The Latest
وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری کردہ بیان میں کہا گیا کہ گزشتہ دنوں بازار میں بے گناہ خواتین پر تیزاب ڈالنے کی شدید مذمت کرتے ہیں یہ ایک غیر انسانی فعل ہے جسکی جتنی مذمت کی جائے کم ہے۔ حکومت صوبے میں عوام کے جان و مال کے تحفظ کو یقینی بنائے ، عوام کو آئے دن ناخوشگوار واقعات کا سامنا کرنا پڑتا ہے اور یہ سلسلہ رکنے کا نام ہی نہیں لے رہا، جگہ جگہ پولیس موبائیلز اور اہلکار تعنیات تو کئے گئے ہیں مگر عوام کو اس سے فائدہ نہیں پہنچ رہا اور بعض جگہ پولیس اہلکار محض مردم خانہ پوری کے لیے کھڑے رہتے ہیں۔ ہر پاکستانی کے جان و مال کا تحفظ اس کا آئینی حق ہے وطن عزیز کے ہر شہری کو تحفظ فراہم کرنا حکومت کی ذمہ داری ہے حکومت بلوچستان دن بہ دن بدامنی کے بڑھتے ہوئے واقعات کے خلاف کوئی عملی اقدام اٹھا کر صوبے کے عوام کو ان کا حق دلائے۔ صوبے میں قانون اور آئین مکمل طور پر نافذ نہیں اور ان پر عمل نہ کرنے والوں کے خلاف حکومت کی جانب سے کوئی اقدام نہیں اٹھایا جارہاہے اور آئے دن شرپسند عناصر شہر کے نظم و ضبط کو برباد کرنے میں اپنا کردار ادا کررہے ہیں۔ بیان میں مزید کہا گیا کہ پورے ملک میں دہشت گردی کے واقعات میں اضافہ ہو رہا ہے مگر وفاقی اور صوبائی حکومت ان واقعات کو سنجیدگی سے نہیں لے رہی اور ان عناصر کے خلاف کسی قسم کی کاروائی کو ضروری ہی نہیں سمجھ رہی ، ملک میں عوام کو پہلے ہی سے بہت نقصانات کا سامنا ہے انہیں مزید نقصانات سے بچانے کے لیے سب سے پہلے حکومت کو اس مسئلے پر سنجیدگی سے سوچنا چاہیے۔تاکہ عوام سکھ کا سانس لے سکے۔در ایں اثناء مجلس وحدت مسلمین کے مرکزی رہنما علامہ سید ہاشم موسوی اور ممبر صوبائی اسمبلی آغا رضا نے بلوچستان اسمبلی میں لیڈر آف اپوزیشن مولانا عبدالواسع پر حملے کی شدید مذمت کی ہے۔
وحدت نیوز (کوٹ ڈیجی) مجلس وحدت مسلمین پاکستان کے مرکزی معاون سیکرٹری سیاسیات علامہ مقصود علی ڈومکی نے کوٹڈیجی اور ببر وڈا کا دورہ کیا۔ اس موقع پر انہوں نے ببر وڈا جامع مسجد میں منعقدہ مجلس عزا سے خطاب کرتے ہوئے کہاہے کہ آیۃ اللہ الشیخ باقر النمر عصر حاضر کے شجاع ،انقلابی رہنماء ہیں جنہوں نے آل سعود کی بربریت اور ظلم کے خلاف آواز حق بلند کی ہے۔ جیل اور پھانسی کی سزا دے کر باقر النمر کی آواز کو نہیں دبایا جاسکتا۔ آل سعود نے امت مسلمہ پر جو مظالم ڈھائے ہیں انہیں ان کا حساب دینا ہوگا۔
در ایں اثناء علامہ مقصود علی ڈومکی نے کوٹ ڈجی میں سابق ضلع نائب ناظم میر ڈنل خان ٹالپر سے ملاقات کی۔ اس موقعہ پر گفتگو کرتے ہوئے انہوں نے کہا کہ ایم ڈبلیو ایم آئندہ بلدیاتی انتخابات میں بھرپور حصہ لے گی۔ پیپلز پارٹی نے سندہ میں بلدیاتی الیکشن کی تک بندی غیر منصفانہ انداز سے کی ہے۔ اور کرپشن کے تمام ریکارڈ توڑ دیئے ہیں۔ آئندہ انتخابات میں عوام صالح اور باکردارافراد کو منتخب کریں۔ بلدیاتی انتخابات کے سلسلے میں مشاورتی اجلاس تیس مئی کو حیدر آباد میں منعقد کیا جارہا ہے۔
اس موقعہ پر میر ڈنل خان ٹالپر نے ریاست خیرپور کی تاریخی حیثیت اور ٹالپر خاندان کی خدمات کے حوالے سے تفصیلات سے آگاہ کیا۔
وحدت نیوز (اسلام آباد) برطانیہ کے معروف رفاعی ادارے الزہرا فاونڈیشن کے چیئرمین ملک اسرار حسین نے مجلس وحدت مسلمین پاکستان کے سیکریٹریٹ کا دورہ کیا جہاں سیکریٹریٹ کے مرکزی مسول علامہ اصغر عسکری نے انہیں مرکزی آفس کی تنظیمی ذمہ داریوں سے آگاہ کیا۔ معزز مہمان نے آفس کے مختلف شعبوں کا دورہ بھی کیا اور ایم ڈبلیو ایم کی کارکردگی کی تعریف کی۔مرکزی آفس کے حوالے سے بریفنگ دیتے ہوئے علامہ عسکری نے بتایا کہ تنظیم کے ملکی وبین الاقوامی تمام امور کی یہاں سے نگرانی کی جاتی ہے۔یہ سیکریٹریٹ صوبائی دفاتر اور مرکزی قیادت کے درمیان رابطے میں بطورمعاون کردار ادا کررہا ہے۔مختلف قومی ایشوز پر ایم ڈبلیو ایم کے پالیسی بیانات یہاں سے جاری کیے جاتے ہیں اس کے علاوہ مختلف حکومتی شخصیات، وزرا، مشیر اور دیگر سیاست دانوں سے ملاقا توں کا اہتمام بھی اس سیکریٹریٹ کی اہم ذمہ داری ہے۔ہمارے ضلعی دفاتر کو عزاداری سمیت درپیش مختلف مشکلات کے ازالے کے لیے ہمارا عزاداری سیل احسن طریقے سے اپنی خدمات سرانجام دے رہا ہے اس کے علاوہ مکتب تشیع کے کسی بھی فرد کی دینی مشکل کے حل کو اپناشرعی فریضہ سمجھتے ہوئے اس کے ازالے کے لیے ہر ممکن کوشش کرتے ہیں ۔مجلس وحدت مسلمین کے سالانہ کنونشن سمیت تمام ملک گیر پروگراموں کے انتظامات کو حتمی شکل دینے کے لیے میٹنگز کا انعقاد بھی ایم ڈبلیو ایم مرکزی سیکریٹریٹ کے ذمہ ہے۔انہیں بتایا گیا کہ اس سیکریٹریٹ میں علامہ عسکری کی سربراہی میں شعبہ روابط، شعبہ سیاسیات اور میڈیا سیل تنظیم کی مضبوطی کے لیے فعال کردار ادا کر رہے ہیں۔ملک اسرار حسین نے مجلس وحدت مسلمین کی کارکردگی کو سراہتے ہوئے کہا کہ کہ آپ کی تنظیمی خدمات لائق ستائش ہیں۔مجلس وحدت مسلمین دنیا بھر میں پاکستان کے تشیع کی نمائندہ جماعت کے طور پر جانی جاتی ہے۔مجلس وحدت مسلمین کی صالح اور مضبوط قیاد ت نے اس خلا کو پُر کرنے میں اہم کردار ادا کیا جو پچھلی دو دہائیوں سے چلا آ رہا تھا۔ ملک کے نظریاتی اور بیدار فکر تشیع اس تنظیم کے تہہ دل سے قدردان ہے اور میرے لیے یہ بات باعث فخر واعزاز ہے کہ مجھے آپ لوگوں سے ملنے کا موقع ملا۔ علامہ عسکری نے اس دورہ پر ملک اسرار حسین کا شکریہ ادا کیا۔
ایم ڈبلیوایم شعبہ خواتین کی مرکزی کوآرڈینیشن کمیٹی کا اہم اجلاس،کارکردگی کو بہتر بنانے کیلئے مشاورت
وحدت نیوز (اسلام آباد) گلگت کی سیاسی صورتحال اور الیکشن کے حوالے سے ایک میٹنگ مرکزی نمائنده خانم طیبہ ناصر،خواہر زہرا نجفی اور پنجاپ،سندھ،خیبر پختونخواه کی صوبائی نمائندگان معصومہ نقوی،ہما مہدی جعفری اور محترمہ راضیہ جعفری کی موجودگی میں گذشتہ روز وحدت ہاؤس اسلام آباد میں منعقد ہوئی جس میں گلگت بلتستان مین آمدہ انتخابات کے حوالے سے اہم نکات زیر بحث آئے،اسکے علاوه الیکشن کیمپین کے حوالے سے پیش آنے والے مسائل پہ گفتگو اور آئین پاکستان کی متعلقہ شقوں کو زیر بحث لایا گیا.اسکے علاوه شعبہ خواتین کی مجموعی کارکردگی کو بہتر بنانے کیلئے مشاورت کی گئی۔
وحدت نیوز (اسلام آباد) سنی اتحاد کونسل کے سربراہ صاحبزادہ حامد رضا نے کہا ہے کہ وہ آئند تین روز میں مجلس وحدت مسلمین کی گلگت بلتستان میں الیکشن کمپین چلانے کیلئے خود جا رہے ہیں اور علامہ ناصر عباس جعفری کیساتھ ملکر الیکشن مہم کو بام عروج بخشیں گے، انہوں نے کہا کہ مجلس وحدت مسلمین اور سنی اتحاد کونسل نے پاکستان میں فرقہ واریت کے تاثر کو ہمیشہ ہمیشہ کیلئے دفن کر دیا ہے اور دنیا پر واضح کر دیا ہے کہ تکفیریت ہی اس ملک کی جڑوں کو کھوکھلا کر رہی ہے، شیعہ سنی کوئی مسئلہ نہیں ہے، تاہم نون لیگ فرقہ واریت کو ہوا دے رہی ہے۔ ان خیالات کا اظہار انہوں نے غیر ملکی خبر رساں ادارہ کو دیئے گئے خصوصی میں انٹرویو میں کیا۔ اپنے انٹرویو میں حامد رضا نے کہا کہ نون لیگ نے گلگت بلتستان کے مینڈیٹ پر ڈاکہ ڈالنے کی مکمل تیار کرلی ہے، تاہم ہم اس بار انہیں ایسا نہیں کرنے دیں گے۔ انہوں نے کہا کہ گلگت بلتستان کی اہم اسٹیک ہولڈر مجلس وحدت مسلمین ہے، جو اس الیکشن میں اہم کامیابی سمیٹے گی۔
وحدت نیوز (ہنزہ نگر) مجلس وحدت مسلمین پاکستان میں غریب ،مظلوم اور مستضعفین کی امید ہے یہی وجہ ہے کہ خطے کے غریب عوام مجلس وحدت مسلمین کے ساتھ کھڑے ہیں۔ سابقہ کرپٹ حکمرانوں کے جھوٹے وعدوں اور ناانصافی کے شکار علاقے کے عوام کو ایم۔ڈبلیو ۔ایم کی شکل میں ایک نئی امید ملی ہے ۔ایم۔ڈبلیو۔ایم اقتدار میں آکر حقیقی معنوں میں عوام کی ترجمانی کرے گی اورعوام کے حقوق کے تحفظ کیلئے جماعت کے نمائندے دن رات محنت کرینگے۔ان خیالات کا اظہار مجلس وحدت مسلمین کے نامزد امیدوار برائے حلقہ ۔جی۔بی۔ایل 5 ہنزہ نگر I کے امیدوار حاجی رضوان علی نے عوامی رابطہ مہم کے سلسلے میں عمائدین ساس ویلی کے ساتھ گفتگو کرتے ہوئے کیا۔ انہوں نے کہا کہ نگر کے عوام نے مجلس وحدت مسلمین کے حق میں میں فیصلہ دیدیا ہے اور علاقے کے عوام اس مرتبہ کسی کے جھوٹے وعدوں کا شکار نہیں ہونگے۔گزشتہ 35سالوں میں عوامی مینڈیٹ کی توہین کی گئی اور ترقیاتی منصوبوں میں حد درجہ کرپشن کی گئی ۔اب وقت آگیا ہے کہ ان کرپٹ اور عوام دشمن سیاستدانوں کے شر سے آئندہ آنے والی نسلوں کو نجات دلائی جائے ۔8جون کو عوام ایم۔ڈبلیو۔ایم کے ساتھ دے کرثابت کر دے گی کہ ایم۔ڈبلیو۔ایم ہی وہ واحد جماعت ہے جو حقیقی معنوں میں عوام کی ترجمانی کر سکتی ہے اور ہر میدان میں گلگت بلتستان کے مفادات کاتحفظ کرسکتی ہے ۔ساس ویلی کے دورے کے دوران ۳ مقامات میں الیکشن کمپین آفسز کاافتتاح کیا جن میں اسقرداس ،شایار اور سمائر شامل ہیں۔ساس ویلی کی عوام نے ایم ۔ڈبلیو ۔ایم کی کاوشوں کو سراہتے ہوئے بھر پور ساتھ دینے کا عہد کیا اور حاجی رضوان علی پر مکمل اعتماد کا اظہار کیا۔
وحدت نیوز (لاہور) مجلس وحدت مسلمین پاکستان صوبہ پنجاب کی صوبائی کابینہ کا اجلاس صوبائی سیکرٹری جنرل علامہ عبدالخالق اسدی کی زیر صدارت وحدت ہاؤس میں منعقد ہوا جس میں صوبائی کابینہ کے اراکین نے شرکت کی اجلاس میں اضلاع میں جاری ضلعی شوریٰ کے اجلاسوں کی صورتحال کا جائزہ لیا گیا اور مختلف اضلاع میں کمزور تنظیمی صوتحال کا کھل کر جائزہ لیا گیا اور 2رکنی کمیٹی برادر علی رضا طوری اور ظفر چشتی صاحب پر مشتمل قائم کی گی گئی جو کہ اضلاع کے عہدداران خصوصاً سیکرٹری جنرل صاحبان سے تنظیمی صورتحال کا جائزہ لے کر رپور ٹ صوبائی سیکرٹری جنرل کو پیش کریں گے اور غیر فعال سیکرٹری جنرلز کو ان کی ذمہ داری سے الگ کر دیا جائے گا۔اس کے علاوہ اجلاس میں صوبے بھر فورتھ شیڈول کے تحت ہونے والی ناجائز پکڑ دھکڑ ، مالیاتی صوتحال کا بھی تفصیلی جائزہ لیا گیا ۔ اجلاس میں قانونی امور کے حوالے سے برادر سجاد بیگ ایڈووکیٹ( سیکرٹری شعبہ تحفظِ عزادری کی زیرنگرانی ہاٹ لائن قائم کرنے کا فیصلہ کیا گیا تاکہ صوبہ میں اس حوالے سے پیش آنے والے تمام واقعات پر فوری ردعمل ظاہر کیا جاسکے اور متاثرہ عہددار ان اور ملت کے افراد کی دار رسی کی جا سکے ۔ اجلاس میں نامزد سیکرٹری وحدت یوتھ برادر علی عمران نے اپنے عہدہ کا حلف اُٹھایا علامہ عبدالخالق اسدی نے عہدہ کا حلف لیا۔
وحدت نیوز(ملتان)مجلس وحدت مسلمین پاکستان کے ڈپٹی سیکرٹری جنرل و ممبر اسلامی نظریاتی کونسل علامہ محمد امین شہیدی نے کہا کہ پی پی 196کے ضمنی الیکشن میں حکومتی اُمیدوار الیکشن کمیشن کے ضابطہ اخلاق کی دھجیاں بکھیررہا ہے، حکومتی تمام تروسائل لیگی اُمیدوار کو کامیاب کرانے کے لیے پی پی 196میں استعمال کیے جارہے ہیں۔ ان خیالات کااظہار اُنہوں نے ملتان پریس کلب میں پریس کانفرنس سے خطاب کرتے ہوئے کیا۔ اس موقع پر مجلس وحدت مسلمین پی پی196کے اُمیدوار مہر سخاوت علی، علامہ اقتدار حسین نقوی، اخلاق الحسن بخاری، سید ناصر عباس زیدی، قربان محسن نقوی،مرید حسین خان ودیگر موجودتھے۔
علامہ امین شہیدی نے مزید کہا کہ پی پی 196میں انجینئر مہر سخاوت علی مجلس وحدت مسلمین کے اُمیدوار ہیں اور اُن کی کامیابی حلقے کی غیورعوام کی خواہش ہے،اس پریس کانفرنس کے بعد ہمارے خلاف کیے جانے والے تمام پروپیگنڈے دم توڑ گئے ہیں کہ جو کل تک ہمارے اُمیدوار کے دستبردار ہونے کی افواہیں پھیلارہے تھے۔ مسلم لیگ نواز اس حلقے میں پری پلان دھاندلی کررہی ہے جس کے باوجود الیکشن کمیشن نے کوئی نوٹس نہیں لیا۔ پریس کانفرنس سے خطاب کرتے ہوئے مہر سخاوت علی نے کہا کہ انتظامیہ ہمارے خلاف اوچھے ہتھکنڈے استعمال کررہی ہے ہمارے بینرز، سائن بورڈز اور پرچم اُتارے جارہے ہیں۔ ہم الیکشن کمیشن سے مطالبہ کرتے ہیں کہ وہ فوری اس کا نوٹس لے۔
وحدت نیوز (لاہور) مجلس وحدت مسلمین کے مرکزی جنرل سیکریٹری علامہ راجہ ناصر عباس جعفری نے مصر کے معزول صدر محمد مرسی اور اخوان المسلمین کے سو سے زائد افرادکو سزائے موت سنائے جانے کے فیصلے کو کڑی تنقید کا نشانہ بناتے ہوئے اسے انسانی حقوق کی کھلم کھلا خلاف ورزی قراد دیا ہے۔انہوں نے کہ امریکہ ،سعودیہ اور ایک فوجی آمر مصری عدالت کے ذریعے محمد مرسی اور ان کے ساتھیوں کو موت کا نشانہ بنانا چاہتے ہیں۔ اس خطے میں سعودیہ اور امریکہ اسلامی سیاسی قوت کو دبانے کے لیے اپنے تمام وسائل بروئے کا ر لا رہے ہیں۔ سعودیہ ایک طرف یمن میں مظلوم نہتے لوگوں پرننگی جارحیت کا مرتکب ہو رہا ہے جب کہ دوسری جانب مصر میں ایک آمر کی حمایت میں عدل و انصاف کے تقاضوں کو اپنی شہنشاہیت اور سامراجی مقاصد پر قربان کرنے میں مصروف ہے اس سے سعودیہ کا دوہرا معیار اور منافقانہ طرز عمل کھل کر سامنے آ چکا ہے۔انہوں نے کہا کہ سعودی حکومت مسلمانوں کی سیاسی قوت کو اپنے مفادات کا دشمن سمجھتی ہے اس لیے وہ مسلمان ممالک میں ابھرنے والی سیاسی عوامی تحاریک کے خلاف کاروائی میں پیش پیش ہے ۔ دنیا بھر میں امت مسلمہ کے زوال کا باعث سعودی و امریکی گٹھ جوڑ ہے۔ امریکی ایما پر صدر مرسی کو سنائی جانے والی سزائے موت مسلمان حکمرانوں کی آنکھیں کھولنے کے لیے کافی ہیں۔
وحدت نیوز (اسلام آباد) مجلس وحدت مسلمین پاکستان کے مرکزی ڈپٹی سیکریٹری جنرل علامہ محمد امین شہیدی نے کہا کہ ایم ڈبلیوایم گلگت بلتستان کے عوام کی دل کی آواز بن چکی ہے، مظلوموں کے حقوق کی جنگ لڑنے کا حوصلہ و ہمت فقط ایم ڈبلیوایم کو حاصل ہے، خدا کی مدد ونصرت سے آٹھ جون کو گلگت بلتستان میں ایک نئی صبح کا آغاز ہوگا، کامیابی انشاءاللہ مظلوموں اور محروموں کے نمائندگان کی ہوگی، مرکزی سیکریٹریٹ سے جاری اپنے بیان میں انہوں نے کہا کہ ن لیگ پنجاب کی طرز پر گلگت بلتستان انتخابات کو بھی ہائی جیک کرنے کیلئے کوشاں ہے، غیر مقامی نگراں گورنر ن لیگ کی الیکشن مہم کی نگرانی وپشت پناہی کررہے ہیں ، سرکاری وسائل وامکانات کا بے دریغ استعمال کیا جارہا ہے، ن لیگ بعض حلقوں میں پیسے کے بل بوتے پر شناختی کارڈ خریدنے کی کوششوں میں بھی مصروف ہے تاکہ کسی صورت ایم ڈبلیوایم کیلئے مشکلات کھڑی کرسکے، انہوں نے کہا کہ گلگت بلتستان کے غیور اور با شعور عوام اب کسی دھوکے میں نہیں آئیں گے، سڑسٹھ سالہ محرومیوں اور ناانصافیوں کا بدلہ وفاقی جماعتوں کو چکانا ہوگا،
پاک چین اقتصادی راہداری کا گیٹ وے گلگت بلتستان ہے رائیلٹی پر سب سے زیادہ حق بھی یہاں کے عوام کا ہے،بعض سیاسی جماعتیں روٹ کے معاملے پر سیاست چمکانے میں مصروف ہیں، یہ منصوبہ پاکستان بھر کے عوام کی ترقی وخوشحالی کا ضامن ہے، نواز لیگ نے راہداری روٹ کی تبدیلی سے باز رہے ورنہ شدید احتجاج ہوگا۔
