وحدت نیوز (گلگت) ایم ڈبلیو ایم گلگت بلتستان کے زیر اہتمام آن لائن حسن قرائت مقابلہ کا اہتمام سیدہ علیمہ نے پہلی پوزیشن حاصل کی۔ مجلس وحدت مسلمین گلگت بلتستان کے زیر اہتمام حسن قرائت کے مقابلہ کا اہتمام کیاگیا جس کے پہلے مرحلہ میں 82 طلبہ طالبات نے حصہ لیا۔ جن میں سے 9 طلبہ وحطالبات مرحلہ دوم تک پہنچے جن کےمابین فائنل مرحلہ کا مقابلہ منعقدہوا

فائنل مرحلہ میں
پوزیشن ہولڈرز کے اسماء گرامی مندرجہ ذیل ہیں۔
پہلی پوزیشن :
سیدہ علیمہ
98/100
دوسری پوزیشن:
قاری عمار یاسر
96/100
تیسری پوزیشن: سیرت فاطمہ
حافظ نوازش علی
94/100
چھوتھی پوزیشن :حافظ فیض اللہ مھدی۔
سیدہ ابیھا بتول
90/100
پانچویں پوزیشن:
فاطمہ حسینی
سیدہ حریم فاطمہ
سیدہ رضوا بتول۔
87/100

مقابلہ میں شریک تمام طلبہ طالبات سمیت تمام ادارہ جات کے مسئولین لائق تحسین ہیں کہ آپ نے قاری قرآن کی صف میں شامل ہوکر ماہ مبارک رمضان جو کہ ربیع القرآن ہے اس پاک مہینہ کی عظمتوں اور رونقوں کو دوبالا کیا۔

ہم تمام ادارہ جات خصوصا مدرسہ حفاظ القرآن سکردو اور دارالمودت حفظ قران مظفر آباد کے نہایت ممنون و مشکور ہیں۔

وحدت نیوز(سکھر)مجلس وحدت مسلمین شعبہ خواتین کی مرکزی صدر سیدہ معصومہ نقوی نے اپنے دورہ سندھ کے آغاز میں ایم ڈبلیو ایم شعبہ خواتین سکھر کی صدر اور کابینہ سے ملاقات کی ۔

 تمام اراکین نے اپنی ششماہی رپورٹ پیش کی اور یونٹ سازی کے عمل میں فعالیت کے حوالے سے بریفنگ دی ، اس موقع پر محترمہ معصومہ نقوی نے امام زمان عج کے حقیقی منتظر کے عنوان سے خطاب کیا نیز تمام اراکین کو حریم ولایت مجلہ اور کتاب سر بلند بطور ھدیہ پیش کی۔

وحدت نیوز (اسلام آباد) مجلس وحدت مسلمین کے چیئرمین علامہ راجہ ناصر عباس جعفری نے اپنے خصوصی پیغام میں کہا ہے کہ ماہ رمضان کے مقدس مہینے میں مستحقین اور ضرورت مندوں کی دادرسی کرنا افضل ترین اعمال میں سے ایک ہے۔پاکستان کے غریب عوام معاشی بدحالی کا شکار ہیں ایسے میں صاحبِ ثروت افراد اسلامی اصولوں کے مطابق فطرانہ اور زکواۃ سے سفید پوش طبقہ کی مالی امداد کرکے خدا کی خوشنودی حاصل کرسکتے ہیں۔

ان کاکہنا تھا کہ پاکستان کے حالیہ معاشی بحران میں عید کی خوشیوں میں مستحقین اور پریشان حال بھائیوں کا بطور خاص خیال رکھیں یہ ہم سب کا بطور مسلمان اور بحیثیت پاکستانی اخلاقی فریضہ ہے۔لہذاٰمعاشرے کے محروم طبقات کا احساس کرتے ہوئے مستحقین کی داد رسی سے انہیں بھی اپنی خوشیوں میں شامل کریں۔

انہوں نے مزید کہا کہ ماہِ رمضان المبارک رب کریم کی طرف سے امت مسلمہ کے لیے خصوصی انعام ہے۔ہمیں نیک اعمال کے ذریعے اللہ تعالیٰ کی رحمتوں کا شکر بجا لانا چاہئیے۔ماہِ صیام کی نیک ساعتوں میں اپنے نادار عزیز و اقربا اور ضرورت مندوں اور مستحقین کی داد رسی سے ذات کریم کا قرب حاصل کیا جا سکتا ہے۔

