وحدت نیوز (شگر) صوبائی وزیر تعلیم راجہ اعظم خان اور مجلس وحدت مسلمین ضلع شگر کے رہنماؤں کے ساتھ شیخ اشرف شگری کی سربراہی میں وحدت آفس شگر میں ایک نشست کا اہتمام ہوا جس میں شگر کے تعمیر و ترقی کے مختلف مسائل پر گفتگو ھوئی جن میں شگر کیلئے کونسل میں ایک نشست کے حصول کیلئے کوشش کرنا کڑوس تھنگ روڈ کی بروقت تکمیل کیلئے کوشش اور تعلمی مسائل اور ساتھ باہمی رابطہ کو مضبوط کرنے کیلئے ایک مشاورتی کونسل کے قیام پر سیر حاصل گفتگو ھوئی۔ وزیر تعلیم راجہ اعظم صاحب نے بھی ان تمام مسائل کی حل کیلئے بھرپور کوشش کرنے کی یقین دھانی کے ساتھ خوشی کااظہار کیا اور آئندہ بھی اس قسم کی نشستوں کے انعقاد کو شگر کی تعمیر وترقی اور اتحاد واتفاق کیلئے ضروری قرار دیا۔