وحدت نیوز(شگر) مجلس وحدت مسلمین گلگت بلتستان کے سیکرٹری جنرل آغا علی رضوی نے ایک وفد کے ہمراہ ڈپٹی کمشنر شگر سے ملاقات کی۔ ملاقات میں علاقائی صورتحال پر تبادلہ خیال کیا گیا۔
ایم ڈبلیو ایم کے وفد نے شگر کے مختلف مسائل سے ڈپٹی کمشنر کو آگاہ کیا اور ہنگامی بنیادوں پر مسائل کے حل کیلئے اقدامات اٹھانے کی تاکید کی۔
اس موقع پر ڈی سی شگر نے ایم ڈبلیو ایم کے وفد کو مسائل مل کر حل کرنے کی یقین دہانی کرائی۔ وحدت مسلمین کے وفد میں ضلعی سیکرٹری جنرل شیخ اشرف شگری، شیخ زکاوت، اخوند ظہیر، ایڈووکیٹ عقیل احمد و دیگر رہنما شامل تھے۔