وحدت نیوز(سرگودھا) مجلس و حدت مسلمین شعبہ خواتین کی مرکزی سیکرٹری تنظیم سازی محترمہ معصومہ نقوی نے سرگودھا کی فعال خواتین کی دعوت پر تنظیمی دورہ کیا اس موقع پر مرکزی ڈپٹی سیکرٹری جنرل شعبہ خواتین محترمہ تحسین شیرازی بھی ان کے ہمراہ موجود تھیں باہمی مشاورت سے ضلع سرگودھا میں چار فعال مسئولین کا انتخاب کیا اور ضلعی کابینہ تشکیل ھوئی۔

 محترمہ معصومہ نقوی اور محترمہ تحسین شیرازی نے علاقائی احتیاج کے پیش نظر سرگودھا میں چار سیکرٹریز جنرل کا انتخاب کیا جو یونٹ سازی اور دیگر تنظیمی فعالیت کی ذمہ داریاں نبھائیں گی منتخب شدہ مسئولین میں محترمہ طلعت ، محترمہ حکیمہ ، محترمہ عفت اور محترمہ نازیہ بخاری شامل ہیں۔ اجلاس میں علاقے کی فعال معلمات ، سابقین آئ ایس او طالبات اور ورکنگ وومن شامل ہوئیں۔

وحدت نیوز(لاہور) مجلس وحدت مسلمین شعبہ خواتین لاہور کی جانب سے درس بڑے میاں شالامار لنک روڈ پر یونٹ قائم کیا گیا اور ہفتہ وار دروس کے سلسلے کا آغاز کیا گیا۔

اس موقع پر اراکین کی جانب سے مجلس وحدت مسلمین شعبہ خواتین کی سیکرٹری جنرل محترمہ حنا تقوی ، ڈپٹی سیکرٹری جنرل محترمہ عظمیٰ نقوی،اور محترمہ نسیم زہرا کا پرجوش استقبال کیا گیا۔

یونٹ اراکین اور شرکاء سے خطاب کرتے ہوئے محترمہ حنا تقوی کا کہنا تھا کہ تعلیم ہی فرد کو اس قابل بناتی ہے کہ اپنی تہذیبی اقدار سے آگاہی حاصل کر کے معاشرے کا مفید رکن بن سکے۔

حالات حاضرہ پر گفتگو کرتے ہوئے محترمہ حنا تقوی کا کہنا تھا کہ PIC کا واقعہ دیکھ کر دکھ اور افسوس ہوا کہ اگر تعلیم یافتہ لوگوں کا یہ حال ہے تو اس کا مطلب جو تعلیم دی جا رہی اس میں کمی ہے۔

ان کا مزید کہنا تھا کہ مجلس وحدت مسلمین معاشرے کی اصلاح کی غرض سے اخلاقی تعلیم و تربیت پر مشتمل دروس کا اہتمام کرتی ہے۔اختتام پر  موسم سرما کی مناسبت سے امدادی تحائف بھی تقسیم کئے گئے۔

وحدت نیوز(کراچی) خیرالعمل ویلفیئر اینڈ ڈیویلپمنٹ ٹرسٹ (شعبہ فلاح وبہبود) مجلس وحدت مسلمین ضلع ملیر کی جانب سےمضافاتی علاقوں کے ضرورت مند افراد میں جیکٹس اور گرم ملبوسات کی تقسیم کی تقریب مسجد مسلم بن عقیل ؑ گلشن وقار جوگی موڑ میں منعقد ہوئی جس میں ایم ڈبلیوایم کے رہنما مولانانشان حیدر ، ممتاز مہدی اور کاظم نے بگٹی گوٹھ، یوسف گوٹھ اور جوگی موڑ کے ضرورت مند افراد میں جیکٹس اور گرم ملبوسات تقسیم کیئے۔واضح رہے کہ اس سے قبل جعفرطیارسوسائٹی اور ملحقہ آبادیوں کے ضرورت مند افراد میں جیکٹس اور گرم ملبوسات تقسیم کی جاچکی ہیں ۔ مخیّرحضرات اس کار خیر میں زیادہ سے زیادہ تعاون فرمائیں ۔

وحدت نیوز (رجوعہ سادات) ‎مجلس وحدت مسلمین شعبہ خواتین کی مرکزی سیکرٹری تنظیم سازی محترمہ سیدہ معصومہ نقوی نے رجوعہ سادات محلہ پیر دولت شاہ یونٹ ضلع چینیوٹ کا دورہ کیا اور خواتین سے خطاب کیا ۔

گزشتہ روز پنجاب انسٹیٹیوٹ آف کارڈیالوجی لاھور میں ہونے والی ہنگامہ آرائی پر تشویش کا اظہار کرتے ہوئے ان کا کہنا تھا کہ وکلاء اور ڈاکٹرز کے درمیان یہ ہنگامہ آرائی زمانہ جاھلیت کے اس دور کی یاد دلاتی ہے جب کسی کا اونٹ کسی دوسرے کھیت میں داخل ھو جاتا اور مالک کو خبر ہوتی تو دونوں قبائل میں جنگ شروع ہو جاتی اور سالہاسال جاری رہتی۔ آج ہمارے ملک کے پڑھے لکھے طبقات نے جاہلیت کا مظاھرہ کرتے ہوئے اپنے ڈاکٹر اور وکیل جیسے مقدس پیشے کی توھین کا باعث بنے ہیں جس کی جتنی شدید مذمت کی جاے کم ہے۔

 انھوں نے کہا کہ ملک میں قانونی ادارے موجود ہیں لیکن قانون کا راستہ اپنانے کے بجائے تہذیب و اخلاق کے دائرے سے باہر نکل کر اسپتال پر حملہ کیا گیا توڑ پھوڑ اور ہنگامہ آرائی ہوئی اور بے گناہ مریضوں کو زخمی کیا گیا ہے یہاں تک کہ بعض مریض جان سے ہاتھ دھو بیٹھتے ہیں ، اپنے آپ کو مسلمان اور رحمت للعالمین پیمبر (ص) کے پیروکار ہونے کو فخر سمجھنے والوں کا یہ کردار انسانیت کی تذلیل کا باعث ہے۔