وحدت نیوز(لیہ) مجلس وحدت مسلمین صوبہ جنوبی پنجاب کے رہنماء سید عدیل عباس زیدی کا کہنا ہے کہ لانگ مارچ کی تیاریاں شروع کردی گئی ہیں، انشاء اللہ لاکھوں افراد جنوبی پنجاب سے عید الفطر کے بعد اسلام آباد کا رخ کریں گے، ان خیالات کا اظہار انہوں نے عوام رابطہ مہم کے سلسلہ میں ضلع لیہ کے علاقہ فتح پور میں ایک کارنر میٹنگ سے خطاب کرتے ہوئے کیا۔ ان کا کہنا تھا کہ ملک کے دیگر علاقوں کی طرح جنوبی پنجاب میں بھی لانگ مارچ کے حوالے سے عوام رابطہ مہم کا آغاز کردیا گیا ہے، اگر حکمرانوں نے علامہ راجہ ناصر عباس جعفری کے مطالبات تسلیم نہ کئے تو عید کے بعد جنوبی پنجاب کے ہر ضلع، شہر، گاوں اور قصبہ سے عوام کا سیلاب نکلے گا، انہوں نے مزید کہا کہ جنوبی پنجاب کے دیگر اضلاع میں بھی عوام رابطہ مہم کا آغاز کردیا گیا ہے، لانگ مارچ تاریخی ہوگا، اور ملت تشیع اپنی وحدت کے ذریعے کامیاب ہوگی۔

وحدت نیوز (اسلام آباد) مجلس وحدت مسلمین پاکستان کے سربراہ علامہ راجہ ناصر عباس جعفری کی بھوک ہڑتال 32ویں روز میں داخل ہو گئی ہے۔لانگ مارچ کی کال کے بعد پاکستان بھر سے مختلف علما و ذاکرین اور سیاسی و مذہبی شخصیات نے ایم ڈبلیو ایم کی مرکزی قیادت سے رابطے شروع کر دیے ہیں اور یقین دلایا ہے کہ ظلم و بربریت کے خلاف جاری اس تحریک کی کامیابی کے لیے بھرپور افرادی قوت کے ساتھ آپ کی ایک آواز پر میدان میں حاضر ہوں گے۔ملت تشیع کی طرف سے علامہ ناصر عباس کی صحت کے متعلق تشویش بھی پائی جاتی ہے اور کچھ بزرگ علما اور قوم کی قد آور شخصیات نے ایم ڈبلیو ایم کے قائد سے بھوک ہڑتال ختم کرنے کی درخواست بھی کی ہے تاہم علامہ ناصر عباس نے کہا کہ وہ حق کا پرچم لے کر نکلیں ہیں جو کبھی سرنگوں نہیں ہوتا۔میرے لیے میری صحت سے زیادہ اہم میری قوم میری ملت اور میرا وطن پاکستان ہے۔انہوں نے کہا کہ گزشتہ تین دہائیوں سے وطن عزیز کو تباہی کی طرف لے جایا جا رہا ہے۔یہود و نصاری کے ایجنٹ اور تکفیری دہشت گردوں نے ہم پر پراکسی وار مسلط کر رکھی ہے۔پاکستان کو مفت میں میدان جنگ بنایا جا رہا ہے۔ پاک چائنا اقتصادی راہدری کے اعلان کے بعد مفاد پرست گروہ اور ملک دشمن عناصر کی سرگرمیوں میں اچانک تیزی آ گئی ہے۔ پاکستان کی ترقی میں محض خارجی ملک دشمن طاقتیں رکاوٹ نہیں ڈال رہیں بلکہ وطن عزیز کے اندر بھی آستین کے سانپ موجود ہیں۔ جب تک ان کو کچلا نہیں جائے گا تب تک ملک تباہی کے دہانے پر ہی کھڑا رہے گا۔فرقہ واریت ، لسانی و صوبائی تعصب، دہشت گردی، انصاف کے حصول میں دشواری، لوٹ مار، کرپشن اور بے راوی جیسے متعدد موذی عوارض میںیہ ملک جھکڑا جا چکا ہے۔ نئی نسلوں اور بہترین مستقبل کے لیے ہمیں ان نجاستوں سے چھٹکارا حاصل کرنا ہو گا۔ انہوں نے کہا کہ اس ملک کو مسلکی بنیادوں پر تقسیم کرنے والوں کو نظریات کے فروغ کے لیے کھلی آزادی دے رکھی ہے جب کہ دوسری طرف درود و سلام پڑھنے والوں پر مقدمات بنائے جاتے ہیں۔ ہم اسی غیر منصفانہ طرز عمل کے خلاف میدان میں نکلے ہیں ۔جب تک نیشنل ایکشن پلان کو درست سمت کی طرف نہیں پھیر دیا جاتا اورجب تک دہشت گردوں کے گرد گھیرا تنگ نہیں ہوتا ہم نے اس احتجاجی کیمپ سے نہیں اٹھنا۔ اگر عوامی حقوق کا دفاع کرتے میری جان چلی جاتی ہے تو ساری دنیا کو یہ معلوم ہو جائے گا کہ پاکستان کی سالمیت و بقا کے لیے آواز حق بلند کرنے والے محب وطن افراد کا قتل ہر کوئی نہیں کرتا بلکہ یہاں کی حکومت اور اسٹیبلشمنٹ کرتی ہے

وحدت نیوز(کوئٹہ)  مجلس وحدت مسلمین کے مرکزی قائد علامہ راجہ ناصر عباس صاحب پچھلے تیس دنوں سے اسلام آباد پریس کلب کے سامنے ہمارے بے گناہ شہداء کو انصاف دلانے کیلئے احتجاج کر رہے ہیں اور انکی بھر پور حمایت کیلئے ایم ڈبلیو ایم کوئٹہ ڈویژن کے کال پر جمعہ کے نمازکے بعد ایک احتجاجی ریلی نکالی گئی۔ جس میں امام جمعہ کوئٹہ علامہ سید ہاشم موسوی ، ایم ڈبلیو ایم کوئٹہ کے نمائندوں اور دیگر رہنماؤں نے شرکت کی۔ ایم ڈبلیو ایم کوئٹہ کے سیکریڑی جنرل عباس علی نے کہا کہ ہم ناصر ملت علامہ راجہ ناصر عباس صاحب کے ساتھ ہیں، حق کبھی کسی کے آگے نہیں جھکتا۔ علامہ راجہ ناصر عباس صاحب پوری قوم کی جنگ لڑ رہے ہیں۔ مجلس وحدت مسلمین کوئٹہ ڈویژن سے جاری شدہ بیان کے مطابق جمعہ کے روز نماز جمعہ کے بعد میکانگی روڈ سے پرنس روڈ تک ایک احتجاجی ریلی نکالی گئی، گزشتہ دنوں کوئٹہ کے قومی و مذہبی جماعتوں اور اداروں نے قائد وحدت علامہ راجہ ناصر عباس صاحب کے بھوک ہڑتالی کیمپ کے مطالبات کی حمایت کی اور جمعہ کو انکی حمایت کے لئے ایک ریلی نکالی گئی جس سے مرکزی رہنما ایم ڈبلیو ایم وامام جمعہ کوئٹہ علامہ سید ہاشم موسوی، ایم ڈبلیو ایم کوئٹہ دیگر رہنماؤں نے خطاب کیا،ریلی میں عوام کی بڑی تعداد نے شرکت کی اور موجودہ وفاقی حکومت کے خلاف اپنا احتجاج ریکارڈ کروایا۔مرکزی رہنماو امام جمعہ کوئٹہ علامہ سید ہاشم موسوی نے کہا کہ ملک بھر میں ہمیں مختلف دہشتگردانہ واقعات کا نشانہ بنایا جا رہا ہے ، کراچی میں خرم ذکی کو شہید کیا گیا،پارہ چنار میں بے گناہ پاکستانیوں کو احتجاج کے دوران سیکورٹی فورسسز کی بلا جواز فائرنگ سے شہید کیا گیا اور اسی طرح ملک بھر میں ہمارے خلاف کاروائیاں ہوتی رہی ہے مگر حکومت کے کانوں پہ جوں تک نہیں رینگتی انہوں نے کہا کہ ملک کا نظام ایسے نہیں چلتا جیسے موجودہ وفاقی حکومت چلانا چاہتی ہے انہوں نے مزید کہا کہ ہم انصاف کی خاطر سڑکوں پر نکلے ہیں اور احتجاج کر رہے ہیں۔ حکومت کی ذمہ داری ہمیں تحفظ فراہم کرنا ہے مگر یہاں تحفظ تو دور کی بات، ہمیں انصاف تک نہیں مل رہا۔ انہوں نے کہا کہ قائد ملت علامہ راجہ ناصر عباس جعفری صاحب قوم کی آواز ہیں اور گزشتہ 22دنوں سے اسلام آباد پریس کلب کے سامنے بھوک ہڑتال کے ذریعے احتجاج کر رہے ہیں، قوم حکومت وقت سے اپنا حق مانگ رہی ہے اور پوری قوم کی جنگ اس وقت ایک شخص لڑ رہا ہے۔ حکومت وقت کو اپنی پالیسیوں میں تبدیلی لانی ہوگی انہوں نے کہا کہ ہم بہت جنازیں اٹھا چکے ہیں اور ظلم و بربریت کی انتہا ہو گئی ہے اب ہم مزید ظلم برداشت نہیں کر سکتے۔ احتجاجی ریلی سے دیگر رہنماؤں نے بھی خطاب کیا اور کہا کہ وہ علامہ راجہ ناصر عباس صاحب کے مطالبات کے حامی ہیں اور حکومت وقت کو چاہئے کہ علامہ راجہ ناصر عباس صاحب کے مطالبات تسلیم کریں۔

وحدت نیوز (مشہد) مجلس وحدت مسلمین شعبہ مشہد مقدس کے وفد نے سیکرٹری جنرل حجتہ الاسلام والمسلمین عقیل حسین خان کی قیادت میں آیت اللہ سید محمد علی شیرازی سے ملاقات کی۔ ایم ڈبلیو ایم کے وفد نے آیت اللہ سید محمد علی شیرازی کو پاکستان کی موجودہ صورتحال اور بالخصوص علامہ راجہ ناصر عباس جعفری کی جانب سے شیعہ ٹارگٹ کلنگ، فرقہ واریت، دہشتگردی اور شیعہ نسل کشی کے اسلام آباد میں جاری بھوک ہڑتال پر بریفنگ دی۔ ایم ڈبلیو ایم کے وفد میں حجتہ الاسلام آقائی آزاد حسین، حجتہ الاسلام خواجہ محمد سلیم محمدی، حجتہ الاسلام اشفاق علی لغاری، حجتہ الاسلام عرفان حیدر، حجتہ الاسلام لعل خان اورحجتہ الاسلام رضا زیدی شامل تھے۔ اس موقع پر وفد سے گفتگو کرتے ہوئے آیت اللہ سید محمد علی شیرازی نے پاکستان میں ایم ڈبلیو ایم کے سربراہ کی جانب سے دی جانے والی بھوک ہڑتال کی مکمل حمایت اور تائید کی۔ آیت اللہ سید محمد علی شیرازی نے مزید کہا کہ اس وقت تشیع جہاں مشکلات میں گھرے ہوئے ہیں ہم تشیع پاکستان کی کامیابی اور سربلندی کے لیے دعاگو ہیں۔

وحدت نیوز (اسلام آباد) مجلس وحدت مسلمین پاکستان کے سربراہ حجۃ الاسلام و المسلمین راجہ ناصر عباس جعفری اور دیگر علمائے کرام کی ملک میں جاری شیعہ نسل کشی و ریاستی  مجرمانہ خاموشی کیخلاف جاری بھوک ہڑتال کے ستائیسویں دن اہل بیت(ع) عالمی اسمبلی کے سیکریٹری جنرل آیت اللہ محمد حسن اختری علامہ راجہ ناصرعباس جعفری سے ٹیلیفون پر گفتگو کی ،مجلس وحدت مسلمین کے سیکریٹری جنرل اور دیگر علماء کی خیریت لی اور ان کی اس فداکاری اور جانثاری کا شکریہ ادا کیا۔

اہل بیت(ع) عالمی اسمبلی کے سکریٹری جنرل نے اپنی گفتگو کے دوران حکومت پاکستان سے بھی مطالبہ کیا کہ وہ بھوک ہڑتال کرنے والوں کے ساتھ منصفانہ رویہ اختیار کریں اور ان لوگوں کے ساتھ سختی سے پیش آئیں جو سالھا سال سے پاکستان میں شیعہ مسلمانوں پر ظلم و ستم روا رکھے ہوئے ہیں۔ انہوں نے مجلس وحدت مسلمین کے سکریٹری جنرل سے گفتگو میں کہا: ہم بھی اہل بیت(ع) عالمی اسمبلی کے ذریعے آپ کے جائز مطالبات کے پورے کئے جانے کی کوشش کریں گے۔

علامہ راجہ ناصر عباس جعفری نے بھی اس گفتگو میں بھوک ہڑتال کی وجوہات بیان کیں۔ انہوں ں نے پاکستان میں شیعہ مسلمانوں کے خلاف کی جانے والی دھشتگردانہ کاروایوں کی طرف اشارہ کرتے ہوئے کہا: ان اقدامات کے خلاف حکومت پاکستان کوئی مناسب رد عمل ظاہر نہیں کر رہی ہے۔

وحدت نیوز(اسلام آباد/لاہور/کراچی/کوئٹہ) مجلس وحدت مسلمین پاکستان کے سربراہ علامہ راجہ ناصر عباس جعفری کے موقف کی حمایت اور ان کی پر امن بھوک ہڑتال کوایک ماہ مکمل ہونے پر   جمعہ کے روز ملک بھر میں یوم احتجاج منایا گیا۔کراچی، لاہور، کوئٹہ، اسلام آباد سمیت ملک کے مختلف چھوٹے بڑے  شہروں، قصبوں ، دیہاتوں میں احتجاجی ریلیاں نکالیں گئیں۔شرکا نے دہشت گردی، ٹارگٹ کلنگز اور ریاستی جبر کے خلاف بینر اٹھا رکھے تھے۔مظاہرین نے تکفیریت مردہ باد ،امریکہ مردہ باد اوردہشت گردی کے خلاف نعرہ بازی کی۔مظاہرین نے حکومتی اداروں کی طرف سے نیشنل ایکشن پلان کی آڑ میں عام شہریوں کو ہراساں کیے جانے اور بے جا مقدمات قائم کرنے پرشدید ردعمل کا اظہار کیا ۔اس سلسلے میں وفاقی دارالحکومت سے ریلی کا آغاز امام بارگاہ اثنا عشری G-6/2 سے ہوا جس کی قیادت ایم ڈبلیو ایم کے مرکزی رہنما ملک اقرار حسین ودیگرقائدین نے کی۔ریلی میں سول سوسائٹی کے لوگ بھی شریک تھے۔ریلی سے خطاب کرتے ہوئے مقررین نے کہا کہ ملک کی مقتدر قوتوں کے ہاتھوں عام شہریوں کے بنیادی حقوق کو پامال کر کے آئین پاکستان کی تضحیک کی جا رہی ہے۔دہشت گردی کے خلاف بنانے جانے والے نیشنل ایکشن پلان کو شیعہ سنی عقائد میں رکاوٹوں کے لیے استعمال نہیں کرنے دیا جائے گا۔درود و سلام اور مجالس کی محافل کو محدود کرنے کی حکومتی کوشش مٹھی بھر تکفیریوں کی خوشنودی حاصل کرنے کے لیے ہے۔اگرنیشنل ایکشن پلان پر اس کی روح کے مطابق عمل نہ کیا اور اس کے اہم نکات کو اسی طرح معطل رکھا گیا تو ملک کے بیس کروڑ عوام کی بے چینی میں اضافہ ہو گا۔حکومتی صفوں میں موجود تکفیری فکر کے لوگ نفرتیں بانٹ کر ملک کا امن تباہ کرنا چاہتے ہیں۔حکمران نے دوغلی پالیسی سے اپنی سیاست کو بچایا ہوا ہے جبکہ ملک کی سالمیت و استحکام کو داو پر لگا رکھا ہے۔

لاہور میں پریس کلب کے سامنے احتجاجی مظاہرہ کیا گیا،جس کی قیادت مرکزی رہنما علامہ مبارک موسوی اور سیکرٹری جنرل مجلس وحدت مسلمین لاہورعلامہ حسن ہمدانی نے کی ،مظاہرے میں شدید گرمی اور روزے کے باوجود بڑی تعداد میں مرد خواتین اور بچوں کی شرکت،مظاہرین سے خطا ب میں علامہ مبارک موسوی کا کہنا تھا کہ ہم جناح اور اقبال کے پاکستان کو دوبارہ حاصل کرنے کی جدو جہد کر رہے ہیں،نیشنل ایکشن پلان کو سیاسی مخالفین کے بجائے دہشت گردوں کیخلاف استعمال کرے۔

