وحدت نیوز (کراچی) مجلس وحدت مسلمین پاکستان کے مرکزی ڈپٹی سیکرٹری جنرل علامہ احمد اقبال ے وحدت ہاوس میں ہونے والی ہفتہ وار تربیتی نشت سے خطاب کرتے ہوئے کہا کہ ارض پاک پر شیعہ سنی جھگڑے کا کوئی وجود نہیں۔مخصوص تکفیری گروہوں اسلام دشمن ایجنڈے کی تکمیل کے لیے ملک میں تفرقہ بازی پھیلانے کی کوشش میں مصروف ہیں۔کسی کے مقدسات کی توہین کی اسلام میں قطعا گنجائش نہیں۔ہمیں ایسی شر پسندی کا دانشمندی اور بصیرت سے مقابلہ کرنا ہوگا جو اسلام کے مضبوط بازوں شیعہ سنی طاقتوں کو آپس میں لڑا کر کمزور کرنا چاہتے ہیں۔

انہوں نے کہا کہ قائد اعظم نے ایسے پاکستان کے قیام کے لیے جدوجہد کی جس میں تمام مذاہب کو بلاتخصیص مکمل طور پر مذہبی آزادی حاصل ہو۔کسی بھی مذہبی عبادت گاہ کو نشانہ بنانا ناقابل معافی جرم ہے۔ہندووں،مسیحیوں اور ملک میں بسنے والے دیگر مذاہب کو مکمل تحفظ فراہم کرنا حکومت کی اولین ذمہ داری ہے۔حکومت کی طرف سے طے شدہ حکمت عملی کے تحت ملک میں تکفیری گروہوں کو مضبوط کیا جا رہا ہے۔ سرعام تکفیریت کے فتوی جاری کر کے ملک میں انتشار اور نفرت کو فروغ دینے والے عناصر کو سیاسی دھارے میں شامل کرکے اس تاثر کو تقویت دینے کی کوشش کی جا رہی کہ پاکستان کی اکثریت انتہا پسندی کی حامی ہے۔جو عالمی سطح پر وطن عزیز کی ساکھ کے لیے انتہائی نقصان دہ ہے۔ان ملک دشمن عناصر سے چھٹکارا حاصل کرنے کے لیے ملک کی محب وطن جماعتوں کو مل کر جدوجہد کرنا ہو گی۔مختلف دہشت گرد تنظیمیں اسلام کا لبادہ اوڑھ کر وحشیانہ طرز عمل کی مرتکب ہو رہی ہیں جن کا مقصد اقوام عالم کے سامنے اسلام کے تشخص کو بدنما کر پیش کرنا ہے۔ان عناصر کا اسلام سے کوئی تعلق نہیں۔ القائدہ، طالبان داعش سمیت تمام دہشت گرد جماعتیں پیشہ وراجرتی قاتل ہیں۔ پاکستان میں موجود لشکر جھنگوی بھی انہی جماعتوں کی ایک شاخ ہے جس کی بیخ کنی کے بغیر امن و سلامتی ممکن نہیں۔

انہوں نے کہا کہ حکمرانوں نے نیشنل ایکشن پلان کو اخباری بیانات تک محدود کر رکھا ہے۔ وفاقی دارالحکومت سمیت ملک کے مختلف حصوں میں دہشت گرد طاقتوں کے سہولت کار نیشنل ایکشن پلان کو سرعام چیلنج کر رہے ہیں۔ کالعدم مذہبی جماعتوں کے رہنماؤں نے دہشت گرد ساز فیکٹریاں کھول رکھی ہیں جبکہ حکمران ملک سے دہشت گردی کے مکمل خاتمہ کا دعوی کر کے عوام کی آنکھوں میں دھول جھونکنے میں مصروف ہیں۔انہوں نے کہا کہ ملک کی تمام معتدل سیاسی و مذہبی جماعتیں ان عناصر کے خلاف آواز بلند کریں تاکہ ملک امن و آشتی کا گہوارہ بن سکے۔

وحدت نیوز (عمرکوٹ) مجلس وحدت مسلمین پاکستان کے مرکزی سیکریٹری امور تربیت علامہ اعجازحسین بہشتی نے مرکزی جامع مسجد پیرپنج میں نماز جمعہ کے اجتماع سے خطاب کرتے ہوئے کہا کہ مومن ایک جسم کی مانند ہے اگر جسم کے ایک حصے کو درد ہو جائے تو پورے جسم میں درد محسوس ہوتا ہے،ہم آپ مومنین کے درد کو محسوس کرتے ہیں،صحت ، تعلیم اور دوسری  انسانی زندگی کی سہولت نہ ہونے کی درد کو پورے وجود سے محسوس کرتے ہیں،مجلس وحدت مسلمین  انشاءاللہ اپنی پوری طاقت سے آپ کے ساتھ ہے ،اور آپ کے مسائل کو پورے خلوص کے ساتھ دیکھیں گےاور ان کے حل کیلئے ہر ممکن اقدام بھی کریں گے، خدا اور امام زمانہ عج کی مدد ونصرت ہمارے شامل حال ہوگی ۔

وحدت نیوز (کراچی) مجلس وحدت مسلمین ضلع ملیر کے ذیلی فلاحی ادارے خیر العمل فاونڈیشن کے تحت عمار یاسر سوسائٹی فیز ون کے رہائشیوں کی سہولت کے لئے واٹر سپلائی پروجیکٹ کا افتتاح کردیا گیا ہے، تفصیلات کے مطابق مجلس وحدت مسلمین ضلع ملیر کے رہنماوں مولانا غلام محمد فاضلی، ثمر عباس ،عارف رضا، اسد زیدی اور نیاز کاچو نے گذشتہ اتوار اس واٹر پروجیکٹ کا باقاعدہ افتتاح کیا ، اس موقع پر علاقہ مکینوں نے مجلس وحدت مسلمین کا شکریہ ادا کرتے ہوئے کہا کہ اس علاقہ کا دیرانہ مسئلہ پانی کا تھا اس مسئلہ کو اپنا مسئلہ سمجھ کر ایم ڈبلیو ایم نے حل کروایاہم انکے شکر گذار ہیں۔
 
 واضح رہے کہ عمار یاسر سوسائٹی شیعہ و سنی مسلمانوں کی سیکڑوں گھر وں پر مشتمل آباد ی ہے ، جہاں پر فراہی آب کا مسئلہ کئی عرصہ سے درکار تھا، علاقہ مکین دور دراز سے استعمال کا پانی اپنے گھر میں لاتے تھے، عوامی خدمت کو مدِ نظر رکھتے ہوئے علاقہ مکینوں کی درخواست پر ایم ڈبلیو ایم ضلع ملیر کے فلاحی شعبہ خیر العمل فاونڈیشن نے لوگوں کی ضرورت پورا کرنے کے لئے وائٹر پروجیکٹ کا افتتاح کیا ہے۔

