وحدت نیوز(سندوس)رہنما مجلس وحدت مسلمین گلگت بلتستان و صوبائی وزیر زراعت کاظم میثم کی انتخابات میں کامیابی اور منسٹر ایگریکلچر کے قلمدان سنبھالنے کے بعد اظہار تشکر کے لئے سندوس آمد۔عمائدین،زعماء و سرکردگان علاقہ سے ملاقات کیا۔
اس موقع پر عمائدین سے خطاب کرتے ہوئے معروف قلمکار،معروف سماجی رہنما حسن حسرت نے کہا کہ ہم نے انتخابات میں مجلس وحدت مسلمین کے ساتھ اعلیٰ اقدار کی حصول کے لئے دیا تھا کیونکہ یہ جماعت محروموں، مظلوموں کی جماعت اور محروموں کی آواز ہے اور ہم اپنی پوری وجود کے ساتھ اس جماعت کے ساتھ کھڑے ہیں۔
انہوں نے مزید کہا کہ عدل انصاف کی بالادستی،میرٹ کی بالادستی کے لئے،کرپشن،اقربا پروری کے خاتمے کے لئے،خطے کی تعمیر و ترقی کے لئے اس جماعت کے ساتھ الیکشن میں بھی ساتھ دیا تھا اور آئندہ بھی ساتھ دیتے رہیں گے۔
عمائدین علاقہ سے خطاب کرتے ہوئے منسٹر ایگریکلچر کاظم میثم نے انتخابات میں بھرپور تعاون کرنے پر خصوصی شکریہ ادا کیا اور کہا کہ یقیناً عوام کے تعاون سے کامیابی ملی ہے اور یہ وزارت عوام نے مجھے دی ہے۔اصل مبارکبادی کے حقدار عوام، کارکنان اور جوانان ہیں جنہوں نے سرفرازی سے نوازا۔
انہوں نے مزید کہا کہ یہ کامیابی لطف خداوندی کے بعد عوام کے زحمتوں کا نتیجہ ہے اور انشاء اللہ عوامی حقوق پر کسی کو کبھی شب خون مارنے نہیں دیں گے اور خطے کی تعمیر و ترقی کے لیے تمام تر توانائیاں صرف کریں گے۔آخر میں عمائدین سندوس کی جانب سے کیک کاٹا گیا۔