وحدت نیوز (جہلم) مجلس وحدت مسلمین ضلع جہلم  کی شوریٰ کا  اجلاس صوبائی سیکریٹری تنظیم سازی مولانا سید نیاز حسین بخاری کی زیر صدارت منعقد ہوا، جس میں سابق سیکریٹری جنرل آغا حیدر زیدی نے اپنی تنظیمی مدت کے اختتام پر اپنی کابینہ کے ہمراہ استعفیٰ دیا بعد ازاں اراکین شوریٰ نے کثرت رائے سے سید وسیم حیدر جعفری کوایم ڈبلیوایم ضلع جہلم کا آئندہ تین سال کیلئے سیکریٹری جنرل منتخب کرلیا، نو منتخب سیکریٹری جنرل سید وسیم حیدر جعفری سے صوبائی سیکریٹری تنظیم سازی مولانا سید نیاز حسین بخاری  نے حلف لیا،اجلاس میں ضلع جہلم کے تمام یونٹس سمیت ضلعی کابینہ  کے اراکین نے شرکت کی،اس موقع پرمرکزی سیکریٹری روابط ملک اقرار حسین نے شرکاء اجلاس سے خصوصی خطاب بھی کیا۔