قائد شہید کا مشن الہی، علوی و قرآنی مشن تھا، علامہ سبطین حسینی

06 اگست 2015

وحدت نیوز(پشاور) فرزندان شہید قائد اپنے حقیقی محبوب، ہر دلعزیز اور فقیہ قائد کی یاد میں 9 اگست کو اسلام آباد میں جمع ہوں گے اور اپنے شہید قائد کو خراج عقیدت پیش کریں گے، ستائیس سال گزرنے کے باوجود بھی شہید قائد ہمارے دلوں میں زندہ ہیں، ان کے افکار و مشن زندہ ہے، ان خیالات کا اظہار سیکرٹری جنرل مجلس وحدت مسلمین خیبر پی کے علامہ سید محمد سبطین حسین الحسینی نے اوکرزئی ایجنسی، ضلع ہنگو، ضلع کوہاٹ اور ضلع پشاور کے دورہ کے دوران علماء، عمائدین اور تنظیمی کارکنان سے ملاقات میں کیا۔ اس موقع پر انہیں برسی شہید قائد میں شرکت کی دعوت دی گئی۔

علامہ سبطین حسینی نے کہا کہ شہید قائد کی یادیں زندہ ہیں، شہید کا مشن جو ایک الہی، علوی و قرآنی مشن تھا، وہ جاری رہے گا، اور مجلس وحدت مسلمین کے پلیٹ فارم سےشہید قائد کے ان خوابوں کو پایہ تکمیل تک پہنچایا جائے گا، جو شہید نے ملت کی سربلندی کے لئے دیکھے تھے۔ اور جس کے لئے شہید قائد نے چار سالہ عملی جدوجہد کی، دشمنوں نے عالم جوانی یعنی بیالیس سال کی عمر میں ہی شہید قائد کو ہم سے چھینا ، لیکن دشمن کو معلوم نہ تھا کہ ان کا جسم تو ہم سے چھینا جاسکتا ہے، لیکن ان روح، ان کی فکر اور ان کی یادوں کو ملت تشیع کے دلوں سے اور ملت اسلامیان پاکستان کے دلوں سے کوئی نکال نہیں سکتا، انشاء اللہ خیبرپختونخوا کے عوام شہید قائد کی برسی میں بھرپور انداز میں شریک ہوں گے، اور اپنے عظیم قائد کو خراج عقیدت پیش کریں گے، اور شہید قائد کے خون کے ساتھ دوبارہ تجدید عہد ہوگا۔ علامہ سبطین حسینی نے دورہ کے دوران اورکزئی ایجنسی میں فریقین کے مابین مسائل کے خاتمہ کے لئے بھی کوشش کی گئی۔



اپنی رائے دیں



مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree