وحدت نیوز(جہلم) مجلس وحدت مسلمین پاکستان ضلع جہلم کی ضلعی شوری کا اجلاس زیدی ہاؤس میں منعقد ہوا جس میں تمام یونٹس اور ضلعی کابینہ کے اراکین اور مرکزی سیکرٹری روابط ملک اقرار حسین نے شرکت کی ، اجلاس میں متفقہ طور پر آغاسید حیدر زیدی کو ضلع جہلم کا  3 ماہ کی عبوری مدت  کے لئے سیکرٹری جنرل منتخب کر لیا گیا نیز 5 رکنی آرگنائزنگ کمیٹی تشکیل دی گئی جو ضلع بھر میں تنظیم سازی کرے گی... مرکزی سیکرٹری روابط ملک اقرار حسین نے نو منتخب سیکرٹری جنرل سے حلف لیا ، اجلاس سے ملک اقرار حسین مرکزی سیکرٹری روابط نے خطاب کرتے ھو مجلس وحدت مسلمین پاکستان کی گزشتہ چند ماہ میں جاری  کاوشوں زائرین اور عزاداری سید الشہداء کے حوالے سے مسائل کے حل کے لیئے جاری کوششوں کا ذکر کرتے ھوئے کہا کہ اضلاع کی مضبوط تنظیم سازی قومی جماعت کی تشکیل میں بنیادی کردار ادا کرتی ھے -

وحدت نیوز(کراچی) سربراہ مجلس وحدت مسلمین پاکستان علامہ راجہ ناصرعباس جعفری کے حکم پر ایم ڈبلیوایم کے تحت ملک بھر میں  ہفتہ  ولایت بمناسبت عید غدیر ومباہلہ ملک بھر میں مذہبی جوش وجذبے سے منایا گیا، کراچی ، لاہور، گلگت بلتستان ، کوئٹہ، حیدرآباد، لاڑکانہ سمیت مختلف چھوٹے بڑے شہروں میں جشن کے اجتماعات منعقد کیئے گئے، مرکزی پروگرام صوبائی سیکریٹریٹ کراچی پر منعقد کیا گیا جس میں خواتین ، مردوں اور بچوں کی بڑی تعداد نے شرکت کی ، عید سعید غدیر کے موقع پرلگائے گئے فیملی میلےمیں حلقے کے منتخب رکن صوبائی اسمبلی کرنل (ر)سید قمرعباس رضوی نے  خصوصی شرکت کی ، جبکہ خواتین ،مردوں اور بچوں  کے لئے لذیز پکوانوں کااہتمام کیا گیا تھا، میلے میں لگائے گئے جھولوں پربچوں نے  خوب ہلہ گلہ کیا، میلے کے اختتام پر بچوں میں عیدی بھی تقسیم کی گئی،دوسری جانب کراچی میں ہی ایم ڈبلیوایم ضلع وسطی کے تحت سالانہ جشن عید غدیر کا انعقاد علامہ رشید ترابی پارک انچولی میں کیا گیا، جس میں خواتین اور بچوں کی شرکت قابل دید تھی، علامہ علی انور ، علامہ مبشر حسن نے شرکاءسے خطاب کیا جبکہ مختلف منقبت خوانوں نے بارگاہ ولایت میں نذرانہ عقیدت پیش کیا، جشن میں شریک بچوں میں عید غدیر کی مناسبت سے عیدی تقسیم کی گئی اور ان کی تفریح کیلئے مختلف اقسام کے جھولے نصب کیئے گئےتھے،جبکہ تمام شرکاء کی لذیز پکوانوں سے تواضع بھی کی گئی۔

علاوہ ازیں ایم ڈبلیوایم ضلع حیدر آباد یونٹ پنھور گوٹھ، ایم ڈبلیوایم ضلع لاڑکانہ تحصیل رتوڈیرو، ایم ڈبلیوایم ضلع خیر پورتحصیل کوٹ بنگلو، ایم ڈبلیوایم ضلع شکارپوریونٹ لکھی ، ایم ڈبلیوایم ضلع نواب شاہ تحصیل سکرنڈاور مختلف اضلاع کے تحت جشن عید غدیرکے موقع پر روح پرورتقریب کا انعقاد کیا گیا،جس میں مختلف منقبت خوانوں نے بارگاہ ولایت میں نذرانہ عقیدت پیش کیا، جبکہ ایم ڈبلیوایم کے مرکزی ڈپٹی سیکریٹری جنرل علامہ احمد اقبال رضوی، مرکزی ترجمان علامہ مختارامامی ، صوبائی سیکریٹری جنرل علامہ مقصودڈمکی ، صوبائی ڈپٹی سیکریٹری جنرل علامہ دوست علی سعیدی اور دیگر مقررین نے خطاب کیا۔

