وحدت نیوز (کوئٹہ) مجلس وحدت مسلمین کے صو با ئی دفتر میں ممبر صو با ئی اسمبلی آغا رضا کے فنڈ سے غریب طلبا ء و طا لبات میں درسی کتا بوں اور کا پیوں کی مفت فراہمی کے مو قع پر ایم ڈبلیو ایم کے مر کزی رہنما سید ہاشم مو سوی نے کہا کہ نئی نس کے روشن مستقبل کو یقینی بنانے کیلئے تعلیم کے شعبے کو اولین تر جیح دینی چا ےئے بلوچستان کی پسماند گی ،غر بت اور افلاس کی بڑی وجہ غیر معیا ری تعلیم ہی ہے معا شرہ تب ہی تر قی کر تا ہے جب معا شرے میں نا خو اندگی نہ ہو کیونکہ تعلیم ہی وہ زیور ہے جس سے معاشرے کی مکمل تکمیل ہوتی ہے طلبا ء کو تعلیم کی طر ف را غب کرنا ہمارا مقصد ہونا چا ےئے طلبا ء کو ہمیشہ اس با ت کی تلقین کرنی چاےئے کہ اُن کی پہلی ذمے داری تعلیم ہونی چاہےئے اس کے بعد طلبا ء اپنی توجہ غیر نصا بی سر گر میوں کی طر ف ر اغب کر سکتے ہیں ۔آج دنیا گلو بل ویلیج بن گئی ہے جس میں بغیر تعلیم کے انسان اندھے اور گونگے کی ما نند ہے اور ہمارے پاس ایک ہی راستہ بچتا ہے کہ ہم اپنے آنے والی نسلوں کو تعلیم کی طر ف ر اغب کریں مفت اور معیا ری تعلیم ہر بچے اور بچی کا بنیا دی حق اور معا شرے کی بنیا دی ضر ورت ہے۔ حکومت تعلیم کے شعبے میں مختص فنڈ میں غیر معمو لی اضا فہ کرنے کے سا تھ تعلیمی اداروں میں نظم و ضبط بہتر بنانے تعلیمی ما حو ل کے ساتھ تد ریس کے عمل کو با معنی اور مثبت بنانے کیلئے ٹھو س اقدا مات کرے ۔محکمہ تعلیم اسکولوں کی حا لت زار کی بہتری اور تعلیمی معیار کو مو ثر بنانے کیلئے ہنگا می بنیا دوں پر کام کرے۔تقریب میں مجلس وحدت مسلمین کوئٹہ ڈویژن کے سیکریٹری جنرل عبا س علی ،ڈپٹی سیکریٹری جنرل علامہ ولا یت حسین جعفر ی ، کونسلر کربلائی رجب علی ، کونسلر عبا س علی، کونسلر سید محمد مہدی ، لیڈی کونسلر معصومہ نے بھی شر کت کی اور بچوں میں کاپیاں تقسیم کیں۔

وحدت نیوز(کوئٹہ) مجلس وحدت مسلمین کے رہنماء و رکن بلوچستان اسمبلی سید محمد رضا نے کہا ہے کہ ہزارہ قوم کی ترقی اور بقاء ہماری منزل اور سیاست کا محور ہے۔ ہاؤسنگ اسکیم سمیت جدید طرز کے پارک بنانے کیلئے اقدامات آخری مراحل میں ہیں۔ بہت جلد ان اسکیمات پر کام شروع کیا جائے گا۔ ہزارہ قوم باشعور اور باریک بین قوم ہے، اچھے اور برے میں تمیز کرنا اچھی طرح جانتی ہے۔ زائرین کے آمد و رفت اور انہیں دائمی سطح پر سکیورٹی کی فراہمی یقینی بنانے کیلئے جلد وزیراعلٰی بلوچستان سے ملاقات متوقع ہے۔ ملاقات میں شیعہ ہزارہ قوم کو درپیش تمام مسائل و مشکلات کے امور پر تفصیلی گفتگو ہوگی۔ جس میں شہیدہ سحر بتول کیس کی سماعت فوجی عدالت میں کرانے کی سفارش وزیراعلٰی بلوچستان اور متعلق محکمہ داخلہ سے کی جائے گی۔

