وحدت نیوز(چنیوٹ) رجوعہ سادات ضلع چنیوٹ میں میں مجلس وحدت مسلمین پاکستان شعبہ تنظیم سازی کے زیر اہتمام ملک گیر توسیع تنظیم مہم کے سلسلہ میں (رجوعہ سادات یونٹ) کی یونٹ سازی کی گئی ،جناب حامد علی کو اگلے 3 سال کے لئے نیا یونٹ صدر رجوعہ سادات منتخب کر لیا گیا۔

علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب کااپنے وفد کے ہمراہ ضلع چنیوٹ میں رجوعہ سادات یونٹ کے اجلاس میں شرکت کی ۔ صوبائی سیکرٹری تنظیم سازی جناب مظہر عباس جعفری مجلس وحدت مسلمین پاکستان صوبہ پنجاب ، برادر سیدعاشق حسین بخاری ضلعی صدر ضلع چنیوٹ ، علامہ سید علی اکبر کاظمی صوبائی صدر کے ہمراہ تھے۔

وحدت نیوز (چنیوٹ)مجلس وحدت مسلمین پاکستان صوبہ پنجاب کے صدرحجۃ الاسلام والمسلمین علامہ سید علی اکبر کاظمی کا اپنے وفدکے ہمراہ چنیوٹ کا وزٹ ،برادر مظہر حسین جعفری صوبائی سیکرٹری تنظیم سازی اور ضلعی صدر ضلع چنیوٹ سید عاشق حسین بخاری اور انٹرا پارٹی الیکشن میں نامزد ضلعی صدر حامدعلی بھی ان کے ہمراہ تھے ۔

علاقے کی موثر شخصیت اورپی ٹی آئی کی جانب سے ایم این اے کے کنڈیڈیٹ سردار ذوالفقار علی کی جانب سے ایم ڈبلیو ایم کے صوبائی صدر کے اعزاز میں دیئے گئے عشائیہ دیا گیا جس میں علاقے کی معززاور نامور سیاسی ،مذہبی اور تنظیمی شخصیات نے شرکت کی ۔سردار ذوالفقار علی نے علامہ سید علی اکبر کاظمی اور ان کے ہمراہ وفد کو ویلکم کہا ۔

 عشائیہ کے بعد ملکی موجودہ سیاسی صورتحال ،پی ٹی آئی اور ایم ڈبلیوایم کے ساتھ آنے والے الیکشن میں اتحاد پر بھی گفتگو کی گئی ۔ ایم ڈبلیو ایم کے صوبائی صدر کو علاقے کی شخصیات سے تعارف کرایا گیا ۔ علاقے میں تنظیمی نوعیت کا یہ ایک کامیاب ترین پروگرام تھا ۔علامہ سید علی اکبرکاظمی نے عشائیہ میں شرکاء سے خطاب کرتے ہو کہا کہ مجلس وحدت مسلمین پاکستان ایک ذمہ دار جماعت ہے ۔ جب کسی سے عہدکرتی ہے تو اسے نبھانے کی بھرپور کوشش بھی کی جاتی ہے ۔ ہم نے پی ٹی آئی سے معاہدہ قائداعظم، علامہ محمداقبال ؒ اور قائد شہید علامہ عارف حسین الحسینی ؒ کے فرمودات اور افکار کی روشنی میں کیا جس پر ہم آج تک کاربند ہیں اور آگے بھی ان شاءاللہ اس معاہدے کا پاس کریں گے ۔ البتہ جہاں پر ہمیں تحفظات ہونگے اس کا اظہار ہم ضرور کریں گے ۔انشاءاللہ جو بھی ہو گا ملت پاکستان ، مکتب اہلبیت ؑ کی توقعات کے عین مطابق عمل کیا جائے گا ۔ ہم ان شاءاللہ ناامید نہیں کریں گےجو ہم سے ہوسکا ہم اپنا عہد ضرور نبھائیں گے ۔

