The Latest
وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری کردہ بیان میں ایم ڈبلیوایم کے رکن بلوچستان اسمبلی اور صوبائی سیکریٹری امورسیاسیات سید محمد رضا رضوی نے کہا ہے کہ چین پاکستان کا ہمسایہ اور مخلص دوست ہے۔ چین نے ہر مشکل وقت میں پاکستان کا ساتھ دیا ہے ۔ ہم چینی صدر کے دورہ پاکستان کا خیر مقدم کرتے ہیں۔ چین کے صدر کا دورہ پاکستان علاقائی ترقی میں اہم سنگ میل ثابت ہوگا۔ چینی صدر کا دورہ پاکستان نہایت اہمیت کا حامل ہیں۔ کیونکہ پاک چین اکنامک کا ریڈور کا منصوبہ چین کے پسماندہ صوبوں کے ساتھ پاکستان کے پسماندہ صوبوں کی پسماندگی دورہونے کی امید تھی لیکن وفاقی حکومت بد نیتی کی بنیاد پر پاک چائنا اقتصادی روٹ کو تبدیل کر رہی ہے جو ایک ناروا عمل ہے۔ پاکستان اور چین کے 45ارب ڈالر کے معاہدوں میں چھوٹے صوبوں ، فاٹا اور گلگت بلتستان کو مکمل طور پر نظر انداز کر دیا گیا ہے۔ یہ معاہدے پاکستان اور چین کے درمیان نہیں بلکہ لاہور اور چین کے درمیان ہوئے ہیں۔مرکز اور پنجاب نے فیصلہ کر لیا ہے کہ گوادر کاشغر روٹ بلوچستان اور خیبر پختونخواہ کے بجائے پنجاب سے گزرے گا۔ وفاقی حکومت نے بلوچستان کے عوام کے ساتھ ہمیشہ زیادتیاں کی ہیں۔ اس طرح کے غلط اقدامات سے مسائل پیدا ہونگے۔ معاہدہ کرنے سے پہلے پاکستان کے جغرافیائی مفادات کو مدنظر رکھنا چاہیے۔ اس لیے کسی بھی منصوبہ بندی میں بلوچستان کے تمام سیاسی جماعتوں اور عوام کو اعتماد میں لیا جائے۔بلوچستان کے عوام کی نظریں اس طرف مرکوز ہے کہ چین کی طرف سے پاکستان کے ساتھ معاہدات اور دوسرے تعاون میں بلوچستان کا حصہ کتنا ہوگا۔ کیونکہ پر امن ، مستحکم اور خوشحال جنوبی ایشیا سب کے مفاد میں ہے۔
درایں اثناء مجلس وحدت مسلمین کے کوئٹہ کینٹ سے وارڈ نمبر 4 کے نامزد امیدوار منظور علی نظری نے ہزارہ ہاوسنگ سوسائٹی ، گلستان ٹاون،بینک کالونی ، طوغی ہاوسنگ اسکیم اور ڈیری فارم کالونی کوئٹہ کینٹ میں مختلف کارنر میٹنگز سے خطاب کرتے ہوئے علاقے کے لوگوں کو یقین دلایا کہ وہ منتخب ہوکر ان کے مسائل کو حل کرنے کی بھر پور کوشش کرینگے۔
وحدت نیوز (لاہور) مجلس وحدت مسلمین نے کنٹونمنٹ بورڈز لاہور کے14حلقوں کے بلدیاتی انتخابات میں تحر یک انصاف کے امیدواروں کی حمایت کا اعلان کر دیا ۔ تفصیلات کے مطابق مجلس وحدت مسلمین پنجاب کے ڈپٹی سیکرٹری جنرل سید اسد عباس نقوی سے مجلس وحدت مسلمین کے صوبائی سیکرٹریٹ میں تحر یک انصاف ضلع لاہور کے صدر میاں عبدالعلیم خاں سمیت دس رکنی وفد نےملاقات کی جبکہ اس موقع پرمجلس وحدت مسلمین پنجاب کے ڈپٹی سیکرٹری جنرل سید اسد عباس نقوی سے ملاقات کے دوران تحریک انصاف کے وفد نے شہر قائد کے ضمنی انتخابات میں مجلس وحدت مسلمین کے تعاون پر شکر یہ ادا کرتے ہوئے ان سے لاہور میں کنٹونمنٹ بورڈز کے 14بلدیاتی حلقوں کے انتخابات میں تعاون کی درخواست کی ہے جس پر مجلس وحدت مسلمین نے تحر یک انصاف کے تمام امیدواروں کی بھر پور حمایت کا اعلان کیا ہے اور میڈ یا کے نمائندوں سے گفتگو کرتے ہوئے مجلس وحدت مسلمین پنجاب کے ڈپٹی سیکرٹری جنرل سید اسد عباس نقوی نے کہا کہ پاکستان کو ا س وقت موجودہ کر پٹ اور نااہل حکمرانوں سے چھٹکارے کی جتنی ضرورت آج ہے ماضی میں کبھی نہیں رہی اس لیے ہم نے تحریک انصاف کے امیدواروں کو سپورٹ کر نے کا فیصلہ کیا ہے تاکہ کر پٹ حکمرانوں کے حواریوں کا بلدیاتی اداروں میں داخلہ مکمل طور پر روکا جاسکے ۔
انہوں نے کہا کہ (ن) لیگ سے قوم کو کسی بھلائی کی توقع نہیں کیونکہ ان کا مشن عوام کی خدمت نہیں صرف کر پشن اور لوٹ مار ہے جس کیلئے وہ دونوں ہاتھوں سے ملکی خزانے کو لوٹ رہے ہیں جبکہ تحریک انصاف کے ضلعی صدرمیاں عبدالعلیم خاں نے کہا کہ ہم مجلس وحدت مسلمین کی جانب سے کنٹونمنٹ بورڈ کے انتخابات میں سپورٹ کر نے پر شکر یہ ادا کرتے ہیں اور مستقبل میں بھی ایک دوسرے سے سیاسی تعاون جاری رکھیں گے ۔ ملاقات میں علامہ اقبال کامرانی ،سید حسین زیدی،شیخ عمران اور تحریک انصاف کے رہنما بھی موجود تھے ۔
وحدت نیوز (مظفرآباد) مجلس وحدت مسلمین پاکستان آزاد جموں و کشمیر کے شعبہ سیاسیات کے زیراہتمام کشمیر اور یمن کی صورتحال پر آل پارٹیز کانفرنس کا انعقاد ،سیاسی ،سماجی اور مذہبی جماعتوں کے زعماء کی شرکت۔تفصیلات کے مطابق مجلس وحدت مسلمین پاکستان آزاد جموں و کشمیر کے شعبہ سیاسیات کے زیر اہتمام کشمیر اور یمن کی صورتحال پر آل پارٹیز کانفرنس کا انعقاد ، کانفرنس کی صدارت ریاستی سیکرٹری جنرل مجلس وحدت مسلمین پاکستان آزاد کشمیر علامہ سید تصور حسین نقوی الجوادی اور میزبانی ریاستی سیکرٹری سیاسیات سید تصور عباس موسوی نے کی ۔ کانفرنس میں تحریک انصاف آزاد کشمیرکے ڈاکٹر لطف الرحمٰن،، مسلم لیگ ن آزاد کشمیرکے ڈاکٹر مصطفےٰ بشیر ، پیپلز نیشنل پارٹی آزاد کشمیرکے سید فدا حسین نقوی سنی اتحاد کونسل آزاد کشمیرکے قاضی محمد فہد چشتی ایڈووکیٹ، پاکستان عوامی تحریک آزاد کشمیرکے مولانا ضیاء احمد چغتائی اور سول سوسائٹی کی نمائندگی سید ذیشان حیدر نے کی ۔مسئلہ کشمیر اور یمن کی صورتحال پر شرکاء نے سیر حاصل گفتگو کی اور کھل کر اپنے خیالات کا اظہار کیا ۔