وحدت نیوز (اسکردو) مجلس وحدت مسلمین پاکستان بلتستان ڈویژن کے ترجمان فدا حسین نے اپنے ایک بیان میں کہا کہ مجلس وحدت مسلمین میں دیگر پارٹی اور آزاد امیداروں کی شمولیت کا سلسلہ شروع ہوا ہوا ہے اور یہ سیاسی عمل کا حصہ ہے بلتستان کے تمام حلقوں سے شمولیت کے لیے بیسیوں افراد موجود ہیں مجلس وحدت میں شمولیت کا ہرگز عوام یہ مطلب نہ لے کہ ان سب کو ٹکٹ دیا جائے گا بلکہ ٹکٹ جاری کرتے ہوئے معیارات کو ہرگز نظر انداز نہیں کیا جائے گا۔ عوام مطمئن رہیں کہ معیار پر کسی قسم کا سمجھوتہ نہیں ہوگا۔ الیکشن میں اہل ، دیانت دار، بے باک ماضی کے حامل ، دینی غیرت و حمیت رکھنے والے عوامی خدمت کے جذبے سے سرشار عوام کے خادم کو متعارف کیا جائے گا۔انہوں نے کہا کہ ہم ایسے نمائندے کو سامنے لائیں گے جس کا ماضی بھی پاک و صاف ہو اور مجلس وحدت مسلمین کا نظریاتی حامی ہو۔ مجلس وحدت ایک ایسی تنظیم ہے جہاں پر قربانیوں کو ہرگز نظر انداز نہیں کیا جا تا اور ملت کے ہر فرد کو چاہے اس کا تعلق کسی بھی مکتب و مسلک سے ہو مجلس کا حصہ بن سکتا ہے۔ ہم ہر شخص کو گلے سے لگانے کے لیے تیار ہے بہت جلد شیعہ مکتب فکر کے علاوہ دیگر مکاتب فکر کے بھی باقاعدہ ونگ بنایا جائے گا اور عوامی حقوق کی جنگ تمام مسالک کو ساتھ لے کے لڑی جائے گی۔معاشرہ میں موجود ظلم و زیادتی کا مقابلہ کیا جائے گا اور ہر مظلوم کی پکار پر لبیک کہا جائیگا۔انہوں نے کہا کہ اگر کسی کی جانب سے مجلس وحدت مسلمین کی طرف سے ٹکٹ دینے اور الیکشن لڑنے کا عندیہ دیا جا رہا ہے تو یہ انکا ذاتی فعل ہے اور مجلس سے اس عمل کا کوئی تعلق نہیں ۔ بلتستان کے کسی بھی حلقے میں ابھی تک امیدوار کو کوئی فیصلہ نہیں ہوا۔ ٹکٹ دینے کا فیصلہ کو ئی بھی شخصیت کرنے کی پوزیشن میں نہیں بلکہ سیاسی ادارہ یہ حق رکھتا ہے کہ وہ اپنی میکانیزم کو ملحوظ خاطر رکھ کر امیدواروں کو میدان میں لایا جائے گا۔ مجلس وحدت کسی جیتنے والے یا ووٹ بینک رکھنے والے امیدوار کو سامنے لاکر صرف الیکشن جیتنے کے حق میں نہیں بلکہ عوام کو ایک معیار دینا چاہتے ہیں اورمعیار پر سمجھوتہ کیے بغیر اگر شکست بھی ہو جائے تو فتح ہے۔ انہوں نے کہا کہ عوام مطمئن رہیں ٹکٹ کا اجرا معیارات کے مطابق ہوگا۔

