The Latest
وحدت نیوز(مظفرآباد)امام خمینی عہد ساز شخصیت ہیں، کردار ہمیشہ سنہرے حروف میں لکھا جائے گا، امام نے وقت کے طاغوت کو شرمناک شکست دی، امام نے ایران کو اسلامی دنیا کے لیئے ماڈل اسلامی ملک بنایا، اور دنیا کو بتا دیا کہ اگر اسلام کے بارے میں کوئی کہے کہ اسلام کیسے عملی زندگی میں لاگو ہو سکتا ہے تو اس کے لیئے اسلامی جمہوریہ ایران کو بنا کر دکھا دیا، ان خیالات کا اظہار سیکرٹری جنرل مجلس وحدت مسلمین آزاد جموں و کشمیر علامہ سید تصور حسین نقوی الجوادی نے مجلس وحدت مسلمین ضلع مظفرآباد کے زیر اہتمام برسی امام خمینی سے خطاب کرتے ہوئے کیا
،
انہوں نے کہا کہ امام خمینی نے باوجود کئی سازشوں کے اپنے مقصد میں کامیابی و کامرانی حاصل کی، اس لیئے کہ امام خمینی مرد میدان و بحران تھے ، امام خمینی نے ہمیشہ میدان میں مقاومت دکھائی اس لیئے کہ امام خود کہتے ہیں کہ ہم نے ہر چیز کربلا سے درس میں لی ہے، امام خمینی نے وقت کے طاغوت ، استبداد اور شیطان بزرگ کو چاروں شانے چت کیا، اس وقت کہ جب گستاخ رسول سلمان رشدی ملعون نے گستاخی کی تھی، باوجود اس کے کہ بڑی بڑی ہستیاں موجود تھیں ، ایسی ہستیاں جن کے ہاں ڈالروں کی ریل پیل بھی ہوتی تھی مگر کسی نے ہمت نہ کی، ہمارے مرشد و رہبر امام خمینی نے اس کے واجب القتل ہونے کا فتویٰ دیا، علامہ تصور جوادی نے کہا کہ اس لیے کہ گستاخی رسول کسی بھی صورت میں قابل قبول امر نہ ہے، ملت تشیع کو اس پر فخر ہے کہ امام خمینی نے مرد میدان بن کر اس ملعون کے قتل کو واجب کہا ۔
بعد ازاں مجلس وحدت مسلمین بڈھیارہ یونٹ کے زیر اہتمام برسی امام خمینی کے موقع پر ایک نشست میں علامہ تصور جوادی نے شرکت کی ، اور اپنے خطاب میں افکار امام خمینی پر روشنی ڈالتے ہوئے کہا کہ مجلس وحدت مسلمین خط امام خمینی و شہید حسینی پر عمل پیرا ہے، اس لیئے کہ دونوں کا مشن کو مقصد امت محمدی صلی اللہ علیہ و آلہ وسلم کو ایک کرنا، ان کے وحدت ایجاد کرنا ، انہیں دشمن شناس بنانا، جیسا کہ امام خمینی نے فرمایا کہ شیعہ سنی اسلام کے دو مضبوط بازو ہیں ، اور ایک بار اور کہا کہ اے مسلمانان جہاں تم آپس میں ہاتھ کھولنے اور باندھنے پر الجھ رہے ہو جبکہ تمہارا دشمن تمہارے ہاتھ کاٹنے کے درپے ہے، علامہ سید تصور نقوی الجوادی نے کہا کہ آج ضرورت اس امر کی ہے کہ ہم امام خمینی کے افکار کو عام کریں، ہم امت کے اندر وحدت ایجاد کرنے کے لیئے ہرممکن کوشش کریں ، ہم ملک میں تکفیریت کو تنہا کر دیں ، ہم واقعاً مضبوط بازو بن کر اپنے اصلی دشمن طاغوت سے باہم کندھے سے کندھا ملا کر لڑیں، تا کہ تکفیریت جو کہ طاغوت کے ایجنڈے پر عمل پیرا ہے وہ بھی تنہا ہو اور طاغوت بھی لڑکھڑا جائے، یہ اسی وقت ممکن ہے کہ جب ہم ایک ہوں گے۔
وحدت نیوز(مظفرآباد) کراچی ایئرپورٹ حملہ نواز حکومت کی ناقص کارکردگی کا منہ بولتا ثبوت ہے۔طالبان سے مزاکرات کا ڈرامہ ،سعودیہ اور قطر کی طرف سے اربوں ڈالرز کے بدلے دنیا بھر میں دہشتگرد ایکسپورٹ کرنے اور دہشتگردوں کو مزید منظم کرنا کیلئے کیا گیا۔نواز شریف کے حکومت کرنے کا کوئی جواز باقی نہیں رہ گیا۔عربی تحفوں سے پاکستان میں طالبان بے حد منظم ہو چکے ہیں۔ حکومت نے فوج کو بدنام اور ناکام کرنے کیلئے کئی حربے استعمال کئے۔ آزادکشمیر اور پاکستان کے غیور عوام افواج پاکستان کی مکمل حمایت کرتے ہیں اور پاکستان میں دہشتگردوں کے خلاف بھرپور فوجی آپریشن کا مطالبہ کرتے ہیں۔قومی تحفظ کے ادروں کو دہشتگردوں کیساتھ ساتھ پاکستان کے طول و ارض اور پاکستان کی پارلیمنٹ میں موجود دہشتگردوں کے حامیوں کے خلاف بھی آپریشن کرنے کی ضرورت ہے۔پا ک فوج، اے ایف سی اور رینجرز کے بہادر نوجوانوں پر قوم کو فخر ہے اور ہمیں یقین ہے پاکستان کی حفاظت کی ذمہ داری محفوظ ہاتھوں میں ہے۔ان خیالات کا اظہارمجلس وحدت مسلمین آزادکشمیر کے سیکرٹری سیاسیات سید تصورعباس موسوی نے صحافیوں سے گفتگو کرتے ہوئے کیا۔
انہوں نے کہا کہ پاکستان کی داخلی سیکورٹی اور فیصلہ سازی کا مکمل اختیار پاک فوج کے حولے کیا جائے اور بتدریج اگر حکمران سودے بازی سے باز نہیں آتے تو رضاکارانہ طور پر حکومت پاک فوج کے حوالے کرنا انتہائی دانش مندانہ قدم ہو گا۔ملکی سا لمیت کے خلاف کام کرنے والے دہشتگردپاکستان کے جس بھی کونے میں ہوں مار گرائے جائیں۔مجلس وحدت مسلمین نے روز اول سے طالبان مزکرات کو حکومتی ڈرامہ قرار دیا تھا اور ہم نے یہ کہا تھا کہ وقت ثابت کرے گا کہ غیرملکی مشکوک امداد سے پاکستان میں دہشتگرد مذید منظم ہوں گے، دہشتگردی کی کاروایاں بڑ ھیں گی۔ نواز شریف حکومت کا چال چلن دن بدن مشکوک ہوتا جا رہا ہے۔
وحدت نیوز(میرپور) مجلس وحدت مسلمین ملکی سلامتی کو لاحق خطرات اور تشیع کے حقوق کی جنگ لڑ رہی ہے امت مسلمہ کے درمیان جب تک وحدت ایجاد نہیں ہوتی ہمارے مسائل بڑھتے رہیں گے پاکستان ہم سب کا گھر اس کی تعمیر وترقی کے لے ہم سب کو ملکر کام کرنا ہوگا بعض قوتیں سوچے سمجھے منصوبے کے تحت ملک میں افراتفری اور انارکی پھیلانا چاہتی ہیں آزادکشمیر میں شیعہ سنی وحدت مثالی ہے اس کو برقرار رکھنے کے لئے ہم سب کو اپنی اپنی توانائیاں مجتمع کر کے کام کرنا ہوگا،مجلس وحدت مسلمین نے مختصر عرصہ میں ملت کی وحدت اور وقار کی بحالی کے لئے کارہائے نمایاں سر انجام دئے ہیں اور یہ سفر بلا توقف جاری وساری رہے گا نیک صالح اور مدبر قیادت کی وجہ سے بڑے بڑے بحرانوں میں مجلس وحدت مسلمین نے ثبات قدم کا مظاہرہ کر کہ دشمنوں کے دانت کھٹے کر دئیے ہیں ان خیالات کا اظہار سیکرٹری جنرل مجلس وحدت مسلمین آزادجموں وکشمیر علامہ سید تصور حسین نقوی الجوادی نے دورہ میر پور کے دوران تنظیمی عہدیدارن سے گفتگو کرتے ہوئے کیا۔
انہوں نے کہا کہ مستونگ ،کوئٹہ،اخترآباد،کراچی ،چلاس ،بابوسر ٹاپ اور ملک کے دوسرے حصوں میں دہشتگردی کے واقعات کے خلاف ہماری صالح ،مرد میداں قیادت نے خود کارکنوں میں موجود رہ کر شہداء کی مظلومیت اور ان کے خانوادگان سے اظہار ہمدردی کے علاوہ حکومت وقت کو متوجہ ومتنبہ کیا کہ قوم لا وارث نہیں ہے اور نہ ہی ہماری خاموشی ہماری کمزوری ہے اس سال ملکی تاریخ کے بڑے اجتماعات منعقد کئے گے ہیں جن میں شیعہ سنی وحدت کا عملی مظاہرہ کر کہ ملک دشمن فرقہ پرست قوتوں کے عزائم کو خاک میں ملادیا گیا ہے انشاء اللہ عزت وسرفرازی ملت کا یہ سفر روز افوں جاری رہے گا اور امام زماں (ع) کا یہ کرواں اپنی منزل کی طرف گامزن رہے گا،دورہ کے دوران سیکرٹری مالیات سید سجاد حسین سبزوار ی ،سیکرٹری روابط مولانا سید حمید حسین نقوی بھی سیکرٹری جنرل کے ہمراہ تھے،اس دوارن علامہ تصور نقوی الجوادی نے مرکزی انجمن امامیہ میرپور کے صدر سید ذوالفقار حسین کاظمی،مرکزی امام جمعہ وجماعت ضلع میرپور حجۃ الاسلام علامہ سید تنویر حسین شیرازی،ریجنل ناظم امامیہ آرگنائزیشن جموں ریجن سید قیصر شیراز ،ڈویژنل صدر امامیہ سٹوڈنٹس آرگنایزیشن جموں ڈویژن جنرل سیکرٹری امامیہ سٹوڈنٹس آرگنایزیشن جموں ڈویژن اور دیگر اہم شخصیات سے ملاقاتیں ،خطہ کی مذہبی وسیاسی صورتحال پر تبادلہ خیالات کیا۔
وحدت نیوز(میرپور) ضلعی سیکرٹری جنرل مجلس وحدت مسلمین ضلع میر پور سید محمد رضا شاہ بخاری ذمہ داریوں سے مستعفی ہوگے موصوف گزشتہ سال دوسری مدت کے لئے ضلعی سیکرٹری جنرل منتخب ہوئے تھے خرابی صحت اور نجی مصروفیات کی بنا پر اپنا استعفیٰ ریاستی ایڈیشنل سیکرٹری جنرل سید سرفراز حسین کاظمی کو بھیجوایا،ریاستی سیکرٹری جنرل علامہ سید تصور حسین نقوی الجوادی اور اراکین کابینہ کے دورہ میرپور کے موقع پر ضلعی ویونٹس مسؤلین سے مشاورت کے بعد سید ناظر علی کاظمی کو عبوری سیکرٹری جنرل کی ذمہ داریوں پر مامور کر تے ہوئے تین ماہ تک تفویض کردہ امور کی انجام دیہی اور تین ماہ بعد ضلعی شوریٰ کا اجلاس بلا کر سیکرٹری جنرل کے انتخاب کی ہدایات کردئیں۔
وحدت نیوز(کوئٹہ)عر صہ دراز سے مملکت خدا داد پاکستان میں دشمنان دین دشمنان پا کستان کی جا نب سے پاکستان کے عوام اور خاصکر شیعیان حیدر کرار کا خون بہایا جا رہا ہے۔ گزشتہ رات ایران پا کستان بارڈر تفتان میں دہشتگردوں نے بے گنا ہ اور نہتے عوام پر ہا شمی ہوٹل اور مر تضی ہوٹل پر حملہ کیااور دستی بم ، جدید ہتھیاروں سے شدید فا ئرنگ کی جسکے نتیجے میں دو در جن سے زائد زائرین شھید ہوئے جسمیں زیا دہ ترتعدادخواتین اور بچوں کی ہیں اور سو 100 کے قریب شدید زخمی ہوئے۔اسی طرح گزشتہ رات کو ہی کراچی ائیرپورٹ میں مسلح دہشتگردوں نے حملہ کیا جس کہ نتیجے میں 18سے 20 ائیرپورٹ اور سیکورٹی اہلکار شہید ہوئے ، ان خیالات کااظہار مجلس وحدت مسلمین کے مرکزی رہنما علامہ سید ہاشم موسوی، ڈویژنل سیکریٹری جنرل عباس علی موسوی، رشید علی ،حاجی عمران علی اورمحمد امان نے وحدت ہاوس کوئٹہ میں پریس کانفرنس کرتے ہوئے کیا۔
رہنما وں کا کہنا تھا کہ ہم ان دونوں واقعات کے بھر پور مذمت کرتے ہو ئے حکومت وقت سے یہ سوال کر تے ہیں کہ تفتان جو کہ ایک مختصر علا قے پر مشتمل ہے اور بارڈر ہونے کی وجہ سے و ہاں انٹیلی جنس اور دوسرے ریاستی ادا روں کے اہل کا ر متحرک ہیں لیکن اس کے با وجود یہ علاقہ دہشگردوں کے شر سے محفوظ نہیں ۔اور نا اہل انتظامیہ اسکی حفاظت میں ناکا رہے ہیں ۔ائیر پورٹ جو کسی بھی ملک کیلئے انتہائی اہمیت کا حامل ہوتی ہے پر دہشتگردوں کا حملہ حکومت وقت اور ریاستی اداروں کی کارکردگی پر سوالیہ نشان ہیں ۔
انہوں نے مذید کہا کہ تفتان جو پاکستان ایران بارڈر ہونے کی وجہ سے کافی حساس علاقہ ہے پر دہشتگردوں کا اس طرح سے زاہرین پر حملہ بد ترین د ہشتگردی ہے ۔جہاں پر نہتے عوام خواتین اور بچے محفوظ نہیں ہم حکومت وقت کو متنبہ کرتے ہوئے اعلان کرتے ہیں کہ اگر ٹارگٹ کلنگ اور شیعہ نسل کشی کے اس نا پاک سلسلے کو نہ رو کا گیا تو ملک بھر میں مجلس وحدت مسلمین سمیت تمام مظلوم پاکستانی عوام کے ساتھ بھر پور اور نہ رکنے والے احتجاجی سلسلے کا آغاز کریں گے ۔اس سلسلے میں ہم اپنے مرکزی قائدین اور شہداء کے لواحقین کے فرمان کے منتظررہیں گے ۔حکومت بلوچستان کے ذمہ داری ہے کہ وہ جلد از جلد شہداء انکے آبائی علاقوں میں منتقل اور زخمیوں کو فوراً علاج و معالجے غرض سے مناسب مقامات میں منتقل کرنے اور اس طرح تفتان اور نو کنڈی میں محصور زاہرین کو فوراً کو ئٹہ اور انکے علاقوں میں پہنچا دیا جائے ۔