وحدت نیوز(حیدرآباد) مجلس علماء شیعہ پاکستان صوبہ سندھ کے صدر علامہ عبداللہ مطھری صوبائی کابینہ کے ہمراہ تنظیمی دورے کے دوران حیدرآباد میں جید عالم دین حجتہ الاسلام والمسلمین علامہ حیدر علی جوادی حفظہ اللہ سے ملاقات کی ملی امورپر خصوصی طور پر بات چیت کی۔

صوبائی صدر علامہ عبداللہ مطھری نے گفتگو کرتے ہوئے کہا کہ ہم آپ کے شکر گزار ہیں کہ آپ نے ہمیں زیارت کو شرف بخشا ہے اور آپ نے ہمیشہ ہمارے رہنمائی کی ہے اور پرامید ہیں آئندہ بھی کرتے رہیں گے جبکہ اس موقع پر صوبائی اراکین مولانا غلام رضا کھوھارو، مولانا نثار علی سمائر، مولانا عمران علی دستی، مولانا گل حسن جسکانی بھی ہمراہ تھے۔

وحدت نیوز(لاڑکانہ) وحدت یوتھ ونگ لاڑکانہ ڈویژن کے صدر منصب علی کربلائی نے اپنے ایک بیان میں کہا کہ پاراچنار ضلع کرم تحصیل اپر کرم کے علاقے تری منگل میں دہشت گردوں کے ہاتھوں 7 بے گناہ اساتذہ کو بیدردی سے قتل کیا گیا واقعہ کی شدید الفاظ میں مذمت کرتا ہوں، دہشت گرد پاکستان کے دشمن ہیں ان کے خلاف پاکستان کے ریاستی اداروں کو سخت آپریشن کا اعلان کرنا چاہیے،ہم نے ہزاروں لاشیں اٹھائیں لیکن کبھی بھی پاکستان کے اندر شیشہ نہیں توڑا پرامن احتجاج کیا دہشت گردی کے خلاف آواز بلند کی ہے، اپر کرم کے علاقے تری منگل کے مقامی گورنمنٹ ہائی سکول میں ڈیوٹی پر مامور اہل تشیع پاراچنار کے سات 7 بے گناہ اساتذہ کو بے دردی کے ساتھ شہید کیا گیا۔

 یہ اساتذہ اپنے دور دراز علاقوں سے ان ظالموں کے بچوں کو  تعلیم کے زیور سے آراستہ کرنے کے لیے جایا کرتے تھے۔ قوم تری منگل سے ان کی کوئی ذاتی دشمنی نہیں تھی۔ ان کا مقصد اپنا فرض منصبی ادا کرنا تھا تعلیم کے علمبردار ٹیچرز پر گولیاں برسائیں گئی ان کو بیدردی سے شہیـــد کیا گیا اس واقعہ کی شدید الفاظ میں مذمت کرتے ہیں اس المناک واقعہ پر پوری پاکستانی قوم غم زدہ ہے ہم پاکستان کے ریاستی اداروں اور حکومت پاکستان سے مطالبہ کرتے ہیں کہ تعلیم دشمن دہشت گردوں کے خلاف فوری طور پر سخت آپریشن کا اعلان کیا جائے۔

وحدت نیوز(سکردو)سانحہ پارہ چنار کے خلاف ایم ڈبلیو ایم کے زیر اہتمام یادگار چوک سکردو پر احتجاجی جلسے کا انعقاد کیا گیا اس موقع پر ایم ڈبلیو ایم کے صوبائی سیکرٹری جنرل ومعروف عالم دین حجۃ اسلام و المسلمین علامہ شیخ ڈاکٹر مشتاق حکیمی، صوبائی نائب صدر شیخ اشرف شگری معروف عالم دین شیخ حسن جوہری، ایم ڈبلیو ایم ضلع سکردو کے صدر علامہ شیخ ذیشان، شیخ ذوالفقار انصاری، عقیل ایڈووکیٹ ودیگر نے خطاب کرتے ہوئے سانحہ پارہ چنار کی شدید الفاظ میں مذمت کی اور کہا کہ اس گھناؤنے فعل کی جتنی مذمت کی جائے کم ہے۔

 انہوں نے کہا کہ ریاستی سکیورٹی ادارے اس واقعے میں۔ ملوث دہشت گردوں کی دہشت گردوں کو کیفر کردار تک پہنچائیں نہیں تو ہم سمجھیں گے کہ اس واقعے کے پیچھے ہمارے سکیورٹی ادارے ملوث ہیں انہوں نے کہا کہ ملک میں دشمن عناصر ملک میں دوبارہ دہشت گرد منظم ہو رہے ہیں اور ملک میں دہشتگردانہ کاروائیوں میں تیزی لانے کےلئے کاروائیاں کررہے ہیں ملک کی استحکام کے لیے خطرہ ہے ان دہشت گردوں کا سر کچلنے کی اشد ضرورت ہے بصورت دیگر ملک عدم استحکام کی طرف جائے گا ملک پہلے ہی سیاسی عدم استحکام کا شکار ہے پی دین ایم چاہتی ہے کہ ملک کمزور ہو جائے ۔

وحدت نیوز(لاہور)اقبال ٹاؤن زون شیر شاہ رائیونڈ روڈ  میں مجلس وحدت مسلمین کے یونٹ شیر شاہ رائیونڈ روڈ کابینہ کی  تقریب حلف برداری ہوئی جس میں سید فخرحسنین رضوی ایڈووکیٹ،مولانا سید آل حسن رضوی صدر اقبال ٹاؤن زون، آغا علی شیر،سید فیضان نقوی سنئیر نائب صدر اقبال ٹاؤن،سید یاسر زیدی نائب صدر اقبال ٹاؤن ،سید قاسم رضوی سیکرٹری جنرل اقبال ٹاؤن نے شرکت کی اور یونٹ شیر شاہ رائیونڈ روڈ کے عہدیداران سے حلف لیا۔

 حلف اٹھانے والوں میں صدر سید معظم علی نقوی  علی سلیم جعفری سنئیر نائب صدرسید ارسلان بخآری   جنرل سیکرٹری نوید احمد سنئیر نائب صدر سید ذیشان عباس بخآری ڈپٹی سیکرٹری سید احمد علی نائب صدر سید قاسم علی زیدی سیکرٹری تنظیم سازی  سید قمبر عباس جعفری سیکرٹری فلاح و بہبود سید علی عباس نقوی سیکرٹری نشرواشاعت تمام برادران سےمولانا سید آل حسن رضوی صاحب صدر اقبال ٹاؤن زون نے  حلف لیا ۔

اس موقع پر آغا علی شیر نے خطاب کرتے ہوئے کہا کہ علامہ راجہ ناصر عباس جعفری کی ہدایت کے مطابق پورے ملک میں تنظیم سازی کا سلسلہ جاری ہے اور ملک میں فروغ عزاداری سید الشہداء اور سربلندی اسلام اور استحکام پاکستان کے لیے کسی بھی قربانی سے دریغ نہیں کرینگے اور پارا چنار میں شہداء قاتلوں کی گرفتاری کا مطالبہ کیا گیا اور فاتحہ خوانی بھی کی گئی اور علامہ سید آل حسن رضوی صاحب نے اپنے خیالات کا اظہار کرتے ہوئے کہا کہ علامہ راجہ ناصر عباس جعفری کی ایک آواز پر لبیک کہیں گے اور ہم مظلومین جہاں کہ ساتھ ہر وقت کھڑے ہیں اور ملک دشمن عناصر کے خلاف ہیں آخر میں تمام برادران کو سید فخر حسنین رضوی ایڈووکیٹ سید آل حسن رضوی ،اغا علی شیر، فیضان نقوی،قاسم رضوی، سید یاسر زیدی نے ذمہ داریوں کے حوالے سے مبارکباد دی۔