وحدت نیوز (کوئٹہ) مجلس وحدت مسلمین کوئٹہ ڈویژن سے جاری کردہ بیان میں ڈویژنل سیکریٹری جنرل سید عباس علی نے کہا ہے کہ اپنی سیاسی ضروریات کے لیے تو سیاست دان اکھٹے ہو جاتے ہیں۔عوام کی بنیادی ضروریات کے لیے وہ کب اکھٹے ہونگے ۔عوام کو تعلیم و صحت کی بنیادی سہولتیں وہ کب مل کر فراہم کریں گے۔ سیاست دان تو عوام کو بلدیاتی انتخابات کا بنیادی حق دینے پر بھی تیار نہیں اور مختلف حلیوں اور بہانوں سے اس حق کو غضب کیے بیٹھے ہیں ۔ حکمرانوں اور سیاست دانوں کے فرائض اداروں کو مستحکم کرنا ہے۔انہیں کمزور اورمذاق کا نشانہ بنوانا نہیں مگر یہ ہمیشہ یہی کرتے ہیں۔ انہیں اداروں کا خیال نہیں ہوتا بس اپنے مقاصد پورا کرنا اور اپنے اردگرد جمع لوگوں کو نوازنا ہے یہی ان کا کام ہے۔بات جب مفادات کی آجائے تو سارے اصول ، سارے ضابطے دھرے کے دھرے رہ جاتے ہیں۔ سینیٹ جیسے ادارے کو زیادہ سے زیادہ محترم اور با اختیار بنانے کی ضرورت ہے۔ دنیا میں جہاں یہ ادارہ ہے اس کا ایک اہم کردار ہے۔ اس کا بنیادی مقصد وفاق کی اکائیوں کے مفادات کا تحفظ ہے۔ اسی لیے سارے صوبوں کو سینیٹ میں مساوی نمائندگی دی گئی ہے۔ یہاں پر یہ بات بھی واضح ہے کہ سیاست مفادات کا کھیل ہے۔ ایک ایسا کھیل جس میں اصولوں کی کوئی اہمیت نہیں ہوتی۔ لوگ ایوان بالا کا رکن بننے کے لیے دونوں ہاتھوں سے دولت لوٹاتے ہیں۔ قوم کی خاطر ، عوام کی بھلائی اور ان کے بنیادی حقوق کے لیے کیوں یوں مال خرچ نہیں کرتے ۔ ہماری یہ بہت بڑی بد قسمتی ہے کہ ملک سے سیاست ختم ہوتی جارہی ہے بلکہ ہو گئی ہے۔صرف حکومت رہ گئی ہے۔ جس کی سیاست ہوتی ہے وہ عوامی نہیں بلکہ سرکاری ہوتی ہے۔ باتیں عوام کی کی جاتی ہے مگر کام صرف حکمرانوں کے ہوتے ہیں۔

وحدت نیوز (کویت) مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے کہا ہے کہ گلگت بلتستان انتخابات کیلئے ایک مضبوط شیعہ، سنی الائنس بنائیں گے، ہم چوروں لیٹروں کی بجائے عوام کی خدمت، ترقی و خوشخالی کا جذبہ رکھنے والے نوجوانوں کو ٹکٹ دیں گے، حکمران دھاندلی کا خواب دیکھنا چھوڑ دیں تو بہتر، ورنہ عوام کی طاقت کا سامنا نہیں کرسکیں گے، خطے میں امن اور ترقی کیلئے پاکستان میں دہشت گردی کا خاتمہ ناگزیز ہوچکا ہے، استحکام پاکستان کیلئے تمام اداروں اور سیاسی جماعتوں کے ساتھ مذہبی جماعتوں کو بھی اپنی ذمہ داری پوری کرنی ہوگی۔ وہ دورہ کویت کے دوران ''استحکام پاکستان اور ہماری ذمہ داریاں'' کے موضوع سے منعقدہ سیمینار سے خطاب کر رہے تھے۔ اس موقع پر مجلس وحدت مسلمین پاکستان کے امور خارجہ کے سیکرٹری جنرل علامہ ڈاکٹر شفقت شیرازی، منہاج القرآن انٹرنیشنل، شہید عارف الحسینی فاونڈیشن کے اراکین، کویت میں پاکستانی کمیونٹی سے متعدد سیاسی اور سماجی شخصیات نے شرکت کی۔

