وحدت نیوز (اسلام آباد) وحدت سکاوٹ اوپن گروپ پاکستان کی جانب سے ملک بھر کے طول و عرض میں پانچ ہزار مقامات سے زائد پر سیکورٹی کے فرا ض سرانجام دئیے جس میں میڈیکل کیمپ، فرسٹ ایڈ، رسیکیو ، تلاشی، پانی کی سبلیں اور نما ز کا اہتما م کیا گیا،دوران عشرہ محرم الحرام میں وحدت اسکاوٹ مرکز کی جانب سے المستعد کے نام سے ایک کتابچہ شائع کیا گیا جس کے اند ر رہبر معظم سید علی خا منہ ای ، آ قا انصاریان ، آ قا ئے علامہ شہید قائد الحسینی ، علامہ راجہ ناصر عباس کی طرف سے نوجوانوں کے لئے پیغا م دیا گیا، وحدت اسکاوٹ کی جانب سے عشرہ معافت عاشورہ کے نام سے منایا گیا، وحدت اسکاؤٹ پاکستان کے مرکزی کابینہ کے پورے محرم دورہ جات جاری رہے اور تنظیم سازی کا عمل بھی جاری رہا۔
مرکزی سیکرٹری وحدت اسکاؤٹ کی جانب سے اس محرم تما م ا سکاوٹس کو سخت ہدایت دی گئی تھیں کہ محرم میں کسی بھی جگہ دوسر ی اسکاوٹ تنظیموں کے ساتھ کسی قسم کا تصادم نہ کیا جائے بلکہ جہان تک ممکن ہو تما م ا سکاؤٹ آرگنائزیشن سے تعاون کیا جائے جس کا وحدت اسکاؤٹ نے عملی ثبوت دیتے ہوئے ثابت کیا کہ وحدت اسکاوٹ ہرا سکاؤٹ کو گلے لگائے گی اور وحدت حسینی کا درس دے گی اور مستقبل قریب میں وحدت سکاوٹ تما م سکاوٹس کو اکٹھا کرکے شیعہ سکاؤ ٹس فیڈریشن کا قیام عمل میں لانا چاہتی ہے جس کا مقصد تما م شیعہ سکاؤٹس کو ایک پلیٹ فارم دینا ہے اور ان کی استعداد میں اضافہ کیا جا سکے اور قوم کے نوجوانون مثبت سرگرمیوں کی ترویج اور روحانی ، جسمانی ، اخلاقی ، جذباتی تر بیت کی جاسکے۔
مرکزی سیکریٹر ی کا کہنا تھا کہ یہ نہ سمجھا جائے کے ہم کسی اسکاؤٹ آرگنائزیشن کو توڑ یا ختم کرکے کوئی نئی آرگنائزیشن بنا رہے ہیں بلکہ سب آرگنائزیشنزاپنے تشخص کے ساتھ ہمارے ہمراہ رہے گی اور بلا تفریق ہر شیعہ گروپ کا ساتھ دے گی۔
وحدت نیوز(آزاد جموں کشمیر) مجلس وحدت مسلمین آزاد جموں و کشمیر شعبہ وحدت اسکاؤٹس کے زیر اہتمام اسکاؤٹنگ کیمپ کا انعقاد ، کیمپ میں ضلع نیلم ، ضلع مظفرآباد اور ضلع ہٹیاں بالا سمیت آزادکشمیر بھر سے اسکاؤٹس نے شرکت بھرپور شرکت کی، کیمپ میں حادثات، آفات سماوی و ارضی اور ہنگامی حالات میں امداد و بچاؤ کے لیئے تربیت دی گئی، مجلس وحدت مسلمین شعبہ وحدت اسکاؤٹس کے اسکاؤٹنگ کیمپ میں میڈیکل ایڈ، فیزیکل فٹنس، ڈیزاسٹر منیجمنٹ، ریسکیوٹرینگ سمیت مختلف حفاظتی و سیکورٹی امور پر ٹرینگ و تربیت دی گئی۔ٹرینگ کا انعقاد وحدت چیف سکاؤٹ مجلس وحدت مسلمین آزاد جموں و کشمیر سیدعنصرنقوی اور انکی کابینہ نے کیا۔وحدت اسکاؤٹنگ کیمپ میں مختلف علمائے کرام نیعصر حاضر میں نوجوانوں کے کردار پر لیکچر دیئے،علامہ ممتاز علی حسینی نے تربیتی لیکچر دیتے ہوئے کہا کہ شعبہ اسکاؤٹس کا مقصد ہی نوجوانوں کو متحرک و مددگار بنانا ہے، نوجوان کسی بھی معاشرے میں ریڑھ کی ہڈی کی حیثیت رکھتے ہیں، آج تک جتنے بھی انقلاب آئے تاریخ گواہ کہ نوجوانوں کا اُن میں اہم کردار تھا، انقلاب اسلامی کے لیئے بھی نوجوانوں کو میدان عمل میں اترنا ہو گا، کسی بھی قوم کا اگر جوان متحرک ہو وہ قوم کسی وقت بھی کچھ بھی کر سکتی ہے، موجودہ دور انتہائی پُرآشوب و کٹھن ہے، آج کے دور میں جہاں نفسا نفسی کا عالم ہے، اس دور میں دوسروں کی اشک شوئی کرنے کے حوالے سے سوچنا ہی عبادت ہے۔