وحدت نیوز(سکردو) اپوزیشن لیڈر گلگت بلتستان اسمبلی و پارلیمانی لیڈرایم ڈبلیو ایم جی بی کاظم میثم نے ڈپٹی ڈائریکٹر ایجوکیشن سکردو لطیف بیگ محکمہ تعلیم کے ٹیکنیکل سیل کے ایس ڈی او تحصیلدار گمبہ سکردو اور پی آر او سلیم یاسر کے ہمراہ کواردو کا دورہ کیا۔ اس موقع پر گرلز ہائی سکول کے لیے مختص زمین کا جائزہ لیا۔ انہوں نے کہا کہ کواردو کے لیے گرلز ہائی سکول کا قیام بہت بڑا منصوبہ ہے اسکی توسیع بھی کی جائے گی۔
انہوں نے کہا کہ عوامی تحفظات فوراً دور کرکے آغا علی رضوی کے دست مبارک سے سنگ بنیاد رکھ کر کام کا آغاز کیا جائے گا۔ اس پر چھ کروڑ کی لاگت آئےگی۔انہوں نے یقین دہانی کرائی کہ کواردو روڈ پر کام کا آغازبھی جلد کرایا جائے گا۔ عمائدین و سرکردگان نے اپوزیشن لیڈر کا شکریہ ادا کیا۔