بعدازاں منہاج القرآن انٹرنیشنل کی طرف سے علامہ ناصر عباس جعفری کے اعزاز میں ظہرانہ بھی دیا گیا، سیمینار سے خطاب کرتے ہوئے ایم ڈبلیو ایم پاکستان کے سربراہ علامہ ناصر عباس جعفری نے کہا کہ عوامی تحریک اور مجلس وحدت مسلمین کے درمیان شاندار رفاقت ہے، جسکا مقصد ملک سے ظلم، ناانصافی، کرپشن کا خاتمہ اور ملک میں ایسی انتخابی اصلاحات لانا ہے، جن کے ذریعے ملک میں مکمل طور پر شفاف انتخابات کو یقینی بنایا جاسکے، کیونکہ شفاف انتخابات کے بغیر اقتدار عوام کو منتقل کرنا ممکن نہیں ہوسکتا۔ انہوں نے کہا کہ گلگت بلتستان میں ہونیوالے عام انتخابات ہمارے لئے انتہائی اہم ہیں اور ہم نے اس میں بھرپور حصہ لینے کا فیصلہ کر لیا ہے، جس کے لئے ہم شیعہ سنی اتحاد بنا رہے ہیں، جو یقیناً تمام مخالفین کو شکست دیگا اور اس اتحاد میں ہم عوامی خدمت کا جذبہ رکھنے والوں کو ہی ٹکٹ دیں گے، تاکہ وہ اسمبلی میں اپنے ذاتی فوائد کی بجائے صوبے اور عوام کی ترقی و خوشخالی کیلئے بات کریں۔

وحدت نیوز (گلگت) مجلس وحدت مسلمین پاکستان کے سیکرٹری سیاسیات سید ناصر عباس شیرازی نے اپنے دورہ گلگت کے موقع پر اسماعیلی ریجنل کونسل کے پبلک ریلیشن کمیٹی کے اراکین سے ملاقات کے دوران گفتگو کرتے ہوئے کہا کہ ایم ڈبلیو ایم اتحاد بین المسلمین کی داعی جماعت ہے، جو بلا رنگ و نسل و مذہب الٰہی اہداف کے حصول میں ہمہ وقت کوشان و متحرک ہے۔ مجلس وحدت مسلمین ہر سطح پر مظلوموں کی حمایت جاری رکھے گی، خواہ اس کا تعلق کسی بھی طبقہ فکر سے ہو۔ 68 سالوں سے گلگت بلتستان کی عوام کو بنیادی انسانی حقوق سے محروم رکھ کر علاقے کے عوام کے ساتھ بہت بڑی زیادتی کی گئی ہے۔ غیر مقامی گورنر کی تعیناتی گلگت بلتستان کے عوام کی توہین ہے۔ قیام پاکستان اور استحکام پاکستان میں اسماعیلی بھائیوں کی قربانیاں اور خدمات کسی سے کم نہیں۔ آل انڈیا مسلم لیگ کے قیام اور تحریک پاکستان میں اسماعیلی قائدین کی خدمات تاریخ کا روشن باب ہیں۔

انہوں نے کہا کہ پاکستان بنانے میں اسماعیلی برادری کا بڑا کردار ہے اور گلگت بلتستان کی آزادی میں اسماعیلی جوانوں اور قائدین نے بیش بہا قربانیاں پیش کی ہیں۔ افسوس کے ساتھ کہنا پڑتا ہے کہ قیام پاکستان اور استحکام پاکستان میں جن قوتوں نے کردار ادا کیا ہے، انہیں دیوار سے لگایا گیا اور جو قوتیں قیام پاکستان کی مخالف تھیں، انہوں نے ملک کو یرغمال بنایا ہے اور بانیان پاکستان پر مسلسل حملے کئے جا رہے ہیں۔ اس موقع پر پبلک ریلیشن کمیٹی کے چیئرمین بلبل جان شمس نے مجلس وحدت مسلمین کے سیکرٹری سیاسیات کو گلگت بلتستان آمد پر خوش آمدید کہا اور ایم ڈبلیو ایم کی کوششوں کو سراہتے ہوئے علاقے کی تعمیر و ترقی میں مشترکہ جدوجہد کا یقین دلایا۔ دونوں طرف کے رہنماؤں نے روابط کو بڑھانے اور ملاقاتوں کا سلسلہ جاری رکھنے پر اتفاق کیا۔ مجلس وحدت مسلمین کے وفد میں علامہ نیئر عباس مصطفوی سیکرٹری جنرل ایم ڈبلیو ایم گلگت بلتستان، شیخ عاشق حسین، ڈویژنل ڈپٹی سیکرٹری جنرل ایم ڈبلیو ایم اور صوبائی سیکرٹری سیاسیات غلام عباس شامل تھے۔