وحدت نیوز(لاہور)مجلس وحدت مسلمین پاکستان ضلع لاہور کی ماہانہ میٹنگ صوبائی سیکرٹریٹ شادمان لاہور میں منعقد ہوئی جس میں لاہور کابینہ کے معزز اراکین نے شرکت کی ، قومی وتنظیمی ایشوز پر تفصیلی بریفنگ دی گئی ۔ اس میٹنگ جناب سید اسد عباس نقوی مرکزی سیکرٹری سیاسیات مجلس وحدت مسلمین، صوبائی سیکرٹری سیاسیات جناب سید آغا حسین زیدی ، اسپیشل سیکرٹری برائے امور عزاداری پنجاب جناب سید خرم عباس نقوی نے خصوصی طور پر شرکت کی ۔
لاہور کابینہ اس اہم میٹنگ میں کئی اہم فیصلے کیے گئے اور مختلف شعبوں کی کارکردگی کو سراہا گیا ۔ محرم الحرام اور مجالس عزاء میں عزاداران امام عالی مقام کو درپیش مسائل کا بغور جائزہ لیا گیا ۔ عزاداری کونسل کی کاوشوں کو بھی سراہا گیا ۔
خرم نقوی اور سید فخر حسنین کے محرم الحرام اور مجالس عزاء کے حوالے سے کردار کو خصوصی طور پر سراہا گیا ۔ لاہور کی موجودہ ٹیم کی کارکردگی کو سید اسد عباس نقوی مرکزی سیکرٹری سیاسیات نے سراہا اور شکریہ ادا کیا ۔سید اسد عباس نقوی نے ضلع لاہور کی ضلعی کابینہ کے معزز اراکین اور ٹاونز کے محترم صدور اور ضلعی صدر جناب مرزا نجم خان صاحب کے اقدامات اور کاوشوں کو بہت سراہا اور ان کی کارکردگی پر اطمینان کا اظہار کیا اور کہا کہ اسی طرح آپس میں ہم آہنگی کے ساتھ آگے بڑھتے رہیں ۔ اللہ تعالی ہم سب کا حامی وناصر رہے گا ۔ ان شاءاللہ۔