وحدت نیوز(لاہور) اسلامک ہیومن رائٹس کمیشن کے وفد کی صوبائی سیکرٹریٹ مجلس وحدت مسلمین پنجاب میں علماء و مشائخ عظام سے ملاقات، اس موقع پرمجلس وحدت مسلمین کے مرکزی ڈپٹی سیکرٹری جنرل سید ناصر عباس شیرازی سیکرٹری سیاسیات سید اسد عباس نقوی، سیکرٹری جنرل پنجاب علامہ مبارک موسوی ،پیر انصر فرید چشتی چئیرمین سپریم کونسل جمعیت علماء پاکستان نیازی ،پیر سید معصوم نقوی صدر جمعیت علماء پاکستان نیازی ، پیر سید عثمان نوری صدر پنجاب جے یو پی ، پیر علی احمر صابر نائب صدر جے یو پی پنجاب ، ڈاکٹر امجد حسین چشتی ، حافظ عبد الجمال ناصر ، پیر محمد اعجاز چشتی ، ذوالفقار علی شمسی ، صاحبزادہ بلال چشتی ، پیر سیف الرحمان چشتی  موجود تھے اس مقررین نے  پاکستان میں شیعہ سنی رواداری اور اتحاد بین المسلمین کی اہمیت وضرورت پر گفتگو کی ، شرکاء نے اپنی اپنی سطح پر مسلمانان عالم کا عالمی تشخص درست کرنے کے لیئے اقدامات کرنے کا عہد کیا۔

وحدت نیوز(لاہور) ملت جعفریہ پاکستان کے معروف خطیب علامہ گلفام حسین ہاشمی پر سے صوبائی پابندی ختم کروانے پر اظہار تشکر کیلئے بانیان عشرہ مجالس امام بار گاہ گلشن زہرا سیٹھ بشارت علی اور سیٹھ ظفر حسنین کی طرف سے ناصر ملت علامہ راجہ ناصرعباس جعفری کے اعزاز میں امام بارگاہ گلشن زہرا بھیکھیوال میں ظہرانہ دیا گیا جس میں علامہ گلفام حسین ہاشمی ، علامہ سید مبارک علی موسوی سیکرٹری جنرل پنجاب ، علامہ سید حسن رضا ہمدانی ، سید اسد عباس نقوی،علامہ اقبال کامرانی سمیت مقامی عمائدین اور زعماء نے شرکت کی اور ناصر ملت علامہ راجہ ناصر عباس جعفری کی ملی خدمات اور مجاہدانہ اقدامات کی قدردانی کی خصوصا زائرین کے مسائل کے حل کے لیئے تفتان کے دورے اور علامہ گلفام ہاشمی پر سے پابندی ختم کروانے کو تاریخی اقدام قرار دیا گیا۔

وحدت نیوز(کوہاٹ) مجلس وحدت مسلمین، قومی وحدت کونسل اور دیگر ملی تنظیموں کے تحت ضلع کوہاٹ میں استقبال محرم کا شاندار پروگرام منعقد ہوا،جسمیں ایم ڈبلیوایم کے صوبائی سیکریٹری جنرل علامہ محمد اقبال بہشتی وضلعی رھنماؤں سمیت علمائے کرام اور اکابرین کی بڑی تعداد شریک ہوئی، مقررین نے خیبرپختونخوا میں ماہ محرم الحرام میں امن وامان کے قیام اور شیعہ سنی بھائی چارے کے قیام پر زور دیا۔

وحدت نیوز(لاہور) مجلس وحدت مسلمین کے صوبائی سیکریٹریٹ  وحدت ہاؤس پنجاب میں مرکزی سیکرٹری جنرل علامہ راجہ ناصر عباس جعفری سے مختلف ممالک سے پاکستان آئے ہوئے کمیشن برائے انسانی حقوق کے وفد جس میں شامل اراکین مسعود شجرہ انگلینڈ ، امام محمد العاصی امریکہ ، محی الدین عبدالقدیر ملائیشیا ، سید وجاہت علی انگلینڈ شامل تھے نے ملاقات کی ،ملاقات میں ملت اسلامیہ کے مختلف مکاتب کے درمیان اخوت اور بھائی چارے کے فروغ اور تکفیریوں کو مسلمانوں سے الگ کرنے اور یو این او چارٹرڈمیں مسلمانوں کی جو تعریف کی گئی ہے اس کی تشہیر کر کے مسلمانوں کا حقیقی چہرہ روشناس کروانے پر اتفاق کیا گیا،یاد رہے عالمی وفد نے مختلف مذاہب اسلامیہ پاکستان کے  مراکز ، اہم شخصیات سے ملاقاتیں کی ہیں ۔مجلس وحدت مسلمین  نے مہمانوں کے جذبے اور کاوشوں کو سراہا اس موقع پر ایم ڈبلیوایم  کے طرف سے صوبائی سیکرٹری جنرل علامہ سید مبارک علی موسوی اور مرکزی سیکرٹری سیاسیات سید اسد عباس نقوی نے بھی موجود تھے۔