سیکرٹری جنرل مجلس وحدت مسلمین پاکستان آزاد کشمیر علامہ سید تصور حسین نقوی الجوادی نے خصوصی خطاب کیا۔کانفرنس کے اختتام پر ایک متفقہ اعلامیہ جاری کیا گیا جس میں کہا گیا کہ یمن کی موجودہ صورتحال مذہبی یا فرقہ ورانہ مسئلہ نہیں ہے بلکہ سیاسی مسئلہ ہے اور اس کا حل سیاسی حوالے سے تلاش کیئے جانے کی ضرورت ہے، حرمین شریفین کو کوئی خطرہ نہیں ہے لہذا مہذب دنیا کو یمن میں سعودی جارحیت کا نوٹس لیتے ہوئے یمن پر فی الفور حملے رکوانے میں اپنا کردار ادا کرنا چاہیئے، حوثی قبائل اپنے ملک کے اندر سیاسی جدوجہد کر رہے ہیں جنھیں تمام یمنی قبائل اور یمنی افواج کی بھی حمایت حاصل ہے لہذا انہیں باغی کہا جانا درست نہیں ہے ، او آئی سی فوری طور پر یمن میں جنگ بندی بارے اپنا کردار ادا کرے، یمن جنگ کی آڑ میں دوسروں کے مفادات کے تحفظ کے لیئے مسلح افواج پاکستان کو ہر گز جنگ کی آگ میں نہ جھونکا جائے ۔ اس طرح کے اقدامات سے ملک میں جاری دہشتگردی کے خلاف جنگ پر منفی اثرات مرتب ہوں گے۔ پارلمنٹ کے فیصلہ کے بعد جو جماعتیں سعودیہ فوج بھیجنے کی بات کرتی ہیں کو سمجھنا چاہے کہ پاکستان میں پارلیمنٹ بالا دست ہے اور پارلیمنٹ کے فیصلہ کے متوازی خارجہ پالیسی نہیں دی جا سکتی ، پالیسی مرتب کرنا جہادی و عسکری اور دیگر جماعتوں کاکام نہیں بلکہ پارلیمنٹ کا کام ہے ۔آل پارٹز کانفرنس کے اعلامیہ میں مقبوضہ کشمیر کی صورتحال پر تشویش کا اظہار کرتے ہوئے کہا گیا ہے کہ بھارت مقبوضہ کشمیر میں تحریک آزادی کو سبوتاژ کرنے کے لیئے اوچھے ہتھکنڈوں پر تر آیا ہے۔ سید علی گیلانی پر غداری کا مقدمہ حریت رہنماؤں کی گرفتاری ، نظر بندی باعث تشویش ہے ۔ ہریانہ یونیورسٹی اور مختلف ریاستوں سے کشمیری طلباء کو نکالا جانا قابل مذمت ہے۔ شرکاء تقریب نے مجلس وحدت مسلمین کے اس اقدام کو سراہا اور اس امید کا اظہار کیا کہ آئندہ بھی اس قسم کی سرگرمیاں ایم ڈبلیو ایم کے پلیٹ فارم سے ہوتی رہیں گی ۔
وحدت نیوز(اسلام آباد) علامہ اقبال کا فلسفہ خودی اور عشق رسول اللہ ﷺ سے حقیقی آگہی امت مسلمہ کو تنزلی سے نکالنے کا واحد راستہ ہے۔ عظیم شاعر کے افکار مسلمانوں کی کامیابی و کامرانی کے بہترین درس سے مزین ہیں۔ ان خیالات کا اظہار مجلس وحدت مسلمین پاکستان کے مرکزی جنرل سیکریٹری علامہ راجہ ناصر عباس جعفری نے شاعر مشرق علامہ محمد اقبال کے 77 ویں یوم وفات کے موقعہ پر مرکزی سیکریٹریٹ سے جاری ایک بیان میں کیا۔
انہوں نے کہا کہ علامہ اقبال کے دل میں قوم کا درد تھا۔ وہ وحدت و اخوت کے داعی تھے۔وہ وحدت امت کوسربلندی اسلام کا بنیادی زینہ قرار دیتے تھے۔عالم اسلام کا اتحاد ان کا دیرینہ خواب تھا ہم نے ان کے خواب کو عملی شکل دینی اور ان کے درد کو سمجھنا ہے۔ ہمیں ان سازشوں کو آشکار کرنا ہو گا جن کے ذریعے امت مسلمہ کے اتحاد کو پارہ پارہ کیا جا رہا ہے۔ اقبال نے ہمیشہ بیداری اور خودی کا درس دیا ہے۔ وہ غلامانہ طرز زندگی کو انسانی حمیعت و عظمت کے خلاف سمجھتے تھے۔ہمیں علامہ کے درس کو سامنے رکھ کر دوست دشمن کی پہچان کر نا ہوگی اور خواب غفلت سے جاگ کر اپنی قدر و منزلت کو سمجھنا ہو گا۔انہوں نے کہا کہ علامہ اقبال کوصرف برصغیر تک محدود کرنا بددیانتی اور ناانصافی ہے۔ ان کا شمار دنیا کے صف اول کے مفکرین و دانشوروں میں ہوتا ہے۔ آپ نے قوم کے اذہان کو جس انداز سے جھنجوڑا اس کے اثرات متاثر کن ثابت ہوئے۔ علامہ راجہ ناصر نے کہا کہ دنیا بھر کی بڑی بڑی یونیورسٹیوں میں اس وقت اقبالیات کوبطور مضمون خصوصی طور پر پڑھایا جاتا ہے۔یہ اس عظیم مفکر کی خدمات کا برملا اعتراف ہے ۔اس وقت اگر ہم اختلافات و انتشار کی سرحدوں سے باہر نکلنا چاہتے ہیں تو پھر اقبال کی تعلیمات کو سہارا بنانا ہو گا۔
وحدت نیوز (سندھ) شہداء کمیٹی کی اپیل پر سندہ بھر میں دہشت گردی کے خلاف ریفرنڈم کیا گیا۔ اس مو قع پرمجلس وحدت مسلمین ،اصغریہ آرگنائزیشن اور شہداء کمیٹی کے زیر اہتمام شکارپور، شہدادکوٹ، جام صاحب، سکرنڈ، دوڑ، نوابشاہ، حیدر آباد، جیکب آباد، کنمب، ٹھری میرواہ،نصیر آباد، میرپورخاص و دیگر شہروں میں عوامی ریفرنڈم منعقد ہوا۔
شہدادکوٹ کے کوٹو موٹو چوک پر منعقدہ ریفرنڈم کیمپ پر خطاب کرتے ہوئے مجلس وحدت مسلمین کے مرکزی معاون سیاسی امور و شہداء کمیٹی کے چیئرمین علامہ مقصود علی ڈومکی نے کہا کہ سندہ کے عوام نے ایک مرتبہ پھر دہشت گردی اور مذہبی منافرت کے خلاف ریفرنڈم دیا ہے۔ سندہ حکومت نے عوام سے وعدہ کیا تھا کہ وہ دہشت گردوں کے خلاف آپریشن کرے گی اور کالعدم دہشت گرد تنظیموں کی فعالیت کو روکا جائے گا مگر اس سلسلے میں عملی اقدام نہیں ہورہا، آج بھی سندہ بھر میں کالعدم جماعتوں کی نفرت انگیز سرگرمیاں جاری ہیں۔ ۲۲ نکاتی معاہدے پر عمل در آمد سے امن کو فروغ ملے گا۔شہداء کمیٹی ، دہشت گردی کے خلاف اپنی جدوجہد جاری رکھے گی، دہشت گردی کو روکنے کے لئے سیاسی کارکنوں اور امن پسند قوتوں کو میدان میں آنا ہوگا۔
عوامی ریفرنڈم کے موقع پرمجلس وحدت مسلمین سندہ کے سربراہ علامہ مختار احمد امامی نے صوبائی کابینہ کے ہمراہ حیدر آباد میں اپنا ووٹ کاسٹ کیا۔ جبکہ چیئرمین شہدا کمیٹی علامہ مقصود علی ڈومکی نے شہداد کوٹ میں اپنا ووٹ دیا اس موقعہ پر سید علی اکبر شاہ، مولانا ممتاز ایمانی و دیگر موجود تھے۔
وحدت نیوز (حیدرآباد) سانحہ شکار پوراور پورے پاکستان میں دہشت گردی کے خلاف مجلس وحدت مسلمین ضلع حیدرآباد کی جانب سے حیدر چوک پر ریفرنڈم کیمپ لگایا گیا جس میں انسانیت سے تعلق رکھنے والے ہزاروں انسانوں نے اپنا ووٹ دہشت گردی کے خلاف کاسٹ کیا کیمپ میں حیدرآباد کے سیکریٹری جنرل مولانا امداد علی نسیمی کے علاوہ صوبہ سندھ کے سیکریٹری جنرل مولانا مختار امامی نے بھی کیمپ کا دورہ کیا اس کیمپ میں ہر مذہب کے لوگوں نے بڑی تعداد میں ووٹ کاسٹ کر کے یہ ثابت کر دیا کہ دہشت گردی ہمارے پیارے ملک پاکستان کے لیے ایک ناسور ہے اس لیے آج ہر شخص نے جو ظالم کے خلاف اور مظلوم کا ساتھ دینے کے لیے نکلا ہے وہ قابلِ تعریف ہے ہر شخص اس دہشت گردی سے نفرت کرتا ہے پر افسوس سے کہنا پڑھتا ہے کہ دہشت گردوں کی سرپرستی کرنے والے حکمران ابھی تک آپریشن کرنے میں تاخیر کیوں کر رہے ہیں اور پورے سندھ میں آپریشن کرنے سے حکومت سندھ کیوں ڈرتی ہے ؟ انشاء اللہ آج کا یہ ریفرینڈم جو دہشت گردی کے خلاف ہے اور مظلوم کی حمایت میں ہے یہ کامیابی کی طرف بڑھ رہا ہے ۔
وحدت نیوز(گلگت) مجلس وحدت مسلمین پاکستان کے ڈپٹی سیکرٹری جنرل و رکن اسلامی نظریاتی کونسل پاکستان علامہ محمد امین شہیدی تین روزہ دورے پر سکردو سے گلگت پہنچ گئے۔ عالم برج پر کارکنوں اور مجلس وحدت مسلمین گلگت کے رہنماؤں کا استقبال۔
وحدت ہاؤس گلگت میں کارکنوں سے گفتگو کرتے ہوئے علامہ امین شہیدی کا کہنا تھا کہ گلگت بلتستان کے انتخابات کو ہائی جیک کرنے نہیں دینگے۔ 67 سال سے آئینی حقوق سے محروم عوام کو ہردور کے وفاقی حکمران سبز باغ دکھاکر لوٹتے رہے اب گلگت بلتستان کے عوام بیدار اور باشعور ہیں اور کسی کو اپنے حقوق غصب کرنے کی اجازت نہیں دینگے۔گلگت بلتستان کے آئندہ الیکشن میں عوام دھاندلی کو کسی بھی صورت قبول نہیں کرینگے اور عوامی حقوق پر اگر ڈاکہ ڈالا گیا تو اس کے بھیانک نتائج برآمد ہونگے۔ مسلم لیگ ن مجلس وحدت مسلمین کے رہنماؤں اور کارکنوں کو سیاسی انتقام کا نشانہ بنارہی ہے اگر یہ سلسلہ جاری رہا تو گلگت بلتستان سمیت ملک گیر احتجاج پر مجبور ہونگے۔
انہوں نے کہا کہ گلگت بلتستان کے عوام اس وطن کے باوفا بیٹے ہیں اور ملک کا فطری دفاع ہیں لیکن بد قسمتی سے وفاقی حکمرانوں کی نظر میں یہاں کے عوام کی کوئی قدر وقیمت نہیں اور انہیں تیسرے درجے کے شہری کے برابر بھی حقوق دینے کو تیار نہیں۔مجلس وحدت مسلمین گلگت بلتستان کے عوام کے جائز آئینی و بنیادی انسانی حقوق کی جنگ میں کسی سے پیچھے نہیں رہے گی بلکہ ہراول دستے کا کردار ادا کریگی۔انہوں نے کہا کہ کچھ جماعتیں سبز باغ دکھاکر اقتدار تک پہنچنے کی ناکام کوشش میں مصروف عمل ہیں اور عوام سے جھوٹے وعدوں کے عوض ووٹ کے طلبگار ہورہے ہیں لیکن علاقے کے باشعور عوام ان کے جھانسوں میں آنے والے نہیں اور اس مرتبہ عوام کے خون پسینے کی کمائی کو عیش و عشرت میں لٹانے والے سیاسی مداریوں سے اپنے ووٹ کی طاقت سے انتقام لینگے۔
وحدت نیوز (کوئٹہ) مجلس وحدت مسلمین پاکستان کوئٹہ ڈویژن کے سیکریٹری جنرل سید عباس علی نے اپنے بیان میں کہا ہے کہ کوئٹہ کنٹومنٹ بورڈ کے بلدیاتی الیکشن میں مجلس وحدت مسلمین بھرپور حصہ لے گی۔سترہ سال بعد ہونے والے کوئٹہ کنٹومنٹ بورڈ کے بلدیاتی انتخابات میں مجلس وحدت مسلمین وارڈ نمبر 1سے محمد عامر ، وارڈ نمبر 2 سے مبین احمد، وارڈ نمبر 3سے حاجی بشیر احمد،وارڈ نمبر 4سے منظور علی نظری اور وارڈ نمبر 5 سے دوست محمد کی بھر پور حمایت کرتے ہیں اور اپنے تمام ووٹروں سے اپیل کرتے ہیں کہ وہ ان امید واروں کو ووٹ دے کر کامیاب کرائیں اور ساتھ ہی ساتھ تمام نامزد امیدواروں سے یہ امید رکھتے ہیں کہ وہ منتخب ہوکر عوام کے اعتماد پر پورا اتریں گے۔ تمام نامزد امیدواروں پر یہ ذمہ داری عائد ہوتی ہے کہ وہ عوام کے فلاح و بہبود کے لیے دیانت داری سے اپنے فرائض بخوبی سرانجام دینگے تاکہ زیادہ سے زیادہ لوگ ان کے ثمرات سے استفادہ کر سکیں اور مستقبل میں عوام کو تعلیم و صحت، سماجی بہبود ، امن و امان اور دیگر مسائل کے لیے راہ ہموار ہوجائے۔عوام کے مسائل ان کے دہلیز پر حل ہونے چاہیے ۔ مجلس وحدت مسلمین امید رکھتی ہے کہ نامزد امیدوار جمہوریت اور جمہوری اداروں کے استحکام اور عوامی مسائل کے حل کے لیے ایمانداری ، خلوص نیت اور قومی جذبے سے کام کرینگے کیونکہ خالق حقیقی کی خوشنودی خدمت خلق میں ہی پوشیدہ ہے۔
وحدت نیوز(کوئٹہ) مجلس وحدت مسلمین کوئٹہ ڈویژن کے میڈیا سیل سے جاری کردہ بیان میں ایم ڈبلیوایم کے رکن بلوچستان اسمبلی سید محمد آغارضانے کہا ہے کہ اگر پاکستان نے یمن کی جنگ میں شرکت کی تو اس کی آگ ہمیں جلا کر راکھ کر دے گی۔یمن تنازعہ کا حصہ بننے سے خطے کی صورتحال پر منفی اثرات مرتب ہونگے۔ پاکستان کو اس جنگ میں ملوث نہیں ہونا چاہیے ۔ صورتحال کی نزاکت اور سنگینی کو سمجھنا چاہیے۔ اس وقت وطن عزیز خود حالت جنگ میں ہیں۔ دہشت گردوں نے پاکستان کی سلامتی کو خطرے میں ڈال دیا ہے۔ یہ دہشت گرد ہمارے صفوں میں موجود ہیں۔ یہ دہشت گرد پاکستان دشمن عناصر کے اشاروں پر پاکستان کو بد امنی اور انتشار میں دھکیل رہے ہیں۔ پاکستان کے بہت سے علاقوں پر پاکستان کی ریاستی عمل داری موجود نہیں ہے۔ پاکستان کے حالات ایسے نہیں ہے کہ وہ دوسروں کی جنگ میں آنکھیں بند کرکے چھلانگ لگا دیں۔ہم پہلے ہی سے افغانستان کی جنگ میں حصہ لینے کا انجام بھگت رہے ہیں۔ ملک اس وقت مختلف مشکلات میں گھیرا ہوا ہے۔ جب تک ملک میں رہنے والے تمام قوموں کو ہر معاملات پر اعتماد میں نہیں لیا جاتا تو ان کے نتائج خطرناک برآمد ہوتے ہیں۔ ناکام خارجہ پالیسی کی وجہ سے پاکستان پہلے ہی تنہائی کا شکار ہیں۔ ماضی میں خارجہ پالیسی نہ ہونے کی وجہ سے افغانستان میں مداخلت کی گئیں اور وہاں ناکام بھی ہوگئے اور اس کی تمام تر ذمہ داری حکومت کی ناکام خارجہ پالیسی رہی ہے اور آج جس طرح یمن کے مسئلے پر قوم اور پارلیمنٹ کونظر انداز کیا جارہا ہے۔ اس کی بھی خطرناک نتائج برآمدہونگے۔
وحدت نیوز (ٹیکسلا) مجلس وحدت مسلمین خیبرپختونخواکے صوبائی سیکریٹری جنرل اور القائم ٹرسٹ ٹیکسلا کے سربراہ علامہ سبطین حسینی نے کہا ہے کہ زمانے کی جدت اور نت نئے وسائل سے دشمن کے ناپاک عزائم کو خاک میں ملانا اور پیروان علی علیہ السلام کے اداروں کا تحفظ جدید انداز کے ساتھ قابل تحسین ہے۔ شیعہ سیفٹی کی جانب سے القائم ٹرسٹ ٹیکسلا میں سیکیورٹی سسٹم کا قیام خوش آئندہے، ایسے اقدامات کو مل بھر میں جاری رکھا جائے۔ ملک میں بڑھتی ہو ئی دہشت گردی کے خلاف عملی اقدامات میں پیش پیش غیر سرکاری تنظیم شیعہ سیفٹی کے شکر گزار ہیں، تفصیلات کے مطابق آسٹریلیامیں پاکستانی نژاد نوجوان سیرت عباس کی قائم کردہ تنظیم شیعہ سیفٹی اس وقت پاکستان بھر میں عبادت گاہوں اور دہشت گردی کے خطرات سے دوچار مراکز کو سیکیورٹی آلات فراہم کر رہی ہے۔ مذکورہ تنظیم نے حال ہی ضلع ہنگو، صوبائی صدر مقام پشاور میں سیکیورٹی سسٹم قائم کیا گیا اور اب القائم کمپلیکس ٹیکسلا میں سیکیورٹی سسٹم کی تنصیب کا کام جاری ہے۔ اہلیان علاقہ نے اس اقدام کو سراہااور شہریوں کی حفاظت اور نگہداری کے اس اقدام کو جاری رکھنے پر زور دیا ۔ ٹیکسلا میں میڈیا سے بات کرتے ہوئے انہوں نے کہا کہ سیکیورٹی سسٹم کی تنصیب کے لئے ایک تقریب کا اہتمام کیا جائے گا جس میں میڈیا اہلکاروں کو بھی مدعو کرکے دہشت گردی کے لاحق خطرے سے نمٹنے کے لئے سیکیورٹی ایکشن پلان کا اعلان بھی کیا جائیگا۔
