The Latest
مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے کہا ہے کہ حکومت دہشتگرد عناصر کا قلع قمع کرے، پاکستان میں جاری دہشت گردی کی لہر میں اس وقت کوئی بھی محفوظ نہیں، جس سے ظاہر ہوتا ہے کہ حکومت اور سیکورٹی کے ادارے بُری طرح ناکام ہوچکے ہیں، آج پاکستان کی آرمی، پولیس، رینجرز، ایف سی، انٹیلی جنس ادارے، آئی ایس آئی، سپیشل برانچ سمیت کوئی بھی محفوظ نہیں ہے، یہ وہی لوگ ہیں جنہوں نے جی ایچ کیو پر حملہ کیا، کامرہ ایئر بیس پر حملہ کیا، سری لنکن ٹیم پر حملہ کیا، انٹیلی جنس کے دفتروں پر حملہ کیا، امام بارگاہوں پر حملہ کیا، مساجد پر حملہ، درباروں اور بازاروں پر حملہ کیا اور آج وہی دہشت حضرت امام حسین (ع) کی یاد میں نکالے جانے والے جلوسوں پر حملے کر رہے ہیں۔
مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے ڈیرہ اسماعیل میں دھماکے کے نتیجے میں زخمی ہونے والے عزاداران کی نشتر ہسپتال ملتان میں عیادت کی، اس موقع پر مجلس وحدت مسلمین کے مرکزی سیکرٹری تعلیم یافث نوید ہاشمی، ضلعی سیکرٹری جنرل علامہ اقتدار حسین نقوی اور جنوبی پنجاب کے سیکرٹری میڈیا سیل محمد رضا نقوی ان کے ہمراہ تھے، راجہ ناصر عباس جعفری نے تمام مریضوں سے علیحدہ علیحدہ ملاقاتیں کی صحت یابی کی دعا بھی کی، اس موقع پر اُنہوںنے اپنے ہر قسم کے تعاون کا یقین دلایا ۔
فلسطین کے شہر غزہ کی سڑکیں ایران کا شکریہ کے بینروں سے سج گئے چار زبانوں عربی فارسی انگلش اور عبری یا ہیبرو زبان میں اہم شاہراہوں اور چوکوں پر بڑے بڑے ہولڈنگ پینافلکیس اور بینرز آویزاں کئے گئے ہیں جن میں مظلوم فلسطنیوں کی سیاسی،مالی اور خاص طور پر عسکری مدد کا شکریہ ادا کیا گیا ہے فلسطینی عوام کی جانب سے ایران کا شکریہ نامی یہ بڑے بڑے ہولڈنگ درحقیقت سنتالیس سال میں پہلی بار اسرائیل کے غاصبانہ دارالحکومت تل ابیب اور قدس سٹی میں فجر چار،پانچ نامی راکٹوں کی بارش کی سبب ہے فجر پانچ نامی راکٹوں نے اسرائیل اور مظلوم فلسطنیوں کے درمیان قائم عسکری توازن کو اسٹرٹیجکلی کسی حدتک بدل کر رکھ دیا ہے کیونکہ پہلے صرف اسرائیل بے خوف و خطر فلسطنیوں پر بمباری کرتا تھا اب فلسطنیوں کی جانب سے بھی تل ابیب سمیت متعدد اہم شہروں پر برسنے والے ایرانی راکٹوں نے اسرائیل کی بے خوفی کو بدل کر خوف اور رعب میں تبدیل کردیا ہے جس کی مثال حالیہ آٹھ روزہ جارحیت میں ہوا کہ تل ابیب پر گرنے والے میزائیلوں نے اسرائیل آرام طلب عوام میں سخت پریشانی اور ہلچل ایجاد کی جس کے سبب اسرائیل کو جنگ بندی کرنی پڑی اور بری طرح اسرائیل اس جنگ میں شکست کھا گیا
