وحدت نیوز(کراچی) مجلس وحدت مسلمین کراچی ڈویژن کے سیکریٹری جنرل علامہ صادق جعفری نےمیڈیاسیل سے جاری اپنے بیان میں اورنگی ٹاؤن میں وجاہت عباس کی ٹارگٹ کلنگ کی مذمت کرتے ہوئے کہاکہ شہر قائد میں ایک بار پھر ٹارگٹ کلنگ کا دور شروع ہوتا نظر آرہا ہے،وجاہت عباس معروف مذہبی شخصیت عمران شاہ بانی جلوس اونگی ٹاون کے بیٹے اور ایم ڈبلیوایم ضلع ملتان کے پولیٹیکل سیکریٹری حسنین کربلائی کے کزن ہیں، انہوںنے مزیدکہاکہ گزشتہ دو روز میں دہشتگردی کے واقعات قانون نافذ کرنے والے اداروں کی کارکردگی پر سوالیہ نشان ہیں،وجاہت عباس کے قاتلوں کی فوری گرفتاری کا مطالبہ کرتے ہیں۔