ہم حکومت کے اس وعدے کو یاد دہانی کر کے حکومت کی بھر پور مذمت کرتے ہیں جس نے گزشتہ دھرنے کے دوران طفل تسلی دیتے ہوئے اعلان کیا کہ دہشتگردوں کے نیٹ ورک توڑنے کے سلسلے میں موثر کاروائی ہوگی ،لیکن آج کا یہ واقعہ حکومتی وعدوں کی کھوکھلی حیثیت کو واضح کردیتا ہے ۔
وحدت نیوز(مظفرآباد)عوام سڑکو ں پر رل رہے ہیں حکمران خواب خرگوش کے مزے لے رہے ہیں مجید خان کے سر میں درد ہو تو الشفاء انٹرنیشنل سے معائنہ ہوجاتا ہے لیکن پیرامیڈ یکل سٹاف کی ہڑتال کی وجہ سے عوام کو جس پریشانی کا سامنا ہے اس کا حکمران جماعت پر کوئی اثر نہیں ہورہا پیرامیڈیکل ملازمین کے مطالبات کی اب تک کوئی شنوائی نہیں ہوسکی آزادکشمیر میں وزیر صحت نام کا کوئی شخص موجود ہی نہیں ہے پیرامیڈیکل سٹاف کے مسائل فوری طور پر حل کر کے ملازمین کو ہسپتالوں میں ڈیوٹیاں پر واپس بھیجا جائے،معلوم نہیں حکومت محکمہ صحت کے ملازمین کو ہیلتھ الاونس دینے سے کیوں قاصر ہے جب تک ملازمین کے مسائل حل نہیں ہوں گے اس وقت تک عوام کو معالجہ کی سہولیات کیونکر میسر آسکتی ہیں ،ستاف کی ہڑتال کی وجہ سے شیخ خلیفہ بن زید ہسپتال اور عباس انسٹیٹوٹ آف میڈیکل سائنسز میں دور دراز سے آئے مریضوں کو شدید مشکلات کا سامنا کرنا پڑ رہا ہے غریب لوگ پرائیویٹ ہسپتالوں سے معالجہ کروانے سے بھی قاصر ہیں ان خیالات کا اظہار ریاستی سیکرٹری جنرل مجلس وحدت مسلمین آزادجموں وکشمیر علامہ سید تصور حسین نقوی الجوادی نے کیا ۔
انہوں نے کہا انتہائی تشویشناک ناک بات ہے کہ سول سوسائٹی دارالحکومت میں دھرنا دئیے بیٹھی ہے ،پیرامیڈیکل سٹاف ہڑتال پر ہے ،دیگر محکموں کے چھوٹے ملازمین بھی ہڑتالیں اور ریلیاں کر رہے ہیں لیکن حکمران بھر بھی اقتدار کے نشہ میں چور نظرآرہے ہیں انہوں نے کہا کہ ان کی جماعت مجلس وحدت مسلمین چھوٹے ملازمین کے مسائل کے حل کا مطالبہ کرتی ہے نیز ان کی جماعت زاہد امین کاشف کی قیادت میں سول سوسائٹی کے دھرنا کی مکمل حمایت کرتی ہے،علامہ تصور جوادی نے کہا کہ جب عوام سڑکوں پر نکل آئیں تو یہ اس بات کا واضح اعلان ہوتا ہے کہ عوام حکمرانوں کی حاکمیت اور حق ھکمرانی کو تسلیم نہیں کرتے ہیں لیکن حکومت کے لئے بھی ضروری ہوتا ہے کہ وہ عوامی مسائل کے فوری حلکے لئے راست اقدام اٹھائے ،مظفرآباد دارالحکومت ہونے کے ناطے سب کا ہے اس سے مخاصمانہ رویہ حکمران جماعت کے لئے انتہائی نقصان دہ ثابت ہوگا علامہ تصور جوادی نے کہا کہ حکومت فوری طور پر مسائل کے حل کے لئے سنجیدہ کوشش کرئے صرف لگژری گاڑیوں اور پروٹوکول کے مزے لینے سے اقتدار کو دوام نصیب نہیں ہوتا بلکہ کامیاب حکمران وہی ہوتے ہیں جن کی حکومت میں عوام اپنے گھروں میں پر سکون زندگی گزار سکیں ۔