جھنگ کے حالات کو جان بوجھ کے خراب کیا جا رہا ہے۔پنجاب انتظامیہ پر امن لوگوں پر تشدد کررہی ہے ا ور گرفتاریوں میں مصروف ہے۔حالات ایسے رہے تو پا کستان بھر میں احتجاج شروع ہوجائیں گے ۔مجلس وحدت مسلمین پنجاب کے سیکر ٹری جنرل علامہ عبدالخالق اسدی نے جھنگ میں مجلس وحدت مسلمین کے ضلعی سیکر ٹری جنر ل علا مہ مظہر کاظمی کی بلاجواز گرفتاری کو پنجاب میں پر امن لوگوں میں اشتعال پھیلانا قرار دیا اور اس کی پر زور مذمت کی ہے ۔ ا نہوں نے کہا کہ وزیر قا نون پنجاب کالعدم جماعتوں کی سر پر ستی چھوڑ دیں اور ملت تشیع پر اتنا ظلم کریں جتنا وہ اور ان کے حواری برداشت بھی کر سکیں۔علا مہ مظہر کاظمی کی گرفتاری پرجھنگ میں اس وقت ہزاروں لوگ سٹرکوں پر ہیں اور دور دراز کے علاقوں سے قا فلوں کی آمد کا سلسلہ جاری ہے۔ مجلس وحدت مسلمین پاکستان مرکزی سیکر ٹری جنرل علامہ راجہ ناصر عباس جعفری نے بھی اس واقعے کی شدید مذمت کی ہے اور انہوں نے کہا ہے کہ پنجاب حکومت مکمل تور پر فرقہ واریت کو فروغ دینے اور تکفیری گروہ کی سر پر ستی میں مصروف ہے۔انہوں نے کہا کہ یہ عمل پنجاب حکومت ،میاں برادران اور مسلم لیگ ن کو مہنگی پڑیگی۔بے جا لوگوں کے معاملات میں دخل اندازی انتظامیہ کے روز کا معمول بن چکی ہے۔اور ہماری صلح پسندی اور پر امن جدوجہد کو کمزوری سمجھا جارہا ہے۔مجلس وحدت مسلمین پاکستان کے مرکزی سیکر ٹریٹ سے جاری کردہ بیان میں علا مہ ر اجہ ناصر عباس جعفری نے پاکستان بھر کے اظلاع کو حکم دیا ہے کہ وہ کل سڑکوں پر نکلیں اور وزیر قانون پنجاب سمیت تمام اتحاد بین المسلمین کے دشمنوں سے اظہاربیزاری کریں اوراپنا بھر پور احتجاج ریکارڈ کروائیں۔
واضح رہے کہ اب سے کچھ دیر قبل علامہ کاظمی کو عوامی دباو اور احتجاج کے سبب رہا کردیا گیا ہے
حسینیت(ع) ہر دور میں اسلام کی بقاء کی ضامن ہے،سنگین خطرات کے باوجود ملک بھر کے کروڑوں عزادارں کی جلوسوں میں شرکت نے ملک دشمن اور اسلام دشمن قوتوں کے ناپاک عزائم کو اپنے پیرو تلے روند دیا ہے۔عشرہ محرم الحرام میں وفاقی حکومت، سندھ حکومت ،رینجرز،پولیس اور دیگر اداروں کی جانب سے کئے گئے اقدامات قابل ستائش و اعتماد ہیں۔
مولانا حسن ظفر نقوی، مولانا مختار امامی،مولانا صادق رضا تقوی و دیگر کا مشترکہ بیان
حسینیت (ع)ہر دور میں اسلام کی بقاء کی ضامن ہے،سنگین خطرات کے باوجود ملک بھر کے کروڑوں عزادارں کی جلوسوں میں شرکت نے ملک دشمن اور اسلام دشمن قوتوں کے ناپاک عزائم کو اپنے پیرو تلے روند دیا ہے۔
مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری محرم الحرام کے عشرہ ثانی کی مجالس عزاء سے خطاب کرنے کے لیے اپنے دس روزہ دورہ پر آج ملتان پہنچے ہیں، وہ آج سے جامع مسجد الحسن نیو ملتان اور حیدریہ مسجد گلگشت کالونی میں دو مقامات پر عشرہ ثانی سے خطاب کریں گے، مجلس وحدت مسلمین ملتان کے ضلعی آفس سے جاری پریس ریلیز کے مطابق علامہ راجہ ناصر عباس ملتان میں اپنے دس روزہ قیام کے دوران مختلف کانفرنسز سے بھی خطاب کریں گے۔ جامع مسجد الحسین نیو ملتان میں مجلس عزاء سے خطاب کرتے ہوئے علامہ ناصر عباس جعفری نے کہا کہ امام حسین (ع) نے میدان کربلا میں عظیم قربانی دے کر امت مسلمہ کو ایک عالمگیر درس دیا ہے کہ دنیا میں ظالم چاہے جتنا ہی طاقتور کیوں نہ ہو اس کا مدمقابل ہونا ہی حسینیت کہلاتا ہے۔
