وحدت نیوز (کویت) مجلس وحدت مسلمین کویت کے سیکریٹری جنرل سید عرفان حیدر کاظمی کے والد بزرگوار سید محمود الحسن کاظمی قضائے الہیٰ سے انتقال فرما گئے، مرحوم کی نماز جنازہ اور تدفین  ان کے آبائی گائوں بھکھی شریف، ضلع منڈی بہاوالدین میں اداکی گئی ، مرحوم کی رحلت پر مجلس وحدت مسلمین کے مرکزی سیکریٹری جنرل علامہ راجہ ناصرعباس جعفری ، مرکزی ڈپٹی سیکریٹری جنرل علامہ سید احمد اقبال رضوی ، مرکزی سیکریٹری امور خارجہ علامہ ڈاکٹر سید شفقت حسین شیرازی اور دیگر قائدین نے سید عرفان حیدر کاظمی سے دلی ہمدردی اوررنج وغم  کا اظہار کیا ہے، مرکزی سیکریٹریٹ سے جاری اپنے تعزیتی بیان میں ایم ڈبلیوایم کے قائدین نے مرحوم کی مغفرت اور درجات کی بلندی جبکہ پسماندگان  کیلئے  صبر جمیل کی خصوصی دعا کی ہے، رہنماوں نے کہا ہے کہ دکھ کی اس گھڑی میں مجلس وحدت مسلمین لواحقین کے غم میں برابرکی شریک ہے۔

وحدت نیوز(پلندری) چیئرمین محی الدین ٹرسٹ و نور ٹی وی برطانیہ، سجا دہ نشین دربا ر عالیہ نیریاں شریف آزادکشمیر سربراہ تحریک تحفظ ناموس رسالت پیر محمد علا ئو الدین صدیقی نقشبندی دار فانی سے دار البقاء میں انتقال فرما گئے ان کی وفات سے خدمت خلق کا ایک باب بند ہوگیا ہے،پیر محمد علا ئو الدین صدیقی نقشبندی کی نمایاں خدمات میں محی الدین یونیورسٹی کا قیام ،نورٹی وی کا قیام اور متعدد باقی رہنے والے امور شامل ہیں جوان کے لئے صدقہ جاریہ اور باقیاصالحات ثابت ہوں گے ،ان خیالات علامہ سیدتصور حسین نقوی الجوادی نے عظیم روحانی شخصیت عالمی مبلغ اسلام ،پیر محمد علا ئو الدین صدیقی نقشبندی کے بھائی علامہ پیر محمد شمس العارفین صدیقی نقشبندی سے اظہار تعزیت کرتے ہوئے کیا۔

علامہ تصور نقوی نے کہاکہ حضرت پیر صاحب کی ملک وقوم کے لئے سرانجام دی گئی خدمات ہمیشہ یاد رکھی جائیں گی یون تو پیرصاحب اپنی ذات میں ایک تحریک تھے لیکن ان کے باقی کارنامے اگر شمار میں نہ لائے جائیں صرف تحریک تحفظ ناموس رسالتﷺ کے حوالے سے سرانجام دی گئی خدمات ہی حضور نبی اکرم ﷺ کے حضور سرخروی کے لئے ایک مقام رکھتی ہیں ،انیوں نے اپنی ساری زندگی مخلوق خدا کی خدمت اور اسلام کی تبلیغ وترویج کے لئے وقف کئے رکھی یقیناسربراہ تحریک تحفظ ناموس رسالتﷺ پیر محمد علا ئو الدین صدیقی نقشبندی کی وفات بالعموم  ملت اسلامیہ پیر صاحب کے مریدین اور خاص طور پر کانوادے کے لئے بہت بڑا صدمہ ہے ،مجلس وحدت مسلمین پاکستان وآزاکشمیر کی قیادت سوگوار خانوادے کے غم میں برا بر کی شریک ہے ۔ علامہ پیر محمد شمس العارفین صدیقی نقشبندی نے اس موقع پر علامہ سیدتصور حسین نقوی الجوادی کا شکریہ ادا کیا اور پیر صاحب کی بلندی درجات کے لئے دعا و ں کی خواہش کا اظہار کیا ۔

وحدت نیوز (لاہور) مجلس وحدت مسلمین کے وفد کی ایرانی قونصل جنرل محمد حسین نبی سے ملاقات، سابق ایرانی صدر علی ہاشمی رفسنجانی کی وفات پر اظہار تعزیت کیا۔ مجلس وحدت مسلمین کی مرکزی قیادت نے لاہور کے ایرانی قونصلیٹ میں قونصل جنرل محمد حسین نبی سے ملاقات میں سابق ایرانی صدر علی ہاشمی رفسنجانی کی وفات پر اظہار تعزیت کیا۔ وفد میں مرکزی سیکرٹری سیاسیات سید اسد عباس نقوی، لاہور کے سیکرٹری جنرل علامہ سید حسن رضا ہمدانی، مرکزی رہنما علامہ ابوذر مہدوی، علامہ سید امتیاز کاظمی، علامہ سید نیاز بخاری، رائے ناصر علی، رانا ماجد علی، سید نوید الحسن، مجاہد حسین اور دیگر شامل تھے۔ اس موقع پر مرکزی سیکرٹری سیاسیات اسد عباس نقوی کا کہنا تھا کہ علی ہاشمی رفسنجانی کی وفات پر پوری امت مسلمہ افسردہ ہے اور ساری ایرانی اور پاکستانی قوم ان کے خلاء کو محسوس کرتی ہے۔ انہوں نے کہاکہ ہاشمی رفسنجانی کی پاکستان اور ایران کیساتھ تعلق بنانے کی کاوشیں کبھی فراموش نہیں کی جا سکتیں۔ انہوں نے کہا کہ پاک ایران دوستی لازوال ہے جو رہتی دنیا تک قائم و دائم رہے گی، اس کو دشمنوں کی سازشیں کم یا ختم نہیں کر سکتیں۔

وحدت نیوز (کراچی) مجلس وحدت مسلمین کراچی ڈویژن کے سیکریٹری جنرل سید میثم رضا عابدی کی والدہ محترمہ مختصرعلالت کے بعد بارضائے الہٰی انتقال فرما گئیں، مرحومہ کے انتقال پر مجلس وحدت مسلمین کے مرکزی ، صوبائی اور ضلعی قائدین بشمول علامہ راجہ ناصرعباس جعفری، علامہ حسن ظفر نقوی ، علامہ احمد اقبال رضوی،ناصر شیرازی، علامہ اعجاز بہشتی، علامہ عبدالخالق اسدی، علامہ اصغر عسکری، ملک اقرارحسین ، علی احمر زیدی، نثار فیضی، مہدی عابدی، اسد عباس نقوی سمیت دیگر نے میثم عابدی سے انکی والدہ کے انتقال پر دلی تعزیت اور ہمدردی کا اظہار کیااور مرحومہ کی مغفرت اور پسماندگان کے لیئے صبر جمیل کی دعا کی ،علاوہ ازیں مرحومہ کی نماز جنازہ امام بارگاہ شہدائے کربلا ؑ انچولی سوسائٹی میں علامہ رضی جعفرنقوی کی زیر اقتداء ادا کی گئی جبکہ تدفین مقامی قبرستان میں عمل میں آئی، نماز جنازہ میں عزیز واقارب سمیت مختلف مذہبی وسماجی شخصیات اور ایم ڈبلیوایم کے مرکزی رہنما علامہ حسن ظفر نقوی ، علامہ احمد اقبال رضوی، علامہ باقر عباس زیدی ، علامہ حیدر عباس عابدی، علامہ علی انور جعفری، علامہ مبشر حسن ودیگر موجود تھےجبکہ مرحومہ کا سوئم مسجد وامام بارگاہ سید الشہداءآئی آر سی میں منعقد ہوئی جس میں عزیز واقارب سمیت مختلف مذہبی وسماجی شخصیات نے شرکت کی ۔

وحدت نیوز(مظفرآباد) مرحوم میجر (ر) سید بشیر حسین کاظمی کی خدمات تا دیر یاد رکھی جائیں گی ۔ مرحوم بلند پایہ شخصیت ، انسانیت کی خدمت پر یقین رکھتے تھے۔ سیاسی ، مذہبی اور عسکری خدمات کو کبھی نہیں بھلایا جا سکتا ۔ موصوف کی وفات کسی سانحہ سے کم نہیں ۔ ان خیالات کا اظہار مجلس وحدت مسلمین آزاد جموں وکشمیر کے مرکزی رہنماؤں علامہ سید تصور حسین نقوی ، سید عبادت علی کاظمی ، سید طالب حسین ہمدانی ، عابد علی قریشی ، سید حمید حسین نقوی ، سید محسن رضا سبزواری ، سید عمران حیدر ، سید حسین سبزواری، سید زاہد حسین کاظمی ، سید مجاہد کاظمی ، سید افتخار حسین کاظمی ، سید فضائل نقوی ، سید طاہر حسین گردیزی ، سید طاہر بخاری ، سید ناظر عباس و دیگر نے اپنے تعزیتی بیان میں کیا ، انہوں نے کہا کہ سید بشیر حسین کاظمی درر دل رکھنے والے انسان تھے ، وطن کی خاطر مر مٹنے کا جذبہ کوٹ کوٹ کر بھرا تھا، تمغہ بسالت ان کی بہادری کا منہ بولتا ثبوت ہے۔عسکری خدمات کے بعد آپ نے سیاسی و مذہبی خدمات بھی بطریق احسن انجام دیں ،مرکزی انجمن جعفریہ مظفرآباد کے دو مرتبہ صدر منتخب ہو کر عزادری اور عزاداروں کی خدمت میں پیش پیش رہے ۔ بشیر کاظمی کی اچانک وفات سے ہر دل غمزدہ ہے ۔ آپ اہلیان مظفرآباد کی ہر دلعزیز شخصیت تھے۔ دعا گو ہیں کہ خدا وند مرحوم کے درجات کو بلند فرمائے اور پسماندگان کو صبر جمیل عنایت فرمائے ۔

وحدت نیوز(میرپورآزاد کشمیر) یونین آف جرنلسٹ آزاد جموں وکشمیر کے سابق صدر ، مجلس وحدت مسلمین آزاد جموں و کشمیر کے ایڈیشنل سیکرٹری جنرل سید سرفراز حسین کاظمی کی ہمشیرہ ، سپریڈینٹ جیل سید یاسر کاظمی کی پھوپھی محترمہ انتقال کر گئیں ، ان کے انتقال پرملال پرپسماندگان سے اظہار تعزیت کرتے ہیں۔ان خیالات کا اظہار مجلس وحدت مسلمین آزاد جموں وکشمیر کے سیکرٹری جنرل علامہ سید تصور حسین نقوی الجوادی، سیکرٹری جنرل ضلع مظفرآباد مولانا سید طالب حسین ہمدانی، سیکرٹری جنرل ضلع ہٹیاں بالا ڈاکٹر سید عارف کاظمی، سیکرٹری جنرل ضلع باغ سید عبادت کاظمی، سیکرٹری جنرل ضلع کوٹلی سید طاہر بخاری، سیکرٹری جنرل ضلع میرپور سید ناظر عباس، سیکرٹری جنرل ضلع نیلم سید ظاہر حسین نقوی نے مشترکہ تعزیتی بیان میں کیا ، انہوں نے کہا کہ ہم سرفراز کاظمی صاحب و پسماندگان سے اظہار تعزیت کرتے ہیں اور بلندی درجات و پسماندگان کے صبر جمیل کے لیئے دعا گو ہیں ۔

Page 1 of 2

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree