وحدت نیوز(سکردو) منگر گمبہ سکردو سے ایک بار پھر درجنوں افراد نے آج مجاہد ملت آغا علی رضوی اور مجلس وحدت مسلمین کی قیادت پر بھرپور اعتماد کا اظہار کرتے ہوئے باقاعدہ طور پر کاروان آغا علی رضوی میں شامل ہونے کا اعلان کیا اور انتخابات میں مجلس وحدت مسلمین کے نامزد اور تحریک انصاف کے حمایت یافتہ امیدوار کاظم میثم کی بھرپور حمایت اور تعاون کا اعلان کیا۔

عمائدین منگر گمبہ سکردو نے اس موقع پر آغا علی رضوی کو یقین دلایا کہ 15 نومبر کو علاقہ عوام بھرپور انداز میں اپنے گھروں سے نکلیں گے اور خیمہ کے نشان پر مہر لگا کر ایم ڈبلیوایم اور پی ٹی آئی کے متفقہ امیدوار محمد کاظم میثم کو کامیاب بنائیں گے ۔ اس موقع پر پاکستان تحریک انصاف کے رہنما ایڈوکیٹ زاکر علی بھی موجود تھے۔

وحدت نیوز(کراچی)مجلس وحدت مسلمین سندھ کے صوبائی سیکرٹری سیاسیات سید علی حسین نقوی نے کہا ہے کہ اختیارات اور اقتدارکی رسہ کشی نے مقتدر شخصیات کو ان کے فرائض سے غافل کر رکھا ہے۔بلدیاتی اداروں کی ناقص کارکردگی اور عوامی مسائل سے عدم توجہی کے باعث عام آدمی کی زندگی اجیرن بن کر رہ گئی ہے۔ملک کے معاشی حب کے تعلیم یافتہ نوجوان بے روزگاری کا شکار ہیں۔سرکاری اداروں میں کسی کی شنوائی نہیں۔نوجوانوں کو روزگار کی فراہمی ریاست کی ذمہ داری ہے جسے مسلسل نظر انداز کیا جا رہا ہے۔ترقیاتی منصوبوں میں مالی بدعنوانیاں پہلے ہی مرحلے میں ترقی کے سارے دعووں کے پول کھول دیتی ہیں۔

انہوں نے کہا کہ معمولی بارش کے بعد پورا کراچی کسی جوہر کا نقشہ پیش کر رہا ہوتا ہے۔بڑھتی ہوئی مہنگائی، بے روزگاری اور عدم تحفظ حکومت کی انتظامی اہلیت پر سوالیہ نشان ہے۔پورا ملک بحرانوں کی زد میں ہے لیکن حکمران ان معاملات سے دانستہ طور پر انجان بنے بیٹھے ہیں۔حکومت جب تک عوامی مسائل کے حل میں سنجیدہ نہیں ہو گی تب تک مشکلات کا ازالہ ممکن نہیں۔محکمہ بلدیات سمیت تمام اداروں کو اپنی ذمہ داریوں کا درک کرنا ہو گا۔

جب تک صوبائی و وفاقی حکومتیں ایک پیج پر نہیں ہوں عوام کے مسائل میں اضافہ ہوتا رہے گا۔معاشی و کاروباری اعتبار سے وطن عزیز کے سب سے بڑے شہر کے ساتھ سوتیلی ماں جیسے سلوک سے پورے ملک کی اقتصادی صورتحال پر بدترین اثرات مرتب ہو رہے ہیں جس کی ذمہ دار سندھ حکومت اور وفاق دونوں ہیں۔ عوام کو بنیادی ضروریات زندگی کی فراہمی ریاستی اداروں کی ذمہ داری ہے اگر اداروں کی یہی روش برقرار رہی تو عوام کا ان پر سے اعتماد اٹھ جائے گا۔عوام کے طرز زندگی کو بہتر بنانے کے لیے ضروری اقدامات وقت کی اہم ضرورت ہے جس سے صرف نظر کو مجرمانہ غفلت کے سوا کوئی دوسرا نام نہیں دیا جا سکتا۔

وحدت نیوز(سکردو) شعبہ خواتین کی مرکزی رہنما محترمہ زہرا جبین نے سکردو بلتستان میں گمبہ سکردو شہید جعفر کالونی کا دورہ کیا خواتین کے اجتماع سے خطاب کرتے ہوئے ان کا کہنا تھا مجلس وحدت مسلمین وہ واحد جماعت ہے جس نے گلگت بلتستان کے عوام میں اپنے آئینی حقوق اور صوبے کی تشکیل کے لیے جدوجہد کا شعور پیدا کیا۔

