وحدت نیوز(لاہور) مانگا منڈی (رائے ہاؤس) میں ہر سال کی طرح اس سال بھی عشرۂ محرم الحرام کی مجالس عزاء عقیدت و احترام کے ساتھ منعقد کی جا رہی ہیں۔8 محرم الحرام کو حسبِ روایت جناب حضرت علی اصغر علیہ السلام کے جھولے کی شبیہ برآمد کی گئی۔ اس موقع پر مجلس سے حجت الاسلام والمسلمین علامہ سید حسن رضا ہمدانی نے خطاب کیا اور جناب حضرت علی اصغر علیہ السلام کے دل سوز مصائب بیان کیے، جنہیں سن کر شرکائے مجلس اشک بار ہو گئے۔

مجلس کے اختتام پر شبیہ جھولا حضرت علی اصغر علیہ السلام اور شبیہ علم پاک برآمد کیے گئے، جنہیں مومنین نے انتہائی عقیدت و احترام کے ساتھ زیارت کے لیے اٹھایا۔اس روحانی مجلس میں علاقے کے مومنین و مومنات کی بڑی تعداد کے علاوہ مختلف سیاسی، سماجی و مذہبی شخصیات نے بھی شرکت کی۔

ان معزز مہمانوں میں مجلس وحدت مسلمین پاکستان کے مرکزی سیکرٹری سیاسیات جناب سید اسد عباس نقوی، صوبہ وسطی پنجاب کے ممبر ورکنگ کمیٹی جناب سید حسن رضا کاظمی، معروف مذہبی و سیاسی رہنما ومعاون خصوصی وزارت اطلاعات حکومت پنجاب جناب خرم عباس نقوی، مذہبی وسیاسی رہنما وسابق صوبائی سیکرٹری فلاح وبہبود مجلس وحدت مسلمین پنجاب شیخ عمران علی  اور صوبہ شمالی پنجاب کے صوبائی آفس سیکرٹری شامل تھے، جنہوں نے رائے ہاؤس مانگا منڈی میں خصوصی شرکت کی۔