وحدت نیوز (کراچی)  مجلس وحدت مسلمین کو اپنے سیاسی صفر کے آغاز میں کامیابی ملی، الیکشن کمیشن شفاف الیکشن کرانے میں ناکام رہا ۔موروثی سیاست اور وڈیرہ شاہی نے ملک کو کھوکھلا کر دیا ہے۔کراچی میں جاری ٹارگٹ کلنگ کی شدید مذمت کرتے ہیں۔ پاکستان تحریک انصاف شعبہ خواتین کی رکن زہرا حسین شاہد کے بیمانہ قتل کی پر مذمت کرتے ہیں، واقعہ ملوث دہشت گردوں کو گرفتار کیا جائے، ورثاء سے اظہار تعزیت اور کارکنان سے اظہار ہمدری کرتے ہیں ۔ان خیالات کا اظہار مجلس و حدت مسلمین کے ڈپٹی سیکر ٹری جنرل علامہ امین شہیدی نے وحدت ہاؤس کراچی میں جنرل باڈی اجلاس سے خطاب میں کیا۔

وحدت نیوز (لاہور)  مجلس وحدت مسلمین پاکستان کے مرکزی سیکرٹری سیاسیات سید ناصر عباس شیرازی نے کہا ہے کہ ہم نے میدان میں حاضر رہ کر کوشش کی ہے جو ہماری ذمہ داری تھی۔ ہمیں اس سے غرض نہیں کہ ہمیں صرف ایک سیٹ ہی ملی ہے، لیکن آج ہم مطمئن ہیں کہ ہم نے قوم کو ایک نئی راہ کی طرف گامزن کیا ہے۔ وہ قوم جس نے غلامی کے علاوہ کچھ سوچا ہی نہ تھا، آج وہ قدرت مند ہوچکی ہے۔

وحدت نیوز (لاہور) علامہ عبدالخالق اسدی کو مجلس وحدت مسلمین پنجاب کا دوبارہ سیکرٹری جنرل منتخب کر لیا گیا ہے۔ اس سلسلہ میں لاہور کے صوبائی سیکریٹریٹ میں دو روزہ صوبائی کنونشن منعقد ہوا، جس میں 30 سے زائد اضلاع کے نمائندوں نے شرکت کی۔ کنونشن کے آخری روز نئے سیکرٹری جنرل کا انتخاب عمل میں لایا گیا، جس میں علامہ عبدالخالق اسدی، علامہ احمد اقبال رضوی اور علامہ اظہر کاظمی کے نام بطور امیدوار پیش کئے گئے۔

الیکشن میں شاندار کارکردہ گی اور سیاسی عمل کے آغاز میں اہم کردار ادا کرنے پر ایم ڈبلیو ایم پنجاب کے اُمیدواروں کی حوصلہ افزائی کیلئے اسناد استقامت کی تقسیم
شعبہ سیاسیات کی جانب سے پنجاب بھر کے اُمیدواروں کے علاوہ لاہور، شیخوپورہ، قصور، فیصل آباد، جھنگ، مظفر گڑھ، ڈیرہ غازیخان، بھکر، سرگودھا، ٹوبہ ٹیک سنگھ، چکوال، اسلام آباد، راولپنڈی، جہلم اور گوجرانوالہ کے سیکرٹری جنرل، سیکرٹری سیاسیات اور مرکزی پولیٹیکل سیکرٹریٹ کے ممبران کو بھی اعزازی اسناد دی گئیں۔