وحدت نیوز(کوئٹہ) مجلس وحدت مسلمین کے ممبر بلوچستان اسمبلی سید محمد رضا رضوی کی کوششوں سے بلا آخر حکومت نے تفتان بارڈر میں پھنسے ہوئے 300 سے زائد زائرین کو دو C130 طیاروں کے ذریعے دالبندین ائیر بیس سے کوئٹہ ائیر پورٹ پہنچا دیا۔ یاد رہے کہ اس سے قبل بھی آغا رضا کی کوششوں سے مورخہ 24 جنوری 2014 کو 155 زائرین کو C130 طیارےکے ذریعے کوئٹہ ائیر پورٹ پہنچایا گیا تھا۔ایم پی اے سید محمد رضا رضوی بذات خود کوئٹہ ایئر پورٹ پر زائرین کرام کے استقبال کے لئے موجو دتھے ، سید محمد رضا نے زائرین کو گلے لگا کر خوش آمدید کہا۔