وحدت نیوز (ہٹیاں بالا) انجمن سجادیہ ؑ  ضلع ہٹیاں بالا کے بانی صدر، مجلس وحدت مسلمین ضلع ہٹیاں کے سابق فعال تنظیمی ساتھی سید سجاد حسین ہمدانی مختصر علالت کے بعد انتقال کر گے،مرحوم کی نماز جنازہ آبائی گاوں امراء ساون میں علامہ سید تصور حسین نقوی الجوادی کی اقتداء میں اداکردی گئی،تفصیلات کے مطابق نماز جنازہ میں عزیزواقارب کے علاوہ علامہ مفتی سیدکفایت حسین نقوی ممبراسلامی نظریاتی کونسل ،علامہ طالب حسین ہمدانی،علامہ فضل عباس نقوی،علامہ سید منیر ہمدانی،وزیراعظم آزادکشمیر کے فرزند راجہ عثمان حیدرایڈووکیٹ،مرکزی نائب صدر پی پی آزادکشمیر صاحبزادہ اشفاق ظفرایڈووکیٹ،مسلم لیگ ن کے ضلعی صدر فریدخاں،سابق امیدوار اسمبلی سید حسنین علی کاظمی،،جعفریہ سپریم کونسل آزادکشمیرکے صدرسیدشبیربخاری،مسلم کانفرنس یوتھ ونگ آزادکشمیر کے سیکرٹری جنرل سیدیاسرنقوی،ممبرمجلس عاملہ مسلم کانفرنس مرزاآصف علی مغل،قاضی شمیم اعوان،کیپٹن(ر)عبدالودوداعوان،،صدرپریس کلب مرزااسلم،عارف کشمیر،سیدشاہد ہمدانی،ذیشان حیدرکاظمی،شہرت یافتہ نعت خوان سیدظہورحسین بخاری، سیدعارف کاظمی،سید مبارک نقوی،سیدظہورنقوی ،عوام علاقہ اور سینکڑوں مذہبی سیاسی وسماجی شخصیات نے شرکت کی ،آہوں اور سسکیوں میںسپردخاک،مرحوم سیدسجادحسین ہمدانی مجلس وحدت مسلمین ضلع ہٹیاں کے فعال بنیادی کارکن ہونے کیساتھ علاقائی تنظیم انجمن سجادیہ ؑ ضلع ہٹیاں بالا کے صدر بھی رہے کچھ عرص قبل بزنس کے سلسلہ میں حجازمقدس کے شہرریاض میں اقامت پزیر تھے،کچھ عرصہ قبل عزیزواقارب سے ملاقات کے لئے پاکستان واپس آئے توبیمار پڑگے شفاانٹرنیشنل اسلام آبادمیں دوران علاج انتقال کر گے، اس موقع پر تعزیتی ریفرنس کا بھی انعقاد کیا گیا جس سے خطاب میں علامہ سید تصور حسین نقوی الجوادی نے کہا کہ مرحوم انتہائی اعلی اخلاق کے مالک اور حافظ قران تھے موصوف نے اپنی ساری زندگی مخلوق خدا کی خدمت میں گزاری اور موصوف کا شمار ان ہستیوں میں ہوتا ہے جو ہردلعزیز شخصیات  کی مالک ہیں مولائے کائنات کے فرمان کے مطابق کہ ’’زندہ رہو تو لوگ تمھارے ملنے کامشتاق ہوں اور مر جاو توتم پر روئیں ‘‘آج سینکڑوں افراد کی آئیں اورسسکیاں مرحوم کے اچھے اخلاق اور کردار کی علامت ہے،علاوہ ازیں مجلس وحدت مسلمین آزادکشمیرکی ریاستی واضلاع کی قیادت نے مرحوم کی رحلت پر گہرے رنج وغم کااظار کرتے  ہوئے مرحوم کے بلندی درجات کے لئے دعا کی ہے۔

وحدت نیوز(لاہور) دہشتگردی کیخلاف جنگ سے توجہ ہٹانے کے لئے مشرق وسطیٰ کی  پروکسی وار کو پاکستان درآمد کرنے کی سازش ہورہی ہے،افغان جہاد کے قیمت پاکستان چکانے میں مصروف ہے ایسے میں مشرقی وسطیٰ میں جاری پراکسی وار کے نام پر ملک میں ہیجانی کیفیت پیدا کرنے والے کس ایجنڈے پر عمل پیرا ہے؟یمن ،بحرین،اور فلسطین میں عالمی استعمارکے مظالم پر لب کشائی نہ کرنے والے آج اسرائیل اور امریکہ کی شکست کو اسلام سے جوڑ کر اُمت کو گمراہ کر رہے ہیں،پاکستان کی افتصادی ترقی کو روکنے کے لئے دشمن ہمیں باہم دست و گریبان کرنے کی کوشش میں ہے،ان خیالات کا اظہار مجلس وحدت مسلمین پنجاب کے سیکرٹری جنرل علامہ مبارک موسوی نے ضلع لاہور کے کارکنان سے صوبائی سیکرٹریٹ میں کرخطاب کرتے ہوئے کیا ،انہوں نے کہا شدت پسندی کو ایک منظم منصوبہ بندی کے تحت فروغ دیا جا رہا ہے،تمام مکاتب فکر کے علماء و دنشوروں کی یہ ذمہ داری ہے کہ وہ ایسے عناصر کی مذمت کرے جو معاشرے میںت شدت پسندی کے ذریعے معصوم عوام کو گمراہ کرتے ہیں،اسلام امن و رواداری کا دین ہے،نفرت اور شدت پسندی کے ذریعے اسلامی اقدار کو مسخ کرنے والے استعمار کے آلہ کار ہے،اور ملک میں بدامنی  کے ذمہ دار بھی ہیں۔