وحدت نیوز(پشاور) مجلس وحدت مسلمین خیبر پختون خوا کے سیکرٹری جنرل علامہ سید محمد سبطین حسینی نے کہا کہ شعبان ایک معظم مہینہ ہے ہمیں اس مہینہ میں خدا کے ساتھ اور زیادہ قرب اختیار کرنا چاہئے کیونکہ اس مہینہ میں اہل بیت کی ولادت کے ایام ہیں۔ انہوں نے کہا کہ اہلبیت وہ گھرانہ ہے کہ قرآن و فرامین رسول اللہ ﷺ کی روشنی میں کسی کا موزانہ نہیں ہو سکتا۔ انہوں نے امام بارگاہ رسالپور میں مومنین سے خطاب کرتے ہوئے کہا کہ آج کے اس دور میں اہل بیت کے پیروکاروں کا رہنا خود کسی ایک معجزہ سے کم نہیں ہے۔ اور درحقیقت یہ ایک وعدہ الہیٰ ہے کہ اہلبیت ؑ کا ہر سو تذکرہ ہو انکی یاد ہو۔ ہم خدا سے دعاگو ہیں کہ دارین میں ہمیں مصطفی و مرتضیٰ سے متمسک رکھیں۔
وحدت نیوز(نوشہرہ) مجلس وحدت مسلمین ضلع نوشہرہ کچی آبادی کے ریاض حسین کو یونٹ سیکرٹری جنرل منتحب کیا گیا۔ اس دوران صوبائی سیکرٹری جنرل علامہ سید محمد سبطین ضلع نوشہرہ کے سیکرٹری جنرل اورنگزیب حسین، سیکرٹری تنظیم سازی سید عقیل حسین شاہ، صوبائی آفس مسؤل ارشاد حسین بنگش اور علاقے کے دیگر معززیں موجود تھے۔ اس دوران علامہ سید محمد سبطین الحسینی کا کہنا تھاکہ علم مکتب اہلبیت ؑ سے مومنین کو ورثے میں ملا ہے لہذا ہمارے جوانوں کو پڑھا لکھا ہونا چاہئے جو مجلس وحدت مسلمین کا ایک بنیادی ہدف ہے۔
علامہ سبطین حسینی نے کہا کہ مجلس وحدت مسلمین نے علم اُٹھایا ہے، اور مولا امیر المومنین کے ماننے والے ہمیشہ عزت کے ساتھ جیے اور عزت کے ساتھ زندگی گزارنے کا سلیقہ دوسروں کو بھی سیکھائیں، انہوں نے کہا کہ آج پاراچنار یا پنجاب یا دوسرے شیعہ آبادیوں میں زندگی گزارنا آسان ہے جہاں پر کثیر تعدا د میں اہلبیت کے ماننے والے موجود ہیں مگر آپ کے علاقوں میں تعداد کم ہونے کے ساتھ دشمنان مکتب اہل بیت کی تعداد کئی گناہ ذیادہ ہے جسکی وجہ سے بہت ضروری ہے کہ ہم منظم ہوں اور ایک دوسرے کے دکھ درد میں شریک ہوں۔ انہوں نے نئے سیکرٹری جنرل ریاض حسین کو مبارک باد دیتے ہوئے کہا کہ انشااللہ آپ کا انتحاب خدا کو بھی منظور تھا کہ اتنے لوگوں میں آپ کو چنا گیا۔ اور اس پسماندہ علاقے کے خدمت میں کوئی کسر اٹھا نہ رکھیں، مولا امام زمانہ آپکے حامی و ناصر رہیں۔