عزاداران امام مظلوم کی شجات، بہادری، جرات اور استقامت نے ثابت کردیا کہ وقت کا یزید ایک بار پھر رسوا ہو گیا۔ یوم عاشور پر لاکھوں فرزندان اسلام کا سڑکوں پر آ کر نواسہ رسول(ع) کا غم منانا اور جلوسوں میں شریک ہونا اس بات کی دلیل ہے کہ دہشت گردوں کی بزدلانہ کارروائیاں غم حسین(ع) کی شدت کو بڑھا سکتی ہیں لیکن ذرہ بھی کم نہیں کر سکتیں۔ مجلس وحدت مسلمین پاکستان کے سیکرٹری جنرل علامہ راجہ ناصر عباس جعفری نے مرکزی جلوس میں شرکت کے وقت زعما اور عزاداروں سے بات چیت کرتے ہوئے کہا کہ سرگودھا اور ڈیرہ اسماعیل خان میں عزاداروں پر حملے بزدلانہ کارروائی ہیں اور ریاستی اداروں کو چاہیے کہ ان دہشت گردوں کا بروقت محاسبہ کریں ورنہ عوام ان کو انتقام کا نشانہ بنانے پر مجبور ہونگے۔
ملک کے دیگر شہروں کی طرح راوالپنڈی میں بھی عزادارن امام حسین ع نے ظہرین کی نماز فوارہ چوک میں علامہ محمد امین شہیدی کی اقتداء میں اداکی ۔
ڈپٹی سیکرٹری جنرل مجلس وحدت مسلمین علامہ امین شہیدی نے ہزاروں عزاداران امام حسین سے خطاب کرتے ہوئے عزاداری کی اہمیت اور امام حسین کی لازوال قربانی پر گفتگو کی اور بعض افراد کی جانب سے میڈیا میں عزاداری کو محدود کرنے کی باتوں کو عزاداری کے خلاف سازش قراردیا اور کہا کہ ہم اس قسم کی سازشوں کو کسی بھی حال میں پورا نہیں ہونے دینگے اور ہم ان سازشی افراد کو متنبہ کرتے ہیں کہ وہ عقل وخرد سے کام لیں اور تفرقہ انگیز اور دہشت گرد پسندانہ بیانات سے پرہیز کریں ۔
ریاض: سعودی عرب کے مفتی اعظم شیخ عبدالعزیزالدین نے خلیجی ممالک کے عوام سے احتجاج نہ کرنے کی اپیل کردی۔ مفتی اعظم شیخ عبدالعزیزالدین نے ایک بیان میں کہا کہ خلیج ممالک میں عوام کو احتجاج پر اکسانے والے ان کی دولت پر قبضہ کرنا چاہتے ہیں، انہوں نے عوام سے اپیل کی وہ احتجاج کا سلسلہ ترک کردیں، مفتی اعظم نے کہا کہ عرب ملکوں میں ہونیوالے مظاہروں میں ایران ملوث نہیں بلکہ وہ لوگ کرارہے ہیں ،جو انتشار چاہتے ہیں اور مسلمانوں کو تقسیم کرنا چاہتے ہیں واضح رہے کہ اس سے قبل خلیجی ممالک کے عرب بادشاہ ان ممالک میں جمہوریت کی حمایت میں ہونے والے احتجاجات کے پیچھے ایران کے ہاتھ کو قراردے رہے تھے جس کی ایک بڑی وجہ شاید ایران کی جانب سے عرب دنیا میں نئی بیداری کی لہر کی حمایت اور دو خلیجی ممالک سعودی عربیہ اور بحرین میں اپنے بنیادی شہری حقوق کے لئے کوشش کرنے والے اہل تشیع کی جدوجہد میں تیزی تھی لیکن اب اللہ کا شکر ہے کہ عرب مفتیوں اور بادشاہوں کی سمجھ میں آگیا کہ ان احتجاجات میں خود ان کی امتیازی پالیسی اور اپنے ملکوں کے شہریوں کو بنیادی حقوق سے محروم رکھنا ہے
سید حسن نصر اللہ نے تاسوعا کی مجلس عزا سے خطاب کرتے ہوئے کہا کہ گذشتہ سال بھی یہ دھمکیاں مل رہیں تھیں کہ عاشورہ کے دن دھماکے ہونگے خطرات ہیں لیکن ایسی کوئی بات نہیں تھی یاد رکھیں کہ کسی بھی قسم کی دھمکیاں اور خطرات ہمیں عزداری امام حسین سے نہیں روک سکتیں اور کوئی بھی خطرہ ہم میں اور مشن امام حسین میں فاصلے ایجاد نہیں کر سکتا
