وحدت نیوز (گنداواہ) مجلس وحدت مسلمین بلوچستان کے صوبائی جنرل سیکرٹری علامہ سہیل اکبر شیرازی نے کہا ہے کہ نواسہ پیامبر اکرم امام حسین علیہ السلام نے اسلام کو بچانے کے لئے اپنے خاندان اور اصحاب و انصار کے ہمراہ کربلا کے مقام پر عظیم قربانی دی۔ یہ بات انہوں نے حسین زندہ باد ٹرسٹ گنداواہ کیجانب سے مسجد اقصیٰ حسینی محلہ میں عشرہ محرم کی مجالس کے حوالے سے اہم میٹنگ کے موقع پر گفتگو کرتے ہوئے کہی۔ علامہ سہیل اکبر شیرازی نے محرم الحرام کے تقدس کا تذکرہ کرتے ہوئے کہا کہ یہ اسلامی تقویم کا پہلا مہینہ ہے۔ محرم الحرام کو اسلام سے پہلے بھی انتہائی قابل احترام سمجھا جاتا تھا۔ اسلام نے یہ احترام جاری رکھا۔ اس مہینے میں جنگ و جدل ممنوع ہے۔ اسی حرمت کی وجہ سے اسے محرم کہتے ہیں۔

انہوں نے کہا کہ نواسہ پیامبر اکرم امام حسین علیہ السلام کی اسلام کو بچانے کے لئے اپنے خاندان اور اصحاب و انصار کے ہمراہ کربلا کے مقام پر شہادت اسی مہینے میں ہوئی ہے۔ ہمارے لئے محرم کا مہینہ غم و حزن اور عزاداری کا مہینہ ہے۔ میٹنگ میں صوبائی رابطہ سیکرٹری و انجمن درگاہ سید ایوب شاہ بخاری کے متولی سید گلزار شاہ بخاری، انجمن حسینی کے مولانا امجد علی محسنی، انجمن امام زمان عجل کے مولانا اللہ ڈنہ عرفانی، انجمن گلشن زہرا کے میر حسن سپرہ، انجمن علمدار کے استاد جاوید احمد ابڑو، انجمن نہرالقمہ کے عابد حسین دھکڑ، انجمن امام بارگاہ امام مہدی عج کے غلام محمد حسنین شیرازی اور دیگر انجمنوں کے متولی حضرات نے شرکت کی۔ اس موقع پر عشرہ محرم الحرام میں شام اور صبح کی مجالس عزاء کے سلسلہ میں اہم گفتگو ہوئی۔

وحدت نیوز(پاراچنار)مجلس وحدت مسلمین خیبرپختونخواہ کے رہنما اور ایم ڈبلیو ایم پارہ چنار کے تحصیل میئر علامہ مزمل حسین فصیح نے میڈیا سیل سے جاری بیان میں کہا ہے کہ ملک میں اس وقت ہر طرف اعتماد کا فقدان ہیں،  مملکت خداداد پاکستان کو معاشی، سیاسی اور سیکورٹی بحرانوں کا سامنا ہے، کوئی بھی پارٹی یا ادارہ اپنے بیانیہ سے ایک قدم پیچھے ہٹنے کو بھی تیار نہیں، جس کی بدولت ملک مسائل کی دلدل میں دھنستا جا رہا ہے، سرکاری و نجی املاک کو نقصان پہنچانا افسوسناک عمل ہے، جس مذمت کرتے ہوئے مطالبہ کرتے ہیں کہ ان سب واقعات کی آزادانہ طور پر تحقیقات کروائی جائیں اور حقائق قوم کے سامنے لائے جائیں، مگر کسی بھی شہری پر گولی چلانے کا کلچر تبدیل ہونا چاہیئے۔ یہ ملک سب کا ہے، ملک کے تمام ادارے سپریم کورٹ، افواج پاکستان،الیکشن کمیشن اور پولیس ہمارے ہیں ان کا مضبوط ہونا اور آئینی دائرے میں رہ کر کام کرنا انتہائی ضروری اور وطن عزیز کے مفاد میں ہے۔