وحدت نیوز(کراچی) شہر میں ہونے والی حالیہ فرقہ وارانہ ٹارگٹ کلنگ میں ملوث کے خلاف سرجیکل آپریشن اور گرفتار ملزمان کی سیاسی وابستگی اور مکمل کوائف بھی منظر عام پر لانے کا فیصلہ کیا گیا ہے، یہ فیصلہ گذشتہ روز سچل رینجرز ہیڈکوارٹر میں ڈی جی رینجرز سندھ میجر جنرل رضوان اختر اور مجلس وحدت مسلمین کے وفد کے درمیان ملاقات میں کیا گیاترجمان سندھ رینجرز میجر سبطین کی جانب سے جاری اعلامیےکے مطابق مجلس وحدت مسلمین کے وفد نے علامہ سید باقر عباس زیدی کی زیر قیادت ڈی جی رینجرز سندھ میجر جنرل رضوان اخترسے ملاقات کی اس دوران شہر میں ہونے والی حالیہ فرقہ وارانہ ٹارگٹ کلنگ اور اس کے سد باب کے لئے اٹھائے گئے اقدامات پر تبادلہ خیال کیا گیا، ملاقات میں فیصلہ کیا گیا کے ٹارگٹ کلنگ میں ملوث گروپ کے خلاف انٹیلیجنس کی بنیاد پر سرجیکل آپریشن کیا جائے گا، اور دہشت گرد کاروائیوں میں ملوث ملزمان خواہ ان کا تعلق کسی بھی مذہبی، سیاسی جماعت یا پھر جرائم پیشہ گروہ سے ہو ان کی مکمل شناخت ، کوائف اور معلومات منظر عام ہر لائی جائیں گی، ملاقات میں ڈی جی رینجرز سندھ میجر جنرل رضوان اخترنےایم ڈبلیوایم کے رہنماوں کو مکمل یقین دھانی کر وائی کہ ٹارگٹ کلنگ میں ملوث دہشت گردوں کے خلاف سخت کاروائی کی جائے گی اور گرفتار ملزمان کو منظر عام پر بھی لایا جائے گا۔
وحدت نیوز(ایبٹ آباد) ایم ڈبلیوایم ضلع ایبٹ آباد کے سیکرٹری جنرل سید مدثرعلی کاظمی سے گاربہ گاؤں ڈاکخانہ بودلہ کے ایک وفد نے ان کی رہائش گاہ پر ملاقات کی۔ وفد میں سید اظہر حسین شاہ، سید قمر عباس، سید چن شاہ اور دیگر بااثر شخصیات شامل تھیں، اس موقع پر انہوں نے مجلس وحدت المسلمین میں شمولیت کا اعلان کیا۔ ضلعی سیکرٹری جنرل سید مدثر علی کاظمی نے تلاوت قرآن پاک اور نعت رسول مقبول ؐ کے بعد اپنی گفتگو میں وفد کے تمام احباب کا شکریہ ادا کیا اور مجلس وحدت مسلمین کے اغراض مقاصد سے وفد کو آگاہ کیا اور ساتھ ہی عنقریب گاربہ گاؤں میں مجلس وحدت کا یونٹ بنانے کی یقین دہانی بھی کروائی۔
جبکہ اس موقع پر ضلعی سیکرٹری جنرل کے ہمراہ یو سی جھنگڑہ کے سیکرٹری جنرل سید فراست حسین شاہ، ضلعی سیکرٹری تنظیم سازی سید اظہر حسین شاہ، سیکرٹری روابط سید قمر علی شاہ، تحصیل حویلیاں کے سیکرٹری تنظیم سازی سید فیضان حسین، سیکرٹری تحفظ عزاداری سید شجر علی شاہ، آفس سیکرٹری سید دلشاد حسین شاہ، سید امتیاز حسین شاہ اور دیگر عہدیدارن بھی موجود تھے۔ آخر میں سیکرٹری جنرل نے دعا کے ساتھ اس پرمسرت ملاقات کا اختتام کیا۔
