وحدت نیوز(راولپنڈی) مجلس وحدت مسلمین پاکستان صوبہ بلوچستان کے سیکریٹری جنرل علامہ برکت مطہری نےلیاقت باغ راولپنڈی میں منعقدہ قرآن واہل بیت ؑ کانفرنس سے خطاب کرتے ہوئے کہا کہ بلوچستان کے غیور شیعہ سنی عوام کی جانب سے شہید قائد علامہ عارف حسین الحسینیؒ کو خراج تحسین پیش کرتے ہیں، شہید عارف حسینیؒ شہید راہ وحدت ہیں، انہیں پاکستان میں شیعہ سنی مسلمانوں کے درمیان اتحاد ویکجہتی کے لئے کی جانے والی شبانہ روز جدوجہد کی بناء پر بےدردی سےشہید کیا گیا، کوئٹہ آج بھی شیعیان حیدر کرارؑکی مقتل گاہ بنا ہوا ہے ۔ شیعہ ہزارہ قوم اس وطن کی باوفا قوم ہے اس کی جان ومال کا تحفظ ریاست پاکستان کی ذمہ داری ہے ۔ ہمیں عہد کرتے ہیں کہ شہید قائد کے راستے کو کسی صورت فراموش نہیں کریں گے۔