انہوں نے کہا کہ ہمیں چاہیئے کہ ہم ایک دوسرے کا احترام کرتے ہوئے اس ملک کی خاطر اپنی آنا کے بتوں کو توڑ دیں، اور بات چیت کے ذریعے ملک کے وسیع تر مفاد میں مسائل کا حل تلاش کریں، اداروں کے خلاف بیان بازی وہ چاہے فوج  ہو یا سپریم کورٹ کبھی سود مند نہیں ہوسکتا، ہمیں ایسے منفی بیانات سے اجتناب کرنا چاہیے جن سے ملکی وقار میں کمی یا جگ ہنسائی کا باعث بنے، اپنی مادر وطن کو کمزور کرنا کسی کے مفاد میں نہیں، ہمیں اسی ملک میں جینا اور مرنا ہے، اس کا تحفظ اور استحکام ہم سب کی قومی زمہ داری ہے۔

وحدت نیوز(کراچی)مجلس وحدت مسلمین پاکستان کراچی ڈویژن کے صدر علامہ شیخ محمد صادق جعفری نے آئی ایس او کراچی ڈویژن کی جانب سے نکالی گی مردہ باد امریکہ مردہ باد اسرائیل ریلی میں شرکت کی اور شرکائے ریلی سے خطاب کیا ۔

انہوں نے کہا جو بھی پاکستانی اسرائیل کو تسلیم کرنے  کا خواہاں ہے وہی غدار پاکستان ہے انکے خلاف  غداری کا مقدمہ درج ہونا چاہے نیز انہوں نے گزشتہ ہفتے میں دوبارہ شیعہ نوجوانوں کو جبری لاپتہ کرنے اور بلاوجہ گھروں پر چھاپے کی سخت الفاظ میں مزمت کرتے ہوئے کہا چوبیس گھنٹے سے ذیادہ کسی کو لاپتہ رکھنا آئین پاکستان کی کھلم کھلا خلاف ورزی ہے، اگر کوئی مجرم ہے تو عدالت میں پیش کیاجائے ، ریلی میں  بڑی تعداد میں شرکاء نے شرکت کی۔

وحدت نیوز(جھل مگسی)مجلسِ وحدت مسلمین ضلع جھل مگسی بلوچستان کی جانب سے بسلسلہ شہادت حضرت امام جعفر صادق علیہ السلام مسجد اقصیٰ حسینی محلہ گنداواہ میں مجلس عزاء انعقاد ہوا جس سے MWMکے صوبائی جنرل سیکرٹری سہیل اکبر شیرازی نے خطاب کرتے ہوئے کہا کہ آئمہ اطہار کی زندگانی ہمارے لیے نمونہ حیات ہے خانوادہ رسالت ص کو اللہ تعالیٰ نے ہر ناپاکی سے منزہ وپاک رکھا ہے آئمہ اطہار  سرچشمہ علم وعمل ہیں خاندان نبوت ورسالت کے چھٹے تاجدار امام جعفر صادق علیہ السلام کی شخصیت نگاہ قدرت میں ایک دریائے علم کی سی ہے جس سے امت اسلامیہ کے تشنگان علم ومعرفت کو سیراب ہونا ہے۔

انہوں نے کہا کہ آپ  دینی ودنیاوی علوم کے سرچشمہ اور بحر علم ومظہر عجائب ہیں  آپ نے مدینہ منورہ میں دنیا اسلام کی سب سے بڑی یونیورسٹی کی بنیاد رکھی جس میں مختلف علوم کی تدریس فرمایا کرتے تھے جسں سے آپ کے  ہزاروں شاگردوں کسب فیض کیاکرتے تھے امام جعفر صادق ع اپنے افضل واکمل ہونے کی بنا پر اپنے پدر بزرگوار کے جانشین قرار پائے ظالم حکمران کی جانب سے آپ کئی بار زہر دیا گیا جس کی وجہ سے آپ کی شہادت واقع ہوئی۔

وحدت نیوز(گلگت)ایم ڈبلیوایم شعبہ خواتین گلگت کی جانب سے چار نئے یونٹس اور قرآن سینٹرز قیام مجلس وحدت مسلمین شعبہ خواتین گلگت کی صدر محترمہ بی بی سلیمہ اور نائب صدر محترمہ صائمہ شفیع نے تحصیل دنیور کا دورہ کیا جہاں انہوں نے چار قرآن سینٹرز اور یونٹس تشکیل دیے اس سلسلے دنیور کے علاقے بتری یونٹ کی یونٹ صدر محترمہ شاہین ، محمدیہ یونٹ کی صدر محترمہ شبانہ ، محمد آباد یونٹ کی صدر محترمہ صنم زہرا اور سید آباد یونٹ کی زدر محترمہ صائمہ منتخب ہوئیں اور انہی علاقوں میں باقاعدہ قرآن سینٹرز کا بھی آغاز کیا گیا اس موقع پر  تمام نو منتخب یونٹ صدور سے صوبائ نائب صدر محترمہ صائمہ شفیع نے حلف لیا۔

وحدت نیوز(پشاور)موجودہ حالات کسی صورت قابل قبول نہیں مہنگائی کا جن بوتل سے باہر آ گیا ہے حکومتی اشرافیہ نے اس وقت غریب عوام کے لیے دو وقت کی روٹی کا حصول بہت ہی مشکل کر دیا ہے مجلس وحدت مسلمین پاکستان صوبہ خیبر پختون خواہ کے جنرل سیکریٹری شبیر حسین ساجدی نے میڈیا سیل سے جاری ایک بیان میں کہا کہ الیکشن سے فرار آئین و قانون کی توہین ہے مجلس وحدت مسلمین پاکستان وطن عزیز کی آزاد خارجہ و داخلہ پالیسی اور داخلی استحکام وترقی کے لیے ہمیشہ آواز بلند کرتی رہی ہے پاکستان میں سیاسی بحران کے بعد معاشی بحران انتہائی سنگین ہوچکا ہے جس پر عالمی ادارے بھی رائے دے رہے ہیں لہذا بروقت اقدام لینا انتہائی ناگزیر ہے سپریم کورٹ کا احترام ملحوظ رکھا جائے تاکہ اس ادارے پر عوامی اعتماد میں اضافہ ہو ۔

انہوں نے کہا کہ ہم پاکستان کے مقبول سیاسی رہنما کی گرفتاری کے بعد پیدا شدہ حالات کو تشویش کی نگاہ سے دیکھتے ہیں جس میں حکومتی رٹ پر عملدرآمد کا نہ ہونا، مجرمانہ غفلت اور سازشی اقدامات کی طرف متوجہ ہونا چاہیے پاکستان کے عوام کی اکثریت امن عامہ کی بہتری اور معاشی ترقی کی خواہاں ہے ان اسباب کی فراہمی کو یقینی بنانا حکومت وقت کے فرائض منصبی میں شامل ہے۔

شبیر ساجدی نے کہا کہ صوبہ پنجاب اور خیبرپختونخواہ میں نگران حکومت کی معیاد ختم ہوچکی ہے جس کی وجہ سے ملک میں ایک نیا بحران پیدا ہونے والا ہےلہٰذا بروقت اقدامات کیے جائیں تاکہ صاف شفاف اور قابل قبول الیکشن ہو پائیں موجودہ پی ڈی ایم حکومت کی گزشتہ چند روز کی پریس کانفرنس غیظ و غضب ، اشتعال انگیز اور عدلیہ کی توہین پر مبنی تھیں جس سے حالات سنبھلے نہیں بلکہ عوام میں اور زیادہ بے چینی اور غم وغصہ نے جنم لیا ہے،جبکہ ہمیں قائداعظم اور علامہ اقبال کے نظریات پر قائم پاکستان کو محفوظ، مضبوط اور خود مختار بنانا ہے ابھی بھی حکومت کے پاس وقت ہے کہ وہ ہوش کے ناخن لے اور آئین پر عملدرآمد کرے اور بروقت الیکشن کروائے تو شاید معاشی مسائل بھی حل ہو جائیں۔

ان کا مزید کہنا تھا کہ ایک اہم نقطہ جس کی طرف میں آپ سب کی توجہ مرکوز کروانا چاہتا ہوں وہ سانحہ پارہ چنار کے حوالے سے ہے، ابھی تک اس واقعے میں ملوث قاتلوں کی گرفتاری عمل میں نہیں لائی جا سکی لہذا ہمارا پرزور مطالبہ ہے کہ اس سانحہ کے حوالے سے مجرمانہ غفلت کی مرتکب انتظامیہ کے خلاف کاروائی کی جائے اور جوڈیشل کمیشن بنا کر شفاف تحقیقات کے ذریعے سارے واقعے کے حقائق قوم کے سامنے لائے جائیں۔