وحدت نیوز(سکردو) رہنما مجلس وحدت مسلمین اور وزیر زراعت گلگت بلتستان محمد کاظم میثم نے اپنے ایک بیان میں کہا کہ محمد علی سدپارہ قومی ہیرو ہیں وہ اور انکے ساتھیوں کی گمشدگی قومی سانحہ ہے۔ اس موقع پر قومی ہیرو کی بازیابی کے لیے وفاقی حکومت، پاک آرمی اور صوبائی حکومت تمام تر وسائل بروئے کار لارہی ہے۔ علی سدپارہ اور ساتھیوں کی بازیابی کے لیے ہر ممکن کوشش جاری ہے۔ علی سدپارہ کے بیٹے ساجد سدپارہ کے حوصلے کو داد دیتے ہیں انکے عزم و ارادے کے ٹو سے بھی بلند تھے۔
انہوں نے کہاکہ ساجد سدپارہ کے عزم و ہمت گلگت بلتستان کے جوانوں نمونہ عمل ہے۔ اس سانحے کو وزیراعلیٰ جی بی خود مانیٹر کرتے رہے ہیں۔ وزیراعلیٰ گلگت بلتستان کی طرف سے علی سدپارہ کی خدمات کو سراہنے اور خراج تحسین پیش کرنے کے لیے علی سدپارہ ماونٹیئرنگ انسٹیٹیوٹ کے قیام کا اعلان اہم اقدام ہے۔ اس ادارے کے قیام سے سیاحت اور ماونٹیئرنگ کے شعبے کو فروغ ملے گا۔ جہاں کوہ نوردی سیکھنے کے شوقین افراد کی تربیت کے مواقع ملے ہیں۔
انہوں نے مزید کہا کہ وزیراعلیٰ خالد خورشید سے گزارش کریں گے کہ گلگت بلتستان میں سب سے زیادہ ماونٹینئر بلتستان کا محروم علاقہ سدپارہ میں ہیں اور حسن سدپارہ نے بھی علی سدپارہ کی طرح پوری قوم کا نام روشن کیا تھا ان کے علاوہ بھی ذاکر سدپارہ ساجد سدپارہ اور دیگر درجنوں ماونٹینئرز سدپارہ میں ہے۔ سدپارہ کے ہیروز کو خراج تحسین پیش کرنے کے لیے علی سدپارہ ماونٹیئرنگ انسٹیٹیوٹ سدپارہ میں ہی قائم کیا جائے۔