وحدت نیوز(اسلام آباد)اعتکاف ایک ایسا عمل جس سے انسان کے اندر معرفت الہی کے ساتھ ساتھ  قرآن پاک سے انس اور تقوی الہی پیدا ہوتا ہے ۔ معتکف انسان صرف اور صرف قرب الہی کا خواستار بن جاتا ہے ۔ دنیا کی ہر چیز سے کنارہ کش ہوکر صرف رضائے الہی کی خاطر اپنے آپ کو وقف کر لیتا ہے ۔ کہ اب ہم نے تیرے گھر آکر پناہ لی ہے تو ہمارے ظاہری اور باطنی دشمنوں سے ہمیں بچالے ۔ معتکف انسان نفسیاتی طور پر اپنے آپ کو گناہوں کی دلدل سے بچاتا ہے ۔ اور آلودہ ہونے سے پرہیز کرتا ہے ۔اعتکاف انسان کی زندگی میں استقلال ،بلند ہمت اور ارادے کی پختگی پیدا کرتا ہے ۔

 اسلام آباد کی جامع مسجد (اثناعشری جی 6/2 ) میں اعتکاف کی نیت سے بیٹھے معتکفین سے علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب کا خطاب کیااور درس اخلاق دیا۔ معتکف جوانوں نے سید علی اکبر کاظمی سے درخواست کی کہ ہمیں بیشتر وقت دیں تاکہ ہم آپ سے استفادہ کرتے ہوئے اپنی اصلاح کرسکیں ۔ آقائے سید علی اکبر کاظمی نے جوانوں سے کہا جتنا ہوسکا پوری کوشش کروں گا کہ آپ کو ناامید نہ کروں ۔ آپ جوان قرآن کو ملکر پڑھیں ۔ ترجمہ پڑھیں ۔ تفسیر کا مطالعہ کریں ۔ اور فقہی احکام عملی صورت میں سیکھنے کی کوشش کریں ۔ سیرت کی کتاب ہمارے آئمہ اور ان کی سیاسی جدوجہد کا مطالعہ کریں ۔

وحدت نیوز(نیورنگاہ) ماہی پروری کو گھریلو صنعت بنانے کے لیے حلقہ دو سکردو کی اے ڈی پی میں خواتین کے لیے رکھی گئی سکیم کے پائلٹ پروجیکٹ کا باقاعدہ آغاز کیا گیا۔ اس پروجیکٹ کے تحت کم آمدن والی خواتین سے درخواستیں طلب کرلی گئی اور محکمہ کی جانب سے قائم کمیٹی کی سکروٹنی، ویریفیکیشن اور فیزیبلٹی کے جائزہ کے بعد مختلف مقامات پر گھریلو صنعت کے طور پر ماہی پروری کو فروغ دینے کے لیے فش سیڈ، فیڈ اور دیگر معاونتوں کے ساتھ ساتھ تربیت بھی دی گئی۔

 اس سلسلے میں نیورنگاہ میں دی گئی سکیم کا باقاعدہ افتتاح کیا گیا۔صدر مجلس وحدت مسلمین گلگت بلتستان آغا علی رضوی نے دعا کرکے پروگرام کا آغاز کیا۔منسٹر ایگریکلچر و پارلیمانی لیڈر مجلس وحدت مسلمین گلگت بلتستان کاظم میثم، ڈی ڈی فشریز حاجی مہدی اور دیگر افسران نے افتتاحی تقریب میں حصہ لیا۔

وحدت نیوز(سندس) ماہی پروری کو گھریلو صنعت بنانے کے لیے حلقہ دو سکردو کی اے ڈی پی میں خواتین کے لیے رکھی گئی سکیم کے پائلٹ پروجیکٹ کا باقاعدہ آغاز کیا گیا۔

 اس پروجیکٹ کے تحت کم آمدن والی خواتین سے درخواستیں طلب کرلی گئی اور محکمہ کی جانب سے قائم کمیٹی کی سکروٹنی، ویریفیکیشن اور فیزیبلٹی کے جائزہ کے بعد مختلف مقامات پر گھریلو صنعت کے طور پر ماہی پروری کو فروغ دینے کے لیے فش سیڈ، فیڈ اور دیگر معاونتوں کے ساتھ ساتھ تربیت بھی دی گئی۔

 اس سلسلے میں سندس میں دی گئی سکیم کا باقاعدہ افتتاح کیا گیا۔منسٹر ایگریکلچر و پارلیمانی لیڈر مجلس وحدت مسلمین کاظم میثم، ڈی ڈی فشریز حاجی مہدی اور دیگر افسران نے فش سیڈ کی سٹاکنگ کرکے باقاعدہ افتتاح کیا۔