وحدت نیوز(مظفرآباد) ’’مہدی برحق کانفرنس ‘‘ کے عنوان سے عظیم اجتماع 6اگست کو اسلام آباد میں ہو گا۔ ملک بھر کی طرح آزاد کشمیر سے بھی قافلے جوق در جوق شریک ہوں گے۔ شہید قائد علامہ عارف حسین الحسینی کی برسی کی مناسبت سے کانفرنس میں عاشقان ولایت کا ٹھاٹھیں مارتا سمندر اسلام آباد میں جمع ہو گا۔ ان خیالات کا اظہار ترجمان مجلس وحدت مسلمین آزاد جموں و کشمیر سید حمید حسین نقوی نے ریاستی دفتر سے جاری ایک بیان میں کیا ۔ انہوں نے کہا کہ شہید قائد علامہ عارف حسین الحسینی کی برسی کی مناسبت سے مہدی برحق کانفرنس اسلام آباد میں ہو گی ۔ 6اگست پریڈ گراؤنڈ اسلام آباد میں ہونے والی کانفرنس میں آزاد کشمیر بھر سے قافلے شرکت کریں کریں گے۔ ضلعی ہیڈ کوارٹرز سے قافلے اسلام آباد کے لیے روانہ ہوں گے ۔ مجلس وحدت مسلمین آزاد جموں و کشمیر نے رابطہ مہم شروع کر دی ۔ گھر گھر پیغام پہنچایا جائے گا۔ ملی تنظیمات اور شخصیات کو کانفرنس میں شرکت کی دعوت دی جائے گی ۔