وحدت نیوز(گلگت) پاکستان تحریک انصاف کے رہنمااور نومنتخب صوبائی وزراءراجہ زکریا مقپون اور سہیل عباس شاہ کی تقریب حلف کےبعدمبارک باد پیش کرنےکیلئے مجلس وحدت مسلمین کے صوبائی سیکریٹریٹ آمد کے موقع پر گفتگو کرتے ہوئے ایم ڈبلیوایم گلگت بلتستان کے صوبائی ڈپٹی سیکریٹری جنرل علامہ شیخ نیئرعباس نے کہاکہ سابقہ حکمران جب کرپشن، اقربا پروری اور لوٹ مار کے ذریعے پاکستان کو کھوکھلا کررہے تھے تب ہم نے تحریک انصاف کا ساتھ دیتے ہوئے قیام کیا۔
انہوںنے مزید کہاکہ سید جعفر شاہ مرحوم جس ویژن کیساتھ گلگت بلتستان کی سیاست کو لیکر چل رہے تھے ہم آج ان کی راہ پر کاربند ہیں۔سید سہیل عباس کی صورت میں ہمارے پاس جعفر شاہ کی مشن کو آگے لیکر چلنے والے تازہ دم نوجوان سیاست دان موجود ہیں جن سے ہماری امیدیں وابستہ ہیں۔
پی ٹی آئی کے نومنتخب وزراء راجہ زکریا مقپون اور سہیل عباس شاہ نے ایم ڈبلیوایم کے اراکین کی کامیابی پر مبارک پیش کی اور گلگت بلتستان کے محروم ومحکوم عوام کے بہتر مستقبل کے لئے مل کر جدوجہد کرنے کا عزم کیا۔ انہوں نے کہاکہ گلگت بلتستان کی ترقی کیلئے اپنی تمام تر صلاحیتوں کو بروئے کار لائیں گے۔ صوبائی کی سیاست میں ایم ڈبلیوایم نے اہم کردارادا کیاہے ۔
تقریب کے آخر میں مرحوم سید جعفرشاہ کے ایصال ثواب کیلئے فاتحہ خوانی بھی کی گئی ۔اس موقع پر ایم ڈبلیوایم کے صوبائی وزیر زراعت کاظم میثم، رکن اسمبلی شیخ اکبر رجائی ، علامہ شیخ نیئرعباس، ،وزیر اعلیٰ کے معاون خصوصی الیاس صدیقی، غلام عباس ویگر رہنما بھی موجود تھے ۔