وحدت نیوز (پشاور) مجلس وحدت مسلمین پاکستان صوبہ خیبر پختونخوا کی جانب سے بھی سانحہ پاراچنار کی پرزور مذمت کرتے ہوئے دہشت گردوں کے ساتھ آہنی ہاتھوں نمٹنے کا مطالبہ کیا گیا ہے۔ جاری بیان میں ترجمان ایم ڈبلیو ایم صوبہ خیبر پختونخوا نے کہا ہے کہ دلخراش واقع کی جس قدر مذمت کی جائے کم ہے۔ ہمارے سیکیورٹی ادارے جب تک کالعدم جماعتوں پر صحیح طریقے سے ہاتھ نہیں ڈالتے یہ سلسلہ جاری رہے گا۔ دہشت گردوں کے خلاف جاری آپریشن ضرب عضب، خیبر ون اور ٹو میں کامیابی تب ہی ممکن ہے جب شہری علاقوں میں چھپے دہشت گردوں کے نیٹ ورک کو توڑا جائے گا۔ سانحہ پارا چنار علاقہ میں موجود سیکیورٹی اداروں کی کارکردگی پر سوالیہ نشان ہے۔