وحدت نیوز ( بدین) ملک بھر کی طرح بدین کی تحصیل ماتلی میں بھی رہبر کبیر امام خمینی (ر ہ) کے فرمان پر آزادی القدس ریلی نکالی گئی، مجلس وحدت مسلمین ضلع بدین یونٹ ماتلی کے زیر اہتمام بعد نماز جمعہ نکالی گئی جو کہ مرکزی بازار میں جا کر جلسہ کی صورت میں اختتام پذیر ہو ئی، شرکاء ریلی سے مولانا غلام شبیر قانیو، مولانا عابد علی فیضی او ر مولانا نقی حیدری نے خطاب کیا ۔ اس موقع پر بڑی تعداد میں مرد ، بزرگ اور بچے ریلی میں شریک تھے ،شرکاء ریلی نے ہاتھوں میں بینرز اور پلے کارڈز اٹھا رکھے تھے جن پر امریکہ اور اسرائیل مردہ باد ، اور القدس لنا کے نعرے درج تھے۔