 ان کاکہنا تھا کہ قائد وحدت علامہ راجا ناصر عباس جعفری کی قیادت میں خطے کے تمام تر مسائل کے حل کے لیے عوام ان کے شانہ بشانہ کھڑی رہے گی ۔انہوں نے مرد مجاہد آقا سید علی رضوی کی دلیرانہ کاوشوں کو سراہا اور ان کے دست راست مجلس وحدت مسلمین اور پی ٹی آئی کے متفقہ امیدوار محمد کاظم میثم کے انتخاب کو بہترین قرار دیا ۔

خواتین کو ووٹ کی اہمیت سے آگاہ کرتے ہوئے ان کا کہنا تھا کہ ملت کے دردمند افراد کا ساتھ دے کر اپنے خطے کو مثالی بنائیں 15 نومبر کو خیمے پر نشان لگا کر مخلص اور صالح امیدواروں کو کامیاب بنائیں تاکہ گلگت بلتستان کے حقوق کی اس جدوجہد میں کامیابی حاصل ہوسکے۔

وحدت نیوز(سکردو) مجلس وحدت مسلمین کے نامزداور پاکستان تحریک انصاف کے حمایت یافتہ امیدوار برائے گلگت بلتستان اسمبلی حلقہ 2 سکردو محمد کاظم میثم کی انتخابی مہم زور وشور سے جاری ہے ،حلقے کے مختلف علاقوں کے عوام کی جانب سے محمد کاظم میثم کی مسلسل حمایت کا سلسلہ بھی جاری ہے ۔

انتخابی مہم کے سلسلے میں مجلس وحدت مسلمین کے نامزداور پاکستان تحریک انصاف کے حمایت یافتہ امیدوار کاظم میثم غازی آباد پہنچے جہاں علاقہ عوام اور عمائدین کے ساتھ مشترکہ اجلاس میں شرکت کی اس موقع پر علاقہ عوام وعمائدین نے کاظم میثم پر مکمل اعتماد کا اظہار کرتے ہوئے ان کی بھرپور حمایت کا اعلان کردیا ۔

عمائدین غازی آباد کی جانب سے اعتماد کے اظہار اور حمایت کے اعلان پر ایم ڈبلیوایم اور پی ٹی آئی کے متفقہ امیدوار کاظم میثم نے شکریہ کا اظہار کیا اور انہیں یقین دلایا کہ کامیاب ہونے کے بعد علاقے کے مسائل کے حل کیلئے اپنی تمام تر صلاحیتوں کو بروئے کارلاؤں گا۔

 

وحدت نیوز(اسلام آباد)مجلس وحدت مسلمین پاکستان اور ملی یکجہتی کونسل کے زیر اہتمام رحمت اللعالمینؐ وحدت کانفرنس کا انعقاد اسلام آباد کے مقامی ہوٹل میں ہواجس میں ایم ڈبلیو ایم،ملی یکجہتی کونسل،جماعت اسلامی،شیعہ علما کونسل ، پاکستان عوامی تحریک، سنی اتحادکونسل، جمعیت علمائے پاکستان اور مختلف مذہبی جماعتوںکے رہنمائوںسمیت کثیرتعداد میں مختلف مکاتب فکر اور شعبہ ہائے زندگی سے تعلق رکھنے  والی شخصیات نے شرکت کی۔

وفاقی وزیر برائے مذہبی امور پیر نور الحق قادری نے کانفرنس سےبحیثیت مہمان خصوصی خطاب کرتے ہوئے کہاکہ علامہ راجہ ناصرعباس نے ہمیشہ اتحاد امت وتقریب امت کیلئے کوششیں وکاوشیں کی ہیں اور آج کا یہ اجتماع بھی اسی سلسلے کی کڑی ہے ۔انہوں نے کہاکہ میں اپنی طرف سے اور حکومت پاکستان کی جانب علامہ راجہ ناصرعباس کی وحدت وتقریب امت کی کوششوں کو خراج تحسین پیش کرتاہوں۔  

وفاقی وزیرنے کہا کہ متشدد رویوں اورمذہبی منافرت کی فضا کوختم کرنے کے لے ملی یکجہتی کونسل اور علماء کاکردار ہمیشہ جاندار رہا ۔شیعہ سنی اورصوفی و سلفی کے نام پر دنیا میں جو آگ لگائی جارہی ہے اس کے لیے ہمیں پیش بندی کی ضرورت ہے۔شیعہ سنی اختلافات صدیوں سے موجود ہیں جن کوچھیڑنے کی بجائے مشترکات پر یک جا ہونا ہوگا۔ مذہبی نفاق کی راہ روکنے کی ذمہ داری ریاست کے ساتھ ساتھ علماء کی بھی ہے۔

انہوں نے مزید کہاکہ کافرکافرکے جواب میںبھائی بھائی کے موثربیانیے کی ترویج ہونی چاہیے۔اسلامو فوبیا کے حوالے سے عالمی فورمز پروزیر اعظم عمران خان کاموقف امت مسلمہ کی ترجمانی کرتی ہے۔فرانس کے واقعہ پرپوری دنیا میںسے صرف تین اسلامی ممالک ترکی،ایران اورپاکستان نے آواز بلند کی ہے۔انہوں نے کہا کہ وحدت و اخوت کے لیے منعقدہ یہ کانفرنس ایک بہترین پیغام ہے۔

وحدت نیوز(اسلام آباد)مجلس وحدت مسلمین پاکستان اور ملی یکجہتی کونسل کے زیر اہتمام رحمت اللعالمینؐ وحدت کانفرنس کا انعقاد اسلام آباد کے مقامی ہوٹل میں ہواجس میں ایم ڈبلیو ایم،ملی یکجہتی کونسل،جماعت اسلامی،شیعہ علما کونسل ، پاکستان عوامی تحریک، سنی اتحادکونسل، جمعیت علمائے پاکستان اور مختلف مذہبی جماعتوںکے رہنمائوںسمیت کثیرتعداد میں مختلف مکاتب فکر اور شعبہ ہائے زندگی سے تعلق رکھنے والی شخصیات نے شرکت کی۔

مجلس وحدت مسلمین پاکستان کے مرکزی سیکرٹری جنرل علامہ راجہ ناصرعباس جعفری نےکہاکہ نبی اکرم حضرت محمد مصطفی ؐ کی آمد سب سے بڑی عید ہے، حضور اکرم ص کی ذات تمام کائنات پر تصرف رکھتی ہے اسی لئے آپ رحمت للعالمین ہیں، ہم خوش قسمت ہیں کہ خدا نے ہمیں ایسے نبی کی امت بنایا جو سیرت اور اخلاق میں سب سے برتر ہیں،ملی یکجہتی کونسل واحد پلیٹ فارم ہے جس میں تمام مکاتب فکر کے لوگ موجود ہیں،ملی یکجہتی کونسل کے پلیٹ فورم سے سیرت النبی پر تحقیقی کانفرنس کا انعقاد کریں گے۔

 فرانس کے حوالے سے مقررین کے موقف کی تائید اور ملی یکجہتی کونسل کے کردارکی تعریف کرتے ہوئے اتحاد امت کے لیے بھرپورتعاون کی یقین دہانی کرائی۔انہوںنے کہا کہ ہمارا خطہ اس وقت بہت حساس مرحلے سے گزر رہا ہے۔دنیا پرلبرل ورلڈ آرڈرکا نظام نافذہے،جنوبی ایشیا میں طاقت کے توازن کی منتقلی روکنے کے لئے یورپ اور امریکہ سر توڑ کوشش کر رہے ہیں۔یہ دور امریکہ کی شکست کا دور ہے ،افغانستان سمیت دوسرے حصوں میں امریکہ کو ناکامی اٹھانا پڑی،مشرق وسطی میں امریکہ کے اربوں ڈالر خاک میں مل گے۔

علامہ راجہ ناصرعباس کاکہنا تھاکہ پاکستان کو غیرمستحکم کرنے کی کوشش کی جا رہی ہے،پاکستان کا غیر مستحکم  ہونا پورے خطے کے لئے نقصان دہ ہے۔ اس وقت جو حالات ہیں اگر ان حالات میں کوئی بھی حکمران ہوتا ہم بحران پیدا کرنے میں ہرگز کردار ادا نہیں کرتے۔ وطن عزیز کو بحرانوں سے نکالنے کے لئے یہ وقت بصیرت اور اتحاد کا تقاضہ کرتا ہے،ارض پاک کوفرقہ وارانہ مسائل میں الجھا کرکمزورکرنے کی سازش مل کر ناکام بنائیں گے۔ہمیں تکفیر و توہین کی راہ روکنے میں کردار ادا کرنا ہو گا۔

انہوں نے مزید کہاکہ ہماری افواج اس ملک کا مضبوط دفاع ہیں۔ان پرالزام تراشی دشمنوں کو تقویت دینے کے مترادف ہے۔وہ سیاسی قوتیں ملک کادفاع نہیں کر سکتی جن کے اثاثے اور اولادیں بیرون ممالک میں پروان چڑھ رہی ہیں۔وطن عزیز سیاسی بحران کاقطعی متحمل نہیں۔دشمن کے ایجنڈے کو کامیاب نہیں ہونے دیں گے۔انہوں نے کہا کہ اہلسنت ہماری جان ہیں دکھ سکھ کی ہرگھڑی میں ایک دوسرے کے ساتھ کھڑے ہوں گے۔

Page 2 of 1477

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree