وحدت نیوز (سکردو) مجلس وحدت مسلمین اور پاکستان تحریک انصاف حلقہ دو کے متفقہ امیدوار محمد کاظم میثم نے اپنے ایک جاری بیان میں کہا کہ گلگت بلتستان کو عبوری آئینی صوبے کی حیثیت دینے کا وزیراعظم پاکستان کی طرف سےاعلان محرومیوں کے خاتمے اور حقوق کی فراہمی کی طرف اہم قدم ہے۔ گلگت بلتستان کی محروم و محکوم عوام اور مجلس وحدت مسلمین کی قیادت کی جانب سے باربار مطالبے کو مدنظر رکھتے ہوئے وزیراعظم پاکستان کی طرف اس اہم فیصلے کے اعلان کا خیر مقدم کرتے ہیں اور توقع کرتے ہیں کہ اس فیصلے کو جلد عملی جامہ پہنایا جائیگا۔