضلعی سیکرٹری میڈیا سیل جہانزیب حیدر نے کی۔ ریلی کے شرکاء نے بینزر اور کتبے اُٹھا رکھے تھے، جن پر دہشتگردی، ٹارگٹ کلنگ اور جبری گمشدگیوں کے خلاف نعرے درج تھے۔ رہنمائوں نے خطاب کرتے ہوئے کہا کہ آج علامہ راجہ ناصر عباس عباس جعفری کی اپیل پر شہدائے کوئٹہ ہزار گنجی، شہدائے اوماڑہ سے اظہار یکجہتی کے لیے یوم احتجاج منایا جا رہا ہے۔

اُنہوں نے کہا کہ سانحہ نیوزی لینڈ پر یقیناً ہر دل غمزدہ ہے، لیکن منافقت کی انتہا ہے، جب پاکستان میں اُسی طرح کا واقعہ پیش آیا تو اسے مذہبی رنگ دے کر آنکھیں بند کرلیں، نیوزی لینڈ کی وزیراعظم چاہے غیر مسلم تھی، لیکن درد دل رکھتی تھی، ہمارے حکمران چاہے وہ سابق ہوں یا موجودہ، تکفیریت کے غلام بنے ہوئے ہیں، اُنہیں اس بات کی پرواہ نہیں کہ ملک میں مسلسل ایک سازش کے تحت نسل کشی کا سلسلہ جاری ہے۔ رہنمائوں نے اپنے خطاب کے دوران وفاقی حکومت سے مطالبہ کیا کہ فی الفور اُن شہداء کیلئے پیکج کا اعلان کرے اور بلوچستان میں کھلے عام فرقہ واریت کا بیج بونے والے دہشتگردوں کا قلع قمع کرے۔ دوسرا احتجاجی مظاہرہ نماز جمعہ کے بعد بستی سرور آباد ملکانی میں کیا گیا، مظاہرے کی قیادت مولانا آصف مہدی نے کی۔ مظاہرے کے شرکاء نے حکومت اور دہشتگردی کے خلاف شدید نعرے بازی کی۔

وحدت نیوز(لیہّ) مجلس وحدت مسلمین کے مرکزی سیکرٹری جنرل علامہ راجہ ناصر عباس جعفری کی اپیل پر ملک کے دیگر شہروں کی طرح لیہ میں بھی امامیہ اسٹوڈنٹس آرگنائزیشن کے تعاون سے سانحہ ہزار گنجی، سانحہ کوسٹل ہائی وے اور ڈیرہ اسماعیل خان میں جاری شیعہ ٹارگٹ کلنگ کے خلاف یوم احتجاج منایا گیا، لیہ میں نماز جمعہ کے بعد میلاد گرائونڈ سے ریلی نکالی گئی، ریلی کی قیادت ضلعی سیکرٹری جنرل ساجد حسین گشکوری نے کی، جبکہ ریلی سے صوبائی رہنما ایم ڈبلیو ایم سید اجمل حسین شاہ اور علامہ ضیغم میرانی نے خطاب کیا۔ ریلی کے شرکاء نے پرچم اور بینرز اُٹھا رکھے تھے، جن پر ملک میں جاری دہشتگردی کے خلاف نعرے درج تھے۔

ریلی سے خطاب کرتے ہوئے رہنمائوں نے کہا کہ موجودہ حکومت اپنے وعدوں کو پورا اور دہشتگردوں کے خلاف اپنے عزائم کو پایہ تکمیل تک پہنچائے، اس حکومت نے ظلم اور دہشتگردی ختم کرنے کے بلند و بانگ دعوے کیے تھے، مگر افسوس ابھی تک وزیراعظم عمران خان کو کوئٹہ جانے کا وقت بھی نہیں ملا۔ اُنہوں نے مزید کہا کہ بلوچستان حکومت کی جانب سے دہشتگردوں کی رہائی نیشنل ایکشن پلان کے منہ پر طمانچہ ہے، حکومت ایک طرف نیشنل ایکشن پلان کی کامیابی کے دعوے کرتی ہے تو دوسری طرف اعلانیہ دہشتگردوں کو رہا کرتی ہے۔ اُنہوں نے مزید کہا کہ دہشتگرد رمضان مینگل کی رہائی کے اگلے دن ہی کوئٹہ میں خون کی ہولی کھیلی گئی۔

وحدت نیوز(کراچی) مجلس وحدت مسلمین پاکستان  کا سانحہ ہزارگنجی،اوماڑہ اور ڈی آئی خان ٹارگٹ کلنگ کے خلاف ملک بھر میں احتجاجی مظاہرے وفاقی دارلحکومت سمیت چاروں صوبوں گلگت بلتستان اور کشمیر کے تمام اہم شہروں میں ستر سے زیادہ مقامات پر احتجاجی مظاہرے کئے گئے۔ احتجاجی مظاہروں کا مقصد دہشتگردی سے متاثر ہ خاندانوں سے اظہار یکجہتی اور دہشتگردی کے ناسور کے خلاف صدائے احتجاج بلند کرنا تھا گزشتہ روز سربراہ مجلس وحدت مسلمین پاکستان علامہ راجہ ناصر عباس جعفری کی کال پر جمعہ کے روز ملک بھر میں ایم ڈبلیوایم کے زیر اہتمام احتجاجی مظاہر ے کئے گئے، ایم ڈبلیوایم کراچی ضلع وسطی کے زیر اہتمام جامع مسجد نور ایمان ناظم آبادکے باہر احتجاجی مظاہرے سے خطاب کرتے ہوئے مرکزی رہنما ایم ڈبلیوایم علامہ حسن ظفر نقوی نے کہا کہ شہر قائد ملت جعفریہ کیلئے نو گو ایریا بنایا جارہاہے، کراچی سی ٹی ڈی میں معتصب افراد نے کراچی کے امن کو داو پر لگا دیا ہے بے گنا ہ افراد کو کارکردگی کی بھینٹ چڑھایا جارہا ہے۔اس ظالمانہ اقدامات کو جلد روکنا ہوگا ۔جبری گمشدگی و ٹارگٹ کلنگ کے خلاف حکومت وقت خاموش تماشائی بنی ہوئی ہے ہم شہدا اور لاپتہ افرادکے خاندانوں کو کیا جواب دیں حکومت کی دلچسپی دہشگردوں کو قومی دھارے میں ایڈجسٹ کرنے پر ہے جبکہ شہداء کے ورثا اور مسنگ پرسن کے اہل خانہ انصاف کے لئے دربدر کی ٹھوکریں کھا رہے ہیں۔رہنماؤں نے حکومت سے مطالبہ کیا کہ نیشنل ایکشن پلان پر ازسر نو غور کریں۔ بیانیہ پاکستان کی آڑ میں قاتلوں کو معافی دینے کا سلسلہ بند کیا جائے ۔صدر و وزیر اعظم پاکستان ،چیف جسٹس ،آرمی چیف ملت جعفریہ کے خلاف کریک ڈاون کا فوری نوٹس لیں۔احتجاجی مظاہروں سے علامہ مرزا یوسف حسین ،علی حسین نقوی ،علامہ مبشر حسن ،علامہ صادق جعفری،علامہ علی انور جعفری سمیت دیگر نے خطاب کیا۔