عصر حاضر کا جوان کچھ بھی کرنے کی صلاحیت رکھتا ہے، فقط ضرورت اس امر کی ہے کہ نوجوانوں کی توانائیوں کو صیح سمت میں استعمال کیا جائے۔
وحدت نیوز(بدین) وحدت یوتھ پاکستان کے شعبہ وحدت اسکاؤٹس اوپن گروپ (رجسٹرڈ) پاکستان کے زیر اہتمام سندھ کے ضلع بدین کے علاقوں ماتلی، مراد چھلگری، ٹنڈو بھاگو، ٹنڈو محمد خان سمیت دیگر علاقوں میں عزاداری کی ترویج اور دفاع تشیع کے عنوان سے فلیگ مارچ کیا گیا جس میں وحدت یوتھ پاکستان سندھ اور وحدت اسکاؤٹس کے جوانوں نے بڑی تعداد میں شرکت کی ۔
وحدت یوتھ پاکستان سندھ کے زیر اہتمام منعقدہ فلیگ مارچ میں وحدت یوتھ پاکستان سندھ کے ڈپٹی سیکرٹری جنرل عباس مرتضائی اور ندیم جعفری،سیکرٹر ی اسکاؤٹس سندھ برادر فیصل عباس، سیکرٹری تنظیم سازی مجلس وحدت مسلمین پاکستان سندھ برادر یعقوب حسینی، کاظم رضا، یاسر عباس اور دیگر رہنماؤں نے بھی شرکت کی اور مجالس امام حسین علیہ السلام کی سیکورٹی پر مامور وحدت یوتھ اور اسکاؤٹس کے جوانوں سے ملاقات کی۔
وحدت نیوز(کراچی) وحدت یوتھ پاکستان صوبہ سندھ کے سیکرٹری مہدی عباس نے کہا ہے کہ وحدت یوتھ اور وحدت اسکاؤٹس کے جوان سندھ بھر میں عزاداری کے اجتماعات کے تحفظ کو یقینی بنائیں اور عزاداری کا تحفظ ہمارا شرعی فریضہ ہے جس سے کوتاہی در اصل خیانت کے مترادف ہو گا۔رپورٹ کے مطابق وحدت یوتھ پاکستان سندھ کے سیکرٹری یوتھ برادر مہدی عباس کراچی میں ڈسٹرکٹ اور کراچی ڈویژن کے ذمہ داروں سے خطاب کر رہے تھے۔
برادر مہدی عباس کاکہنا تھا کہ شہید قائد علامہ عارف حسین الحسینی (رح) کے فرمان کے مطابق ہم عزاداری سید الشہداء امام حسین علیہ السلام کو شہہ رگ حیات سمجھتے ہیں اور دشمن اسلام اور عزاداری کے دشمنوں کو یہ بات جان لینی چاہئیے کہ ہم اپنی شہہ رگ تک کسی دشمن کے ہاتھ کو پہنچنے سے پہلے ہی کاٹ دیں گے۔انہوں نے سید حسن نصر اللہ کے ایک بیان کو دہراتے ہوئے کہا کہ دشمن یہ بات جان لیں کہ ہمیں موسم کی سختیاں (گرمی و سردی) اور حالات کی کشدگی اور دہشت گردی سمیت بم دھماکوں کے خطرات عزاداری سید الشہداء ابا عبد اللہ الحسین علیہ السلام سے نہیں ڈرا سکتے۔ہمارا سر تن سے جدا تو ہو سکتا ہے لیکن ہم عزاداری سے انحراف برداشت نہیں کر سکتے۔
وحدت یوتھ کے صوبائی سیکرٹری نے سندھ بھر میں وحدت یوتھ اور وحدت اسکاؤٹس کے جوانو ں کے نام اپنے پیغام میں کہا ہے کہ وحدت یوتھ اور وحدت اسکاؤٹس کے جوان عزاداری سید الشہداء ابا عبد اللہ الحسین علیہ السلام کے اجتماعات کی حفاظت اور دفاع کو اولین ذمہ داری سمجھے ہوئے بھرپور خدمات انجام دیں۔
اس موقع پر کراچی ڈویژن کے سیکرٹری یوتھ برادر عباس صفوی سمیت ڈپٹی سیکرٹری یوتھ برادر محمود اور پانچوں اضلاع کے ضلعی سیکرٹری جنرل برادر حسن، برادر مرتضیٰ، برادر کلیم، برادر آغا کمیل اور برادر حسن موجود تھے۔
وحدت نیوز( ملتان ) وحدت یوتھ پاکستان کے مرکزی سیکرٹری سید فضل عباس نقوی نے ستائیس اکتوبر کو کراچی میں منعقد ہونے والی ’’عظمت ولایت کانفرنس‘‘ کے انتظامات کے لئے خدمات انجام دینے والے نوجوانوں کے نام اپنے ایک پیغام میں کہا ہے کہ عظمت ولایت کانفرنس میں نوجوانوں کی بھرپور شرکت اور کامیاب انعقاد پر مبارک باد پیش کرتے ہیں اور نوجوانوں کی بے لوث خدمات پر خراج تحسین پیش کرتے ہیں۔
وحدت یوتھ پاکستان کے مرکزی سیکریٹری کاکہنا تھا کہ وحدت یوتھ سندھ اور وحدت اسکاؤٹس نے عظمت ولایت کانفرنس میں احسن انداز سے فرائض انجام دیتے ہوئے اپنی شرعی ذمہ داری کو ادا کیا ہے جس پر اللہ تعالیٰ کے حضور ان کی توفیقات میں اضافے کے لئے دعا گو ہیں اور امید کرتے ہیں کہ وحدت یوتھ اور وحدت اسکاؤٹس حضرت عباس علمدار علیہ السلام کی سیرت پر عمل پیرا رہتے ہوئے اسی جوش وجذبے کے ساتھ خدمات انجام دیتے رہیں گے۔
فضل عباس نقوی ایڈووکیٹ نے کہا کہ ملک بھر میں مومنین اور عزاداری کے تحفظ کے لئے کوشاں رہیں گے اور کسی قسم کی کوتاہی برداشت نہیں کی جائے گی۔ سید فضل عباس نقوی نے کراچی میں منعقد ہونے والی عظمت ولایت کانفرنس میں نوجوانوں کی بھرپور شرکت پر وحدت یوتھ کو مبارک باد پیش کی ۔
اسلام آباد ( وحدت نیوز) مجلس وحدت مسلمین پاکستان کے مرکزی ڈپٹی سیکرٹری جنرل علامہ امین شہیدی اور دیگر راہنماؤں نے دفاع وطن کنونشن میں سیکورٹی کی بہترین خدمات سر انجام دینے اور دور دراز کے علاقوں سے آنیوالے مرد و خواتین کی رہنمائی کرنے پر وحدت سکاؤٹس کو شاندار الفاط میں خراج تحسین پیش کیا ہے۔ انہوں نے کہا کہ وحدت سکاؤٹس نے نہ صرف پنڈال بلکہ جلسہ گاہ کے داخلی و خارجی راستوں کی مؤثر سیکورٹی کی جس کی وجہ سے کسی شدت پسند کو تخریبی کاروائی کا موقع نہیں مل سکا، بلا شبہ اسکاؤٹنگ کا یہ شعبہ مجلس وحدت مسلمین پاکستان کے لئے سرمایہ افتخار ہے، واضح رہے کہ کنونشن سے ایک یوم قبل وحدت سکاؤٹس نے مرکزی امام بارگاہ اثنا عشری جی سکس ٹو میں ایک پریزنٹیشن پیش کی تھی جس میں انہوں نے ایم ڈبلیو ایم کے قائدین کو سلامی پیس کرنے کے بعد اپنی بہترین پیشہ ورانہ صلاحیوں کا عملی مظاہرہ کرتے ہوئے شرکا سے داد وصول کی تھی۔
اس موقع پر ایم ڈبلیو ایم کے مرکزی ڈپٹی سیکرٹری جنرل علامہ امین شہیدی، سیکرٹری بین الصوبائی روابط علامہ اقبال بہشتی، ایم ڈبلیو ایم پنجاب کے ترجمان علامہ محمد اصغر عسکری، راولپنڈی کے ضلعی سیکرٹری جنرل سید سعید الحسن رضوی سمیت دیگر اکابرین بھی موجود تھے اور انہوں نے وحدت سکاؤٹس کی کارکردگی کو سراہتے ہوئے بھرپور اعتمادکا اظہار کیا تھا۔ اس موقع پر وحدت اسکاؤٹس کے مرکزی مسؤل سید فضل عبا س نقوی ایڈووکیٹ کا کہنا تھا کہ ہمارے شعبے کا ہر جوان خدمت کے جذبے سے سرشار ہے اوراہلیان پاکستان کی بلا امتیاز خدمت کا جذبہ رکھتا ہے۔