وحدت نیوز (کراچی) مجلس وحدت مسلمین پاکستان سندھ کے سیکریٹری جنرل علامہ مقصود ڈومکی نے کہا ہے کہ کراچی میں معروف شیعہ رہنما سید زین رضوی سمیت شیعہ جوانوں کی خفیہ ایجنسیوں کے ہاتھوں اغواانتہائی قابل مذمت ہے،ایم ڈبلیوایم رہنما زین رضوی سمیت دیگر شیعہ جوانوں کی غیر قانونی گرفتاریوں کے خلاف کل بروز  جمعہ سندھ بھر میں یوم احتجاج منایا جائے گا،  ملت جعفریہ کو انتقامی کارروائیوں کا نشانہ بنانے سے گریز کیا جائے اور زین رضوی سمیت دیگر شیعہ جوانوں کی فوری بازیابی عمل میں لائی جائے۔ وحدت ہاؤس کراچی میں ہنگامی تنظیمی اجلاس سے خطاب کرتے ہوئے ایم ڈبلیو ایم سندھ کے سکریٹری جنرل علامہ مقصود ڈومکی نے کہا کہ معروف شیعہ رہنما زین رضوی سمیت کئی شیعہ جوانوں کی خفیہ ایجنسیوں کے ہاتھوں اغوا نتہائی قابل مذمت ہے، ملت جعفریہ کے خلاف متعصبانہ کارروائیوں کا سلسلہ فی الفور بند کیا جائے۔

انہوں نے کہا کہ پْرامن شہریوں کو اغوا کر کے غیر معینہ مدت کیلئے غائب کر دیا جانا بنیادی انسانی حقوق سے متصادم ہے، ملت جعفریہ زین رضوی کی فوری بازیابی کا مطالبہ کرتی ہے، بصورت دیگر ملت جعفریہ حکومت کے خلاف ملک گیر احتجاج کا حق محفوظ رکھتی ہے، ملکی حساس صورتحال کے پیش نظر حکومت کی جانب سے پُرامن محب وطن ملت تشیع کو انتقام کا نشانہ بنانا مملکت خداداد کے خلاف سازش ہے۔ صوبائی رہنما کا مزید کہنا تھا کہ وفاقی حکومت کے غیر آئینی اقدامات پر آواز بلند کرنے والی قوتوں کو خاموش کیا جارہا ہے، لیکن یہ حکومرانوں کی بھول ہے کہ وہ اس طرح کی ظالمانہ کارروائیاں کرکے اپنی کرپشن چھپا لیں گے۔ انہوں نے کہا کہ وفاقی حکومت نے ایک طرف تو کالعدم دہشتگرد تنظیموں اور تکفیری دہشتگردوں کو آزاد چھوڑ رکھا ہے، جبکہ دوسری جانب نیشنل ایکشن پلان کا رُخ محب وطن ملت تشیع کی طرف موڑ رکھا ہے ، ملت جعفریہ کے رہنماؤں کے خلاف ناروا اقدامات حکمرانوں کے متعصبانہ رویہ پر دلالت کرتے ہیں، انکا یہ طرز عمل انکے اقتدار کی بقا کو خطرے میں ڈال سکتا ہے، اگر زین رضوی سمیت تمام لاپتہ شیعہ جوانوں کی فی الفور بازیابی عمل میں نہیں لائی گئی تو کسی بھی سنگین صورتحال کی تمام تر وفاقی حکومت پر عائد ہو گی۔