وحدت نیوز(اسلام آباد) ایم این اے انجینئر حمید حسین طوری کی زائرین کربلا کے حوالے سے اہم ملاقاتیں۔قومی اسمبلی اجلاس کے دوران ایم این اے انجینئر حمید حسین طوری نے وزیرِ مملکت برائے داخلہ جناب طلال چوہدری اور وفاقی وزیرِ دفاع خواجہ آصف سے ملاقات کی۔
ملاقات میں زائرینِ کربلا کے لیے زمینی راستے کی بندش، خصوصاً کراچی سے ریمدان بارڈر تک زائرین مارچ اور اس کے دوران سیکیورٹی کے امور پر تفصیلی گفتگو ہوئی۔
انجینئر حمید حسین طوری نے اپنے خطاب میں زور دیا کہ زائرین کو درپیش رکاوٹوں کا فوری ازالہ کیا جائے، زمینی راستے کھولے جائیں اور زائرین کو مکمل سیکیورٹی فراہم کی جائے تاکہ وہ پُرامن اور باوقار انداز میں زیارت کا سفر کر سکیں۔