وحدت نیوز(کراچی) مجلس وحدت مسلمین کا سانحہ ہزارگنجی،اوماڑہ اور ڈی آئی خان ٹارگٹ کلنگ کے خلاف ملک بھر میں احتجاجی مظاہرے، وفاقی دارلحکومت سمیت چاروں صوبوں گلگت بلتستان اور کشمیر کے تمام اہم شہروں میں ستر سے زیادہ مقامات پر احتجاجی مظاہرے کئے گئے۔ احتجاجی مظاہروں کا مقصد دہشتگردی سے متاثر ہ خاندانوں سے اظہار یکجہتی اور دہشتگردی کے ناسور کے خلاف صدائے احتجاج بلند کرنا تھا گزشتہ روز سربراہ مجلس وحدت مسلمین پاکستان علامہ راجہ ناصر عباس جعفری کی کال پر جمعہ کے روز ملک بھر میں ایم ڈبلیوایم کے زیر اہتمام احتجاجی مظاہر ے کئے گئے۔

کراچی ایم ڈبلیو ایم کی جانب سے خوجا جامع مسجد کھارادر،جامع مسجد نور ایمان ناظم آباد،جامع مسجد ردربار حسینی ملیر میں ہونے والے احتجاجی مظاہر ے میں کثیر تعداد میں عوام نے شرکت کی مظاہرین نے ملک میں جاری دہشت گردوں کی کاروئیوں کے خلاف نعرے بازی کی اور کراچی میں جبری گمشدہ افراد کی جلد بازیابی کا مطالبہ سمیت شیعہ عمائدین کے خلاف ریاستی آپریشن کی مذمت کی احتجاجی مظاہر ے سے خطاب کرتے ہوئے مرکزی رہنما ایم ڈبلیو ایم علامہ احمد اقبال رضوی نے کہا کہ بلوچستان کی ناامنی کے پیچھے ہندوستان ہے جس کو امریکہ اور اسرئیل کی مکمل آشیر باد حاصل ہے۔ سانحہ ہزار گنجی کے فوری بعد ہی کوسٹل ہائی وے پر دہشت گردوں کی بزدانہ کاروائی میں سیکورٹی فورسز کے جوانوں کی شہادت نے سیکورٹی اداروں کی کارکردگی پر سوالیہ نشان اٹھا دیا ہے سانحہ ہزار گنجی کے مجرمان بھی وہی ہیں جنہوں نے کوسٹل ہائی وے پر سیکورٹی فورسز کے جوانوں کو قتل کیا ہے ان کا مقصد پاکستان کو غیر مستحکم کرنا ہے۔انہوں نے کہا کہ ریاستی اداروں کی جانب سے چادر اور چار دیواری کو پامال کیا جارہاہے جو ہر گز قابل قبول نہیں اگر حکومت نے ملت جعفریہ کے جبری گمشدہ افرادکو رہا نہ کیا تو بہت جلد ملگ گیر احتجاجی تحریک چلائیں گے ۔

وحدت نیوز(کوئٹہ) سانحہ ہزار گنجی سبزی منڈی میں بم دھماکے اور قیمتی انسانی جانوں کے نقصان کے خلاف مجلس وحدت مسلمین کوئٹہ ڈویژن کی جانب سے جامع مسجد کلاں کے باہر احتجاجی مظاہرہ کیا گیا جس میں ایم ڈبلیوایم کے رہنما علامہ ہاشم موسوی، علامہ برکت مطہری، علامہ ولایت جعفری اور علامہ حسنین وجدانی نے خطاب کیا اس موقع پر ایم ڈبلیوایم کے مرکزی رہنما آصف رضا ایڈوکیٹ سمیت مظاہرین کی بڑی تعداد شریک تھی، مقررین نے سانحہ کی شدید الفاظ میں مذمت کرتے ہوئے وزیر اعظم، آرمی چیف اور چیف جسٹس سےمجرموں کی فوری گرفتاری اور سخت کاروائی کا مطالبہ کیا ۔

وحدت نیوز(اسلام آباد) پاکستان پر بھارتی جنگی جارحیت اور نہتے مظلوم کشمیریو ں پر بہیمانہ بھارتی مظالم کے خلاف مجلس وحدت مسلمین پاکستان کی زیر اہتمام علامہ راجہ ناصرعباس جعفری کی ہدایت پرملک گیریوم دفاع مادر وطن منایا گیا،جس کا مقصد حالیہ پاک بھارت کشیدگی میں پاک افواج کے ساتھ اظہار یکجہتی اور ہندوستان کی جنگی جارحیت کی مذمت اور مقبوضہ کشمیر کے مظلو م کشمیری عوام سے اظہار یکجہتی کرنا تھا، چاروں صوبوں ، گلگت بلتستان ،آزاد جموں وکشمیر کے تمام اضلاع کراچی، نوشہروفیروز، سجاول، بدین،لاڑکانہ،جیکب آباد،نصیرآباد ، کوئٹہ،کشمور،ماتلی،ٹنڈوالہیار،خیرپور،جامشورو،تھر،شکارپور،سکھر،گلگت ، سکردو،اسلام آباد،بہاولپور، گجرانوالہ ،ملتان، رحیم یارخان، فیصل آباد، جہلم،سیالکوٹ،ڈی جی خان سمیت چھوٹے بڑے شہروں ، قصبوں، دیہاتوںسمیت100سے زائدمقامات پر بعد نماز جمعہ احتجاجی ریلیاں نکالی گئیں اور پریس کلبز کے سامنے احتجاجی مظاہرے بھی کیئے گئے۔

مظاہرین نے ہاتھوں میں قومی پرچم اٹھا رکھے تھے اور وہ پاکستان زندہ باد ، پاک فوج پائندہ باد اور ہندوستان مردہ باد کے فلک شگاف نعرے لگارہے تھے، کئی شہروں میں بھارتی وزیر اعظم مودی کے پتلےاور بھارتی پرچم بھی نظر آتش کئے گئے ۔اس موقع پر مقررین اور شرکاء نے اس عزم کا اعادہ کیا کہ وہ اپنے خون کے آخری قطرے اور اپنی آخری سانس تک مادر وطن کا دفاع کرتے رہیں گے ، پاکستان کے 22کروڑعوام اپنی مسلح افواج کے شانہ بشانہ میدان میں ڈٹی رہے گی، مقررین نے ہندوستان کو یہ پیغام دیاکہ وہ کسی بھی مہم جوئی سے باز رہے دو بھارتی جنگی جہازوں کا مارگرایا جانا اور پائلٹ کی گرفتاری صرف یہ ٹریلر ہے اگر بھارت مذید کسی ایڈونچرکا خواہاں ہے تو شوق پورا کرلے ۔

سربراہ مجلس وحدت مسلمین علامہ راجہ ناصر عباس جعفری کایوم دفاع مادر وطن منانے کے حوالے سے اپنے پیغام میں کہنا تھا کہ ہندوستانی جارحیت کے خلاف پورے ملک کی عوام اپنے وطن کے محافظوں کے شانہ بشانہ کھڑی ہے تمام سیاسی و دینی قیادت اس حساس مرحلے پر متحد ہے۔ وطن سے عشق ہمارے دین اور ایمان کا حصہ ہے مادر وطن پر جان نثار کرنا ہر پاکستانی اپنے لئے باعث افتخار سمجھتا ہے۔ہم دنیا کی کسی بھی طاقت کو وطن عزیز کو میلی آنکھ سے دیکھنے کی اجازت نہیں دیں گے،بھارت امریکہ اور اسرائیل دنیا کی امن کے لئے ایک مستقل خطرہ ہے ہماری امن کی خواہش کو کمزوری نہ سمجھا جائے،جذبہ شہادت سے سرشار یہ غیور قوم دشمن کے ہر مذموم عزائم کو خاک میں ملانے کے لئے ہمہ وقت سر بکف تیار ہیں وطن کی سلامتی و استحکام کے لیے کسی بھی قربانی سے دریغ نہیں کرینگے ۔

Page 6 of 21

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree