وحدت نیوز(کراچی)مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے گزشتہ دنوں ایک ٹریفک حادثے میں زخمی ہونے والے شیعہ علماء کونسل کے مرکزی رہنما علامہ سید شہنشاہ حسین نقوی کی عیادت کیاور ان کی صحتیابی کے لئے دعا کی جبکہ حادثے میں جاں بحق ہونے والے علامہ شہنشاہ نقوی کے دو رفقاء کی مغفرت کے لئے فاتحہ پڑھی۔

تفصیلات کے مطابق خطیب باب العلم، چیئرمین جے ڈی سی اور شیعہ علماء کونسل کےمرکزی رہنماء علامہ سید شہنشاہ حسین نقوی جو کہ چند روز قبل سپر ہائی وے پر ایک روڈ ایکسیڈنٹ میں زخمی ہو گئے تھےاور ان کے دو محافظ اس حادثے میں جان بحق بھی ہو ئے تھے ۔علامہ شہنشاہ نقوی فاطمیہ اسپتال کراچی میں زیر علاج ہیں ۔

گذشتہ رات مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نےاسپتال پہنچ کرعلامہ سید شہنشاہ حسین نقوی کی عیادت کی اور ان کی صحتیابی کے لئے دعا کی جبکہ حادثے میں جاں بحق ہونے والے علامہ شہنشاہ نقوی کے دو رفقاء کی مغفرت کے لئے فاتحہ خوانی بھی کی ۔علامہ راجہ ناصر عباس نے ملاقات کے موقع پر علامہ شہنشاہ نقوی سے کہا کہ خدا آپ کو ساتھوں کی وفات پر صبر جمیل عنایت فرمائَے ، یہ مشکلات خدا کی جانب سے امتحان ہیں امید ہے خالق کائنات آپ کو اس امتحان میں سرخرو فرمائے ۔

اس موقع پر علامہ شہنشاہ حسین نقوی نے علامہ راجہ ناصر عباس جعفری کی آمد پر ان کا شکریہ ادا کیا اور انکی توفیقات خیرمیں اضافے کی دعا بھی کی۔

واضح رہےکہ اس سے قبل مرکزی ترجمان مجلس وحدت مسلمین علامہ سید حسن ظفر نقوی اورایم ڈبلیو ایم کراچی کے رہنماءعلامہ دیدار علی جلبانی بھی علامہ شہنشاہ حسین نقوی کی عیادت کر چکے ہیں ۔

وحدت نیوز (اسلام آبا د) اس با برکت شجر طیبہ سے وابستہ ، شہید ڈاکٹر محمد علی نقوی کے حقیقی وارثوں کو آئی ایس او کے41ویں یوم تاسیس پر زمیم قلب سے ہدیہ تبریک و تہنیت پیش کر تا ہوں ، اوربارگاہ ایزدی میں دعا گو ہوں کہ اس شجرِ ثمر آور کو ہمیشہ سر سبز و شاداب رکھے ۔ان خیالات کا مجلس وحدت مسلمین پاکستان کے سربراہ علامہ راجہ ناصر عباس جعفری نے امامیہ اسٹوڈنٹس آرگنائزیشن پاکستان کے 41ویں یوم تاسیس کے پر مسرت موقع پر وحدت سیکریٹریٹ اسلام آباد سے جاری اپنی تہنیتی پیغام میں کیا ۔

علامہ راجہ ناصر عباس جعفری کا اپنے پیغام میں کہنا تھا کہ ملت پاکستان کو فخر ہو نا چاہیئے کے خدا نے ان سرزمین پر حقیقی عاشقان ولایت اور مدافینِ وطن کا ایک ایسا گروہ پروان چڑھایا ہے کہ جس کی بدولت آج اس سرزمین عزیز کی جانب دشمن آنکھ اٹھا ر دیکھنے سے بھی خوف زدہ ہوتا ہے ، کتنے ہی موسم آئے اور چلے گئے، کتنی ہی آندھیاں آئی اور تھم گئیں لیکن اس بحر بیکراں میں تلاطم بھی برپا نہ کر سکیں ، اور آج الحمداللہ چار دہائیاں گزر جانے کے باوجود بھی یہ باغ سر سبز ، شاد و آباد ہے ، اورمعاشرتی ناہمواریوں، ظلم ، بے راہ روی ، فحاشی وانتشار کے ماحول میں بھی جوانوں کے لیئے ایک شجر سایہ دار کی مانند موجود ہے ۔

ان کا مذید کہنا تھا کہ سرزمین وطن پر استعماری اور استکباری سازشوں کا تشت ازبام کر نا بھی اسی الہٰی گروہ کا خاصہ رہا ہے ، امریکہ مردہ باد کے شعار کی پاکستان میں موجب بھی یہی آئی ایس او ہے ۔ جب بھی کبھی عالمی استعمار کے خلاف رہبر معظم نے اپنی آواز کو پاکستان میں پہنچانا چاہا اسی آئی ایس او کے جوانوں پر بھروسہ کیا ۔

میں پاکستان میں موجود تمام برادران امامیہ سے گزارش کر تا ہوں کہ شہید ڈاکٹر نقوی کے افکار و نظریات کو اپنی زندگی کا محور قرار دیں اور اس شجر طیبہ جس کا بیج اس عظیم شہید نے بویا تھا ، اس کی آبیاری کے لیئے اپنے خون کو آمادہ و تیار رکھیں ۔