وحدت نیوز (بلتستان ) مجلس وحدت مسلمین پاکستان بلتستان ڈویژن کے سیکریٹری جنرل علامہ سید علی رضوی نے عید الفطر کے موقع پر جامعہ مسجد امامیہ اسکردو کے خطیب اور بزرگ عالم دین علامہ شیخ محمد حسن جعفری سے ملاقات کی ۔ اس موقع پر آغا سید علی نے علامہ حسن جعفری کو عید الفطر کے پر مسرت موقع پر مبارک باد پیش کی اور ان کی خیریت دریافت کی۔

علامہ سید علی رضوی کا کہنا تھا کہ آپ بزرگ علماء کو وجود ہمارے لئے باعث برکت ہے ، اس ملک و ملت کو ہم جوان آپ بزرگان کی رہنمائی میں ہی نجات دلا سکتے ہیں ، بلتستان میں امن کا قیام ، بیرونی دشمنوں پرزمین تنگ کرنا اور علاقے میں بھائی چارے اور محبت کی فضاء قائم کر نا مجلس وحدت مسلمین کی اولین ترجیح ہے ،اس سلسلے میں ہمیں آپ کا تعاون بھی درکار ہے ۔

علامہ حسن جعفری نے آغا علی رضوی کی آمد پر انکا شکریہ ادا کیا اور اپنے بھر پور تعاون کا یقین بھی دلایا ۔