علامہ حسن ہمدانی کا کہنا تھا کہ علامہ راجہ ناصر عباس جعفری کی پرامن اور جمہوری تحریک کو نظر انداز کرنے والے حکمران سن لیں ہم نے ان کے باپ اور بدترین آمر جنرل ضیاء کو جھکنے پر مجبور کیا تھا اور ان کو بھی اوقات یاد دلائیں گے،مٹھی بھر شدت پسندوں اور ان کے سیاسی سرپرستوں کے ہاتھوں میرے قائد کا پاکستان یرغمال ہے،ہم انشااللہ اس کو بچائیں گے،علامہ حسن ہمدانی کا کہنا تھا کہ آج کے بعد ہرروز نماز مغرب اور افطاری کے بعد بھوک ہڑتالی کیمپ پریس کلب لاہور پر احتجاجہ مظاہرہ ہو گا اور یہ سلسلہ مطالبات کی منظوری تک جاری رہے گا۔

ملک بھرکی شہر قائد میں بھی  نماز جمعہ کے بعد حکومت اور ریاستی اداروں کی مجرمانہ غفلت اور بے حسی کیخلاف احتجاجی مظاہرے اور ریلیاں نکالی گئی ،جامع مسجد خوجہ اثنا ء عشر ی کھارادر اور جامع مسجد دربار حسینی ملیرکے سامنے احتجاجی مظاہرہ کیا گیا،جس کی قیادت مرکزی رہنما اعجاز بہشتی صوبائی پولٹیکل سیکرٹری علی حسین نقوی علامہ مبشر حسن مولانا نشان حیدر ساجدی سیکرٹری جنرل کراچی ڈویژن میثم عابدی نے کی ،مظاہرے میں شدید گرمی اور روزے کے باوجود بڑی تعداد میں مرد خواتین اور بچوں کی شرکت،مظاہرین سے خطا ب میں مرکزی رہنما علامہ اعجاز بہشتی کا کہنا تھا کہ ہم جناح اور اقبال کے پاکستان کو دوبارہ حاصل کرنے کی جدو جہد کر رہے ہیں،نیشنل ایکشن پلان کو سیاسی مخالفین کے بجائے دہشت گردوں کیخلاف استعمال کرے، علی حسین نقوی نے مظاہرین سے خطاب کرتے ہوئے کہا کہ ہم اسی ہزار شہداء کے لئے انصاف مانگنے نکلے ہیں،اس راہ میں ہم اپنی جان تو دے سکتے ہیں لیکن پیچھے ایک انچ بھی نہیں ہٹیں گے،علامہ مبشر حسن کا کہنا تھا کہ علامہ راجہ ناصر کی صحت کی خرابی یاکسی بھی نقصان کی صورت میں پیدا ہونے والی صورت حال کی مکمل ذمہ داری حکومت پر ہوگی۔

کوئٹہ میں بعد نماز جمعہ علامہ راجہ ناصرعباس جعفری سے اظہار یکجہتی کیلئے مرکز ی جامع مسجد کلاں میکانگی روڈ پر احتجاجی مظاہرہ کیا گیا جس سے ایم ڈبلیوایم کے مرکزی رہنما علامہ سید ہاشم موسوی اور ڈویژنل رہنما علامہ شیخ ولایت جعفری نے خطاب کیا،اس موقع پر مظاہرین کی بڑی تعداد احتجاج میں شریک تھی، جنہوں نے ہاتھوں میں بینرز اور پلے کارڈ اٹھا رکھے تھے جن پر دہشت گردی کے خلاف اور علامہ راجہ ناصرعباس کی پر امن جدوجہد کی حمایت میں نعرے درج تھے، مقررین کا کہنا تھا کہ ملت جعفریہ نے گذشتہ ۳دہائیوں میں عظیم نفوس کی جانی قربانیاں پیش کی ہیں جس کا کوئی ثانی نہیں، مایہ ناز ڈاکٹرز، ایتھلیٹس، وکلاء،علماءاور انجینئرزدہشت گردوں کی بربریت کا نشانہ بننے لیکن ہم نےاس مادر وطن سے بے وفائی نہیں کی ہم کسی ملک دشمن  بیرونی ایجنٹ کے آلہ کار نہیں بنے ، افسوس ناک صورت حال یہ ہے کہ پہلے ہمیں تکفیری دہشت گرد دہشت گردی کا نشانہ بناتے تھے اب ریاستی اداروں نے یہ کام اپنے ذمہ لے لیا ہے، قائد وحدت علامہ راجہ ناصرعباس جعفری اسی ہزار شہدائے وطن کے خون کا حساب لینے کی غرض سے ایک ماہ سے بھوک ہڑتال میں بیٹھے ہیں لیکن بے حس حکمرانوں کے کانوں پر جوں تک نہیں رینگ رہی ۔