وحدت نیوز(سکردو)گندم سبسڈی کے معاملے پر غور کیلئے ڈپٹی کمشنر سکردو شہریار شیرازی اور ڈی پی او سکردو اسحاق حسین ایم ڈبلیو ایم سیکرٹریٹ پہنچ گئے جہاں انہوں نے صدر مجلس وحدت مسلمین گلگت بلتستان آغا علی رضوی اور انجمن تاجران سکردو کے صدر غلام حسین اطہر و دیگر رہنماؤں سے ملاقات کی۔ ملاقات میں حالیہ گندم ایشو سمیت دیگر ایشوز پر تبادلہ خیال کیا گیا۔ اس موقع پر ایکشن کمیٹی کے رہنماؤں نے گندم کے حوالے سے سروے پر تحفظات اور فوری گندم ایشو سمیت دیگر معاملات کو حل کرنے کا مطالبہ کیا۔